Архив
844   845   846   847   848   849   850   851   852   853   854   855   856   857   858   859  
792   793   794   795   796   797   798   799   800   801   802   803   804   805   806   807   808   809   810   811   812   813   814   815   816   817   818   819   820   821   822   823   824   825   826   827   828   829   830   831   832   833   834   835   836   837   838   839   840   841   842   843  
740   741   742   743   744   745   746   747   748   749   750   751   752   753   754   755   756   757   758   759   760   761   762   763   764   765   766   767   768   769   770   771   772   773   774   775   776   777   778   779   780   781   782   783   784   785   786   787   788   789   790   791  
687   688   689   690   691   692   693   694   695   696   697   698   699   700   701   702   703   704   705   706   707   708   709   710   711   712   713   714   715   716   717   718   719   720   721   722   723   724   725   726   727   728   729   730   731   732   733   734   735   736   737   738   739  
635   636   637   638   639   640   641   642   643   644   645   646   647   648   649   650   651   652   653   654   655   656   657   658   659   660   661   662   663   664   665   666   667   668   669   670   671   672   673   674   675   676   677   678   679   680   681   682   683   684   685   686  
583   584   585   586   587   588   589   590   591   592   593   594   595   596   597   598   599   600   601   602   603   604   605   606   607   608   609   610   611   612   613   614   615   616   617   618   619   620   621   622   623   624   625   626   627   628   629   630   631   632   633   634  
531   532   533   534   535   536   537   538   539   540   541   542   543   544   545   546   547   548   549   550   551   552   553   554   555   556   557   558   559   560   561   562   563   564   565   566   567   568   569   570   571   572   573   574   575   576   577   578   579   580   581   582  
479   480   481   482   483   484   485   486   487   488   489   490   491   492   493   494   495   496   497   498   499   500   501   502   503   504   505   506   507   508   509   510   511   512   513   514   515   516   517   518   519   520   521   522   523   524   525   526   527   528   529   530  
427   428   429   430   431   432   433   434   435   436   437   438   439   440   441   442   443   444   445   446   447   448   449   450   451   452   453   454   455   456   457   458   459   460   461   462   463   464   465   466   467   468   469   470   471   472   473   474   475   476   477   478  
374   375   376   377   378   379   380   381   382   383   384   385   386   387   388   389   390   391   392   393   394   395   396   397   398   399   400   401   402   403   404   405   406   407   408   409   410   411   412   413   414   415   416   417   418   419   420   421   422   423   424   425   426  
322   323   324   325   326   327   328   329   330   331   332   333   334   335   336   337   338   339   340   341   342   343   344   345   346   347   348   349   350   351   352   353   354   355   356   357   358   359   360   361   362   363   364   365   366   367   368   369   370   371   372   373  
264   265   266   267   268   269   270   271   272   273   274   275   276   277   278   279   280   281   282   283   284   285   286   287   288   289   290   291   292   293   294   295   296   297   298   299   300   301   302   303   304   305   306   307   308   309   310   311   312   313   314   315   316   317   318   319   320   321  
217   218   219   220   221   222   223   224   225   226   227   228   229   230   231   232   233   234   235   236   237   238   239   240   241   242   243   244   245   246   247   248   249   250   251   252   253   254   255   256   257   258   259   260   261   262   263  
176   180   181   182   183   184   185   186   187   188   189   190   191   192   193   194   195   196   197   198   199   200   201   202   203   204   205   206   207   208   209   210   211   212   213   214   215   216  
Популярдуу макалалар

ФРЕДДИ МЕРКУРИГЕ ЭКИНЧИ ӨМҮР ТАРТУУЛАГАН “БОГЕМДИК РАПСОДИЯ”

№858 11-17-апрель, 2019-жыл


2018-жылы кино жана музыка сүйүүчүлөрүнүн ортосуна “Богемдик рапсодия” тасмасы көпүрө болду десек жаңылышпайбыз. Тасмада 1970-1985-жылдар камтылып, легендарлуу “Queen” тобунун чыгармачылыгы, ошондой эле топтун негизги солисти Фредди Меркуринин өмүр-таржымалы баяндалат. Бул тасма жарыкка чыгары менен көпчүлүктүн көңүл чордонунда болуп, жакшы пикирлер менен кошо сындар да жаады. Ал эми эң беделдүү “Оскар” сыйлыгында да аталган тасма триумф жаратып, 4 “алтын статуэтканы”, “Алтын глобус” сыйлыгында 2 негизги сыйлыкты илип кетти. Эмесе, тасма тууралуу кеп алдыда.

Жанры
– Драма, биография

Режиссёрлору – Брайан Сингер, Декстер Флетчер

Продюсерлери – Грэм Кинг, Жим Бич

Сценарийдин авторлору – Энтони Маккартен, Питер Морган

Оператору – Ньютон Томас Сигел

Композитору – Жон Оттман

Башкы ролдордо – Рами Малек, Люси Бойнтон, Гвилим Ли, Бен Харди, жана башкалар

Узактыгы – 134 мүнөт

Сарпталган каражаты – 52 миллион доллар

Сатыктан түшкөн каражат896 миллиондон ашуун

Тарткан өлкөлөр – Улуу Британия, АКШ

Чыккан жылы – 2018-жыл

ФАРРУХ БУЛСАРА КАНТИП ФРЕДДИ МЕРКУРИГЕ АЙЛАНДЫ?

1970-жыл. Лондон шаары. Студент, дизайнер жана аба майданында жүк ташыгыч болуп иштеген Фаррух Булсара түнкү клубдардын биринде жергиликтүү “Smile” тобунун чыгармачылык кечесине барат. Кече соңунда Фаррух топтун мүчөлөрү Брайан Мэй жана Роджер Тейлор менен таанышат. Алардан бир аз мурун топтун солисти топту таштап кеткенин угуп, өзүн анын ордуна сунуштайт. Башында алар орсоюп турган кашка тишинен улам Фаррухту жактырышпайт, бирок Фаррух аларга ырдап берип “силердин сунушуңарды ойлонуп көрөм” деп басып кетет. Көп узабай Фаррух топко солист катары кабыл алынып, өзүнө Фредди Меркури деген каймана ат коёт жана “Smile” тобун “Queen” (“Ханыша”) тобу деп өзгөртүүнү сунуштайт. Ошентип “Queen” тобу жаралат да, Улуу Британияда гастролдук чакан турларга чыга башташат. Топтун жигиттери кеңешип гастролго чыккан унаасын сатып, акчасына студиядан алгачкы альбомун жаздырышат. Ошол кезде Фредди менен «Biba» кийим дүкөнүнүн сатуучусу Мэри Остиндин сүйүү мамилеси башталат.

БАШ АЙЛАНТКАН ИЙГИЛИК, ӨӨН УЧУРАГАН СЕКСУАЛДЫК ОРИЕНТАЦИЯ...

1975-жыл. “Queen” тобу коммерциялык ийгилик жаратып, бир катар гастролдук турга чыгууга жетишет. Топтун 4-альбому “Операдагы түн” (“A Night at the Opera”) жазыларда бир катар музыкалык студиялар иштешүүдөн баш тартышат. Себеби альбомду жаңыча форматтагы, башкача добуштар менен коштолгон, музыканын бир нече жанры айкалышкан “Богемдик рапсодия” аталышындагы 6 мүнөттүк трек толуктамак. Музыканттар айылдагы студияга барып, талыкпай эмгектенип жогорудагы өзгөчө ырды жаздырып, радиолорго алып келишет. Бирок ал кезде өтө узак жана “түшүнүксүз” ырды радиолор обого чыгаруудан баш тартат. Топко алгачкылардан болуп ди-джей Кенни Эверетт жардам берип, “Богемдик рапсодияны” эфирден кетирет. Ыр аз убакыттын ичинде дүйнөлүк хитке айланып, топко дүйнөлүк атак-даңк алып келет. Ошентип “музыканын ханышаларында” аягы жок гастролдор башталат... Фредди бул жылдары деле Мэри менен жолугушуп жүрөт. Бирок өзүнүн жыныстык ориентациясы өзгөчө, тагыраагы, бисексуал экенин байкайт. Жыйынтыгында ал топтун менеджери Пол Прентер менен мамиле курууга өтөт, ал эми сүйүктүүсү Мэриден кол үзөт.

“САХНА ПАДЫШАСЫНЫН” ТАКТАН КУЛАШЫ

1980-жыл. Топтун мүчөлөрүнүн ортосунда өз ара пикир келишпестиктер орун ала баштайт. Фредди өзүнүн сексуалдык жашоосун башкара албай калат. Мисалы, 1981-жылы ал өз үйүндө өткөргөн отуруштан соң официант мырза менен көңүл ачат. Ал эми 1982-жылы 10-альбомунун бет ачарында журналисттер анын сексуалдык ориентациясына кызыгышып, жеке жашоосу тууралуу ар түркүн суроолор менен бурчка такайт. Жыйынтыгында пикир келишпестиктер күч алып, Фредди топтон кетүүнү чечет. Көп узабай жеке ырчы катары алгачкы альбому жарыкка чыгат. Фредди Пол Прентер менен мамилесин уланта берет. Анын “өөн“ көрүнгөн жоро-жолдоштору менен достошуп, ар күнү өз үйүндө отуруш уюштуруп, алкоголь ичимдиктерин ичип, шаан-шөкөттөн башы чыкпай калат. Топтогу кесиптештери менен көп баарлашпай, үйдөн чыкпай түнт кишиге айланат. Ошону менен катар ал ден соолугунда көйгөйлөр бар экенин байкайт. Жыйынтыгында ал дарыгерлерге кайрылып, ВИЧ жуктуруп алганын угат.

“QUEEN” ӨЛГӨН ЖОК!

1985-жыл. Адаттагыдай эле Фреддинин үйүндөгү шаан-шөкөт учурунда Мэри келип, Фреддиге жолугат. Мэри жакын арада Лондон шаарынын “Уэмбли” стадионунда “Live Aid” аталышындагы эл аралык кайрымдуулук концерти болорун, ошого чейин “Queen” тобун кайрадан чогултууну Фреддиге сунуштайт. Тасма соңунда Фредди “Queen” тобунун мүчөлөрүнөн кечирим сурайт.

1985-жылдын 13-июлунда Лондон шаарынын 82 миң адам батырган “Уэмбли” стадионунда эл жыкжыйма толуп, “Live Aid” кайрымдуулук концерти ийгиликтүү өтөт. Концерттин эң негизги кызыгы “Queen” тобунун катышуусу болот. Фредди бул концертте өзгөчө толкунданган. Сүймөнчүк топтун хитке айланган ар бир ырын эл кошо ырдап турган. Бул концерт 150 мамлекетке түз эфир аркылуу көрсөтүлүп, жалпы жонунан ага 1,9 миллиард адам күбө болгон.

ТАСМА ЖАНА ФРЕДДИ ТУУРАЛУУ МААЛЫМАТТАР

• Тасманын режиссёрлорунун бири Брайан Сингер бисексуал экендигин жашырбайт.

• Тасмада “Уэмбли” стадионундагы кайрымдуулук концертин чагылдыруу үчүн тартуучу топ Лондонго жаңы стадион курушкан. Анткени 1985-жылдагы стадиондун үлгүсү эчак жок болгон.

• Тасмада Фредди жеке ырчы катары топтон кетип жатканда Роджер Тейлор ага: “Сен азыр эле “Queen” тобун өлтүрдүң!”- деп кайрылат. Ал эми чыныгы жашоодо топтун ар бир мүчөсү өз алдынча карьера жасоону каалашкан жана Фредди биринчилерден болуп өз алдынча ыр жаздырган эмес. Эң биринчи болуп Тейлор өзү жеке ырчы катары ыр жаздырган.

• Тасмада “Queen” тобунун музыканттары солисти топтон кеткен соң Фредди менен таанышканы сүрөттөлөт. Чыныгы жашоодо алар мурдатан эле тааныш болушкан.

• Фредди Меркури 1991-жылы 24-ноябрда СПИД дартынан улам каза болгон. Тасмада ал оорусу тууралуу жакындарына, коомчулукка жашырбай айтат. Ал эми чыныгы жашоодо ал оорусу тууралуу жашырган. Каза болоруна 1 күн калганда гана СПИДге чалдыкканын коомчулукка жарыялаган.

• Фредди каза болордо “Богемдик рапсодия” ырынын автордук укугун жана андан түшкөн кирешени СПИД менен күрөшүү фондуна берүүнү өтүнгөн жана жалпы коомчулукту бул тозоктуу ооруу менен жапа тырмак күрөшүүгө чакырган.

• Ырчы каза болгон соң мурастарынын, байлыктарынын көп бөлүгүн сүйүктүүсү Мэри Остинге, калганын ата-энесине, бир туугандарына жана кызматкерлерине калтырган. Андыктан “Богемдик рапсодия” тасмасынан түшкөн каражаттан 50 миллион доллар Мэри Остинге гонорар берилген деген маалыматтар бар.

Асхат Субанбеков
star@super.kg



"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.

Рейтинг: Рейтинг  0 
Комментарийлер(1)
17.04.2019. 19:12 
Тайпасы:
Жаран
Комментарийлердин саны:
809
Катталган:
30-06-2015
Соӊку аракети:
22-04-2019 14:41
Жынысы:
Белгисиз
Калаасы:
Ордолуу - Ош
0
Азыркынын далдыр тастандаган ырчылары ушул кинону корушсо. Чыныгы талант, чыныгы голос бар экенин,3млн адамды бир учурда топтоп жандуу ун мн ырдаса болорун билишмек. Фрединин энергиясына, талантына эч кайсы ырчы жетпесе керек. Кылымдын легендасы.ХХХХХХХХХХ
Модератор admin_kinozal түзөттү 2019-04-18 09:37:22
1
Комментарий калтыруу үчүн өз ысымыңыз менен кириңиз же каттоодон өтүңүз.
 
Бөлүмдүн статистикасы
соңку 15 мүнөт ичинде 0 колдонуучу (Катталган: 0, коноктор: 0) бул макаланы окуду:

Макалалардын саны:
22164;
 
Маалымат-маанайшат порталы
2006-2019 © SUPER.KG
Кыргыз Республикасы, Бишкек шаары,
Күрөӊкеев көчөсү - 180
"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.
Рейтинг@Mail.ru
Биз социалдык тармактарда: