Архив
792   793   794   795   796   797   798   799   800   801   802   803   804   805   806   807   808   809   810   811   812   813   814   815   816   817   818   819   820   821   822   823   824   825   826   827   828   829   830   831   832   833   834   835   836  
740   741   742   743   744   745   746   747   748   749   750   751   752   753   754   755   756   757   758   759   760   761   762   763   764   765   766   767   768   769   770   771   772   773   774   775   776   777   778   779   780   781   782   783   784   785   786   787   788   789   790   791  
687   688   689   690   691   692   693   694   695   696   697   698   699   700   701   702   703   704   705   706   707   708   709   710   711   712   713   714   715   716   717   718   719   720   721   722   723   724   725   726   727   728   729   730   731   732   733   734   735   736   737   738   739  
635   636   637   638   639   640   641   642   643   644   645   646   647   648   649   650   651   652   653   654   655   656   657   658   659   660   661   662   663   664   665   666   667   668   669   670   671   672   673   674   675   676   677   678   679   680   681   682   683   684   685   686  
583   584   585   586   587   588   589   590   591   592   593   594   595   596   597   598   599   600   601   602   603   604   605   606   607   608   609   610   611   612   613   614   615   616   617   618   619   620   621   622   623   624   625   626   627   628   629   630   631   632   633   634  
531   532   533   534   535   536   537   538   539   540   541   542   543   544   545   546   547   548   549   550   551   552   553   554   555   556   557   558   559   560   561   562   563   564   565   566   567   568   569   570   571   572   573   574   575   576   577   578   579   580   581   582  
479   480   481   482   483   484   485   486   487   488   489   490   491   492   493   494   495   496   497   498   499   500   501   502   503   504   505   506   507   508   509   510   511   512   513   514   515   516   517   518   519   520   521   522   523   524   525   526   527   528   529   530  
427   428   429   430   431   432   433   434   435   436   437   438   439   440   441   442   443   444   445   446   447   448   449   450   451   452   453   454   455   456   457   458   459   460   461   462   463   464   465   466   467   468   469   470   471   472   473   474   475   476   477   478  
374   375   376   377   378   379   380   381   382   383   384   385   386   387   388   389   390   391   392   393   394   395   396   397   398   399   400   401   402   403   404   405   406   407   408   409   410   411   412   413   414   415   416   417   418   419   420   421   422   423   424   425   426  
322   323   324   325   326   327   328   329   330   331   332   333   334   335   336   337   338   339   340   341   342   343   344   345   346   347   348   349   350   351   352   353   354   355   356   357   358   359   360   361   362   363   364   365   366   367   368   369   370   371   372   373  
264   265   266   267   268   269   270   271   272   273   274   275   276   277   278   279   280   281   282   283   284   285   286   287   288   289   290   291   292   293   294   295   296   297   298   299   300   301   302   303   304   305   306   307   308   309   310   311   312   313   314   315   316   317   318   319   320   321  
217   218   219   220   221   222   223   224   225   226   227   228   229   230   231   232   233   234   235   236   237   238   239   240   241   242   243   244   245   246   247   248   249   250   251   252   253   254   255   256   257   258   259   260   261   262   263  
176   180   181   182   183   184   185   186   187   188   189   190   191   192   193   194   195   196   197   198   199   200   201   202   203   204   205   206   207   208   209   210   211   212   213   214   215   216  
Популярдуу макалалар
Akbuura gazeta

ЖАЙКЫ АЛЛЕРГИЯ. СЕБЕПТЕРИ ЭМНЕДЕ?

№403 23-29-июль, 2010-ж.


Аллергия – кырс мүнөздөгү оору. Жазда жана жайда сейил бакты аралатпаганы аз келгенсип, гүл жыттоого да тыюу салат. Аллергия үй жандыгынын жүнүнөн, күндөн, сууктан, жемиштерден жана башкалардан келип чыгат. Ал эми жайкы аллергиячы? Бул жаатында бизге Энени жана балдарды коргоо борборунун аллерголог дарыгери Мухтар Ашералиев түшүнүк берет.

АЛЛЕРГИЯ ТУУРАЛУУ ЖАЛПЫ ТҮШҮНҮК
Аллергиянын түрлөрү көп. Мисалы, сүткө аллергия, чаңда жашаган кенелерден аллергия, ит-мышык жүнүнөн жана курт-кумурскалардын чагып алуусунан аллергия, дары-дармектерден, жумурткадан, күндөн, суудан, химиялык заттардан, өсүмдүктөрдүн чаңчаларынан, жашылча-жемиштен аллергия ж.б.

ЖАЙКЫ АЛЛЕРГИЯНЫН БИР КҮНӨӨКӨРҮ – ЧАҢЧАЛАР
Жаз аллергия көбүрөөк кездешчү мезгил экендигине карабастан, жайда да аллергия менен ооругандар көп учурайт.
Жайкы аллергиянын башкы күнөөкөрлөрү – дарактардын, бадалдардын жана чөптөрдүн чаңчалары. Чаңчалар мурунга киргенде адамдын иммундук системасында реакция жүрөт. Башкача айтканда, иммундук система чаңчаларды чоочун зат катары кабыл алып, ага каршы антителаларды иштеп чыгарат. Антителалар бактерия, вирус сыяктуу оору козгогучтар менен да күрөшөт. Ошентип, антителалар аллергендерге сокку ура башташат. Анын айынан канда гистамин аттуу уулуу зат бөлүнүп чыгат. Гистамин болсо аллергиялык ринитти жаратат. Ринит бул – мурун бүтүү, көздөн жаш куюлуу, чүчкүрүү, көздүн жана кулактын кычышуусу, баштын ооруусу, жөтөл. Кээде денеде бүдүрчөлөрдү да пайда кылуусу мүмкүн. Башкача айтканда, риниттин белгилери сасык тумоонун белгилерине окшошуп кетет.
Шаарда унаалар көп. Автомобилдерден чыккан уулуу заттар чаңчаларга жабышып, аларды ого бетер уулуу кылышат. Бул аллергиктердин абалын оордотот.

КАЙСЫ ЧӨПТҮН ЧАҢЧАЛАРЫ КОЗГОЙТ?
Эрмен (полынь), амброзия (амброзия), кара куурай (конопля), ала бата (лебеда), кара кыяк (мятлик), шор күйрөк (солянка), буудайык (пырей) ж.б.

КУРТ-КУМУРСКАЛАРДЫН ЧАГУУСУНАН АЛЛЕРГИЯ
Курт-кумурскалардын ичинен жапайы аарынын чагуусу аллергияны жаратат. Аарынын ийнесиндеги уулуу затта аллерген бар. Чаккан кезде аллерген организмге кирип, киши анафилактикалык шокко кабылуусу мүмкүн. Бул – чаккан жердин шишип чыгуусу, дем алуунун кыйындашы, аба жетпей муунуу. Адам шал абалга кабылуусу да ыктымал.

АЗЫКТАРДАН ПАЙДА БОЛЧУ АЛЛЕРГИЯ
Мезгилге карабай аллергияны чакыруучу азыктар, жашылча-жемиштер бар. Алар: коон, кулпунай, дан куурай, бал, лимон, ананас, шоколад, жумуртка, апельсин, сыр, сүт, помидор, жаңгак, балык, болгар калемпири. Ал эми жай айы кулпунай, дан куурай, коон сыяктуулардын сезону экендиги маалым.
Жогоруда айтылгандар пайда кылган аллергиялык реакция түрүнө: Квинке шишиги, бөрү жатыш, Лайелла шишиги кирет. Квинке шишигинде көбүнчө көз, кулак-мурун, бут, тамак шишийт. Тамак шишигенде адам дем ала албай муунуп, өлүп калуусу да мүмкүн.
Бөрү жатыш боюнча мурун сөз кылганбыз. Ал эми Лайелла шишигинде дене табы көтөрүлөт, тери кычышат. Акыл-эсин жоготот, дем алуу кыйындайт. Организмге кирген аллергендер көбөйүп, адамдын абалын оордотот. Кечиктирбей дарылбаса, адам өмүрүнө коркунуч туулат.

ДИАГНОЗ
Оорунун белгилери билинсе, сөзсүз дарыгер аллергологго кайрылып, текшерилүү зарыл. Врач билектин терисине кичинеден бир топ тилик жүргүзүп, ал жерлерге аллергендердин аз өлчөмүн шприц аркылуу саят. Кайсы затка аллергия бар болсо, ошол тилинген жерде ыйлаакча пайда болот.
Дагы бир диагноз коюунун жолу бул – кандын анализи. Алынган канды пробиркаларга аздан бөлүп алып, үстүнө аллергендерди тамызышат. Кайсы пробиркада реакция күтүлсө, ошол аллерген ооруну козгойт деп аныкталат.

ДАРЫЛОО

  • Врач антигистаминдик дары-дармектер (кандагы гистаминдин өлчөмүн азайтуу үчүн) менен кошо диетаны сунуштайт.
  • Денедеги шишикти таратуучу, мурундан суу агууну токтотуучу каражаттар берилет.
  • Кальций глюконаты, гормоналдык дары-дармектер да берилет.

Аллергияга кабылган адам сөзсүз дарыланышы кажет. Болбосо, аллергия тереңдеп отуруп бронхитке, бронхиттен астмага өтүп кетет.

ВРАЧКА КЕЛГЕНГЕ ЧЕЙИН...
Эгер аллергиянын белгилери билинсе, анда адам абалын жеңилдетүү максатында врачка келгенге чейин төмөнкү дарылардын бирин кабыл алса болот:

  • супрастин (таблетка)
  • тавегил (таблетка же сироп түрүндөгүсүн)
  • дипразин (таблеткасын)
  • диазамин (таблетка)
  • терфенадин (таблеткасын же суспензиясын)

БӨЛМӨДӨ ЭМНЕЛЕР БОЛБОШУ КЕРЕК?
Аллергиядан азап чеккендердин бөлмөсүндө гүл, мышык, ит, компьютер, аквариум, ошондой эле жүн жаздык, жүн төшөктөр болбошу кажет. Булар ооруну күчөтүп жиберишет. Канаттуулардын жүнүнөн жасалган жаздык, төшөктөрдү пахтадан жасалгандарына же синтетикалык түрлөрүнө алмаштыруу керек. Ошондой эле жүндөн жасалган кийимдин ордуна пахтадан же синтетикадан тигилген кийим кийүү талапка ылайык. Бөлмөнү бат-баттан жууп, чаңын аарчуу зарыл.

Канымжан Усупбекова
kenesh@super.kg



"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.

Рейтинг: Рейтинг  2 
Комментарийлер(4)
28.07.2010. 23:37 
Тайпасы:
Жаран
Комментарийлердин саны:
534
Катталган:
12-07-2009
Соӊку аракети:
01-04-2018 20:23
Жынысы:
Белгисиз
Калаасы:
Canada
0
Mende allergianyn but belgilei bar eken...:(
29.07.2010. 21:31 
Тайпасы:
Кыймылы жок
Комментарийлердин саны:
6
Катталган:
18-07-2010
Соӊку аракети:
10-11-2010 23:05
Жынысы:
Белгисиз
0
мен да
08.08.2010. 02:38 
Тайпасы:
Кыймылы жок
Комментарийлердин саны:
19
Катталган:
03-08-2010
Соӊку аракети:
14-09-2010 00:47
Жынысы:
Белгисиз
0
menin alergiyam genetikalyk :( jay kelgende denemde chirkey chakkanday jara payda bolup anan jara bolup ayigat. aga cheyin ayabay kychyshyp rahat berbeyt. oto nymduu jana ysyk abalarda denemdi kee bir jerlerinde payda bolot.
23.08.2015. 13:59 
Тайпасы:
Жаран
Комментарийлердин саны:
73
Катталган:
08-02-2015
Соӊку аракети:
13-11-2018 17:11
Жынысы:
Белгисиз
0
Аллергиядан биротоло айыгууга болобу
1
Комментарий калтыруу үчүн өз ысымыңыз менен кириңиз же каттоодон өтүңүз.
 
Бөлүмдүн статистикасы
соңку 15 мүнөт ичинде 0 колдонуучу (Катталган: 0, коноктор: 0) бул макаланы окуду:

Макалалардын саны:
21471;
 
Маалымат-маанайшат порталы
2006-2018 © SUPER.KG
Кыргыз Республикасы, Бишкек шаары,
Күрөӊкеев көчөсү - 180
"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.
Рейтинг@Mail.ru
Биз социалдык тармактарда: