Архив
844   845   846   847   848   849   850   851   852   853   854   855   856   857   858   859   860   861   862   863   864   865   866   867   868  
792   793   794   795   796   797   798   799   800   801   802   803   804   805   806   807   808   809   810   811   812   813   814   815   816   817   818   819   820   821   822   823   824   825   826   827   828   829   830   831   832   833   834   835   836   837   838   839   840   841   842   843  
740   741   742   743   744   745   746   747   748   749   750   751   752   753   754   755   756   757   758   759   760   761   762   763   764   765   766   767   768   769   770   771   772   773   774   775   776   777   778   779   780   781   782   783   784   785   786   787   788   789   790   791  
687   688   689   690   691   692   693   694   695   696   697   698   699   700   701   702   703   704   705   706   707   708   709   710   711   712   713   714   715   716   717   718   719   720   721   722   723   724   725   726   727   728   729   730   731   732   733   734   735   736   737   738   739  
635   636   637   638   639   640   641   642   643   644   645   646   647   648   649   650   651   652   653   654   655   656   657   658   659   660   661   662   663   664   665   666   667   668   669   670   671   672   673   674   675   676   677   678   679   680   681   682   683   684   685   686  
583   584   585   586   587   588   589   590   591   592   593   594   595   596   597   598   599   600   601   602   603   604   605   606   607   608   609   610   611   612   613   614   615   616   617   618   619   620   621   622   623   624   625   626   627   628   629   630   631   632   633   634  
531   532   533   534   535   536   537   538   539   540   541   542   543   544   545   546   547   548   549   550   551   552   553   554   555   556   557   558   559   560   561   562   563   564   565   566   567   568   569   570   571   572   573   574   575   576   577   578   579   580   581   582  
479   480   481   482   483   484   485   486   487   488   489   490   491   492   493   494   495   496   497   498   499   500   501   502   503   504   505   506   507   508   509   510   511   512   513   514   515   516   517   518   519   520   521   522   523   524   525   526   527   528   529   530  
427   428   429   430   431   432   433   434   435   436   437   438   439   440   441   442   443   444   445   446   447   448   449   450   451   452   453   454   455   456   457   458   459   460   461   462   463   464   465   466   467   468   469   470   471   472   473   474   475   476   477   478  
374   375   376   377   378   379   380   381   382   383   384   385   386   387   388   389   390   391   392   393   394   395   396   397   398   399   400   401   402   403   404   405   406   407   408   409   410   411   412   413   414   415   416   417   418   419   420   421   422   423   424   425   426  
322   323   324   325   326   327   328   329   330   331   332   333   334   335   336   337   338   339   340   341   342   343   344   345   346   347   348   349   350   351   352   353   354   355   356   357   358   359   360   361   362   363   364   365   366   367   368   369   370   371   372   373  
264   265   266   267   268   269   270   271   272   273   274   275   276   277   278   279   280   281   282   283   284   285   286   287   288   289   290   291   292   293   294   295   296   297   298   299   300   301   302   303   304   305   306   307   308   309   310   311   312   313   314   315   316   317   318   319   320   321  
217   218   219   220   221   222   223   224   225   226   227   228   229   230   231   232   233   234   235   236   237   238   239   240   241   242   243   244   245   246   247   248   249   250   251   252   253   254   255   256   257   258   259   260   261   262   263  
176   180   181   182   183   184   185   186   187   188   189   190   191   192   193   194   195   196   197   198   199   200   201   202   203   204   205   206   207   208   209   210   211   212   213   214   215   216  
Популярдуу макалалар

"ЧОНГУК, МИҢДЕГЕН ЫРЛАР САГА АРНАЛАТ..."

№863 16-22-май, 2019-жыл


“Чоңойгондо кафе ачып, элге өрдөктүн этинен түрдүү тамактарды жасап берем. Андан сырткары татуировка салонун ачам...” Бадминтон ойногон өспүрүм келечегин ушундай элестетчү. Учурда ал өспүрүм чоңоюп, таланты, келбети, керекпи бир жылмаюусу менен миллиондогон кыздардын жүрөгүн жаралап, дүйнө жүзүн багындырып келе жатат. Арминин (күйөрмандары) суранычы менен түштүк кореялык популярдуу “BTS” тобунун “кенжетайы” Чон Чонгук тууралуу маалымат назарыңызда.

ЧОН ЧОНГУК

Туулган жылы – 1997-жыл, 1-сентябрь

Туулган жери – Түштүк Корея, Пусан шаары

Бою – 178 сантиметр

Үй-бүлөдө – эки бир тууган, агасы бар

Лейбл – Big Hit Entertainment, “BTS” тобунун солисти, рэпер, бийчи, продюсер

БАЛАЛЫКТАГЫ ТҮРКҮН КЫЯЛ

«Атамдын боулинг ойноп канчалаган сынактарга барып жатканын көрүп, мен да спортчу болсом деп кыялдандым. Анан бадминтон ойной баштадым. Бирок бул оюндан бат эле кызыгуум тарап кетти. Апам болсо живописке кызыкчу, дайыма сыналгыдан жаратылыштын кооздугун чагылдырган берүүлөрдү көрөт эле. Негизи эле биздин үй-бүлөдө атам, апам, агам үчөө тең сүрөттү жакшы тартышат. Апамды карап отуруп чыгармачылык тууралуу ойлондум. Бирок эмне кылышты билген жокмун. 7-класста окуп жүргөн кезде классташтарым менен бибоингге (бий түрү) кызыгып кеттик. Бийлеген мага жакты. Ошентип менде жаңы кыял пайда болду – бийчи болом деген”,- түркүн кыялдарга байланган балалыгын Чон ушундайча эскерет.

ЭМОЦИЯСЫ ЖОК БИЙЧИ

«Көчөдө же мектептеги иш-чараларда эле бийлеген мага жетишсиз боло берди. Анан эмнем кетип жатты эле деп «Superstar К2» сынагына катышып көрүүнү чечтим. Өлкөдөгү абройлуу сынакка келген каалоочулардын санын көрсөң баш айланат. Бирок артка жол жок эле. Алымдын жетишинче бийледим, бирок режиссёр Пан Шихёк “бийиңде эч кандай эмоция жок” деди”. Бул сынакта Чонгук финалга өтпөй калганы менен анын талантын, келбетин баалагандар чыгып, 7 компания аны менен иштешүү сунушун киргизген. Алардын арасынан Big Hit Entertainment агенттигин тандап жаңылбагандыгын учурдагы популярдуулугу менен түшүндүрсө болот.

“BTS`теги” ЭҢ ЖАШ ЫРЧЫ

«Сынактан уккан сын мага чындап катуу тийди. Кемчиликти жоюшум керек болчу. Андыктан агенттик менен чечим кабыл алып, бий үйрөнүш үчүн АКШга бардым. Мыкты хореографтар менен иштешип, бийдин бир нече түрүн үйрөндүм. 1 жыл аралыгында эмоция кошконду да өздөштүрдүм окшойт”. Бий тармагын өнүктүргөн Чонгук алгач популярдуу ырчы Жо Квон, кийин Glam тобунун клибине бийчи катары тартылып экрандан көрүнгөн. Рэпер
G-Dragon’дун чыгармачылыгына кызыккан Чондун алдында дагы бир сыноо турган. Ал ырчылыкты багынтуу эле. Бул кыялы да ишке ашып, 16 жаштагы Чонгук 2013-жылы BTS тобунун курамында дебюттук «2 Cool 4 Skool» ыры менен чыгышкан.

ДҮЙНӨЛҮК АТАКТУУЛУК

«2Cool 4 Skool» альбому топко “Эң мыкты жаш артист” деген наамды алып берген. Топ учурда мүмкүн болгон сыйлыктардын баарын четинен алып келе жатат. 2019-жылы К-рор топторунун арасынан алгачкы ирет "Грэмми" сыйлыгына талапкер болду. Учурда кандай ыр жазып же клип тартылбасын, жаңыланган рекорддор, дүйнөлүк турнелер жана баш айландырган атактуулуктун үстүндө келе жатышат.

Топтун популярдуу болушуна Чонгуктун да салымы зор. Анын жеке ырчы катары ырдап чыккан Begin ыры топко дүйнөлүк атактуулук алып келген Wings альбомуна кошулган. Ырчынын кийинки жеке аткарып чыккан чыгармасы "Euphoria" деп аталып, бир канча мамлекеттин музыкалык чарттарында 3 айдан ашуун лидерлик сапта турган. Жаш болгонуна карабай Чонгук учурда белгилүү шоулордо алып баруучу, андан сырткары продюсер, режиссёр, ырчы, бийчи, актёр, модель.

КҮЙӨРМАНДАРДАН СЮРПРИЗ

Концерттик турнеде жүргөн топ март айында Кытайдын Гонконг шаарына барган. BTS канча күн Кытайда жүрсө, ошол күндөр аралыгында шаардын бардык көчөлөрүндөгү экрандарда, керекпи метролордо да Чонгуктун 10 сүрөтү слайд болуп көрсөтүлүп турган. Сүрөткө “Миңдеген ырлар сен үчүн ырдалат. Миллиондогон жылдыздар сага таандык” деп жазылган. Бул күйөрмандарынын сүйүктүү ырчысына белеги болчу. Мындай сюрприз менен жана күйөрмандардын армиясы менен бардык эле атактуулар мактана алышпайт.

ЧОНГУК ТУУРАЛУУ КЫСКАЧА МААЛЫМАТ

  • Чон бардык үй-бүлө мүчөлөрүндөй эле сүрөт тартканды жакшы көрөт. Андан сырткары бош убактысында спорт менен машыкканды анан уктаганды, ыр жазганды жактырат.
  • Чонгукка көптөгөн сулууларды жабыштырып келишет, бирок ырчы ал кыздардын баарын жөн гана дос же кесиптеш деп кутулат. Чонгук менен мамиле курган деген тизмеде ырчылар Пак Сэвон, Ко Сохен, Чон Еин, Лалиса Манобан дагы бар.
  • Анын кийинүү стилин бир гана күйөрмандары эмес, профессионал стилисттер да баалашат. 2018-жылы интернет желесинде жүргүзүлгөн сурамжылоонун жыйынтыгы менен “Эң саркеч жылдыз” аталган. Ак, кара, кызыл өңдөрдү жактырат.
  • 2019-жылдын январь айында Чонгук Сеулдун престиждүү деп саналган Сондонгу районунан 70 чарчы метр аянтты ээлеген батир сатып алган. Батирдин баасы 2 миллион долларга жакын деп бааланат.

Урматтуу К-рор күйөрмандары, мындан ары «Супер-Инфонун» ар бир санынан корей жылдыздары тууралуу кызыктуу маалыматтарды окуй аласыздар. Кайсы жылдыз жөнүндө окугуңуз келсе, гезиттин Инстаграмдагы super_info_official расмий баракчасына сунушуңузду жазсаңыз болот.

Асыл Орозбекова
star@super.kg



"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.

Рейтинг: Рейтинг  0 
Комментарийлер(4)
21.05.2019. 21:02 
Тайпасы:
Жаран
Комментарийлердин саны:
31
Катталган:
27-07-2013
Соӊку аракети:
29-05-2019 20:35
Жынысы:
Белгисиз
+1
Балдары кантишет кыздарга окшоп боюнуп алышканбы
22.05.2019. 03:16 
Тайпасы:
Жаран
Комментарийлердин саны:
3
Катталган:
08-07-2011
Соӊку аракети:
05-06-2019 16:03
Жынысы:
Белгисиз
Калаасы:
Бишкек
+2
Булар кыздарбы же балдарбы? ортодо калгандар го... Түшүнбөйм ушуларды кандай кыздар жакшы көрүшөт??????
22.05.2019. 17:31 
Тайпасы:
Жаран
Комментарийлердин саны:
177
Катталган:
20-09-2014
Соӊку аракети:
25-06-2019 00:07
Жынысы:
Белгисиз
+7
Эмнеси сулуу булардын? Буларга караганда биздин кыргыз балдар супсулуу. Бүйтүйгөн көздөрү, голубойлордой болуп кызыл, жашыл чачтары сулуубу? Кыздарга окшош экен. Терилери тунук экен. Бирок биздин кыкелер сулуураак буларга караганда. Өзүбүздү өзүбүз мактап коёолучу
24.05.2019. 14:13 
Тайпасы:
Жаран
Комментарийлердин саны:
0
Катталган:
03-03-2016
Соӊку аракети:
24-06-2019 22:48
Жынысы:
Белгисиз
Калаасы:
Нарын
+2
Буларды коргондо эмгекчил экенине баа берем,ошол эле маалда жаман болом,,,озулору канча белгилуу болсо да,аркасында оор кыйынчылыктар тураарын эми билдим,,,,,18 жашка чыгып эмне кылгам мен,,,24 ко чыгып эмне кыла алдым.......суроолор будомук жооп м.н калат ...ал эми булар 17ге чыгып тоону багындырып жатат
1
Комментарий калтыруу үчүн өз ысымыңыз менен кириңиз же каттоодон өтүңүз.
 
Бөлүмдүн статистикасы
соңку 15 мүнөт ичинде 0 колдонуучу (Катталган: 0, коноктор: 0) бул макаланы окуду:

Макалалардын саны:
22453;
 
Маалымат-маанайшат порталы
2006-2019 © SUPER.KG
Кыргыз Республикасы, Бишкек шаары,
Жибек Жолу проспектиси 381
"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.
Рейтинг@Mail.ru
Биз социалдык тармактарда: