Архив
844   845   846   847   848   849   850   851   852   853   854   855   856   857   858   859   860   861   862   863   864   865   866   867   868  
792   793   794   795   796   797   798   799   800   801   802   803   804   805   806   807   808   809   810   811   812   813   814   815   816   817   818   819   820   821   822   823   824   825   826   827   828   829   830   831   832   833   834   835   836   837   838   839   840   841   842   843  
740   741   742   743   744   745   746   747   748   749   750   751   752   753   754   755   756   757   758   759   760   761   762   763   764   765   766   767   768   769   770   771   772   773   774   775   776   777   778   779   780   781   782   783   784   785   786   787   788   789   790   791  
687   688   689   690   691   692   693   694   695   696   697   698   699   700   701   702   703   704   705   706   707   708   709   710   711   712   713   714   715   716   717   718   719   720   721   722   723   724   725   726   727   728   729   730   731   732   733   734   735   736   737   738   739  
635   636   637   638   639   640   641   642   643   644   645   646   647   648   649   650   651   652   653   654   655   656   657   658   659   660   661   662   663   664   665   666   667   668   669   670   671   672   673   674   675   676   677   678   679   680   681   682   683   684   685   686  
583   584   585   586   587   588   589   590   591   592   593   594   595   596   597   598   599   600   601   602   603   604   605   606   607   608   609   610   611   612   613   614   615   616   617   618   619   620   621   622   623   624   625   626   627   628   629   630   631   632   633   634  
531   532   533   534   535   536   537   538   539   540   541   542   543   544   545   546   547   548   549   550   551   552   553   554   555   556   557   558   559   560   561   562   563   564   565   566   567   568   569   570   571   572   573   574   575   576   577   578   579   580   581   582  
479   480   481   482   483   484   485   486   487   488   489   490   491   492   493   494   495   496   497   498   499   500   501   502   503   504   505   506   507   508   509   510   511   512   513   514   515   516   517   518   519   520   521   522   523   524   525   526   527   528   529   530  
427   428   429   430   431   432   433   434   435   436   437   438   439   440   441   442   443   444   445   446   447   448   449   450   451   452   453   454   455   456   457   458   459   460   461   462   463   464   465   466   467   468   469   470   471   472   473   474   475   476   477   478  
374   375   376   377   378   379   380   381   382   383   384   385   386   387   388   389   390   391   392   393   394   395   396   397   398   399   400   401   402   403   404   405   406   407   408   409   410   411   412   413   414   415   416   417   418   419   420   421   422   423   424   425   426  
322   323   324   325   326   327   328   329   330   331   332   333   334   335   336   337   338   339   340   341   342   343   344   345   346   347   348   349   350   351   352   353   354   355   356   357   358   359   360   361   362   363   364   365   366   367   368   369   370   371   372   373  
264   265   266   267   268   269   270   271   272   273   274   275   276   277   278   279   280   281   282   283   284   285   286   287   288   289   290   291   292   293   294   295   296   297   298   299   300   301   302   303   304   305   306   307   308   309   310   311   312   313   314   315   316   317   318   319   320   321  
217   218   219   220   221   222   223   224   225   226   227   228   229   230   231   232   233   234   235   236   237   238   239   240   241   242   243   244   245   246   247   248   249   250   251   252   253   254   255   256   257   258   259   260   261   262   263  
176   180   181   182   183   184   185   186   187   188   189   190   191   192   193   194   195   196   197   198   199   200   201   202   203   204   205   206   207   208   209   210   211   212   213   214   215   216  
Популярдуу макалалар

Мирбек Иманбеков, ырчы: «САХНАНЫ, ДҮРКҮРӨГӨН ЭЛДИН КОЛ ЧАБУУСУН САГЫНДЫМ»

№860 25-апрель - 1-май, 2019-жыл


Ырчы Мирбек Иманбековдун “Жаным” аттуу ырына тартылган клиби талкуу чордонунда калды. "Бул чыгармачылык образ" деген ырчы чыгармачылыктагы кайра жаралуусу тууралуу маек курду.

– Мирбек, айылга кетип чыгармачылыгың дымый түштү эле, талкуу жараткан клиптен кийин чыгармачылыгыңда жандануу башталды деп түшүнсөк болобу?

– Ооба, муну чыгармачылыгымда жандануу башталды деп түшүнсөңөр болот. Негизи менде жандануу былтыр эле башталган. Клип былтыр эле тартылган, бирок элге быйыл тартуу кылдык. Эми жаңы ырларды ырдап, эски ырларымды жаңыртып, ушуга окшоп талкууга жем таштаган клиптерди тартам деп ойлонуп жатам. Жакшы идеяларым бар. Элге кызмат кылгым келет, жан дүйнөмдө патриот адаммын, колумдан ырдаган эле келет экен, жок дегенде ушундай болсо да кызмат кылайын деген ой менен чыгармачылыкка киришип турам.

– Бир учурда "ырдагандан деле чарчайт экенсиң" деп айткан экенсиң, азыр чарчаганың кайткан окшойт?

– Бул сөздү чарчаган кезде айткан окшойм. Бир ишти көп убакыт кыла берсе бардык эле адам чарчаса керек. Ырчы андан бетер чарчайт. Жан дүйнөң да эс алгысы келип калат. Кесибиңди укмуштай жакшы көрсөң да, тыныгуу керек. Оюңду топтоп, башка нерселерден да ырахат алып, кайрадан чыгармачылыктын казанында кайнаганга күч топтоп алышың керек. Кандайдыр бир убакыт өткөндөн кийин кесибиңди сагынат экенсиң. Ырчылыкты такыр эле таштап салган жокмун, тойлордо ырдап, гастролдорго чыгып черимди жазып алып жүрдүм. Бирок элге жакшы ыр тартуулоо, ал ырыңдын хит болгону такыр башка нерсе. Ошол нерселерди, сахнаны, дүркүрөгөн элдин кол чабуусун, элди сагынып калат экенсиң. Эми ырларымдын баары сагынуу темасында чыкса керек.

– Айылдын бейпил, жай турмушу жагабы же шаардын жашоосубу?

– Чынын айтсам, жан дүйнөмө айылдын тынч, бейпил, берекелүү жашоосу жагат. Тилекке каршы, энем өпкөнүн рак оорусунан 6 ай мурун жашоодон өтүп кетти, атам, үй-бүлөм жанымда. Үй тиричилик, чарба иштери менен алек болуу да жагат. Шаарда жашоо такыр башкача. Эл бир жакка шашып, бир нерсеге жетпей жаткансып жулунуп эле кыйнала беришет. Тынч жатып калсаң бир нерседен калып калгандай болуп кыжалат боло бересиң. Айылда жашап жатканыма 3 жыл болду, азыр шаарга барсам кысылып кетем. Эл бир нерсеге кыжалат болгонсуп, ал кыжалаттык мага өтүп жаткансып батпай кетем да, айылга жөнөп калам.

– Достук бир убактагы кызыкчылыктардын төп келүүсү. Кызыкчылык жоголгондо достук да жоголот дешет. Акбар Сүйүнбаев, Султан Садыралиев үчөөңөрдүн достугуңар да ушул кызыкчылыктын жоголушунан солгундап кеткен жокпу?

– Кудай сактасын, достугубуз жок болуп кеткен жок. Солгундап да кеткен жок. Болгону убакыт өтүп, биз токтолдук. Мурункудай оюбузга келген нерселерди жасабай, бала-чака деп калдык. Үй-бүлөбүз менен катташып турабыз. Шаарга барганда мени тосуп алышат, Таласка келсе мен аларды тосуп алам. Тескерисинче, сагынышып жолугушкан кызыктуу болот экен. Сөзүбүз бүтпөй калат. Биз дос болгондо акча үчүн, атак-даңк үчүн, пайда үчүн дос болгон эмеспиз. Достугубуз башталганда үчөөбүз тең студент элек. Ачка-ток жашоону чогуу көргөнбүз. Кийин үчөөбүз тең ырчы болуп кеттик. Бир өмүр дос болобуз деп үмүт кылам.

– Кесип тандаганда жана жар тандаганда адам жаңылбаш керек дешет. Менимче, жубайың чыгармачылыгыңды колдоп келет?..

– Туура, көз тийбесин. Келинчегим эмгекчил, тырышчаак, эң маанилүүсү, мени бардык тараптан колдогон адам. Аны бактылуу кылуу үчүн болгон аракетимди кылдым. Кесип тандаганда да жаңылбадым. Ырчылык аркылуу көп жерде болдум, элди тааныдым.

– Ырчы Наргиза Айтемирова, Нуркыз Кожонова менен дуэт аткарып жүрөсүң, бул тууралуу үйдө чыр чыкпайбы? Эмнеге кыздарды тандап аласың? Же кыздар сени тандашабы?

– Ооба, эки ырчы кыз менен ырдадым. Бул эми чыгармачылык, ага сот болбош керек. Мен тандаган жокмун, кыздар мага сунуш кылып "дуэт ырдайлы" дешти. Экөөнүн тең эмгекчил, таланттуу кыздар экенин билем. Мырзалар менен деле, улуу муундагы ырчылар менен деле ырдагым келет (күлүп). Үйдө чыр чыкпайт, баарын колдоп түшүнөт.

– Бир кезде продюсерлерге бунт чыгарган Султан Садыралиев экөөңөр болдуңар эле. Ошондо продюсериңер "биз болбосок өчүп калышат" деп айткан учурлары болуптур. Алар ошондо алдын ала көрө алыштыбы деген ой келет.

– Ал эжекелер менин бетиме эч нерсе деп деле айтышкан эмес, элге эмне деп айтканын билбейм, кызыккан деле эмесмин. Жаш, курч кез болду. Алар менен иштешкен учурума өкүнбөйм. Азыр ойлонуп отуруп бардык кадамдарым туура болгон деп ойлойм. Эстегим келбейт, таарыныч деле жок. Азыркыга чейин жамандык, жакшылыкта мурунку продюсерим менен катташып, сүйлөшүп турам.

– Негизи эле чыгармачылыкта болобу, жашоодо болобу, өкүнгөн учуруң болду беле?

– Табиятымдан артка кылчактап эзиле берген адам эмесмин. Эмне болуш керек болсо учурунда болду деп алдыга карай кете берем. Ата-энем бизди аябай көңүл буруп карашты. Мен онунчу бала болгондуктан, апама «Баатыр эне» деген наамды алып бергем (күлүп). Карындашым экөөбүздү өзгөчө карашты. Мындай балдарда өкүнүү, корунуу деген нерсе болбой өсөт. Жашоодо анча-мынча кыйынчылыктар болду, бирок аны өкүнүч деп ойлобойм. Бир гана энем дүйнөдөн кайтканда катуу депрессия болдум. «Мен ага татыктуу уул боло алдымбы, колумдан келгендин баарын кылдымбы?» деп көп ойлондум. 70 жашында бир жакшы той берсем деп, чет өлкөгө алып барып келсем деп ойлончу элем, жетишпей калдым. Эртеңкиге калтырбай маанилүү иштерди убагында бүтүрүш керек экен. Чоң өкүнүчүм ушу болду окшойт.

– Кандай уулсуң, кандай атасың, кандай күйөөсүң?

– Уул катары милдетимди канчалык деңгээлде аткардым билбейм, жакшы эле атамын го деп ойлойм. Эми бир нерсе десең да «таластык да, мактанып жатат» дешет эртең комментарийлерде (күлүп). Балдарыма жакшы эле тарбия берип жатам. Мени жакшы көрүшөт, мен да аларды жакшы көрөм. Кандай күйөө экенин аялдын жүзүнөн бил деп айтышат го. Аялым мени карап дайым күлүп турат, бир жакка чыксам сагынат, демек, жакшы эле күйөө окшойм.

– Маегиңе рахмат.

Нуржамал Жийдебаева
star@super.kg



"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.

Рейтинг: Рейтинг  2 
Комментарийлер(8)
29.04.2019. 16:14 
Тайпасы:
Жаран
Комментарийлердин саны:
238
Катталган:
18-09-2018
Соӊку аракети:
26-06-2019 21:00
Жынысы:
Белгисиз
-6
Акчаны сагынган жоксунбу андан к0ро???
30.04.2019. 05:07 
Тайпасы:
Жаран
Комментарийлердин саны:
13
Катталган:
14-04-2018
Соӊку аракети:
25-05-2019 13:44
Жынысы:
Белгисиз
+1
katerina.li,не деп койгонсун, тушуркоп аткан жоксунбу?
29.04.2019. 16:18 
Тайпасы:
Жаран
Комментарийлердин саны:
247
Катталган:
16-02-2018
Соӊку аракети:
11-06-2019 15:56
Жынысы:
Белгисиз
Калаасы:
Бишкек
0
"Таластык-мактанчаак"деген стереотипти жойсок жакшы болот эле. А так ийгилик!
29.04.2019. 17:09 
Тайпасы:
Жаран
Комментарийлердин саны:
14
Катталган:
22-01-2019
Соӊку аракети:
27-06-2019 00:39
Жынысы:
Белгисиз
+6
Азаматсыз
30.04.2019. 03:59 
Тайпасы:
Жаран
Комментарийлердин саны:
104
Катталган:
09-04-2014
Соӊку аракети:
27-06-2019 00:36
Жынысы:
Белгисиз
Калаасы:
Жолдошумдун айылы.
+2
Талантуу жигит,эң соонун маек куруптур.Чыгармачылык ийгилик каалайм. Убагында канча кыздар ыйлаган Мирбектин аркасынан.
30.04.2019. 11:20 
Тайпасы:
Жаран
Комментарийлердин саны:
7
Катталган:
19-05-2014
Соӊку аракети:
25-06-2019 15:47
Жынысы:
Белгисиз
+1
Жакшы маек болуптур, токтоо орундуу жооп бериптир. Уй-булолук, чыгармалык ийгилик!
30.04.2019. 13:48 
Тайпасы:
Жаран
Комментарийлердин саны:
272
Катталган:
14-11-2015
Соӊку аракети:
25-06-2019 12:01
Жынысы:
Белгисиз
Калаасы:
Шахризааданын жомогу
+1
Жаны чыккан кезинде аябай суктангам, ырынанда уячасы козго биринчи урунат.
30.04.2019. 20:34 
Тайпасы:
Жаран
Комментарийлердин саны:
159
Катталган:
30-11-2018
Соӊку аракети:
26-06-2019 19:08
Жынысы:
Белгисиз
-1
Мирбек сахнага кайтын бирок Ильяз Абдыразаков менен 2005 жылы чыккан элениздер неге Ильяз Абдыразаков менен дуэт ырыныздар жок дуэт ырдап чыксаныздар жакшы болот эле Ильяз Абдыразаков менен күтөбүз
1
Комментарий калтыруу үчүн өз ысымыңыз менен кириңиз же каттоодон өтүңүз.
 
Бөлүмдүн статистикасы
соңку 15 мүнөт ичинде 0 колдонуучу (Катталган: 0, коноктор: 0) бул макаланы окуду:

Макалалардын саны:
22453;
 
Маалымат-маанайшат порталы
2006-2019 © SUPER.KG
Кыргыз Республикасы, Бишкек шаары,
Жибек Жолу проспектиси 381
"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.
Рейтинг@Mail.ru
Биз социалдык тармактарда: