Архив
844   845   846   847   848   849   850   851   852   853   854   855   856   857   858   859   860   861   862   863  
792   793   794   795   796   797   798   799   800   801   802   803   804   805   806   807   808   809   810   811   812   813   814   815   816   817   818   819   820   821   822   823   824   825   826   827   828   829   830   831   832   833   834   835   836   837   838   839   840   841   842   843  
740   741   742   743   744   745   746   747   748   749   750   751   752   753   754   755   756   757   758   759   760   761   762   763   764   765   766   767   768   769   770   771   772   773   774   775   776   777   778   779   780   781   782   783   784   785   786   787   788   789   790   791  
687   688   689   690   691   692   693   694   695   696   697   698   699   700   701   702   703   704   705   706   707   708   709   710   711   712   713   714   715   716   717   718   719   720   721   722   723   724   725   726   727   728   729   730   731   732   733   734   735   736   737   738   739  
635   636   637   638   639   640   641   642   643   644   645   646   647   648   649   650   651   652   653   654   655   656   657   658   659   660   661   662   663   664   665   666   667   668   669   670   671   672   673   674   675   676   677   678   679   680   681   682   683   684   685   686  
583   584   585   586   587   588   589   590   591   592   593   594   595   596   597   598   599   600   601   602   603   604   605   606   607   608   609   610   611   612   613   614   615   616   617   618   619   620   621   622   623   624   625   626   627   628   629   630   631   632   633   634  
531   532   533   534   535   536   537   538   539   540   541   542   543   544   545   546   547   548   549   550   551   552   553   554   555   556   557   558   559   560   561   562   563   564   565   566   567   568   569   570   571   572   573   574   575   576   577   578   579   580   581   582  
479   480   481   482   483   484   485   486   487   488   489   490   491   492   493   494   495   496   497   498   499   500   501   502   503   504   505   506   507   508   509   510   511   512   513   514   515   516   517   518   519   520   521   522   523   524   525   526   527   528   529   530  
427   428   429   430   431   432   433   434   435   436   437   438   439   440   441   442   443   444   445   446   447   448   449   450   451   452   453   454   455   456   457   458   459   460   461   462   463   464   465   466   467   468   469   470   471   472   473   474   475   476   477   478  
374   375   376   377   378   379   380   381   382   383   384   385   386   387   388   389   390   391   392   393   394   395   396   397   398   399   400   401   402   403   404   405   406   407   408   409   410   411   412   413   414   415   416   417   418   419   420   421   422   423   424   425   426  
322   323   324   325   326   327   328   329   330   331   332   333   334   335   336   337   338   339   340   341   342   343   344   345   346   347   348   349   350   351   352   353   354   355   356   357   358   359   360   361   362   363   364   365   366   367   368   369   370   371   372   373  
264   265   266   267   268   269   270   271   272   273   274   275   276   277   278   279   280   281   282   283   284   285   286   287   288   289   290   291   292   293   294   295   296   297   298   299   300   301   302   303   304   305   306   307   308   309   310   311   312   313   314   315   316   317   318   319   320   321  
217   218   219   220   221   222   223   224   225   226   227   228   229   230   231   232   233   234   235   236   237   238   239   240   241   242   243   244   245   246   247   248   249   250   251   252   253   254   255   256   257   258   259   260   261   262   263  
176   180   181   182   183   184   185   186   187   188   189   190   191   192   193   194   195   196   197   198   199   200   201   202   203   204   205   206   207   208   209   210   211   212   213   214   215   216  
Популярдуу макалалар

СУУНУН КАСИЕТИ ЖЕ СУЮК КЕРЕМЕТ

№857 4-10-апрель, 2019-жыл


Суу – жашоонун азыгы. Ал жуунганга, ичкенге, тамак-аш жасоого, кир жууганга, ал тургай унаа үчүн да керек. Суусуз өсүмдүктөр да өспөйт, адам да, жаныбарлар да жашабайт. Суунун биз билбеген дагы кандай касиеттери бар?

“СУУ МААЛЫМАТТАРДЫ ӨЗҮНДӨ ЖАЗЫП, САКТАЙТ”

Япониялык изилдөөчү Масару Эмото узак жылдар бою суунун касиеттерин изилдеген.

Масару суу – адамдардын ойлорун, эмоцияларын жана сырткы маалыматтарды (музыка, сыйынуу, сүйлөшүү, окуялар жана башка) сиңирип алып, аны сактап, аларды кайра чагылдырып берүүгө жөндөмдүү деп эсептеп жана муну көптөгөн эксперименттери менен далилдеп бергиси келген.

Масару эксперименттеринде лабораториялык идиштерге ар жактан алынып келинген суулардын 1 тамчысын –20 градустагы тоңдургучта 3 саат тоңдурган. Жыйынтыгында диаметри 1 миллиметрге жеткен муз кристаллы жаралган. Аларды 200-500 эсе чоңойтуп, ар башка суу ар түрдүү кристалл түрүндө тоңгонун көргөн. Кээ бирлеринин муз кристаллдары бүтүн, кээ бирлериники жарым, айрымдарында муз кристаллы жаралган эмес. Мисалы, суу түтүгүнөн алынган сууга хлор кошулгандыктан аны тоңдурганда муз кристаллы бүтүн болгон эмес. Булактан, жер алдынан, мөңгүдөн дарыядан алынган суу кристаллы бүтүн жана сулуу болуп тоңгон.

Идиштеги сууну столго коюп, музыка коюп көрүшкөн. Бетховендин музыкасынан, Моцарттын 40-симфониясынан кийин кооз кристаллдар жаралган. Кыскасы, классикалык музыкалардан кооз, туура формадагы, ал эми рок музыкасынан кийин суу сынык, формасы жок кристалл түрүндө тоңгон.

Масару өз сөзүндө “Биз баракка сөздөрдү жазып, ал баракты суу куюлган идиштердин сыртына чаптап көрдүк. Мисалы, “рахмат” деген сөздөн көркөм, “сен акмаксың” дегенден түрү суук, баш аламан, сынык кристаллдар түзүлдү. Көрсө, суу жазылгандарды “окуп”, маанисин түшүнүп, ошого жараша түзүлүшүн өзгөртөт экен. “Кел, муну жасайлы!” деген сөздөн жакшынакай, ал эми “муну жаса!” дегенден сынык, формасы жок кристаллдар жаралды. “Сүйүү” деген сөздөн суу кубанып жаткандай ачылган гүл сымал формада тоңду” дейт.

Эмото ошондой эле “Суунун молекулары класстерге чогулат. Класстер эс-тутумдун ячейкасы, башкача айтканда, “маалымат" панели. Бир панелде 440ка чейин молекула болот, анда суу маалыматтарды жазат жана узакка чейин сактайт (эгер сууга бир нерселер таасир этпесе эле). Жазылган маалыматтар кандай экендигин суу жогоруда айтылгандай муз кристаллдары аркылуу чагылдырат” деген оюн да айткан.

Муз кристаллдарынын сүрөттөрүн Эмото “Суунун каты” китебине киргизген. Ошондой эле идиштеги сууларга сүрөттөрдү жабыштырганда да алар ар түрдүүчө тоңгон.

Бирок Эмотону сындагандар да чыккан. Алар “Эмотонун илим жааттагы билими жок. Ал эл аралык мамилелер боюнча адис, докторлук даражаны альтернативдүү медицина боюнча алган. Илимий жалган маалыматтарды таратуу менен суу тууралуу жазган китептерин, суунун сүрөттөрүн, суу үчүн атайын чыгарган графин сатып акча кылууда” дешкен.

“ТИРҮҮ СУУ” ЖАНА “ӨЛҮК СУУ”

Кээ бир окумуштуулар тоо дарыясынын, булак, жер астындагы сууларды, мөңгү сууларын “тирүү суу” дешип, суу түтүктөрүнөн аккан сууларга хлор жана башка нерселер кошулгандыктан аларды “өлүк суу” деп аташат.

Алардын пикирлери боюнча:

– “Тирүү сууларды” кайнатпай ичсе болот. Анткени аларда зыяндуу кошулмалар жок. “Өлүк сууларды” бир нече саат тыныктырып (хлор учуп, оор металлдар түбүнө чөгөт), анан кайнатып ичүү зарыл. Бир кайнатылган сууну кайра кайнатып ичүүгө болбойт! Себеби организмде шлактар чогулат, оорулар жарала баштайт.

– Үй шартында муздан “тирүү суу” жасоого болот. Ал үчүн сууну желим идишке куюп, аны тоңдургучка салып, алгачкы тоңгон музду алып салабыз (зыяндуу кошулмалар дал ошол бөлүктө). Эми идиште калган суунун көп бөлүгү тоңгуча күтүңүз. Тоңгон музду эритип ичесиз да, тоңбогон жагын төгүп салыңыз.

Суу касиетин жоготпошу үчүн “тирүү сууларды” таза фарфор жана хрусталь идиште сактоо талап кылынат.

“КАРДЫН, МӨҢГҮНҮН СУУСУ АДАМДЫ ЖАШАРТАТ”

Орусиянын “Курчатов институту” илим-изилдөө борборунун башкы илимий кызматкери, техникалык илимдердин кандидаты В.Белянин илимий эмгектеринде мындайча жазат:

– Суунун молекулалары класстерге (эс-тутум ячейкасы же "маалымат" панели) биригишет. Класстердеги молекулалар бири-бири менен бирдиктүү аракетте болушат. Муз – химиялык жактан дайыма таза. Кыскасы, суу тоңуп, кристаллга айлана баштаганда чоочун заттарды четке түртүп чыгарып салат. Суу өзүн-өзү тазалайт. Суу универсалдуу эриткич. Адам организминде кандын курамынын 79 пайызын түзөт жана ал бардык ткандарга эриген заттарды ташыйт. Кардын, муздун, мөңгүнүн эриген суусунун молекулалары башка суулардын молекулаларына караганда кичинекей. Курамы өсүмдүктөрдүн жана тирүү организмдердин (анын ичинде адамдын) клеткаларындагы суюктукка өтө окшош. Ошондуктан андай суу оңой сиңет. Өзгөчө муздун, кардын, мөңгүнүн алгачкы эриген 50-70 граммынын касиети чоң. Мындай суу адам организминде зат жана кан алмашууну жакшыртып, холестериндин деңгээлин түшүрөт, шлактарды чыгарат, оорутууну басып, картаюуну кечеңдетет. Андыктан ооругандар ичсе бат айыгат. Аллергия, дерматит оорулары менен алышкандар дамамат ичсе айыгып кетүүлөрү мүмкүн.

Жашарам жана ашыкча салмактан арылам дегендер андай суудан күнүгө 1-2 стакан ичип жүрүүлөрү керек. Эригенден 30 мүнөттөн кечиктирбей ичүү зарыл. Андан кийин суунун түзүлүшү бузула баштайт. Сууну жылытканда да түзүлүшү өзгөрөт.

САЗДЫН СУУСУ ООРУ АЛЫП КЕЛЕБИ?

Суулар жаандын, мөңгүнүн, кардын, дарыянын, кудуктун, деңиздин, токойдун, саздын суусу болуп бөлүнө берет.

Кыргыз элинде “Жамгырдын суусу жумшак жана жеңил келип, оорулардан эртерээк айыгууга салымын кошот, суусунду жакшы кандырат. Мөндүрдү эритип, суусу менен көздү жууса курч болот. Мөңгүнүн жана кардын суусун ичсе ичтеги ысыкты кетирет. Тоодон шаркырап аккан сууну таң эртең ачкарын ичип жүрсө адам картайбайт. Саздын суусу шор болгондуктан ооруларды жаратат, аны кайнатып туруп гана ичүү керек. Эркектер муздак суу ичсе бел кубаты алсызданат. Муздак сууну кургак учук менен ооругандарга, суукчандарга ичүүгө болбойт. Булак суусу, мөңгү суусу бардык ооруларга даба, рактын алдын алат” деген ой-пикирлер бар.

Канымжан Усупбекова
koom@super.kg



"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.

Рейтинг: Рейтинг  6 
Комментарийлер(6)
08.04.2019. 10:32 
Тайпасы:
Жаран
Комментарийлердин саны:
194
Катталган:
20-11-2010
Соӊку аракети:
24-05-2019 22:13
Жынысы:
Белгисиз
Калаасы:
Жалал-Абад
+13
Кичине кезибизде кыштын куну уйдун там башыларынан аккан тамчылар эрте менен шишкийген муз болуп тонуп калса, ошону алып жечу элек. Муздап болсо да. Азыркылар аны жесе дароо эле ангина болсо керек
08.04.2019. 11:26 
Тайпасы:
Жаран
Комментарийлердин саны:
189
Катталган:
26-03-2014
Соӊку аракети:
21-05-2019 10:29
Жынысы:
Белгисиз
+10
Биздин ата-бабаларыбыз акылдуу, гений болушкан. Жаман тушту сууга айт, "суу сыйлаган зор болот" деген сыяктуу накыл создорду баарыбыз угуп чонойсок керек.Бул илимпоздун созу биз учун ачылыш болбой калды окшойт
10.04.2019. 17:56 
Тайпасы:
Жаран
Комментарийлердин саны:
241
Катталган:
21-05-2012
Соӊку аракети:
24-05-2019 07:57
Жынысы:
Белгисиз
Калаасы:
Планета
+3
Тээ бийикте Гималай, Памирде жашагандар таза суу ичишет (мөңгү, булак сууларын) бирок аябай бат картайышат го. Бул батыштын окумуштуулары ар кайсыны таңуулай беришет! (Дарвин сыяктуу, маймылдын небереси болуп чыга келгендей).
11.04.2019. 06:44 
Тайпасы:
Жаран
Комментарийлердин саны:
36
Катталган:
27-11-2018
Соӊку аракети:
18-05-2019 23:46
Жынысы:
Белгисиз
0
PROS,туура айтасын
12.04.2019. 16:32 
Тайпасы:
Жаран
Комментарийлердин саны:
28
Катталган:
23-06-2011
Соӊку аракети:
23-05-2019 19:55
Жынысы:
Белгисиз
Калаасы:
Москва
+1
PROS,алар таза суу ичкен менен жегени жашоо климаты начарда
11.04.2019. 06:45 
Тайпасы:
Жаран
Комментарийлердин саны:
36
Катталган:
27-11-2018
Соӊку аракети:
18-05-2019 23:46
Жынысы:
Белгисиз
+5
монгунун суусу эмес монгунун акчасы н ичкендер картайбай журушот
XATSAN125 түзөттү 2019-04-11 06:46:36
1
Комментарий калтыруу үчүн өз ысымыңыз менен кириңиз же каттоодон өтүңүз.
 
Бөлүмдүн статистикасы
соңку 15 мүнөт ичинде 0 колдонуучу (Катталган: 0, коноктор: 0) бул макаланы окуду:

Макалалардын саны:
22285;
 
Маалымат-маанайшат порталы
2006-2019 © SUPER.KG
Кыргыз Республикасы, Бишкек шаары,
Жибек Жолу проспектиси 381
"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.
Рейтинг@Mail.ru
Биз социалдык тармактарда: