Архив
844   845   846   847   848   849   850   851   852   853   854   855   856   857   858   859  
792   793   794   795   796   797   798   799   800   801   802   803   804   805   806   807   808   809   810   811   812   813   814   815   816   817   818   819   820   821   822   823   824   825   826   827   828   829   830   831   832   833   834   835   836   837   838   839   840   841   842   843  
740   741   742   743   744   745   746   747   748   749   750   751   752   753   754   755   756   757   758   759   760   761   762   763   764   765   766   767   768   769   770   771   772   773   774   775   776   777   778   779   780   781   782   783   784   785   786   787   788   789   790   791  
687   688   689   690   691   692   693   694   695   696   697   698   699   700   701   702   703   704   705   706   707   708   709   710   711   712   713   714   715   716   717   718   719   720   721   722   723   724   725   726   727   728   729   730   731   732   733   734   735   736   737   738   739  
635   636   637   638   639   640   641   642   643   644   645   646   647   648   649   650   651   652   653   654   655   656   657   658   659   660   661   662   663   664   665   666   667   668   669   670   671   672   673   674   675   676   677   678   679   680   681   682   683   684   685   686  
583   584   585   586   587   588   589   590   591   592   593   594   595   596   597   598   599   600   601   602   603   604   605   606   607   608   609   610   611   612   613   614   615   616   617   618   619   620   621   622   623   624   625   626   627   628   629   630   631   632   633   634  
531   532   533   534   535   536   537   538   539   540   541   542   543   544   545   546   547   548   549   550   551   552   553   554   555   556   557   558   559   560   561   562   563   564   565   566   567   568   569   570   571   572   573   574   575   576   577   578   579   580   581   582  
479   480   481   482   483   484   485   486   487   488   489   490   491   492   493   494   495   496   497   498   499   500   501   502   503   504   505   506   507   508   509   510   511   512   513   514   515   516   517   518   519   520   521   522   523   524   525   526   527   528   529   530  
427   428   429   430   431   432   433   434   435   436   437   438   439   440   441   442   443   444   445   446   447   448   449   450   451   452   453   454   455   456   457   458   459   460   461   462   463   464   465   466   467   468   469   470   471   472   473   474   475   476   477   478  
374   375   376   377   378   379   380   381   382   383   384   385   386   387   388   389   390   391   392   393   394   395   396   397   398   399   400   401   402   403   404   405   406   407   408   409   410   411   412   413   414   415   416   417   418   419   420   421   422   423   424   425   426  
322   323   324   325   326   327   328   329   330   331   332   333   334   335   336   337   338   339   340   341   342   343   344   345   346   347   348   349   350   351   352   353   354   355   356   357   358   359   360   361   362   363   364   365   366   367   368   369   370   371   372   373  
264   265   266   267   268   269   270   271   272   273   274   275   276   277   278   279   280   281   282   283   284   285   286   287   288   289   290   291   292   293   294   295   296   297   298   299   300   301   302   303   304   305   306   307   308   309   310   311   312   313   314   315   316   317   318   319   320   321  
217   218   219   220   221   222   223   224   225   226   227   228   229   230   231   232   233   234   235   236   237   238   239   240   241   242   243   244   245   246   247   248   249   250   251   252   253   254   255   256   257   258   259   260   261   262   263  
176   180   181   182   183   184   185   186   187   188   189   190   191   192   193   194   195   196   197   198   199   200   201   202   203   204   205   206   207   208   209   210   211   212   213   214   215   216  
Популярдуу макалалар

Өмүрбек Бабанов: «КЕРТ БАШЫМ ҮЧҮН ЖАЛПЫ КОЛДООЧУЛАРЫМДЫН ТАГДЫРЫ МЕНЕН ОЙНОГУМ КЕЛГЕН ЖОК»

№858 11-17-апрель, 2019-жыл


2017-жылы президенттик шайлоодон кийин өлкөдөн чыгып кетип, ошол боюнча кайрылып келе элек Өмүрбек Бабанов бир жарым жылдан кийин кеңири маек берди. Саясатчы эмне үчүн депутаттык мандатты тапшырып, саясаттан кеткени, эмне үчүн өлкөгө келбей жүргөнү, мекенден алыста жүрүү деген кандай болору тууралуу ой бөлүштү.


– Өмүрбек Токтогулович, президенттик шайлоодон кийинки бир жарым жыл аралыгында маек бере элексиз. Андыктан сизге башкы суроом – эмне үчүн шайлоодон кийин Кыргызстандан кетип калдыңыз жана бир жарым жылдан бери эмне үчүн өлкөгө кайтып бара элексиз?
– Туура, акыркы бир жарым жыл ичинде биринчи жолу маек берип жатам. Кыргызстанга барар алдында болгонун болгондой ачык айтып берүүнү чечтим. Шайлоо бүткөндөн кийин 10 күндөй Бишкекте болуп, Таласка барып кичи мекенимде элибизге чай берип, Чүйдө да чай берип элибизди тынчтандырып, ден соолугумду чыңдап алуу үчүн чет өлкөдөгү клиникага он күнгө кеткем. Үй-бүлөм менен клиникада жүргөндө Он-Адырдагы сөзүм боюнча мага иш козголгонун интернет аркылуу билдим.
Фейсбук, Инстаграм аркылуу менин тарапташтарым өтө эмоционалдуу сөздөрдү жазып жатышты. Ал ортодо фракциядагы депутаттарыбызды 7-кабаттагы Икрам Илмияновдун кабинетине чакырып алып, УКМК, Башкы прокуратуранын жетекчилери «Бабановду фракция жетекчилигинен кетиресиңер» деп мага каршы кол топтой башташты. Алар мага байланышка чыгып маалымат берип жатышты. Муну ушул күнгө чейин эч кимге айтпай келгем. Түштүк регионунда менин колдоочуларымды болбогон бир шылтоолор менен жумуштан кетирип, милицияга чакырышып, туугандарын иштен алган кысымдар башталды. Шайлоо таза болот, утсам президент болом, утулсам Кудайдын буйругу деген ойдо болчумун. Утканды да, утулганды да билиш керек да, мен баарына даяр элем, бирок мындай кысым болот деп ойлогон эмесмин.
Түркияда жүргөнүмдө Руслан Казакбаевди чакырып, экөөбүз жолуктук. Мен ага «Алмазбек Атамбаевге, Сооронбай Жээнбековго барып жолук, менин тарапташтарыма куугунтук токтошу үчүн эмне кылышым керектигин бил» дедим. Силер билесиңер, Канат Исаевге да жалаа жаап, шайлоонун алдында УКМКга камап коюшкан.
Руслан Айтбаевич Алмазбек Атамбаевге барып жолугуп, Атамбаев тарабынан мага төмөнкүдөй талаптар коюлган:

  1. Саясаттан кетүү;
  2. Мандатты тапшыруу;
  3. 1 жыл Кыргызстанга келбөө

Мен бийликтен мындай талап алган соң аларга төмөнкүдөй сунушумду бердим:

  1. Канат Исаевдин иши бүтүшү керек;
  2. Менин тарапташтарыма болгон куугунтук токтотулушу керек;
  3. «РАЖ» фракциясындагы депутаттарга, алардын жакындарына кысым жасабоо.

Ошентип, мен шайлоодо утулгандан кийин алардын талабына көнүп, мандатымды тапшырып берип, саясаттан кеттим. Бул сүйлөшүүлөр бир күндө эле бүткөн жок, 20 күндөн узак мөөнөткө созулду. Сүйлөшүүлөр финалына чыгып калган учурда фракциялаштарымды чогултуп, алар менен да кеңешип туруп акыркы чечимди кабыл алдым. Кыргызстанга барсам таластыктар митингге чыгып, элибиз жабыркап калмак. Мен аны каалаган жокмун. Бийликке мен эле тынчтык бербей жаткан болсом кетейин деп чечим кабыл алдым. Мен берген убадамды толук кандуу аткардым. Өлкөгө бир жыл эмес, бир жарым жылдан бери бара элекмин.
Мен ушул күнгө чейин Алмазбек Атамбаев жана анын жакындары менен, Сооронбай Шарипович менен да сүйлөшкөн жокмун. Бирок менин тарапташтарым Сооронбай Жээнбековго кирип, мени келсин деп сүйлөшүп жатышты. Мага карата саясий негизде козголгон Он-Адыр иши бүгүнкү күнгө чейин жабыла элек. Ал иш боюнча 4 эксперттик тыянак бар.
Мен бул иштин жыйынтыгы кандай болуп жатканын Руслан Айтбаевичтен сурадым. Ал Алмазбек Атамбаев менен сүйлөшкөнүн, акырында Сооронбай Жээнбековго киргенин, ал «бул иштен кабарым бар, Алмазбек Шаршенович менен сүйлөшкөнсүңөр, ошол менен бүтүрүп алгыла» дегенин билдирди.

– Сиз Нооруз майрамына байланыштуу элди куттуктап, «жакында көрүшкөнчө» деп жаздыңыз. Качан кайтып барасыз?
– Кудай буюрса, мен жакында өлкөгө кайтып барам. Азыркыга чейин «Бабанов качып кетти, коркок, кайтып келе албайт» деген сөздөрдү айтып жатышат. Мен буга мындайча жооп берем: Коркок адам партия түптөп, аны жетектеп, оппозицияда жүрүп утуп чыга алабы? Административдик ресурска каршы чыгып оппозициянын атынан шайлоого бара алабы? Эгер мен коркок болсом башкаларга окшоп Лондондо, Америкада жүрөт элем го жанымды сактап. Кыргызстан менен Орусиянын ортосунда качып жүргөн жарандарды кайтарып берүү үчүн келишим бар. Мен эч жакка качкан жокмун, мен ачык эле жүрдүм.
Бийлик бул ишти кайра козгоп, мага издөө жарыялайбыз десе издөөсү жок эле өзүм барам. Ушундай ушактарды таратып, мамлекетте стабилдүүлүктү бузгусу келгендерге айтып кетет элем, коркоктук менен акылмандуулуктун айырмасы асман менен жердей. Ошондо менде тандоо болду, штабдарыбыз толук кандуу иштеп жатты, саясаттан кетпейм деп кайра кайтып барсам, 40-50 миң киши мени колдоп чыкмак.

– Эмне үчүн анткен жоксуз, кайтып барсаңыз деле болмок да?
– Мен элибиздин тынчтыгын ойлодум, ошол убакта мамлекетибизде абал курч болуп турган. Ошол убакта Алмазбек Шаршенович эл митингге чыкса кандай чара көрүлө тургандыгын ачык эле айткан. Мен өзүмдүн керт башым үчүн жалпы колдоочуларымдын тагдыры менен ойногум келген жок. 6 миллион элибиздин ичинен 600 миң киши мага добуш бердиби, демек, мен да алардын укугун коргошум керек деп ушундай чечимге келгем.

– Сиз «жакында көрүшкөнчө» деп жазгандан кийин УКМК «Өмүрбек Бабанов Кыргызстанга келсе, мыйзам алдында жооп берет» деп дароо жооп кайтарды. «Кыргызстанга барсам УКМК мени камап салат» деп коркпойсузбу?
– Мен өз ыктыярым менен келем, мага мамлекеттик акчаны коротуп эмне кылат? Эч жакка качпасам, өзүм баратсам, мыйзамдуу түрдө сурагына барууга даяр болуп жатсам, мени камап эмне кылат?

– 2005-жылдан бери саясатта жүрөсүз. Президенттик шайлоого барганыңызга кийин өкүнүп калган жоксузбу?
– Президенттик шайлоого катышканыма өкүнгөн жокмун. Бирок кайсы бир иштерди аягына чейин чыгарбай койгондуктан өкүнө турган учурлар бар.
Президенттик шайлоодон кийин бир жарым жыл чет өлкөдө жүрүп, чыныгы дос ким экенин, жалган дос ким экенин, чыныгы партиялаштар кимдер экенин сездим. Башында 3 ай өзүмө келе албай стрессте жүрдүм, андан кийин мени колдогон тарапташтарым, бир туугандарым, жакындарымдын чыныгы жүзүн билдим. Чыныгы менин колдоочуларым мага күч-кубат берип турушту. Жакын досторума кызмат сунуштап менден алыстатуу аракетин көрүштү. Бирок алар алданбай, канчалык кысым болгонуна карабай менин жанымда туруп беришти.

– Саясаттан кеттим деп айтканыңыз менен, эл сизди саясатчы катары кабыл алат. Азыркы президент менен мурдагы президенттин ортосундагы ажырым ачыкка чыгып калды. «Өмүрбек Бабанов кайтып келип, Жээнбековдун командасына кошулуп өкмөттү жетектейт» деген кеп бар. Ал эми экинчи версияда «Атамбаевдин командасына кошулуп оппозицияда болот» деп айтылат. Буга эмне дейсиз?
– Мен көрүп турам, экөөнү уруштуруп, андан өзүнүн саясатын жүргүзүп жаткандар бар. Экөө бириге турган болсо мамлекетибиз тез арада өнүкмөк. Мен Кыргызстандын жараны катары мекенимди сагындым. Кичи мекениме барып атамдын үйүнө түнөп, атама багыштап куран окуп, тынч жашаганды каалап турган учурум. Менин колдоочуларыма тийишпей, аларды куугунтуктабай коюшса баары жакшы болот деп ойлойм. Жашоодо саясаттан башка бир топ кызыктуу нерселер бар.
Кыргызстанда саясат биринчи орунга чыгып калганы өкүнүчтүү. Экономиканы биринчи орунга алып чыксак болмок, мен буга чейин да айтып келгем, мекен үчүн жардам берүүгө даярмын.

– Кыргызстанда саясий куугунтуктан сырткары саясий туткундар деген да категория бар. Ошол эле Садыр Жапаров менен Өмүрбек Текебаевдин тарапташтары жакында мөөнөтсүз митингге чыгууга камынышууда. Сиз алар тууралуу эмнелерди айтат элеңиз?
– Парламентте депутат кезимде Өмүрбек Чиркешовичти Маевскийдин арызы менен камаганда Абдил Сегизбаевге «Өмүрбек Текебаев жөн эле депутат, партиянын лидери эмес, Кыргызстандын тарыхында өлкөнүн саясий өнүгүшү үчүн иштеген эки кишинин бири» деп айткам. Мен Текебаев менен жакын дос болгон эмесмин, экөөбүз бири-бирибизди катуу сындадык. Бирок саясий оппонент эмес, чыныгы лидер болом деген адам оппоненти туура кылса да, туура эмес кылса да айтып турушу керек.
Башка өлкөнүн жараны болгон Маевскийди биздин УКМК кайтарып жүрүп көрсөтмө алганы Текебаевдин иши 100 пайыз саясий экенин билдирет. Эртең эмес, бүгүн бул ишти жаап туруп, Өмүрбек Чиркешовичке депутаттык мандатты кайтарып беришибиз керек. Ошондо туура чечим болот. Садыр Жапаровдун иши боюнча Эмилбек Каптагаев дооматым жок деп айтып жатса да камап коюшту. Бул да саясий иш!

– Азыркы президент Сооронбай Жээнбековдон кандай үмүттөрдү артып, эмне өзгөртүүлөрдү күтүп жатасыз?
– Элибиз демократия десе, сөз эркиндиги деп түшүнүшөт. Бул демократиянын бир бөлүгү. Демократия көз карандысыз Башкы прокуратура, көз карандысыз соттор, көз карандысыз парламент жана көз карандысыз массалык маалымат каражаттары. Алмазбек Шаршенович президенттик мөөнөтүндө көз карандысыз сотторду түзө албады. Биз бардыгыбыз 25 жылдан бери инвестиция деп айтып келебиз. Инвестиция тартуу үчүн көз карандысыз сотторду түзүшүбүз керек. Сооронбай Шарипович өзү да сотторго ишенбей тургандыгын айтты. Биз сотторго көз карандысыздыкты түзүп берип туруп, анан талап кылышыбыз керек. Менин оюмча, азыр иштеп жаткан соттор деле көз карандысыз болгусу келет. Биз аларга көз карандысыздыкты түзүп берсек, өлкөдө чоң секирик болот.

– Кыргызстандыктарга эмне деп кайрылгыңыз келип турат?
– Мекенибиз менен элибиз ата менен ападай экен. Чет өлкөдө жүргөн балдарыбыз өздөрүн жетим сезип жүрүшөт экен. Мен да бөтөн жерде жүрүп ата-энемди сагынгандай эли-жеримди сагынып жүрөм. Кудай буюрса, жакынкы күндөрү Кыргызстандан жолугушабыз, көрүшкөнчө, мекендештерим!


НТС телеканалына берилген маектен алынып,
айрым кыскартуулар менен берилди.



"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.

Рейтинг: Рейтинг  2 
Талкуу жабык.
Бөлүмдүн статистикасы
соңку 15 мүнөт ичинде 0 колдонуучу (Катталган: 0, коноктор: 0) бул макаланы окуду:

Макалалардын саны:
22164;
 
Маалымат-маанайшат порталы
2006-2019 © SUPER.KG
Кыргыз Республикасы, Бишкек шаары,
Күрөӊкеев көчөсү - 180
"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.
Рейтинг@Mail.ru
Биз социалдык тармактарда: