Архив
844   845   846   847   848   849   850   851   852   853   854   855   856   857   858   859   860   861   862   863  
792   793   794   795   796   797   798   799   800   801   802   803   804   805   806   807   808   809   810   811   812   813   814   815   816   817   818   819   820   821   822   823   824   825   826   827   828   829   830   831   832   833   834   835   836   837   838   839   840   841   842   843  
740   741   742   743   744   745   746   747   748   749   750   751   752   753   754   755   756   757   758   759   760   761   762   763   764   765   766   767   768   769   770   771   772   773   774   775   776   777   778   779   780   781   782   783   784   785   786   787   788   789   790   791  
687   688   689   690   691   692   693   694   695   696   697   698   699   700   701   702   703   704   705   706   707   708   709   710   711   712   713   714   715   716   717   718   719   720   721   722   723   724   725   726   727   728   729   730   731   732   733   734   735   736   737   738   739  
635   636   637   638   639   640   641   642   643   644   645   646   647   648   649   650   651   652   653   654   655   656   657   658   659   660   661   662   663   664   665   666   667   668   669   670   671   672   673   674   675   676   677   678   679   680   681   682   683   684   685   686  
583   584   585   586   587   588   589   590   591   592   593   594   595   596   597   598   599   600   601   602   603   604   605   606   607   608   609   610   611   612   613   614   615   616   617   618   619   620   621   622   623   624   625   626   627   628   629   630   631   632   633   634  
531   532   533   534   535   536   537   538   539   540   541   542   543   544   545   546   547   548   549   550   551   552   553   554   555   556   557   558   559   560   561   562   563   564   565   566   567   568   569   570   571   572   573   574   575   576   577   578   579   580   581   582  
479   480   481   482   483   484   485   486   487   488   489   490   491   492   493   494   495   496   497   498   499   500   501   502   503   504   505   506   507   508   509   510   511   512   513   514   515   516   517   518   519   520   521   522   523   524   525   526   527   528   529   530  
427   428   429   430   431   432   433   434   435   436   437   438   439   440   441   442   443   444   445   446   447   448   449   450   451   452   453   454   455   456   457   458   459   460   461   462   463   464   465   466   467   468   469   470   471   472   473   474   475   476   477   478  
374   375   376   377   378   379   380   381   382   383   384   385   386   387   388   389   390   391   392   393   394   395   396   397   398   399   400   401   402   403   404   405   406   407   408   409   410   411   412   413   414   415   416   417   418   419   420   421   422   423   424   425   426  
322   323   324   325   326   327   328   329   330   331   332   333   334   335   336   337   338   339   340   341   342   343   344   345   346   347   348   349   350   351   352   353   354   355   356   357   358   359   360   361   362   363   364   365   366   367   368   369   370   371   372   373  
264   265   266   267   268   269   270   271   272   273   274   275   276   277   278   279   280   281   282   283   284   285   286   287   288   289   290   291   292   293   294   295   296   297   298   299   300   301   302   303   304   305   306   307   308   309   310   311   312   313   314   315   316   317   318   319   320   321  
217   218   219   220   221   222   223   224   225   226   227   228   229   230   231   232   233   234   235   236   237   238   239   240   241   242   243   244   245   246   247   248   249   250   251   252   253   254   255   256   257   258   259   260   261   262   263  
176   180   181   182   183   184   185   186   187   188   189   190   191   192   193   194   195   196   197   198   199   200   201   202   203   204   205   206   207   208   209   210   211   212   213   214   215   216  
Популярдуу макалалар

ОҢДОЛБОГОН ОРДОЛОР. СТАДИОН, ИППОДРОМ, СПОРТ САРАЙ...

№859 18-24-апрель, 2019-жыл


Борбор калаадагы маданий-спорттук имараттар көп жылдан бери оңдоп-түзөөдөн өткөрүлбөй, учурда кейиштүү абалда. Биздин имараттарды көргөн ар бир чет өлкөлүк ырчы же спортчулар ар дайым уяткарып кетет. Канча жана кандай сөз айтылбасын, баягы абал баягы бойдон калып келүүдө.|

МЫШЫК ЫЙЛАГАН АБАЛ

Бишкек шаарынын архитектуралык өзгөчөлүгү, маданий-спорттук иш-чараларды өткөргөн имараттардын бири болгон Кожомкул атындагы Спорт ордосу 1974-жылы курулган. Имарат спорттук мелдештерди өткөрүүгө ылайыкталып, 3 миң көрүүчү батат. Мындан тышкары бул ордодо 1980-жылы 50 метрлик ачык бассейн да иштеп баштаган. Бул Союз учуру. Ордо ошондон бери ушул убакытка чейин бир дагы орчундуу түрдө оңдоп-түзөөдөн өтө элек. 2000-жылы имараттын сырт жагына мрамор төшөлүп, Кожомкул баатырдын эстелиги орнотулган. 2015-жылы да реконструкция болуп, анда фойе менен ички кире бериши оңдолгон. Ал эми бассейн 2006-жылдан бери иштебейт, каралбай калган. Ошондой эле имараттын ичиндеги шыптан аккан суулар, чирип-тешилип бүткөн полдор, сынып эскирген отургучтар, кышында жылыбаганы... Айтор, мышык ыйлаган абалда.

Спорт ордосу аты аталгандай спорттук гана иш-чараларды өткөрүүгө ылайык. Акыркы жолу ири мелдеш 2018-жылы күрөш боюнча Азия чемпиондугу өткөрүлгөн. Учурда таанымалы да, таанылбаган ырчы-чоорчулар да ушул жакта концерт коюп келишет. Жаштар иштери, дене тарбия жана спорт агенттигинин коомчулук менен байланыш бөлүмүнүн башчысы Нурдин Султамбаевдин айтымында, Спорт ордосуна концерт, жарманкелердин ижара акысынан жылына 17 миллион сом акча түшөт. Бирок чыгаша 24 миллион сомго чейин жетет. “Ордо мамлекеттик мекеме болгондон кийин киреше табуу эмес, кызмат кылуу багытын көздөйт. Оңдоодон өткөрүү боюнча маселе биз тараптан көп убакыттан бери көтөрүлүп келет. Бирок ал үчүн ири көлөмдөгү каражат керек болууда”,- дейт ал.

ОҢДОГОНДОН КӨРӨ САТКАН ОҢОЙБУ?

Спорт ордосу азыркыга чейин качан оңолот деген суроо ачык бойдон. Мамлекет оңдогондон көрө сатканга маш. Быйылкы жылдын февраль айында парламентте ушундай сөздөр чыккан. Анда Жогорку Кеңештин депутаты Кубанычбек Нурматов аталган жайды сатуу тууралуу сунуш киргизген. Мындай учурда айла жок Сагынбек Момбековдун айтылуу ыры эске түшөт эмеспи...

Спорт ордосунун жетекчиси Канат Шабданбаевдин айтымында, спорт жана дене тарбиялык мекемелер сатылып же менчиктештирилип кетсе спортту өнүктүрүүгө терс таасирин тийгизет.

Ансыз деле спорттук бир катар имараттар жеке менчикке өтүп кетип, азыркы абалы кандай экенин эстесек болот. “Инструментальщик” стадионунун ордунда учурда “Азия Молл” соода борбору турат, 2000-жылы менчикке өтүп кеткен “Сельмашевец” стадиону эбак каралбай калган. “Эмгек резерви” стадиону да унутулуп баратат...

Нурдин Султамбаевдин айтымында, учурда Спорт ордосун оңдоп-түзөөдөн өткөрүү боюнча кызыкдар тараптардан каттар келип жатат. "Концерттик залдын отургучтарын, полун жана шыбын оңдоо үчүн 25 миллион сом, сахнаны заман талабына ылайык жасалгалоо үчүн 18 миллион сом, андан сырткары фойе, машыгуу залына да ири каражат керек. Учурда демөөрчүлөрдү издеп жатабыз. Учурда бизге кызыкдар тараптардан каттар келип жатат. Эгерде эки тараптын шарттары туура келип калса, сунушту өкмөткө киргизебиз",- дейт ал.

СТАДИОН СЫМАЛ СТАДИОН

Бишкектеги эл аралык талапка жооп берген Дөлөн Өмүрзаков атындагы стадиондун "курагы" (мурунку “Спартак”) 70 жылдан ашып калды. Стадиондун кичи аренасы учурда каралбай, бузулуп калган. Кезинде бул жерде спорттук мелдештер өтүп турган. Жалгыз стадионду да бир жагын оңдосо, бир жагы калат. Андан көрө жаңы стадион куруу туура. Мындай маселе 2000-жылдан бери айтылып келе жатканы менен, сөз бойдон калууда. Бирок быйылкы жылы кыргыз футболчулары Азия чөлкөмүндө ийгилик жаратканда өлкөнүн премьер-министри жаңы стадион курулат деп айтканы бар. Азырынча долбоор боюнча сунуштар түшүп жатканы жана Бишкек шаарынан ылайыктуу жер каралып жатканы тууралуу маалыматтар чыккан.

Бул арада стадион эл аралык талапка жооп бербей калып, футбол боюнча улуттук курама команда өз үйүндө эл аралык оюндарды кабыл албай калышы да мүмкүн. Апрелдин башындагы “Дордой” – “Алтын Асыр” оюну аталган стадион стадионго деле окшобой бара жаткандыгын көрсөттү. Улуттук кураманын башкы машыктыруучусу Александр Крестинин мындай стадиондо эл аралык оюндарды кабыл алуу өлкө үчүн уят деп билдирди.

АТЫНА ЗАТЫ ЖАРАШПАГАН “АККУЛА”

Өлкөдө көк бөрү оюну акыркы убакта көп кызыгуу жараткандыктан ипподромдун абалы да көзгө урунат. Аталган жай 20 жыл бою жеке ишкананын менчигинде болду. 49,5 гектар жер! 2017-жылдын декабрь айында гана Бишкек мэриясы соттон “Аккула” ипподрому мыйзамсыз сатылып кеткенин далилдеп, мамлекеттин карамагына өткөрдү. Андан бери эч кандай оңдоо-түзөөдөн өтө элек. Бирок шаардын карамагына өткөндөн кийин ипподром оңдолуп, 3 миң көрүүчүлүк орундары 5,5 миңге көбөйтүлөрү, буга 650 миллион сом коротулары айтылган. Ии, баса, 2017-жылы Ноорузга арналган мелдеште көрүүчүлөр металл аркага чейин чыгып кеткени талкуу жаратканы бар. Ал кездеги премьер-министр Сооронбай Жээнбеков “Аккуланы” оңдоп-түзөө керектигин айткан. Учурда Жээнбеков президент, ал эми ипподром ошол бойдон...

Быйылкы жылкы Ноорузга арналган мелдеш көрсөткөндөй, көк бөрү сүйүүчүлөрү үчүн дагы деле эч кандай ыңгайлуу шарттар түзүлө элек. Атүгүл, жеңүүчү команданы куттуктаганы чыккан Жогорку Кеңештин спикери Дастан Жумабеков сөз сүйлөөрдө көрүүчүлөр “ипподром, ипподром” деп кыйкырып туруп алышты. Дал ушундай учур футболчуларды “Ала-Тоо” аянтында тосуп алып жатканда да болгон. Анда премьер-министр Мухаммедкалый Абылгазиевди эл сүйлөтпөй “стадион, стиадион” деп кыйкырышкан... Азырынча “Аккуланын” аты затына жараша элек.

Адилет Керимбек уулу
koom@super.kg



"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.

Рейтинг: Рейтинг  -1 
Комментарийлер(0)
Комментарий калтыруу үчүн өз ысымыңыз менен кириңиз же каттоодон өтүңүз.
 
Бөлүмдүн статистикасы
соңку 15 мүнөт ичинде 0 колдонуучу (Катталган: 0, коноктор: 0) бул макаланы окуду:

Макалалардын саны:
22285;
 
Маалымат-маанайшат порталы
2006-2019 © SUPER.KG
Кыргыз Республикасы, Бишкек шаары,
Жибек Жолу проспектиси 381
"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.
Рейтинг@Mail.ru
Биз социалдык тармактарда: