Архив
844   845   846   847   848   849   850   851   852   853   854   855   856   857   858   859   860   861   862   863  
792   793   794   795   796   797   798   799   800   801   802   803   804   805   806   807   808   809   810   811   812   813   814   815   816   817   818   819   820   821   822   823   824   825   826   827   828   829   830   831   832   833   834   835   836   837   838   839   840   841   842   843  
740   741   742   743   744   745   746   747   748   749   750   751   752   753   754   755   756   757   758   759   760   761   762   763   764   765   766   767   768   769   770   771   772   773   774   775   776   777   778   779   780   781   782   783   784   785   786   787   788   789   790   791  
687   688   689   690   691   692   693   694   695   696   697   698   699   700   701   702   703   704   705   706   707   708   709   710   711   712   713   714   715   716   717   718   719   720   721   722   723   724   725   726   727   728   729   730   731   732   733   734   735   736   737   738   739  
635   636   637   638   639   640   641   642   643   644   645   646   647   648   649   650   651   652   653   654   655   656   657   658   659   660   661   662   663   664   665   666   667   668   669   670   671   672   673   674   675   676   677   678   679   680   681   682   683   684   685   686  
583   584   585   586   587   588   589   590   591   592   593   594   595   596   597   598   599   600   601   602   603   604   605   606   607   608   609   610   611   612   613   614   615   616   617   618   619   620   621   622   623   624   625   626   627   628   629   630   631   632   633   634  
531   532   533   534   535   536   537   538   539   540   541   542   543   544   545   546   547   548   549   550   551   552   553   554   555   556   557   558   559   560   561   562   563   564   565   566   567   568   569   570   571   572   573   574   575   576   577   578   579   580   581   582  
479   480   481   482   483   484   485   486   487   488   489   490   491   492   493   494   495   496   497   498   499   500   501   502   503   504   505   506   507   508   509   510   511   512   513   514   515   516   517   518   519   520   521   522   523   524   525   526   527   528   529   530  
427   428   429   430   431   432   433   434   435   436   437   438   439   440   441   442   443   444   445   446   447   448   449   450   451   452   453   454   455   456   457   458   459   460   461   462   463   464   465   466   467   468   469   470   471   472   473   474   475   476   477   478  
374   375   376   377   378   379   380   381   382   383   384   385   386   387   388   389   390   391   392   393   394   395   396   397   398   399   400   401   402   403   404   405   406   407   408   409   410   411   412   413   414   415   416   417   418   419   420   421   422   423   424   425   426  
322   323   324   325   326   327   328   329   330   331   332   333   334   335   336   337   338   339   340   341   342   343   344   345   346   347   348   349   350   351   352   353   354   355   356   357   358   359   360   361   362   363   364   365   366   367   368   369   370   371   372   373  
264   265   266   267   268   269   270   271   272   273   274   275   276   277   278   279   280   281   282   283   284   285   286   287   288   289   290   291   292   293   294   295   296   297   298   299   300   301   302   303   304   305   306   307   308   309   310   311   312   313   314   315   316   317   318   319   320   321  
217   218   219   220   221   222   223   224   225   226   227   228   229   230   231   232   233   234   235   236   237   238   239   240   241   242   243   244   245   246   247   248   249   250   251   252   253   254   255   256   257   258   259   260   261   262   263  
176   180   181   182   183   184   185   186   187   188   189   190   191   192   193   194   195   196   197   198   199   200   201   202   203   204   205   206   207   208   209   210   211   212   213   214   215   216  
Популярдуу макалалар

Канат Келдибеков, мушкер: «UFC`де БИЗДЕН АЛСЫЗ МУШКЕРЛЕР БАР»

№862 9-15май, 2019-жыл


Жүрөгүндө жалыны бар, кыргыз деп күйгөн эр-азаматтар аз эмес. Алардын бири – Тайсон деген каймана ысымы менен таанымал Канат Келдибеков. Бүгүнкү биздин каарманыбыздын ийгилигинин артында канча деген эмгек, кандай татаал тагдыр бар экенин көптөр билбесе керек.

КААРМАН ТУУРАЛУУ

Толук аты-жөнү – Келдибеков Канат Келдибекович

Туулган жылы, күнү – 1991-жыл, 27-март,

Туулган жери – Нарын шаары

Каймана аты – Тайсон

Бою – 170 сантиметр

Салмагы – 72 килограмм

Профессионалдык беттештеринин саны – 16 (12 жеңиш, 4 жеңилүү)

Жетишкендиктери – Эрежесиз эр уруш боюнча Кыргызстандын 2 жолку, Евразиянын 2 жолку чемпиону, Дүйнөлүк кулатуу федерациясынын (WEF) Гран-при мелдешинин жеңүүчүсү

Үй-бүлөдө – 10 бир туугандын төртүнчүсү

Учурда – Үй-бүлөлүү, 3 кыз, 1 уулдун атасы

– Салам алейкум, Канат мырза. Ден соолуктарыңыз жакшыбы?

– Алейкум салам. Кудайга шүгүр, баары жакшы. Учурда бутумда кичинекей жаракатым бар. Ага карабастан машыгуу өз нугунда өтүп жатат. Буюрса, кийинки беттешке чейин айыгып калат.

– Жакында эле Дүйнөлүк кулатуу федерациясы (WEF) уюштурган Гран-при мелдеши өтүп, чемпиондук кур сизге буюрду. Бир эле күндө 4 беттеш өткөрүү оор болдубу?

– Албетте, бир нече сааттын ичинде 4 беттеш өткөрүү кыйынчылык жаратты. Себеби 4 беттеште тең кыргыздын мен-мен деген мушкерлерине каршы турдум. Кудай буюруп, чемпиондук курду багындырдым.

– Жарым финалда мушкер Алимардан Абдыкааров менен кез келип, беттештин алгачкы секунддарында эле нокдаунга түшүп калганыңызга карабай атаандашты жеңип алдыңыз...

– Алимардан менин иним, чогуу бир залда машыгып келебиз. Октагонго бардыгы жеңем деп чыгат. Бирок биринчи раундда эле агрессивдүү болуп, дароо эле катуу сокку урат деп күткөн эмесмин. Беттеш башталгандан кийин эле анын соккусу таамай тийип, мен нокдаунга түшүп калдым. Ал болсо дагы бир нече катуу соккуларын узатууга жетишти. Мен тайманбастыгымды көрсөтүп, эптеп сактанууга аракет кылып баштадым. Ошол учурда анын башын кармап калдым, анан ошол менен муунтуу ыкмасы менен жеңишке жеттим.

– Алгач бокс менен машыкканыңызды билебиз. Кандай себептерден улам эрежесиз эр урушка өтүп кеттиңиз?

– 3 жыл бокс менен машыктым. Боксто көп беттештердин тагдыры упай айырмачылыгы менен чечилет. Мага упай менен чечилгенде каршылашыма тартып койгондой сезиле берчү. Акыркы жолу Кыргызстандын бокс боюнча биринчилигинде рингге чыккам. Ошондо машыктыруучу агайым Кенжебек Акелбаев беттеш алдында “ушул беттешти утпасаң келбе” деп намысыма тийип айткан эле. Мен упай эсебинен жеңилип калып, агайымдын айтканын түз түшүнүп, бокстон кетип калгам. Көрсө, ал менин намысыма тийип жеңишиң керек деп дем-күч берген экен. Ошентип боксту таштагандан кийин үйлөнүп, Нарынга көчүп бардым. Ал жактан эрежесиз эр уруш менен машыга баштадым.

– Эрежесиз эр урушта деле упай менен жеңилип калуу коркунучу бар да...

– Бул жерде беттешти аягына чейин чыгарбай эле каршылашты жеңип коюу мүмкүнчүлүгү жогору. Себеби ар кандай ыкмаларды колдонуу менен атаандашты жеңүүгө болот. Мен дайыма беттештерди аягына чыгарбай, мөөнөтүнөн мурда жеңишке жетүүнү көздөйм.

– Беттеш алдында шоу кылганды жакшы өздөштүргөнсүз. Мындай кадамдарга атайын барасызбы же беттеш алдында эмоцияны кармоо оор болуп калабы?

– Мен беттеш алдында кыйкырып, өзүмдүн эмоцияларымды көргөзүп, өзүмө-өзүм дем-күч берем. Экинчи жагынан мындай аракетим менен каршылашыма психикалык басым жасагым келет. Ошондой эле шоунун болушу же болбой калышы атаандашка байланыштуу болот.

Эгер каршылаш оор басырыктуу, эмоциясын билдирбегендерден болсо, мен дагы ага ошондой мамиле кылам. Ал эми кээ бир агрессивдүү мушкерлерге мен дагы өзүмдүн агрессивдүү экенимди көргөзөм.

– Профессионалдык спорт менен үй-бүлөнү бакса болобу?

– Спорт менен үй-бүлөнү багыш кыйын. Ата-энем “балам, спортуңду таштап, жакшы бир жумушка кирип, үй-бүлөңдү бакпайсыңбы” деп айтышат. Бирок мен спортко сүңгүп кирип кеткендиктен эрежесиз эр урушту таштай албайм. Үй-бүлөнү багыш үчүн башка иштер менен алектенгенге туура келет. 2012-жылы жаңыдан октагонго чыгып баштаганда Нарында “Тазалык” муниципалдык ишканасында жүк көтөргүч болуп иштегем. Андан кийин айдоочулукка өттүм. Бирок таксиден жакшы акча табуу кыйын болгондуктан, курулуш тармагында да иштедим. Үйдө материалдык көйгөйлөр жаралганда спортту таштап башка иш кылсамбы деп ойлоном. Бирок жүрөктө спортко болгон сүйүүм өтө күчтүү, андыктан спорттон кете албайм.

– Үстүбүздөгү жылдын январь айында Грозный шаарында Хусейн Шейхаевге утулуп калдыңыз эле. Жеңилүүнүн негизги себептери эмнеде деп ойлойсуз?

– Ал беттештин алдында Дагестанга барып даярдык көргөнбүз. Тилекке каршы, машыгуу учурунда чыканагымдан жаракат алып калдым. Ошондой эле бул беттешке мен 61,5 килограмм салмак ченинде чыгышым керек эле. Негизи өзүмдүн салмагым 73 килограмм. Анан 11,5 килограммга арыктоо мен үчүн кыйын болду, көп күчүмдүн баары ошого кетип калды. Ошонун натыйжасында физикалык жактан алсырап калдым. Жакындарымдын "беттешке чыкпай эле кой" дегенине карабастан беттешке чыктым, жеңилдим. Менин чоң катам туура эмес жол менен арыктаганым болду. Анын натыйжасында мен өзүмө толук келе албай калдым. Беттештин 1-раундунда эле менде физикалык күч жок экенин, шайым кетип калганын түшүндүм. Себеби сокку узатсам соккумдун күчү жок экени байкалды. Белден кармап көтөрүп чабайын деп аракет кылсам, көтөрүүгө күчүм жетпей койду. Анан ошондо энергияны, физикалык күчтүн бардыгын беттешке чейин эле жок кылып алганымды түшүндүм. Ага карабастан мен сынган жокмун. Беттештин аягына чейин каршылашым менен кармаштым. Бул жеңилүүдөн кийин мен кыргыз элиме карыз болуп калгандай, өзүмдү жаман сезип жүрдүм.

– Ар бир ММА мушкери UFC`нин октагонунда беттеш өткөрсөм деп тилейт эмеспи...

– Албетте, UFC`нин октагонуна чыгууга мүмкүнчүлүк бар. Биринчи кезекте ал уюм менен келишим түзүш үчүн мыкты менеджериң, тааныштарың болуш керек. Ачыгын айтканда, UFC`де бизден алсыз мушкерлер бар. Тилекке каршы, азыр UFC эмес, андан жөнөкөй уюмдарга барып беттешүүгө шартыбыз жок болуп жатат.

– Эми кийинки беттешиңиз тууралуу айтып берсеңиз?

– Кийинки беттешим RFCH уюмунда 22-июнда болот. Каршылашым орусиялык Василий Разумовский. Ал эми АСА уюмундагы беттешимдин убактысы азырынча билине элек. Буюрса, ал беттеште сөзсүз жеңип, Кыргыз элимди сүйүндүрөм деп ишенем.

– Ар дайым жеңиш сизди коштоп жүрсүн.

"Ар бир беттеште мөөнөтүнөн мурда жеңишке жетүүнү көздөйм".
"Кызымдын спортчу болушуна каршымын".
"Кулатуу федерациясынын чемпиондук курун жана автоунааны жеңип алдым".

Кубан Жумамидинов
sport@super.kg



"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.

Рейтинг: Рейтинг  4 
Комментарийлер(3)
14.05.2019. 05:48 
Тайпасы:
Жаран
Комментарийлердин саны:
96
Катталган:
27-08-2016
Соӊку аракети:
20-05-2019 11:51
Жынысы:
Белгисиз
+9
Азамат! Уулун жакшы болуп кетсин, улуу Рамазан айында тилеймин! Сюжет көрүп балана аябай жүрөгүм ооруп, эртээрек кулагы угуп калса экен Оомийин!
15.05.2019. 11:59 
Тайпасы:
Жаран
Комментарийлердин саны:
4
Катталган:
11-01-2017
Соӊку аракети:
21-05-2019 09:26
Жынысы:
Белгисиз
+3
Анда эмнеге UFCге чыга албай жатасын деген киши жок да.
17.05.2019. 11:25 
Тайпасы:
Жаран
Комментарийлердин саны:
12
Катталган:
11-02-2014
Соӊку аракети:
20-05-2019 03:41
Жынысы:
Белгисиз
Калаасы:
Бишкек
+3
bond02, жакшы менеджер керек деп айтпадыбы.Ufc проходной двор беле барганды эле чыгарбайт.
1
Комментарий калтыруу үчүн өз ысымыңыз менен кириңиз же каттоодон өтүңүз.
 
Бөлүмдүн статистикасы
соңку 15 мүнөт ичинде 0 колдонуучу (Катталган: 0, коноктор: 0) бул макаланы окуду:

Макалалардын саны:
22285;
 
Маалымат-маанайшат порталы
2006-2019 © SUPER.KG
Кыргыз Республикасы, Бишкек шаары,
Жибек Жолу проспектиси 381
"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.
Рейтинг@Mail.ru
Биз социалдык тармактарда: