Архив
844   845   846   847   848   849   850   851   852   853   854   855   856   857   858   859   860   861   862   863   864   865   866   867   868  
792   793   794   795   796   797   798   799   800   801   802   803   804   805   806   807   808   809   810   811   812   813   814   815   816   817   818   819   820   821   822   823   824   825   826   827   828   829   830   831   832   833   834   835   836   837   838   839   840   841   842   843  
740   741   742   743   744   745   746   747   748   749   750   751   752   753   754   755   756   757   758   759   760   761   762   763   764   765   766   767   768   769   770   771   772   773   774   775   776   777   778   779   780   781   782   783   784   785   786   787   788   789   790   791  
687   688   689   690   691   692   693   694   695   696   697   698   699   700   701   702   703   704   705   706   707   708   709   710   711   712   713   714   715   716   717   718   719   720   721   722   723   724   725   726   727   728   729   730   731   732   733   734   735   736   737   738   739  
635   636   637   638   639   640   641   642   643   644   645   646   647   648   649   650   651   652   653   654   655   656   657   658   659   660   661   662   663   664   665   666   667   668   669   670   671   672   673   674   675   676   677   678   679   680   681   682   683   684   685   686  
583   584   585   586   587   588   589   590   591   592   593   594   595   596   597   598   599   600   601   602   603   604   605   606   607   608   609   610   611   612   613   614   615   616   617   618   619   620   621   622   623   624   625   626   627   628   629   630   631   632   633   634  
531   532   533   534   535   536   537   538   539   540   541   542   543   544   545   546   547   548   549   550   551   552   553   554   555   556   557   558   559   560   561   562   563   564   565   566   567   568   569   570   571   572   573   574   575   576   577   578   579   580   581   582  
479   480   481   482   483   484   485   486   487   488   489   490   491   492   493   494   495   496   497   498   499   500   501   502   503   504   505   506   507   508   509   510   511   512   513   514   515   516   517   518   519   520   521   522   523   524   525   526   527   528   529   530  
427   428   429   430   431   432   433   434   435   436   437   438   439   440   441   442   443   444   445   446   447   448   449   450   451   452   453   454   455   456   457   458   459   460   461   462   463   464   465   466   467   468   469   470   471   472   473   474   475   476   477   478  
374   375   376   377   378   379   380   381   382   383   384   385   386   387   388   389   390   391   392   393   394   395   396   397   398   399   400   401   402   403   404   405   406   407   408   409   410   411   412   413   414   415   416   417   418   419   420   421   422   423   424   425   426  
322   323   324   325   326   327   328   329   330   331   332   333   334   335   336   337   338   339   340   341   342   343   344   345   346   347   348   349   350   351   352   353   354   355   356   357   358   359   360   361   362   363   364   365   366   367   368   369   370   371   372   373  
264   265   266   267   268   269   270   271   272   273   274   275   276   277   278   279   280   281   282   283   284   285   286   287   288   289   290   291   292   293   294   295   296   297   298   299   300   301   302   303   304   305   306   307   308   309   310   311   312   313   314   315   316   317   318   319   320   321  
217   218   219   220   221   222   223   224   225   226   227   228   229   230   231   232   233   234   235   236   237   238   239   240   241   242   243   244   245   246   247   248   249   250   251   252   253   254   255   256   257   258   259   260   261   262   263  
176   180   181   182   183   184   185   186   187   188   189   190   191   192   193   194   195   196   197   198   199   200   201   202   203   204   205   206   207   208   209   210   211   212   213   214   215   216  
Популярдуу макалалар

10 ЖЫЛ МУРДАГЫ ӨЛҮМ. Бала сабалып каза таптыбы же илдеттенби?

№865 30-май - 5-июнь, 2019-жыл


2009-жылдын 6-сентябрында 17 жаштагы Азамат Токтоназыров каза болгон. Анын өлүмү боюнча 10 жылдан бери соттук отурумдардын аягы тыйыла элек. Эки тараптын бири жигит оорудан улам каза болгон десе, экинчиси анын сабалып каза болгонун айтып жатат. Биринин уулу жер астында жатса, экинчисиники камакта жаткан энелердин тынч уйкусун бузган ушул иштин жүрүшүнө көңүлүңүздөрдү бурабыз.

«2 АДАМ АКТАЛГАН, 2 АДАМ СИЗОдо»
Жогорку соттун маалыматы боюнча, 2009-жылдын 12-мартында саат 13:00 чамасында Осмоналиев У. Бишкек шаарында жайгашкан Кыргыз экономикалык университетинин астында түзүлгөн лицейдин короосунда тааныштары А. К. жана А. Д. менен кошо А. Днын туулган күнүн белгилеп жатышып мас абалында сүрөткө түшүшкөн. Бул учурда Азамат Токтоназыров аттуу бала алардын ортосунан өтүп кетип сүрөткө түшүүсүнө тоскоолдук кылып койгон. Ушунун айынан Токтоназыров менен Осмоналиевдин ортосунда кайым айтышуу болуп, Осмоналиев менен А.К. Токтоназыровду сабап салган. Мындан кийин Токтоназыров менен Осмоналив өз ара чечишип алуу үчүн лицейдин аймагынан сыртка чыгып, уруша кетишкен. Бул учурда А.К. чуркап келип, Токтоназыровдун башына бош бөтөлкө менен чапканда ал кулап калат. Ошол эле күнү 14:20лар чамасында
Осмоналиев У., Түлөбердиев А., А. К., К. Э. жана башкалар Токтоназыровду таш, таяк менен сабашып, тепкилешкен. Аталган балдар 17:00 чамасында Токтоназыровду кайрадан сабашкан. Ушул маалда Осмоналиев менен Токтоназыров жекеме жеке мушташып, Осмоналиев сабап коюп, жанындагылар ажыратышкан.
Бул окуялардан кийин Азамат Токтоназыров 2009-жылдын 6-сентябрында ооруканада каза болот. Анын апасы денени сойгонго, андан кийин эксгумацияга да уруксат берген эмес. Ага карабай оорунун тарыхынын негизинде бир катар экспертизалар даярдалган. Алардын ар биринде ар кандай: маркум мээсине кан куюлуп кеткендиктен каза болгон, башындагы шишик өлүмгө жеткирген, сабалгандан алынган жаракаттар өлүмгө жеткирген деген жыйынтыктар бар. Эксперттер жигиттин өлүмүнүн себебин так аныктап берүү үчүн эксгумацияга уруксат ала албай коюшкан. «Өлүккө соттук-медициналык экспертиза өткөрүү эрежелеринин»103-пунктунда өлүккө соттук-медициналык изилдөө жүргүзбөй туруп, медициналык документтердин маалыматтары боюнча гана эксперттин корутундусун түзүүгө катуу тыюу салынат.
Бул иш боюнча Осмоналиев У. менен Түлөбердиев А. 2016-жылдын 14-сентябрында Октябрь райондук сотунун чечими менен Кылмыш-жаза кодексинин 104-беренеси (саламаттыкка атайылап оор залал келтируү) боюнча акталып, 234-беренеси (хулиганчылык) боюнча күнөөлүү деп табылган. Бирок жоопко тартуунун мөөнөтү өтүп кеткендигине байланыштуу сот залынан бошотулушкан. Жакында бул иш боюнча дагы 2 адам А. К., К.Э.шектүү катары кармалышкан.

«БАЛАМДЫН ИЗДӨӨДӨ ЭКЕНИН 2011-ЖЫЛЫ ГАНА БИЛДИК»

Бул иш боюнча жабырлануучу тараптын оюн угуу мүмкүн болгон жок. Маркум Азамат Токтоназыровдун апасы Жамалкан Кадыркулова комментарий берүүдөн баш тартты. Ал эми иште шектүү катары өтүп жатышкан 2 жигиттин жакындары алардын башына түшкөн окуя тууралуу айтып беришти. Шектүү А.Кнын апасы Насип Ажыматова буларды айтат:

– Касым (шектүүнүн аты өзгөртүлдү) 3 баламдын экинчиси. Биз үй-бүлөбүз менен Орусиянын Хакасия республикасында жашап, иштейбиз. Атасы мугалим, мен врачмын. 2011-жылы Кыргызстандагы туугандарыбыз аркылуу уулумдун издөөдө экенин уктук. Кызыгы, ага чейин бизге эч кандай чакыруу келген эмес. Балам 2009-жылдын 27-июль күнү биз чакыргандыктан окуусун бүтүрбөй эле Орусияга кеткен. Кайра Кыргызстанга келген эмес. Ал кетип баратканда 3 чек арадан өткөн. Андыктан уулумду качты деп айтуу туура эмес. Издөөдө жүргөнүн укканда атасы экөөбүз Бишкекке келип, эмне болгонун сураштыра баштадык. Көрсө, окуя 2009-жылы башталыптыр. Анда балам Бишкекте Кыргыз экономикалык университетинин астындагы лицейде окуп жаткан. Ошол жылдын март айында лицейде окуган балдар арасында мушташ болуптур. Ошол эле жылдын сентябрь айында март айындагы мушташтын бир катышуучусу Азамат Токтоназыров кургак учук ооруканасында каза болуптур. Азаматтын апасы ал учурда эч кимге доосу жок экени тууралуу кагазга кол коюп берип, денени сойгонго уруксат бербей койгон экен. Бирок сөөктү көмгөндөн кийин баласы март айындагы мушташта алган жаракаттарынан улам өлгөнүн айтып милицияга арыз жазат. Иш боюнча эки бала акталып чыгышкан. Жабырлануучу ушул эле иш боюнча кайра биздин балдардын үстүнөн дагы арыз жазыптыр. Уулумду Орусиядан былтыр сентябрда кармашып, быйыл февралда Бишкекке экстрадиция кылышты. Ал үчүн ЖАМКга
2 миң доллар төлөдүк.
Мен башында бул аялга жолугуп, чогуу бейит башына барып, куран окутканбыз. Андан келип, кафеге киргиздим. Ага психологиялык жардам керек деп, Воронцовкага курортко жаткырып, 17 миң сом төлөп бердим. Колумдагы 17 миң сомдук алтын шакегимди бердим. Бирок ал мага күйүттө отурган аялдай көрүнгөн жок.

«ЭКСГУМАЦИЯГА УРУКСАТ БЕРБЕЙ КОЙГОН»
– Мен өз алдымча Бишкектеги ооруканаларды сураштырып чыктым. Азырынча 2009-жылы март айында Азаматтын кайсы бир ооруканага кайрылганы боюнча маалымат таба элекмин. Ал бала мушташтан кийин деле калтырбай сабакка барып жүргөн экен. Окуядан 6 айдан кийин гана кургак учук ооруканасына оор абалда түшүп каза болуптур. Бала кургак учук менен ооруганы жана башында шишик бар экени аныкталган. Жабырлануучу минтип күнөөлөй турган болсо сөөктү сойдуруп, эскпертизага бериши керек болчу. Ал кийин деле эксгумацияга уруксат берген жок. Мына, азыр баланын өлүмүнүн себеби такталбай жатат.
Абдыкадырова Г. аттуу сотмедэксперт сөөккө кароо жүргүзгөндө денеде эч кандай жаракаттар табылбаганын айтып жатат. Оорунун тарыхы боюнча гана соттук-медициналык экспертиза жүргүзүлүп келди.
2015-жылы 2 бала акталып чыккандан кийин жаңы жагдайлардын ачылгандыгына байланыштуу кайрадан кылмыш иши козголду. Көрсө, медициналык академияда мугалим болуп иштеген Муканбетова Г. аттуу невропатолог Азаматты жаракаттары менен кабыл алганын айтып түшүнүк кат жазып бериптир. Түшүнүк катта ал «9-мартта Азамат мага тууганы менен чогуу келген. Ал сабалгандан кийин башы ооруп жатканын айткан. Аны карап, баш мээсинин чайкалганын А4 форматындагы кагазга мөөр баспай эле жазып берип, нейротравматологго жибергем. Кийин бала эмне болгонун билбейм» деп жазат. Жарандар криминалдык мүнөздөгү жаракаттары менен врачка кайрылса, врач аны өзүнчө журналга каттап, милицияга кабар берет. Анан жок дегенде алгачкы текшерүүдөн өткөрүп, алгачкы диагноздорду коёт. Бул врач эмнеге кайрылган жаранды текшербейт? Эмнеге мөөрү жок эле кагазга жазып берет?
Балам кармалгандан бери сот боло элек. Жабырлануучу 3-4 процесске келбей коёт. Келгенде судьяга же прокурорго ишенбөөчүлүк көрсөтөт. Сот аркылуу ар бир баланын ата-энесинен миллиондорду, бизден эле 2 миллион сом сурап жатат.

«АКЧАНЫ АЛЫП, ТОСМО АРЫЗ ЖАЗЫП БЕРГЕН. КАЙРА АРЫЗ ЖАЗДЫ»

Бул иш боюнча экинчи ирет кармалып, эки жарым жылдан ашык камакта жаткан Эмилдин (шектүүнүн аты өзгөртүлдү) жубайы Айтурган Асаналиева суроолорубузга жооп берди:

– Эмил экөөбүз 2012-жылы баш кошконбуз. 2013-жылы кыздуу болдук. 2014-жылы күйөөмдү камап коюшту. Бирок жолдошум 2009-жылкы мушташка катышпаганын айтып жатат. Анын айтымында, мушташ болгон учурда маркум Азаматтын байкелери Эмилге чалып, сүйлөшөбүз деп аны унаа менен башка тарапка алып кетишкен. Жолдошум келген учурда мушташ бүтүп,
Осмоналиев У. башы канап отурган экен. Башында жолдошум күбө катары көрсөтмө берип жаткан. Кийин шектүү болуп калды. Анткени кимдир бирөө Эмил да мушташкан деп көрсөтмө бериптир. 234-берене менен иш козгоп, бир жыл СИЗОдо отургандан кийин 2015-жылы февралда Октябрь райондук соту 4 жылга эркинен ажыратуу боюнча чечим чыгарган. Ошол жылы июнда бошотулуп, 2016-жылы иштейли деп экөөбүз Орусияга кеткенбиз. Ал жактан документ текшерүү учурунда эле издөөдө жүргөн деп кайра кармап, камап коюшту. Көрсө, жабырлануучу Кадыркулова "туура эмес берене менен соттолушкан, 104-берене менен соттолушу керек болчу" деп кайрадан арыз жазган экен. 2016-жылдын октябрь айынан 2017-жылдын февраль айына чейин Орусияда камакта жатты. Анан экстрадиция болду. Акчасын өзүбүз төлөдүк.
Ошондо айлабыз кеткенинен кайнатам Кадыркулова менен сүйлөшүп, 150 миң сом берген. Ал акчаны алып, бизге тосмо арыз жазып берген. Болду окшойт десек, жабырлануучу кайра Жогорку сотко "104-берене менен камалышы керек" деп арыз жазды. 2017-жылы декабрда күйөөмдү кайра камап коюшту. Сотто акча алганын айтып, тосмо арызды көрсөтсөк, акчаны 234-берене боюнча алгам деп койду. Азыр бизден сот аркылуу 3 миллион сом жана соттон Эмилди 12 жылга эркинен ажыратууну сурап жатат.
Бала фтизиатрия борборунда каза болуп жатпайбы. Бирок мен түшүнбөгөн жагдай, иште ал баланын өлүмү тууралуу эки башка күбөлүк тиркелип турат. Биринде кургак учуктан өлгөн деп, экинчисинде башындагы шишиктен улам өлгөн деп жазылып турат.

«БИР ЭЛЕ КЫЛМЫШ ҮЧҮН ЭЧ КИМ ЭКИ ЖОЛУ ЖООПКО ТАРТЫЛБАЙТ»

Эмилдин жактоочусу Майрамбек Жумабеков буларга токтолду:

– Конституциянын 27-беренесинде бир эле кылмыш үчүн бир адам кайрадан жоопко тартылбайт деп жазылган. Эмил сөзсүз акталат. Анткени 2 бала буга чейин ушул эле берене боюнча акталып жатпайбы. Кайра үчүнчү баланы соттомок беле? Көз карандысыз эксперт Шадыбекова Кнын үстүнөн арыз жазабыз. Анткени «соттук-эксперттик иш жөнүндөгү» мыйзамда мамлекеттик эмес соттук-эксперттик уюмдар өлүктөргө экспертиза жүргүзө алышпайт деп жазылган. Ал мыйзамды бузуп, Токтоназыров сабалгандан алган жаракаттардан улам өлгөн деп жыйынтык чыгарып берип жатат. Бир адамдын үстүнөн бир иш боюнча улам иш козгой бергени үчүн тергөөчү, прокурорлордун үстүнөн да доо арыз менен кайрылабыз.


Перизат Музуратбекова
koom@super.kg



"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.

Рейтинг: Рейтинг  0 
Комментарийлер(3)
03.06.2019. 10:48 
Тайпасы:
Жаран
Комментарийлердин саны:
136
Катталган:
14-02-2016
Соӊку аракети:
22-06-2019 15:42
Жынысы:
Белгисиз
Калаасы:
Кыялдарда
+4
Толпа менен бир баланы урган туурабы анан?Энеси куйуп атса уулун жоготуп,кантип сойгонго уруксат берет эле?Куноолубу?Жоопко тартылыш керек.Менин апам да врачтардын колунан олгон деп айта алам,бирок соокту чыгарып жатканда,доом жок деп жазгыла деп врачтар когоруп туруп алган,биз ал кезде жаш экен элек,жаз десе жазып,соокту чыгарып кеткенбиз,эртерек жерге берели деп.Бирок эмдигиче окуном мен,вскрытиеге берип,врачтарды жазалатсак болмок,апамдын жаны кыйналат деп унчукпадык.Баарын Кудайга салдык...
03.06.2019. 16:37 
Тайпасы:
Конок
Комментарийлердин саны:
44
Катталган:
01-05-2019
Соӊку аракети:
23-06-2019 12:30
Жынысы:
Белгисиз
+1
Эмнеге мен жазган коментарийди очуруп салтасынар
05.06.2019. 10:45 
Тайпасы:
Жаран
Комментарийлердин саны:
32
Катталган:
26-01-2012
Соӊку аракети:
24-06-2019 22:56
Жынысы:
Белгисиз
Калаасы:
бишкек
0
Бир тартиа бузуп милицияга кармалсаң өлүп эле кутулбасаң кутулбайсың.
1
Комментарий калтыруу үчүн өз ысымыңыз менен кириңиз же каттоодон өтүңүз.
 
Бөлүмдүн статистикасы
соңку 15 мүнөт ичинде 0 колдонуучу (Катталган: 0, коноктор: 0) бул макаланы окуду:

Макалалардын саны:
22453;
 
Маалымат-маанайшат порталы
2006-2019 © SUPER.KG
Кыргыз Республикасы, Бишкек шаары,
Жибек Жолу проспектиси 381
"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.
Рейтинг@Mail.ru
Биз социалдык тармактарда: