Архив
844   845   846   847   848   849   850   851   852   853   854   855   856   857   858   859   860   861   862   863   864   865   866   867  
792   793   794   795   796   797   798   799   800   801   802   803   804   805   806   807   808   809   810   811   812   813   814   815   816   817   818   819   820   821   822   823   824   825   826   827   828   829   830   831   832   833   834   835   836   837   838   839   840   841   842   843  
740   741   742   743   744   745   746   747   748   749   750   751   752   753   754   755   756   757   758   759   760   761   762   763   764   765   766   767   768   769   770   771   772   773   774   775   776   777   778   779   780   781   782   783   784   785   786   787   788   789   790   791  
687   688   689   690   691   692   693   694   695   696   697   698   699   700   701   702   703   704   705   706   707   708   709   710   711   712   713   714   715   716   717   718   719   720   721   722   723   724   725   726   727   728   729   730   731   732   733   734   735   736   737   738   739  
635   636   637   638   639   640   641   642   643   644   645   646   647   648   649   650   651   652   653   654   655   656   657   658   659   660   661   662   663   664   665   666   667   668   669   670   671   672   673   674   675   676   677   678   679   680   681   682   683   684   685   686  
583   584   585   586   587   588   589   590   591   592   593   594   595   596   597   598   599   600   601   602   603   604   605   606   607   608   609   610   611   612   613   614   615   616   617   618   619   620   621   622   623   624   625   626   627   628   629   630   631   632   633   634  
531   532   533   534   535   536   537   538   539   540   541   542   543   544   545   546   547   548   549   550   551   552   553   554   555   556   557   558   559   560   561   562   563   564   565   566   567   568   569   570   571   572   573   574   575   576   577   578   579   580   581   582  
479   480   481   482   483   484   485   486   487   488   489   490   491   492   493   494   495   496   497   498   499   500   501   502   503   504   505   506   507   508   509   510   511   512   513   514   515   516   517   518   519   520   521   522   523   524   525   526   527   528   529   530  
427   428   429   430   431   432   433   434   435   436   437   438   439   440   441   442   443   444   445   446   447   448   449   450   451   452   453   454   455   456   457   458   459   460   461   462   463   464   465   466   467   468   469   470   471   472   473   474   475   476   477   478  
374   375   376   377   378   379   380   381   382   383   384   385   386   387   388   389   390   391   392   393   394   395   396   397   398   399   400   401   402   403   404   405   406   407   408   409   410   411   412   413   414   415   416   417   418   419   420   421   422   423   424   425   426  
322   323   324   325   326   327   328   329   330   331   332   333   334   335   336   337   338   339   340   341   342   343   344   345   346   347   348   349   350   351   352   353   354   355   356   357   358   359   360   361   362   363   364   365   366   367   368   369   370   371   372   373  
264   265   266   267   268   269   270   271   272   273   274   275   276   277   278   279   280   281   282   283   284   285   286   287   288   289   290   291   292   293   294   295   296   297   298   299   300   301   302   303   304   305   306   307   308   309   310   311   312   313   314   315   316   317   318   319   320   321  
217   218   219   220   221   222   223   224   225   226   227   228   229   230   231   232   233   234   235   236   237   238   239   240   241   242   243   244   245   246   247   248   249   250   251   252   253   254   255   256   257   258   259   260   261   262   263  
176   180   181   182   183   184   185   186   187   188   189   190   191   192   193   194   195   196   197   198   199   200   201   202   203   204   205   206   207   208   209   210   211   212   213   214   215   216  
Популярдуу макалалар

Самат Качкынов, "Апрель" телеканалынын башкы редактору: «КАНАЛДЫН КОЖОЮНУ МААЛЫМАТТЫК САЯСАТКА КИЙЛИГИШПЕЙТ»

№857 4-10-апрель, 2019-жыл


2018-жылдын 2-апрель күнү Кыргыз өлкөсүнүн аймагында «Апрель» деген ат менен жаңы телеканал өз ишин баштаган. Маалыматты көрөрманга ыңгайлуу форматта, жеңил чымчып, сын-мазагы аралаш берүү менен канал аз убакыт аралыгында өлкөдөгү алдыңкылардын катарына чыга алды. Бул каналдын башкы редактору, журналист Самат Качкынов менен каналдын ийгилиги, максаттары тууралуу баарлаштык.

– Самат мырза, телеканалдын туулган күнү менен куттуктайбыз. Учурда биздин өлкөдө 50дөн ашык телеканал бар. 1 жыл ичинде 60 жылдык тарыхы бар канал менен тең тайлашып, алдыңкы ММКлардын катарын толуктай алдыңыздар. Бул ийгиликтин сыры эмнеде?

– Чоң рахмат. Аты чыгып калган каналдар менен тең тайлашып калдыңар деп айтып жатканыңыздарга кубанычтабыз. Ийгиликтин сыры – биз өзүбүздүн жумушубузду берилгендик менен так аткарып жаткандыгыбызда деп ойлойм. Башка каналдардан артык болуп кеттик дегенден алысмын. Өзүңүз белгилеп кеткендей 50дөн ашык канал болсо, биз алардын баары менен тең тайлашууга мажбурбуз. Экономикадабы, саясаттабы, бизнестеби, бардык эле жерде атаандаштык керек. Тең тайлашмайынча эч нерсе өнүкпөйт.

Биз теле жаатына башкача көз караш киргизгибиз келет. Мисалы, ошол эле жаңылыктарды алсак, репортаждарды өзгөчө кылууга аракет кылабыз. Долбоорлордо дагы мурда калыптанып калган шаблондордон чыгууга аракет жасайбыз. Ошондой эле алпаруучулар эфирде өздөрүн эркин сезишет.

Көптөр бизди оппозициялык маанайдагы каналсыңар, бир жакты эле шыбай бересиңер деп айтат. Жок, биз эч качан жалаа жаап, жалган айтпайбыз. Болгонун болгондой көргөзүп, эки тарапты тең чагылдырууга аракет кылабыз. Бирөөнүн эле камчысын чаба бергендерден эмеспиз.

– Телеканал өз ишин баштаганына 1 жыл болду. Бул кыска убакыт ичинде кандай жетишкендиктер болду?

– 1 жылда көп нерсеге жетиштик деп айтуу кыйын. Ошентсе дагы «Апрель» деп жер-жерлерде биздин телеканалды эл таанып калды. Бул биздин команда үчүн сыймык. Ошол эле учурда биз чоң жетишкендикке жеттик деп айтуудан алысмын. Образдуу алып караганда биздин канал
1 жаштагы кичинекей бала.

– Алдыга кандай пландарды, максаттарды коюп жатасыздар?

– Буюрса, келечекке пландар көп. Бийликке ыксыз каналсыңар деп жаап койбосо эле. Азыр биз чакан эле кичинекей каналбыз, келечекте телеканалды кеңейтели деген ойлорубуз бар. Мамлекеттик телеканалдардай миллиондогон бюджетибиз жок, миңдеген кызматкерлерибиз жок. Болгону 60-70 киши иштейбиз. Биринчиден, бийлик тараптан тоскоолдуктар болбосо. Экинчиден, телеканалдар жарнама аркылуу жан багат эмеспи, андыктан мамлекет теле жаатындагы жарнама саясатын жөнгө салып берсе, атаандашып өнүгүүгө даярбыз.

– Саясатчылардын ММКларды сотко беришин туура деп ойлойсузбу?

– Саясатчылардын биздин каналды сотко берүүсү бул мыйзам ченемдүү көрүнүш. Көптөр «ММК маалымат чыгардыбы, ага жооп бериш керек» деп ойлойт. Туура, жооп бериш керек. Бирок ошол эле учурда маалыматты айтып жаткан адамдарда да жоопкерчилик болушу керек. Көп учурда «бул канал минтип айтты, тигил гезит минтип жазды» деп коёт. Ал эми журналист жөндөн жөн ал маалыматты жаза бербейт, анын таянган маалымат булагы болот. Ошондуктан булактын да жоопкерчилиги каралса туура болмок.

– Саясатчылар Азимбек Бекназаров, Ахматбек Келдибеков жана Кеңешбек Дүйшөбаев «Апрель» телеканалын сотко берип, ар бири 3 миллион сомдон талап кылып жатышат. Азыркы учурда сот процесси кандай жүрүп жатат?

– Бизди кызыктырган бир суроо бар. Ушул үч саясатчы кадыр-баркын эмнеге таянуу менен 3 миллион деп өлчөп, ушул сумманы бизден талап кылып жатат? Кайсы өлчөмдөр менен өлчөндү, бул чоң суроо. Жеке биздин канал тууралуу айтсак, биз интервьюну бердик, биз эч нерсени бурмалаган жокпуз, болгонун болгондой көрсөттүк. Мисалы, ошол эле Бекназаров биздин «Кеп көөрүк» деген программабызга келип конок болгон. Анда саясатчы өзүнүн саясий көз карашын айткан. Биздин эфирге көптөгөн саясатчылар келет. Алардын айткандарынын бардыгын эле чыгарып салдыңар деп соттой берсе, ал жагы кандай болуп калат, түшүнүксүз.

– Эгер сот саясатчылардын доо арызын туура деп эсептеп, телеканал алар талап кылган сумманы төлөш керек деп чечим чыгарса, төлөөгө каналдын кудурети жетеби. Же жабылып калуу коркунучу да барбы?

– Жабылып калабыз дегенден алысмын. Мыйзамды сыйлаган каналбыз, соттун өкүмү кандай болсо аны аткарууга даярбыз.

Ошол эле учурда айтылган сумманы мына деп төлөп бергенге мүмкүнчүлүгүбүз жок. Көптөр «Апрель» каналында миллиондогон акчалар бар деп ойлошот, кээде «Апрелге» камаздап акчалар келет экен» деген тамаша сөздөрдү да угуп калам. Андай эмес, биздин бюджет чектелүү. Аз да болсо өзүбүз акча тапканга аракет кылып жатабыз. Эми эмне болорун сот чечет.

– Апрель телеканалы күчтүү журналисттерди башка каналдардан тартып кетти деген кептер айтылып жүрөт. Сиздин да кулагыңыз чалды беле?

– Канал ачылар алдында биз көптөгөн журналисттер менен сүйлөшүп, өзүбүздүн катарга чакырганбыз. Кээ бирлер «журналисттерди акча менен сатып алды» деп айтышат. Бирок алар терең жаңылышат. Журналисттер акча үчүн эмес, эң негизгиси идеянын артынан келип, биздин командага кошулушкан. Ушул күнгө чейин бирөөнүн дагы «бул каналга келгениме өкүндүм» дегенин уга элекмин.

Ар бир ММКнын өзүнүн кожоюну бар, ошол эле мамлекеттик маалымат каражатынын дагы. Бул дагы бир кишиге таандык канал. Бирок эң жакшы жери, баса белгилеп кетейин, каналдын жетекчилиги маалыматтык саясатыбызга кийлигишпейт. Башкы редактор болуп иштегениме 1 жыл болду. Ушул убакытка чейин бизге «муну мындай кыласыңар» деген көрсөтмө болгон эмес. Албетте, бул сөздөргө көпчүлүк ишенбейт. Бирок бул чындык. Ошол эркиндиктен улам көпчүлүк журналисттер биздин каналда эмгектенип келишет.

– Иштериңиздерге ийгилик, чыгармачылык эргүү каалайбыз.

Кубан Жумамидинов
koom@super.kg



"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.

Рейтинг: Рейтинг  2 
Комментарийлер(4)
08.04.2019. 19:40 
Тайпасы:
Жаран
Комментарийлердин саны:
13
Катталган:
23-08-2011
Соӊку аракети:
18-06-2019 17:34
Жынысы:
Белгисиз
Калаасы:
Biwkek
+2
Ошондо бул канал Атамбаевдики эмеспи??
08.04.2019. 22:59 
Тайпасы:
Жаран
Комментарийлердин саны:
44
Катталган:
04-12-2018
Соӊку аракети:
17-06-2019 03:13
Жынысы:
Белгисиз
Калаасы:
Москва
+1
Апрель каналын Атамбаевдики болгону учун корбойм.
11.04.2019. 00:19 
Тайпасы:
Жаран
Комментарийлердин саны:
50
Катталган:
02-12-2018
Соӊку аракети:
17-06-2019 23:48
Жынысы:
Белгисиз
-2
Туура айтат
14.04.2019. 09:45 
Тайпасы:
Жаран
Комментарийлердин саны:
391
Катталган:
29-06-2016
Соӊку аракети:
18-06-2019 11:17
Жынысы:
Белгисиз
+1
Кожоюуну ким болсо ошого баш ийет. Корсотмо бербейт деп караандай калп суйлоп беттери бир булк этпейт. Ээси ким болсо ошонун арыгын чаап,созун суйлоп ак десе ак,кара десе кара дейт да. Анын созун суйлобосонор баарынарды жамбашка тээп айдайт. Кооз создорунор менен карапайым элди алдаганынарды токтоткулачы. Кара курсак акча учун бироонун созун суйлоп маскарапоз болбой.
1
Комментарий калтыруу үчүн өз ысымыңыз менен кириңиз же каттоодон өтүңүз.
 
Бөлүмдүн статистикасы
соңку 15 мүнөт ичинде 0 колдонуучу (Катталган: 0, коноктор: 0) бул макаланы окуду:

Макалалардын саны:
22422;
 
Маалымат-маанайшат порталы
2006-2019 © SUPER.KG
Кыргыз Республикасы, Бишкек шаары,
Жибек Жолу проспектиси 381
"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.
Рейтинг@Mail.ru
Биз социалдык тармактарда: