БИР БҮРКҮМ. БИШКЕКТЕ ЫСЫК СУУ 6-МАЙДА ӨЧҮРҮЛӨТ...

6-июндан тарта Ташкент-Балыкчы каттамы боюнча жүргүнчүлөрдү ташуучу поезд жүрө баштайт. Бул тууралуу «Кыргыз темир жолу» ишканасынан билдиришти.
“Бишкек башкы архитектура” муниципалдык ишканасынын бөлүм башчысы К.М. 1500 доллар пара алып жаткан учурунда кармалды.
Биометрикалык паспортторго бланк даярдоодо өткөрүлгөн тендерде мыйзам бузуулар боюнча айыпталып жаткан Мамлекеттик каттоо кызматынын төрагасынын орун басары Русланбек Сарыбаев үй камагына чыгарылды.
Бишкектин 141 жылдыгын белгилөөгө шаардык бюджеттен 1 миллион 900 миң сом бөлүнгөн. Анын басымдуу бөлүгү музыкалык аппаратурага жана фейерверкке коротулду.
Бишкекте ысык суу 6-майдан тартып бир айга токтотулат. Тийиштүү буйрукка шаардын мэри Азиз Суракматов кол койду.Бул учурда шаардагы суу түтүктөрү жана жылытуучу казандар оңдолот.
Алмаз Кулматов өкмөт башчынын коомдук башталыштагы кеңешчиси болуп дайындалды.
Кытай Эл Республикасынын төрагасы Си Цзиньпинь Кыргызстанга мамлекеттик визит менен 2019-жылдын июнь айында келет.
Орусиянын Коргоо министрлиги Кыргызстандын Куралдуу күчтөрүнө 2 тик учак жана 9 аскердик чалгындоо жүргүзө турган унаа берди.
Жогорку Соттун төрайымы Гүлбара Калиева жакшы сот болууга кеминде беш жыл керек экенин билдирди.
Бишкектин райондор аралык соту "Элит Хаус" курулуш компаниясына караштуу 9 кабаттуу эки имаратты сүрдүрүүгө чечим чыгарды.
Бишкектеги "Ала-Тоо" аянтында уран казууга каршы митинг уюштурган "Жашылдар партиясынын" төрагасы Эркин Бөлөкбаевге 3 миң сом айып салынды.

Кубан Жумамидинов
politika@super.kg

"Супер-Инфо" гезитинин материалдары жеке колдонууда гана уруксат. Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.

Талкуу жабык.

№ 861, 2-8-май, 2019-жыл