Архив
844   845   846   847   848   849   850   851   852   853   854   855   856   857   858   859   860   861   862   863   864   865   866   867   868  
792   793   794   795   796   797   798   799   800   801   802   803   804   805   806   807   808   809   810   811   812   813   814   815   816   817   818   819   820   821   822   823   824   825   826   827   828   829   830   831   832   833   834   835   836   837   838   839   840   841   842   843  
740   741   742   743   744   745   746   747   748   749   750   751   752   753   754   755   756   757   758   759   760   761   762   763   764   765   766   767   768   769   770   771   772   773   774   775   776   777   778   779   780   781   782   783   784   785   786   787   788   789   790   791  
687   688   689   690   691   692   693   694   695   696   697   698   699   700   701   702   703   704   705   706   707   708   709   710   711   712   713   714   715   716   717   718   719   720   721   722   723   724   725   726   727   728   729   730   731   732   733   734   735   736   737   738   739  
635   636   637   638   639   640   641   642   643   644   645   646   647   648   649   650   651   652   653   654   655   656   657   658   659   660   661   662   663   664   665   666   667   668   669   670   671   672   673   674   675   676   677   678   679   680   681   682   683   684   685   686  
583   584   585   586   587   588   589   590   591   592   593   594   595   596   597   598   599   600   601   602   603   604   605   606   607   608   609   610   611   612   613   614   615   616   617   618   619   620   621   622   623   624   625   626   627   628   629   630   631   632   633   634  
531   532   533   534   535   536   537   538   539   540   541   542   543   544   545   546   547   548   549   550   551   552   553   554   555   556   557   558   559   560   561   562   563   564   565   566   567   568   569   570   571   572   573   574   575   576   577   578   579   580   581   582  
479   480   481   482   483   484   485   486   487   488   489   490   491   492   493   494   495   496   497   498   499   500   501   502   503   504   505   506   507   508   509   510   511   512   513   514   515   516   517   518   519   520   521   522   523   524   525   526   527   528   529   530  
427   428   429   430   431   432   433   434   435   436   437   438   439   440   441   442   443   444   445   446   447   448   449   450   451   452   453   454   455   456   457   458   459   460   461   462   463   464   465   466   467   468   469   470   471   472   473   474   475   476   477   478  
374   375   376   377   378   379   380   381   382   383   384   385   386   387   388   389   390   391   392   393   394   395   396   397   398   399   400   401   402   403   404   405   406   407   408   409   410   411   412   413   414   415   416   417   418   419   420   421   422   423   424   425   426  
322   323   324   325   326   327   328   329   330   331   332   333   334   335   336   337   338   339   340   341   342   343   344   345   346   347   348   349   350   351   352   353   354   355   356   357   358   359   360   361   362   363   364   365   366   367   368   369   370   371   372   373  
264   265   266   267   268   269   270   271   272   273   274   275   276   277   278   279   280   281   282   283   284   285   286   287   288   289   290   291   292   293   294   295   296   297   298   299   300   301   302   303   304   305   306   307   308   309   310   311   312   313   314   315   316   317   318   319   320   321  
217   218   219   220   221   222   223   224   225   226   227   228   229   230   231   232   233   234   235   236   237   238   239   240   241   242   243   244   245   246   247   248   249   250   251   252   253   254   255   256   257   258   259   260   261   262   263  
176   180   181   182   183   184   185   186   187   188   189   190   191   192   193   194   195   196   197   198   199   200   201   202   203   204   205   206   207   208   209   210   211   212   213   214   215   216  
Популярдуу макалалар

ТУМАН (Ала качуу, зордуктоо, сойкулукка кабылган кыргыз кызынын оор тагдыры тууралуу сериал)

№865 30-май - 5-июнь, 2019-жыл


(Башы өткөн санда)

Анын эскерүүлөрү акыры келип Анарбекке жолуккан күнгө такалмак. Ал Шайырдын дүйнөсүн астын-үстүн кылган жигит.

Ноябрь айы. Кадимкидей суук тартып калган болчу. Шайыр сабакка шашып келе жатып окуу жайдын жанындагы түнкү клубдун алдында тамеки тартып турган шыңга бойлуу жигитти көрдү. Аны бир карап алып, бат-баттан басып жанынан өтүп бараткан кызды карап туруп тигил жигит:

– Шайыр, Шаку сулуу кыз,- деп өзүнчө сүйлөнүп алганын укту. Шыр токтой калды, жакшылап караса, аны тааныбайт экен. Кыз чочуп кетти. “Бул мени кайдан тааныйт?” деген суроонун жообун издей баштады. “Биздин айылдаштарданбы?” деп кайра карады.

– Мени тааныбайсың, Шайыр. Сабагыңа кечигесиң, бара бер,- жигит жылмайды да, тамекисин көчө жакка чертип ыргытып туруп, клубду көздөй басты. Шайыр шашып окуу жайга кирип кетти. Сабакта отуруп жанагы көздөрү ойноктогон сымбаттуу жигит жөнүндө ойлоно берди. Ал жигиттин тамекини чертип ыргытканы да өзүнө жарашат экен. Шаардык окшойт деп ойлоду. Анан ошол шаардык жигит анын атын кайдан билип алган? Бул табышмактуулук кызга жагымдуу болгон, суроолордун жообун билүүгө кызыктырган. Анын ысымын кайдан билип, аны кайдан таанып алгандыгы боюнча бир канча версияларды ойлонгон. Жолунан жолуккан ар бир жигитти эстеп чыкты: бирдик салдырган, коомдук транспорттон тиктешип калган, окуу жайдан сүзүшүп кеткен... Бирок тааный алган жок. Анда кыз жаш экен. Романтикалуу кыялдана алчу. Шыпты тиктеп жаткан Шайыр жаш кезин элестетип, өзүн бир шылдыңдап күлүп алды.

ххх

Бул учурду эстеп өзүнөн өзү жийиркенип кетти. Жашоосундагы жүрөк ооруткан кара сызыктар, каталары ушул учурда башталган эле. Өткөндү оңдоого мүмкүн эмес. Шайыр анда жаш болчу. Ага бирөө кеңеш берсе деле укмак эмес. Келечектен өткөнүңө акыл үйрөтүп өзгөртүп алууга мүмкүн болгондо го…

Сабактан чыгып үйүнө баратып кайрадан Анарбекке жолугуп калган болчу. Анын жанында өзүн ыңгайсыз сезгени менен, кызга бул жолугушуу жаккан. Бир колуна ысык чай, экинчи колуна кофе көтөрүп алып капыстан эле алдынан чыга калган Анарбек ага жылдыздуу көрүндү. Шайыр жигитти көрүп жылмаюусун жашыра алган жок. Бул жылмаюу жигитке жол ачып бергендей эле Анарбек ишенимдүү сөз баштады.

– Чай ичесиңби же кофеби?

– Мен кофени жакшы көрөм,- Шайыр кофени алып наздана сүйлөдү.

– Эми айтып берчи. Мени кайдан тааныйсың?

– Сен күнүгө ушул жерден өтөсүң. Курбуларың Шайыр деп кайрылышат. Ошондон улам ысымыңды жаттап калгам.

– Ха-ха… Демек, биздин группадагы кыздардын баарынын атын билет экенсиң да?

– Жо-ок, башкалардын ысымын билүүгө кызыккан эмесмин. Сеникин гана билем. А менин атым Анарбек.

Анарбек ушундай эле жөнөкөй сөздөрдү айткан. Бирок Шайырга маңдайында турган бул жигит жеке анын ысымын гана жаттап калганы бир башкача жагымдуу туюлган. Кыз жигитти карап сонун жылмайып койду.

– Сен кээде биз жакка кирип тур. Мен музыкантмын бул клубда. Каалаган убакта келсең болот.

Экөө ушинтип таанышып, бат эле ынак болуп кетишкен. Шайыр жигитти сүйүп калганынан жазганбы, ким билсин? Азыр ал Анарбекке жолукпай калган болсо, жашоосу кандай нукта болмок деп ар кандай варианттарды ойлоого жетишти. Ошол күнү Анарбектин суроолоруна жооп бербей эле койсо, кофесин ичпей эле койсо, балким...

ххх

Сабактан чыгып эле Анарбектин жумушуна тие кетүүнү адат кылып алды. Башында Анарбек аны эптеп макул кылган. Кызды отургузуп коюп ага арнап бир нече ыр ырдап да жиберген. Ошондон кийин эле кыз дайыма өзү кирчү болду бул жакка. Анарбектин ырдаганы жагат. Ырдаганы эле эмес, Анарбек толугу менен жагат. Басканы, сүйлөгөнү, жылмайганы…

ххх

– А сен окууңду бүтсөң ким болосуң ошондо? Мугалим да, ээ?- бир ирет Анарбек ушинтип сураган.

– Жо-ок, мен бул окууга убактылуу гана окуп жатам. Которулам, буюрса…

– Ка-ап, мугалим кыз керек эле?- деп жылмайган Анарбек.

– Эмнеге?

– Мугалим кыздар жакшы да айылга жашаганга.

– Хе. Тилекке каршы, мен айылга жашабайм.

– Эмнеге?

– Жашагым келбейт. Мага шаардын жашоосу жагат.

– Ээх, жашсың да… Эмнеси жакшы ушул кымгуут жашоонун. Күндөр окшош. Жан талашмай, автобуста түртүшмөй, шашкалактамай. Айылда болсо туруп, таза абадан жутуп, коңшуң менен учурашып, самоорго чай кайнатып, отун жарып, мал кайтарып, чөп жыйнап. Романтика…

– Бетиң-колуң капкара болуп күйүп, түйшүктөн карып, түйшүккө эле жуурулуп, анан эптеген маанисиз сериалдарды көрүп кадимки кожойке болуп калгандын эмнеси романтика?

– Ха-ха! Жашсың деп айттым го. Амбициянын кулу болгонго баратасың.

– Амбициялар менен жашоо кызык.

– Жашоо дегенди келемиштин жарышына айлантып алдык. Жашаганды унутуп баратабыз.

– Кет да айылга.

– Кете албайм. Амбициялардын кулумун мен дагы. Шаардан өскүм келет.

Аны менен сүйлөшүү жеңил жана кызыктуу болчу. Бирок күлө караган, акылдуусунуп сүйлөгөндөрдөн эле жакшылык боло калбайт тура.

ххх

Бат эле ашык болуп калды. Анарбек болсо жакшы сүйлөп сый көрсөткөндөн ары өтпөйт. Жадакалса кыздын колдорун да кармабайт. Ошон үчүнбү, Шайыр аны биринчи алгач өзү өөп жиберген.

Шайыр минтип өзү алгачкы кадамды жасай алам деп ойлогон эмес. Бирок бир жолу аны үйүнүн жанына чейин узатып келген Анарбекти коштошуп жатып эрининен өөп алган. Кандайча болуп кетти, аны өзү да түшүнгөн жок. Жигит болсо чочуп кетти. Анысы кызга билинди, бирок ал байкатпаганга аракет кылды. Экөө тең ыңгайсыз боло калышты. Шайыр көзүн ала качып туш келди жерди карап калды. Ушул учурда тезирээк анын жанынан, бул ыңгайсыздыктан качып кетиши керек эле.

– Жакшы бар, мен кирейин.

– Көрүшкөнчө! Кыз чуркап барып дарбазанын эшигин тарс жапты да, ага жөлөнүп азыркы окуяны ойлоно баштады. Ал өзүнүн кылыгына таң калды. Бирок биринчи кезекте Анарбектин мындай мамиле кылганы түшүнүксүз болду. Күн сайын жумушунун жанынан өткөн кыздардын арасынан жалгыз ушул Шайырга кызыгып, анын ысымын жаттап алган өзү. Ага арнап ыр ырдаган да өзү. Улам эле жанына чакыра берген, аркы-беркини сүйлөшүп, тамашалашып, сыр чечишкеничи. Ошондо достук менен сүйүүнүн айырмасын билбей жаткан кимиси? Анарбекпи, Шайырбы?

ххх

Канча жыл өткөндөн кийин гана Шайыр мына азыр керебетинде жатып алып, Анарбекте ага карата эч кандай сезим болбогонун биринчи жолу моюнуна алды. Жөн гана ага керек болгон. Бирок дайыма Анарбекти эстегенде Шайырдын жүрөгү аз да болсо жылуулукту сезет. Шайырда ага болгон сезимдердин учкуну азыр да аягына чейин өчө элек экенин дагы бир ирет сезди. Анарбек азыр кайда жүрөт болду экен? Эмне менен алек? Ал бактылуубу?

Адам тагдыры менен ойноп койгондор болот. Андайлар көп. Анарбек да ошолордун бири болуп чыккан. Бирок ушунчалык таттуу сүйлөчү. Балким, Шайырга эле ошондой туюлгандыр.

– Эгер баары бир айылга алып качып кетишсечи?

– Жо-ок!

– Айтканыңдын баарына макулмун. Бир гана айылга жашаганга көн десечи?

– Ким?- кыз эркелеп сурады.

– Мисалы, мен.

– А эмнеге сен айылга жашайсың? Сенин ырчы болгуң келет го. Ырчы деген шаарда жашайт да.

– Демек, сен мага тийгенге даяр эле экенсиң, бирок айылга кетем деген нерсе гана ойлондуруп жаткан турбайбы, ээ?

– Жок. Мен окуумду бүтүп, карьера жасашым керек! Мен экинчи курста эл аралык мамилелер факультетине которулам да. Атам ошентип айтпады беле. Анан айылга барып койлор менен мамиле курмак белем. Ха-ха-ха. Эмнени дөөрүп жатам. Кыскасы, мага күйөө тууралуу ойлонгонго эрте. Биринчи эле курсмун.

– Ала качам, айлаң кетет.

– Отурбайм.

– Отурасың.

– Ха-ха,- кыздын күлкүсүндө Анарбектин сунушуна макул болгондой ноталар угулуп калган. Ошондо эле дароо чечим чыгарган экен.

ххх

Жаз болчу. Баары жаратылыш коюнуна чыгып жатышкан. Капыстан Анарбек да кызды тоо коюнуна чакырды. Достору менен барышмак экен. Шайыр макул болду. Анарбектин достору менен чогуу тоого эс алууга жөнөп кетишти. Эч нерседен шектенген эмес.

Эл катары эле кадимкидей күлүп-жайнап жүрдү. Анарбек гана кээде кимдир бирөө менен телефон аркылуу сүйлөшүп коёт. Аны деле элес алган эмес. Кечинде кайтып келе жатып, шаарга кетчү жолго эмес, таптакыр башка жолго түшкөндө гана чыйпылыктап жиберди.

– А биз кайда?

– Биз бир жакка тийип анан шаарга кетебиз. Уктай берсең болот. Шаарга жеткенде ойготуп коём,- деди Анарбек.

– Мени таштай кетсеңер жакшы болмок.

– Эми эч нерсе болбойт. Саякаттап келесиң.

Эч нерсе болбогондой эле кетип бара жатышты. Шайыр чын эле уктап калды. Анарбекке толугу менен ишенчү экен. Ошол ишенич жашоосун талкалап саларын билген эмес.

ххх

Машинанын сигналынан улам ойгонуп кетти. Түн кирип турса да, сыртта кандайдыр бир шаан-шөкөттүн илеби туруптур.

– Биз кайда келдик?

– Үйгө. Меникине.

– Эмнеге?

Анарбек жооп бергенче эле Шайыр отурган тараптан эшик ачылды, бир нече аял аны колдорунан тартып ар нерсени сүйлөп башташты. Жаңы эле уйкудан турган кыз эч нерсе деле түшүнбөй калды. Качан босогого жетип, анан аялдардын бири «жакшы жерге келдиң. Ак жолтой келин бол!» деп жатканда коркуп ыйлап жиберди. Кайдан-жайдан Анарбек жетип келип «Шаку, суранам. Мен үчүн калчы, суранам» дегенде жанагы коркунучтун ордун кубаныч алмаштырды. А эмнеге болбосун? Анарбек менен бактылуу болмок. Бирок…

(Уландысы кийинки санда)



"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.

Рейтинг: Рейтинг  0 
Башка сандарда:
Комментарийлер(6)
03.06.2019. 10:06 
Тайпасы:
Жаран
Комментарийлердин саны:
20
Катталган:
15-09-2017
Соӊку аракети:
24-06-2019 15:57
Жынысы:
Белгисиз
0
Бирок
03.06.2019. 11:22 
Тайпасы:
Жаран
Комментарийлердин саны:
39
Катталган:
14-04-2014
Соӊку аракети:
24-06-2019 17:31
Жынысы:
Белгисиз
Калаасы:
Ош-Москва
+8
Бирок,бир жума күт деди
03.06.2019. 11:56 
Тайпасы:
Жаран
Комментарийлердин саны:
196
Катталган:
26-03-2014
Соӊку аракети:
19-06-2019 11:28
Жынысы:
Белгисиз
+1
Бирок айылга жашагым келбейт дейт да ээ кашайып?
03.06.2019. 13:18 
Тайпасы:
Конок
Комментарийлердин саны:
7
Катталган:
25-03-2019
Соӊку аракети:
24-06-2019 23:56
Жынысы:
Белгисиз
Калаасы:
Бааев
+9
Бирок Анарбек алдап,өзүнө эмес башка бирөөгө алып качып келсе не удивлюсь.Негедир баары эле бир кассета,бүтпөгөн шакекче болуп калды го акыркы убакта
05.06.2019. 18:14 
Тайпасы:
Жаран
Комментарийлердин саны:
4
Катталган:
26-03-2015
Соӊку аракети:
07-06-2019 12:43
Жынысы:
Белгисиз
0
Башын кантип окуса болот эле
08.06.2019. 21:30 
Тайпасы:
Жаран
Комментарийлердин саны:
156
Катталган:
17-07-2013
Соӊку аракети:
18-06-2019 09:30
Жынысы:
Белгисиз
Калаасы:
Москва
0
Бирок...тилекке каршы башка бироого тиет окшойт
1
Комментарий калтыруу үчүн өз ысымыңыз менен кириңиз же каттоодон өтүңүз.
 
Бөлүмдүн статистикасы
соңку 15 мүнөт ичинде 0 колдонуучу (Катталган: 0, коноктор: 0) бул макаланы окуду:

Макалалардын саны:
22453;
 
Маалымат-маанайшат порталы
2006-2019 © SUPER.KG
Кыргыз Республикасы, Бишкек шаары,
Жибек Жолу проспектиси 381
"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.
Рейтинг@Mail.ru
Биз социалдык тармактарда: