Архив
844   845   846   847   848   849   850   851   852   853   854   855   856   857   858   859   860   861   862   863  
792   793   794   795   796   797   798   799   800   801   802   803   804   805   806   807   808   809   810   811   812   813   814   815   816   817   818   819   820   821   822   823   824   825   826   827   828   829   830   831   832   833   834   835   836   837   838   839   840   841   842   843  
740   741   742   743   744   745   746   747   748   749   750   751   752   753   754   755   756   757   758   759   760   761   762   763   764   765   766   767   768   769   770   771   772   773   774   775   776   777   778   779   780   781   782   783   784   785   786   787   788   789   790   791  
687   688   689   690   691   692   693   694   695   696   697   698   699   700   701   702   703   704   705   706   707   708   709   710   711   712   713   714   715   716   717   718   719   720   721   722   723   724   725   726   727   728   729   730   731   732   733   734   735   736   737   738   739  
635   636   637   638   639   640   641   642   643   644   645   646   647   648   649   650   651   652   653   654   655   656   657   658   659   660   661   662   663   664   665   666   667   668   669   670   671   672   673   674   675   676   677   678   679   680   681   682   683   684   685   686  
583   584   585   586   587   588   589   590   591   592   593   594   595   596   597   598   599   600   601   602   603   604   605   606   607   608   609   610   611   612   613   614   615   616   617   618   619   620   621   622   623   624   625   626   627   628   629   630   631   632   633   634  
531   532   533   534   535   536   537   538   539   540   541   542   543   544   545   546   547   548   549   550   551   552   553   554   555   556   557   558   559   560   561   562   563   564   565   566   567   568   569   570   571   572   573   574   575   576   577   578   579   580   581   582  
479   480   481   482   483   484   485   486   487   488   489   490   491   492   493   494   495   496   497   498   499   500   501   502   503   504   505   506   507   508   509   510   511   512   513   514   515   516   517   518   519   520   521   522   523   524   525   526   527   528   529   530  
427   428   429   430   431   432   433   434   435   436   437   438   439   440   441   442   443   444   445   446   447   448   449   450   451   452   453   454   455   456   457   458   459   460   461   462   463   464   465   466   467   468   469   470   471   472   473   474   475   476   477   478  
374   375   376   377   378   379   380   381   382   383   384   385   386   387   388   389   390   391   392   393   394   395   396   397   398   399   400   401   402   403   404   405   406   407   408   409   410   411   412   413   414   415   416   417   418   419   420   421   422   423   424   425   426  
322   323   324   325   326   327   328   329   330   331   332   333   334   335   336   337   338   339   340   341   342   343   344   345   346   347   348   349   350   351   352   353   354   355   356   357   358   359   360   361   362   363   364   365   366   367   368   369   370   371   372   373  
264   265   266   267   268   269   270   271   272   273   274   275   276   277   278   279   280   281   282   283   284   285   286   287   288   289   290   291   292   293   294   295   296   297   298   299   300   301   302   303   304   305   306   307   308   309   310   311   312   313   314   315   316   317   318   319   320   321  
217   218   219   220   221   222   223   224   225   226   227   228   229   230   231   232   233   234   235   236   237   238   239   240   241   242   243   244   245   246   247   248   249   250   251   252   253   254   255   256   257   258   259   260   261   262   263  
176   180   181   182   183   184   185   186   187   188   189   190   191   192   193   194   195   196   197   198   199   200   201   202   203   204   205   206   207   208   209   210   211   212   213   214   215   216  
Популярдуу макалалар

Жылдыз Божокоева, кырсыктаган жигиттин апасы: «УУЛУМ ЖАТАКАНАНЫН 2-КАБАТЫНАН КУЛАП, МАЙЫП БОЛУП КАЛДЫ»

№862 9-15май, 2019-жыл


19 жаштагы Эржан Божокоев Исхак Раззаков атындагы техникалык окуу жайдын жатаканасынын 2-кабатынан кулап кеткен. Окуя 2016-жылы 23-февраль күнү болгон. Кырсыкта Эржандын кашка жилиги сынган. Аны 2-кабаттан плед байлап түшүрүүгө түрткөн балдарга мыйзам чегинде чара көрүлбөгөнүнө кейип, акыйкаттык издеген эне бул окуя тууралуу айтып берди.

“АРАК АЛЫП КЕЛ ДЕШИПТИР”

-Бул каргашалуу окуя 2016-жылы 23-февралда Бишкектеги Исхак Раззаков атындагы техникалык окуу жайдын жатаканасында болгон. Балам Эржан Божокоев аталган окуу жайда 1-курста окуп, жатаканасында жашачу. Ошол күнү түн ичинде 5-курстун балдары балам жаткан бөлмөгө келип “кимде акча, паспорт бар?” деп сурашыптыр. Балам “менде паспорт бар” десе, ага 170 сом берип “арак менен тамеки алып кел” деп жиберишиптир. Түндө жатакана бек болгондуктан пледдерди байлап 2-кабаттан баламды түшүрүп жатканда плед бош болуп калганбы же атайылап коё берип салышканбы, айтор, балам жерге кулап түшүптүр.

Баламдын кыйкырып ыйлап жатканын жолдо кетип бараткан бир киши көрүп калып жатакананы тыкылдатып вахтада иштеген аялды чакырыптыр. Кырсык болгон түнү жатакананын коменданты “балаңар кырсыктап калды” деп иниме чалыптыр. Ал “эртең барам” деп коюптур. Иним эртеси күнү түнкү 12де ооруканага келди.

“Тез жардам” чакырбай эле баламды унаага салып каякка алып барарын билишпей ызы-чуу түшүп ары-бери жүрө беришиптир. Мамбет Мамакеев атындагы хирургиялык ооруканага алып барышса, ал жактагы дарыгерлер “сыныкты кабыл албайбыз 4-шаардык ооруканага алып баргыла” дешиптир. Баламды ооруканага эртең менен 10до алып барышыптыр, ага чейин каякка алып барууну билбей унаага салып жүрө беришкен экен. Ал ооруканада кабыл алган дарыгерге балам “бутум эле ооруп жатат, бат эле чыгарыңыз, ата-энем укпасын” дептир. Дарыгер болсо “сен бул кебетең менен 80-90 жашка чыгасың” деп травматология бөлүмүнө которуптур.

“КОМАДА 20 КҮН ЖАТТЫ”

-Жатаканада чогуу жашаган балдар алып келген тамактын суюгун ичип уктап кетип, ошол боюнча балам комага түшүп калыптыр. Комада 20 күн жатса, баш аягы 47 күн жандандыруу бөлүмүндө дарыланды. Комада жатканда эле бутуна операция жасалды.

Азыр балам жакшы сүйлөй албайт, баса албайт. Кашка жилиги сынып, май чучугу тарап кетиптир. Бутуна массаж кылайын десең кол салат. Азыркыга чейин такма жалаяк кийип жүрөт. Жакында Воронцовка айылындагы Ден соолукту чыңдоо борборуна жатып чыктык. Ага 22 миң сом кетти. Дарыгерлер болгон аракетин көрүшкөнү менен, жылыш болгон жок.

Кырсыкка себепкер болгон балдар мыйзам чегинде жоопко тартылышкан жок. Иним алардан 500 миң сом алып, тосмо арыз жазып берип, ишти жаап коюптур. Азыр ал “акчаны балаңдын дарылануусуна бердим” деп отурат. Эгер ошол акчанын баары дарыланууга жумшалса, анда баламдын абалы азыркыдай болмок эмес. Инимдин акча алып жатканын биз көрүп жаттык.

Бул ишти Биринчи Май РИИБи караган. Биринчи Май райондук соту “иш кайрадан козголсун” деген чечим чыгарган. Ар кайсы тергөөчүлөргө өтүп кеткендиктен иш каралбай жатат, документин да таппай жатышат. 2016-жылдан бери бул иштин артынан чуркап акыйкаттыкка жетпей келем.

“ЖАЛАЯК КИЙИП ЖҮРГӨНГӨ АРГАСЫЗ”

-Балам Токмокто окучу. 4-классты бүткөндө Ат-Башыга апама каникулга жибергем. Таене, таятасы менен жашаган жакты окшойт кайра келбей койду. Мен деле анын чечимине макул болгом. Ата-энем өлгөндөн кийин иним баламды камкордукка алыптыр. “Мунун ата-энеси өлгөн” деп 3 миң сомдон жөлөк пул алып жүрүптүр. Аны ооруканага барганда билдим. Балам ооруканадан чыккандан кийин арыз жазып фамилиясын Божокоев деп өзүмдүн фамилияма которттум. Буга чейин Абакиров болуп жүргөн.

Ошол окуядан кийин окуусунан чыгарып алганбыз. Калем кармап жаза албаса, сүйлөй албаса, окуй албаса кантип окуусун улантмак эле? Балам азыр таяк менен басат. Оң буту бүгүлбөгөндүктөн сол капталга ооп калды. Дааратканага өз алдынча бара албайт, жалаяк кийип жүргөнгө аргасыз. Башына доо кеткенгеби, дааратканага барарын да билбей калат. Балам кырсыктагандан бери иштебейм, аны өзүм карайм. Башкаларга кол салып, кыйкырып, тиштеп, чаап жиберет.

Экинчи жолдошумдан 1 кыз, 1 балам бар. Кызым студент, балам 8-класста окуйт. Жолдошум курулушта иштейт. Азыр жашоо-шартыбыз көңүл жылытарлык эмес, Токмокто батирде жашайбыз. Жолдошумдун таап келгени күнүмдүк керектөөлөрдөн ашпайт. Баламды 6 ай сайын ооруканага жаткырып турушубуз керек. Ошондуктан кайрымдуу элдин жардамына муктажмын.

Бул окуя боюнча экинчи тараптын пикирин редакция чагылдырууга даяр.

Динара Абдыкадырова
koom@super.kg



"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.

Рейтинг: Рейтинг  0 
Комментарийлер(4)
13.05.2019. 10:09 
Тайпасы:
Жаран
Комментарийлердин саны:
133
Катталган:
14-02-2016
Соӊку аракети:
20-05-2019 17:00
Жынысы:
Белгисиз
Калаасы:
Кыялдарда
+8
Иниси эшек го.Кантип баланын акчасын жейт.Инисин да сотко берсин
13.05.2019. 22:40 
Тайпасы:
Конок
Комментарийлердин саны:
15
Катталган:
01-05-2019
Соӊку аракети:
21-05-2019 08:47
Жынысы:
Белгисиз
+4
Сотто качан эле карапайым элдин ишин карап журчу эле ал балдар акча берип коюшкан турбайбы эмнеси болсо да Кудай кубо баарын коруп турат бул дуйно кайтар дуйно
14.05.2019. 02:03 
Тайпасы:
Жаран
Комментарийлердин саны:
182
Катталган:
29-06-2016
Соӊку аракети:
21-05-2019 10:11
Жынысы:
Белгисиз
0
Ой бай дагы да болсо бирин бири жамандамай ошол мезгилде инисин канча алдын канча чыгым кетти ошону жакшылап сурап конул болбойт беле. Туштон кийин актанып апакай корунгусу келген адамдар кобойду. Ошончо баланы чонойтуп эр жеткизиш деле кыйын,ай сайын 3000сом алып журуптур деп коет уялбай. Чындай келгенде бир айга бир балага 3000сом кантип жетсин капырай рахмат деген соз олгон экен да. Карап багып чонойткон адамга да нааразы,кайран гана акча кор пенделерди он тетири калчадынго. Элиме ынтымак бер
17.05.2019. 08:10 
Тайпасы:
Жаран
Комментарийлердин саны:
27
Катталган:
14-01-2014
Соӊку аракети:
21-05-2019 08:33
Жынысы:
Белгисиз
0
Туура бала багып чонойтуу деле озунчо жумуш да, тамак ашы,кирлери,окуусу дегендей
1
Комментарий калтыруу үчүн өз ысымыңыз менен кириңиз же каттоодон өтүңүз.
 
Бөлүмдүн статистикасы
соңку 15 мүнөт ичинде 0 колдонуучу (Катталган: 0, коноктор: 0) бул макаланы окуду:

Макалалардын саны:
22285;
 
Маалымат-маанайшат порталы
2006-2019 © SUPER.KG
Кыргыз Республикасы, Бишкек шаары,
Жибек Жолу проспектиси 381
"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.
Рейтинг@Mail.ru
Биз социалдык тармактарда: