Архив
792   793   794   795   796   797   798   799   800   801   802   803   804   805   806   807   808   809   810   811   812   813   814   815   816   817   818   819   820   821   822   823   824   825   826   827   828   829  
740   741   742   743   744   745   746   747   748   749   750   751   752   753   754   755   756   757   758   759   760   761   762   763   764   765   766   767   768   769   770   771   772   773   774   775   776   777   778   779   780   781   782   783   784   785   786   787   788   789   790   791  
687   688   689   690   691   692   693   694   695   696   697   698   699   700   701   702   703   704   705   706   707   708   709   710   711   712   713   714   715   716   717   718   719   720   721   722   723   724   725   726   727   728   729   730   731   732   733   734   735   736   737   738   739  
635   636   637   638   639   640   641   642   643   644   645   646   647   648   649   650   651   652   653   654   655   656   657   658   659   660   661   662   663   664   665   666   667   668   669   670   671   672   673   674   675   676   677   678   679   680   681   682   683   684   685   686  
583   584   585   586   587   588   589   590   591   592   593   594   595   596   597   598   599   600   601   602   603   604   605   606   607   608   609   610   611   612   613   614   615   616   617   618   619   620   621   622   623   624   625   626   627   628   629   630   631   632   633   634  
531   532   533   534   535   536   537   538   539   540   541   542   543   544   545   546   547   548   549   550   551   552   553   554   555   556   557   558   559   560   561   562   563   564   565   566   567   568   569   570   571   572   573   574   575   576   577   578   579   580   581   582  
479   480   481   482   483   484   485   486   487   488   489   490   491   492   493   494   495   496   497   498   499   500   501   502   503   504   505   506   507   508   509   510   511   512   513   514   515   516   517   518   519   520   521   522   523   524   525   526   527   528   529   530  
427   428   429   430   431   432   433   434   435   436   437   438   439   440   441   442   443   444   445   446   447   448   449   450   451   452   453   454   455   456   457   458   459   460   461   462   463   464   465   466   467   468   469   470   471   472   473   474   475   476   477   478  
374   375   376   377   378   379   380   381   382   383   384   385   386   387   388   389   390   391   392   393   394   395   396   397   398   399   400   401   402   403   404   405   406   407   408   409   410   411   412   413   414   415   416   417   418   419   420   421   422   423   424   425   426  
322   323   324   325   326   327   328   329   330   331   332   333   334   335   336   337   338   339   340   341   342   343   344   345   346   347   348   349   350   351   352   353   354   355   356   357   358   359   360   361   362   363   364   365   366   367   368   369   370   371   372   373  
264   265   266   267   268   269   270   271   272   273   274   275   276   277   278   279   280   281   282   283   284   285   286   287   288   289   290   291   292   293   294   295   296   297   298   299   300   301   302   303   304   305   306   307   308   309   310   311   312   313   314   315   316   317   318   319   320   321  
217   218   219   220   221   222   223   224   225   226   227   228   229   230   231   232   233   234   235   236   237   238   239   240   241   242   243   244   245   246   247   248   249   250   251   252   253   254   255   256   257   258   259   260   261   262   263  
176   180   181   182   183   184   185   186   187   188   189   190   191   192   193   194   195   196   197   198   199   200   201   202   203   204   205   206   207   208   209   210   211   212   213   214   215   216  
Популярдуу макалалар
Akbuura gazeta

АМР ДИАБ

№231 6-12-апрель, 2007-ж.


Биз анын жүрөктү эзген мукам үнүн биринчи жолу белгилүү “Клон” сериалынан укканбыз. Анын чыныгы хитке айланган “Habibi” аттуу ыры менен баарыбыз “ооруп”, оозубуздан түшүрбөй ырдап калбадык беле?! Жүзүн көрүшпөсө да анын күйөрманына айлангандар арабызда аз эмес болчу. Сериал эчак бүткөн, бирок, Амр Диаб менен анын ыры дале эсибизде. Эмесе, “Дүйнө жылдыздары” рубрикасынын бүгүнкү коногу – араб музыкасынын жылдызы Амр Диаб.

Жаңы жылдыз

Дүйнөнү дүңгүрөткөн атактуу ырчы болоору маңдайына жазылган Амр Диаб (толук аты ­Амр Абд-Албасет Абд-Алазиз Диаб) 1961-жылдын 11-октябрында Египеттин Порт-Саид шаарында жарык дүйнөгө келген. Кенедейинен эле анын ырчылыкка шыктуу экени билине баштайт. Анын талантын байкагандар Амрди Египеттин мамлекеттик радиолорунун биринде ырдатышкан. Алгач эл алдына жөнөкөй ырлардан ырдап чыкпастан, “Biladi Biladi” деп аталган Египеттин гимнин аткарып бергени менен кичинекей ырчы дароо эле калайыктын көңүлүн өзүнө бурган экен. 1967-жылдын 23-июну – ырчынын келечегин аныктаган маанилүү күн. Себеби, Порт-Саид шаарында өткөн музыкалык фестивалда Амрге эң биринчи сыйлык тапшырылган: шаардын губернатору кичинекей жылдызга өз колу менен гитара белек кылган. Ошондо Амр Диаб болгону 6 жашта эле.
Амр Диабдын атасы – Абдул Бассет Диаб. Ал убагында Суец Каналы Корпорациясынын кеме куруу бөлүмүнүн төрагасынын кызматын ээлеп турчу. Ал да жагымдуу үнгө ээ болгон, бирок, жаш кезинде ырчылык кесип жөнүндө ойлонууга убактысы да, мүмкүнчүлүгү да болгон эмес. Балким, ошол себептен уулунун атактуу ырчы болушун самап, ага ар тараптуу колдоо көрсөтүп келет.

Ийгилик тепкичи

21 жашка келгенде Амр Диаб өз шаарынан кетип, Каирге сапар алат. Борборго келээри менен Араб Музыкалык колледжинин окуучуларынын катарына кошулат да, акырындап радио жана телевидениеден аты атала баштайт. Бир жылдан кийин Амр эң алгачкы “El Zaman” деген ырын ырдап чыгат. Тилекке каршы, бул композиция ийгиликке жетишпей, тез эле унутулуп калат.
Багынууну ойлонуп да койбогон Амр колледжден кийин Искусство Академиясына өтөт да, 1986-жылы окуу жайдын музыкалык факультетинин диплому менен кошо өзүнүн эки альбомун элдин назарына тартуулайт. Амрдин расмий түрдөгү эң биринчи ырлар жыйнагы болуп эсептелген “Ya Tareek” альбому акжолтой болуп, артынан көп сандаган жаңы жыйнактарды алып келди.
Бир жылдан кийин эле зор эмгектин жыйынтыгы болуп “Asef La Yougad Hal Akhar” деген жыйнак жарык көрдү. Андагы ар бир ыр шоу-бизнестеги сынчылардын “экзаменинен” ийгиликтүү өтүп, египеттик музыка сү­йүү­чүлөрдүн ичинен биринчи кү­йөрмандарын таба баштады.
Жашоонун ийгилик тепкичи менен көтө­рүлүп отуруп, Амр Диаб 1988-жылы дагы эки альбомду удаа даярдоого жетишти. Жылдын негизги хит ырына айланган “Hala Hala” аттуу композиция ырчыны Египеттен тышкары жакын өлкөлөргө да тааныта баштады.
Амрдин бир жылдын ичинде 1-2 альбомду тоок жумуртка басып чыгаргандай эле тынымсыз даярдап туруусу анын сахна атаандаштарын да, сынчыларды да, күйөрмандарды да аң-таң калтырат. 1989-жылы ырчынын “Shawa na” жана “Khalseen” аттуу дагы эки альбому жазылат.

Дүйнөлүк атак

1990-жылды Амр Диабды дүйнөлүк аренага чыгарган өзгөчө мезгил деп атасак болот. Бул жыл африкалык спорт мелдешинин 5-сезонуна туш келген эле. Так ошол мелдештин ачылыш салтанатына арналган концертте Египеттин атынан чыккан Амр Диаб араб, англис жана француз тилдеринде ырдап чыгуусу менен египеттик спортчулардын духун жана жалпы өлкөнүн баркын көтөрүп кеткен. Араб өлкөлөрүнөн тышкары “CNN” каналы аркылуу бүткүл дүйнөгө жайылып көрсөтүлгөн концерт жер шарына жаңы жылдызды таанытты. Анын буга чейинки жана жаңы жазылган ырлары дүйнөлүк хиттерге айланды.
Бул жыл Амр үчүн өзгөчө мол чыккан окшойт, дүйнөнүн сырдуу араб жигитке болгон кызыгуусу күндөн-күнгө артып, анын жашоосу тууралуу бир ооз сөз маалымат базарында кымбат баага ээ боло баштайт. Мындай сооданы вашингтондук телеканал баштоону чечип, жаш ырчыны 4 сааттык телевизиондук интервьюга чакырышкан экен.
Ушул жылдан тартып Амр Диаб атактуу ырчылардын катарына кирет. Ири үн жаздыруучу студиялар, кадыр-барктуу продюсерлер менен келишим түзүүгө жетишет. Мунун натыйжасында, ырларына биринчилерден болуп сапаттуу жана сюжеттүү клиптерди тарттырып баштайт. Анын кезектеги “Matkhafeesh” альбому жазылып, андагы бир нече ырга видеоклип тартылат.
1991-жылы атактуу “Habibi” ыры жазылды. Арабча ыр жазуу оңойбу, айтор, андан кийин дароо эле төрт альбом арты-артынан жаралды. 1998-2002 жылдары Амр эч качан эмгектенбегендей эмгектенди. Аталган убакыттын ичинде ырчы күйөрмандарын тындырбай 5 альбом жаратып, 2 фильмге тартылат. Ишинен бир азга бошой калган убакта клип тарттырууга жана дүйнөнүн алдыңкы шаарларын кыдырып, ээ болгон сыйлыктары менен наамдарын алып келе койгонго да жетишет.

Амр Диаб – актёр

Музыка дүйнөсүндө белгилүү бийиктикке жеткен соң ырчы өзүн актёрлук кесипте да сынамак болот. 1988-жылдын август айында “El Saginatean” деп аталган тасмада Египеттин алдыңкы актёрлору Эльхам Шахен жана Юсеф Шаабан менен бирге тартылуу бактысына татыган. Кино жаатында көрсөтө алган таланты Амрге популярдуулук менен кадыр-барк алып келди.
1990-жылы тартылган 2-фильми “El Aafareet” деп аталат. Амр мында да атактуу актёрлор менен бирге тартылып, киноискусстводо да ордун таба баштайт.
Амрдин тартылган “Ice Cream Fe Gleem” тасмасы бүткүл дүйнө­лүк кино өндүрүшүндө алдыңкы орундарга ээ болгон. Бул фильмдин саундтреги катары Амрдин аткаруусундагы ырлар колдонулган.

Сүйүктүү жолдош, мээримдүү ата

Жан койбогон журналисттердин тажаткан суроолору, кийлигишүүлөрү Амр Диабдын өзүнө тоскоол болот окшойт. Анткени, анын жеке турмушу жөнүндө маалымат эмнегедир өтө эле аз. Амр турмушун биринчи сүйүүсү Шерин Рида менен кура баштаган. Экөөнүн ортосундагы түшүн­бөстүктөрдүн натыйжасында ажырашууга туура келген. Амрдин атактуу “Habibi” ыры алардын кызы Нурга арналган. Амр экинчи жолу Зена Ашур аттуу айымга үйлөнгөн. Азыркы күндө улуу кызы Нурдан кийин Абду-Алла (эркек) менен Кензи (кыз) деген эгиздери жана эң кичүү Яна аттуу кызы бар. Амр үйбүлөсү менен карьерасын эч аралаштыргысы келбейт. Жумушунан сырткары, бардык убактысын өмүрлүк жары менен балдарына жумшоого аракет кылат.

Бай жана атактуу

Амр Диаб “Арабиан бизнес” аттуу журналдын жүргүзгөн изилдөөлөрүнө караганда, египеттик эң бай музыканттардын ичинен 37 миллион доллар байлыгы менен биринчи орунду ээлейт.
Чыгышта Таркан менен Мустафа Сандал, батышта Энрике Иглесиас менен Рики Мартинге татыктуу атаандаштык түзө алган бул ырчынын музыкалык коктейли бүткүл дүйнөнү өзүнө тарта алды. Сезимди козгогон араб обондорун кооз “латино” ритмдерине батыш стилиндеги аранжировка менен аралаштырып жараткан ырлары, ар бир концертинде чыгаардан мурун жарым стакан бал жеп туруп ырдаган мукам үнү эч кимди кайдыгер калтырбайт.
Күйөрмандарды дагы бир жолу кубанта алабыз, анткени, буюрса, Амр Диаб жакынкы арада Шакира менен дуэт ырдайт. Чыгыш ханышасы менен ханзаадасы кошулуп ырдаса, кандай кереметтүү музыка жаралаарын убагында көрө жатаарбыз.

Даярдаган Бегайым Мусакеева


"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.

Рейтинг: Рейтинг  0 
Комментарийлер(0)
Комментарий калтыруу үчүн өз ысымыңыз менен кириңиз же каттоодон өтүңүз.
 
Бөлүмдүн статистикасы
соңку 15 мүнөт ичинде 0 колдонуучу (Катталган: 0, коноктор: 0) бул макаланы окуду:

Макалалардын саны:
21232;
 
Маалымат-маанайшат порталы
2006-2018 © SUPER.KG
Кыргыз Республикасы, Бишкек шаары,
Күрөӊкеев көчөсү - 180
"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.
Рейтинг@Mail.ru
Биз социалдык тармактарда: