Архив
844   845   846   847   848   849   850   851   852   853   854   855   856   857   858   859   860   861   862   863   864   865   866   867   868  
792   793   794   795   796   797   798   799   800   801   802   803   804   805   806   807   808   809   810   811   812   813   814   815   816   817   818   819   820   821   822   823   824   825   826   827   828   829   830   831   832   833   834   835   836   837   838   839   840   841   842   843  
740   741   742   743   744   745   746   747   748   749   750   751   752   753   754   755   756   757   758   759   760   761   762   763   764   765   766   767   768   769   770   771   772   773   774   775   776   777   778   779   780   781   782   783   784   785   786   787   788   789   790   791  
687   688   689   690   691   692   693   694   695   696   697   698   699   700   701   702   703   704   705   706   707   708   709   710   711   712   713   714   715   716   717   718   719   720   721   722   723   724   725   726   727   728   729   730   731   732   733   734   735   736   737   738   739  
635   636   637   638   639   640   641   642   643   644   645   646   647   648   649   650   651   652   653   654   655   656   657   658   659   660   661   662   663   664   665   666   667   668   669   670   671   672   673   674   675   676   677   678   679   680   681   682   683   684   685   686  
583   584   585   586   587   588   589   590   591   592   593   594   595   596   597   598   599   600   601   602   603   604   605   606   607   608   609   610   611   612   613   614   615   616   617   618   619   620   621   622   623   624   625   626   627   628   629   630   631   632   633   634  
531   532   533   534   535   536   537   538   539   540   541   542   543   544   545   546   547   548   549   550   551   552   553   554   555   556   557   558   559   560   561   562   563   564   565   566   567   568   569   570   571   572   573   574   575   576   577   578   579   580   581   582  
479   480   481   482   483   484   485   486   487   488   489   490   491   492   493   494   495   496   497   498   499   500   501   502   503   504   505   506   507   508   509   510   511   512   513   514   515   516   517   518   519   520   521   522   523   524   525   526   527   528   529   530  
427   428   429   430   431   432   433   434   435   436   437   438   439   440   441   442   443   444   445   446   447   448   449   450   451   452   453   454   455   456   457   458   459   460   461   462   463   464   465   466   467   468   469   470   471   472   473   474   475   476   477   478  
374   375   376   377   378   379   380   381   382   383   384   385   386   387   388   389   390   391   392   393   394   395   396   397   398   399   400   401   402   403   404   405   406   407   408   409   410   411   412   413   414   415   416   417   418   419   420   421   422   423   424   425   426  
322   323   324   325   326   327   328   329   330   331   332   333   334   335   336   337   338   339   340   341   342   343   344   345   346   347   348   349   350   351   352   353   354   355   356   357   358   359   360   361   362   363   364   365   366   367   368   369   370   371   372   373  
264   265   266   267   268   269   270   271   272   273   274   275   276   277   278   279   280   281   282   283   284   285   286   287   288   289   290   291   292   293   294   295   296   297   298   299   300   301   302   303   304   305   306   307   308   309   310   311   312   313   314   315   316   317   318   319   320   321  
217   218   219   220   221   222   223   224   225   226   227   228   229   230   231   232   233   234   235   236   237   238   239   240   241   242   243   244   245   246   247   248   249   250   251   252   253   254   255   256   257   258   259   260   261   262   263  
176   180   181   182   183   184   185   186   187   188   189   190   191   192   193   194   195   196   197   198   199   200   201   202   203   204   205   206   207   208   209   210   211   212   213   214   215   216  
Популярдуу макалалар

Канат Маматов, Футбол федерациясынын президенти: «БИЗДЕ НЕФТЬ, ГАЗ ЭМЕС, АДАМДЫК РЕСУРС БАР»

№865 30-май - 5-июнь, 2019-жыл


Кээ бир адамдар бар, жумушуна өтө берилүү, жоопкерчилик менен мамиле кылышат. Алардын жумушун сүйөрү сүйлөгөн сөзүнөн, ишинен, баскан-турганынан эле билинип турат. Ошол өзгөчөлүктү мен бүгүнкү маектешимден байкадым. Биз бүгүн бейнесин ачып берүүгө аракет кылган адам – өлкөнүн Футбол федерациясынын президенти Канат Маматов.

КААРМАН ТУУРАЛУУ

Туулган жылы, күнү – 1974-жыл, 15-август

Туулган жери – Өзгөн району, Мырза-Аке айылы

Билими – жогорку

Үй-бүлөлүк абалы – 3 уул, 1 кыздын атасы

Биринчи кызматы – Университеттин футбол боюнча курама командасынын машыктыруучусу

Биринчи клубу – "Алай"

Мамлекеттик кызматтын
3-класстагы кеңешчиси

– Канат мырза, сизди учурда калың эл Кыргыз футбол федерациясынын президенти катары тааныса, биз бизнесмен, учурунда саясатта, Жогорку Кеңеште иштеп тажрыйба топтогон адам катары да билебиз. Сиз үчүн кайсы тарабыңыз басымдуу, бизнесмен Канатпы, футболчу-менеджер Канатпы же саясаттагы Канатпы?

– Сурооңузга рахмат. Ооба, сиздердин гезитиңиздер менен таанышып, иштешип баштаганыбызга 10 жылдан ашып калыптыр. Айрым күчтүү саясатчылардан тажрыйба алайын деп Жогорку Кеңеште дагы иштеп көрдүм, бирок акыркы 10-15 жылда көбүнчө бизнес тармагында жүрүп, ошол жакка басым жасап келдим. Ал эми өзүм футболдон чыкканыма жана футбол менин жашоомдун бир бөлүгү болуп калганына байланыштуу андан алыс кеткеним жок. Азыр болсо бизнеске жана футболго бирдей басым жасап иштеп жаткан кезим.

– Сизди багып-өстүрүп, эрезеге жеткирген адамдар кимдер? Ата-энеңиздин ушул деңгээлге жетишиңизге кандай таасири болду?

– Менин адам катары калыптанышыма, турмуштан өзүмдү табышыма таасир эткен адамдар, албетте, ата-энем жана бир туугандарым. Туура тарбия берип, футболдон сырткары окууга басым жасап, "окуйсуң, жогорку окуу жайын бүтүрөсүң" деп катуу талап коюшкан. Болбосо сырттан окуу бөлүмүнө которулуп, биротоло эле футболго кетип калсамбы деген ойлор болгон. Ар дайым "коркпо, алдаба, уурдаба" деп тарбия беришти. Айылдагы тренерлерим футболдук карьерама чоң салым кошуп, фундамент түзүп беришкен.

– Өлкөнүн келечеги, балдардын тарбиясы, кыргыз спорту, маданияты, айтор, акыркы күндөрү эмне тууралуу көп ойлонуп жүрөсүз?

– Футбол тармагына тыгыз киришкен соң акыркы кездери өлкөнүн футболу жана анын келечеги көп ойлондурат. Биздин футболубуздун акыркы жетишкендиктери биздин көптөгөн жаш балдарга жана ата-энелерге чоң ишенич алып келди. Азыркы кезде баламды футболго берсем деген ата-энелер көбөйдү.

Эмнеге футбол? Футболдун баланын ден соолугун чыңдагандан сырткары да жакшы жактары бар. Ал – баланы командалык ишке тарбиялайт, өзүнүн кадамдарын пландаштырганды, тез ойлонгонду үйрөтөт, мүнөзүн чыңдайт. Футболду жакшы өздөштүрсө ал балага жогорку окуу жайына өтүүгө, жумушка орношууда, дегеле турмуштун бардык тармагында бир топ жардам берет. Ошондой эле өтө таасирдүү себеп – бул эгерде чын дилинен машыгып, катуу аракет кылса, профессионалдык оюнчуга айланып, өзүнүн финансылык маселелерин чечет, чет жакта күчтүү жана бай клубдарда ойноп калса бир топ эле бул жагын чыңдайт. Күчтүү оюнчулар дүйнөдөгү эң бай адамдардын катарына кирип жатышпайбы. Биздин балдардын мүнөзү күчтүү жана духу бар, албетте, арасынан ошондой кыйын оюнчулар чыгат деп терең ишенем. Ал үчүн биздин мамлекет жана биздин федерация шарт түзүп бериши зарыл.

– Прагматиксизби же идеяга берилген романтикпи?

– Мен прагматикмин, жаратман, түзүүчү болуш керек деген ойдомун. Романтик болуп отура берсең убакытты өткөрүп жибересиң. Аягында эч нерседен жок калышың да мүмкүн.

– Убакыттын өтүшү менен адамдагы айрым сапаттар жоголуп, же тескерисинче, жок сапаттар пайда болот. Бала кезден бери кайсы сапатыңызды жоготпой келе жатасыз?

– Мен бала кезден бери абдан жоопкерчиликтүүмүн. Ушул сапатымды жоготпой келе жатам. Ошол сапат ар бир инсанда болуш керек деп эсептейм жана эч качан жоголбошу зарыл.

– Бүгүнкү деңгээлге жетүү оңой болбосо керек. Кыйын, оор күндөрдө кимге таяндыңыз? Кимдин кеп-кеңеши, колдоосу жардамга келди?

– Албетте, жашоо оңой нерсе эмес, ысык-суугу болуп турат. Сиз айткандай, кеп-кеңеш жана насааттарга муктаж болосуң. Жаш кезимде ата-энемдин, бир туугандарымдын насааттары туура жолго салып келди. Кийин жакын досторумдун, агаларымдын кеп-кеңештеринин пайдасы тийди. Жубайымдын жана балдарымдын кеңештери да мен үчүн абдан баалуу.

– Өмүр баяныңызды карасам, бир нече жогорку билим алыптырсыз. Ушунун өзү сиздин билимге өзгөчө маани берериңизден кабар берет. Балдардын окуусуна, тарбиясына көңүл бурууга убакыт табылып жатабы?

– Балдардын окуусуна көңүл бурууга, чынында, убакыт аз, бирок окууларына шарт түзүп, окуусуна жана тарбиясына көңүл буруп турам. Баласын футболго машыгууга берген ар бир ата-энеге айтат элем, балаңыз окуусун таштабасын, футбол менен бирге окуусун алып кетсе болот. Ар бир баланын маңдайына жазып койбойт күчтүү оюнчу болуп чет жакта, мартабалуу, бай клубдарда ойнойт деп. Эгер баланын профессионалдык футболдук карьерасы ишке ашпай калса, анда алган билими менен турмушун курат. Бирок ошол учурда дагы футбол чоң жардамын берет.

– Канча балаңыз бар?

– Менин үч уул жана бир кызым бар. Эки уулум футбол менен машыгат.

– Аталардын эки түрү бар: балдарды катуу кармаган же алардын көңүлүн биринчиге койгон. Сиз кайсынысына киресиз?

– Эки жагын тең бирдей эле алып барам. Өтө катуу кармабайм, менин айтканым туура, мен билем, мен айткандай болот деп тарбиялабайм. Баланын дагы билгени, каалаганы бар, аларды угуш керек, сүйлөшүп түшүнүүгө аракет кылыш абзел деген ойдомун. Катуу тие берсең ал нерселердин баары эсинде калат, көңүлүнө катуу тиет, өсүп-өнүгүшүнө тоскоолдук кылат. Бирок керектүү жерде кеп-кеңеш айтып, туура жолго салып туруу зарыл.

– Ата-эне, бир туугандар, үй-бүлөңүз тууралуу айтып берсеңиз.

– Атамдын көзү өткөнүнө 13 жыл болуп калды, апам 80ге чыкты. Дагы көп өмүр берсин апама. Эки эжем, бир агам жана карындашым бар. Менден башкасы баары медиктер. Эжем медицина илимдеринин кандидаты, врач, агам медицина илимдеринин доктору, профессор, кафедра башчысы, дагы бир эжем врач, карындашым медициналык факультетте мугалим. Жубайым болсо үч жогорку окуу жайын аяктаган, акыркысы 2015-2016-жылдары Англияда MBA боюнча магистратураны окуп, бүтүрүп келген.

– Үй-бүлөдө ынтымак, түшүнүшүү болушу үчүн эң зарыл нерсе эмне деп эсептейсиз? Жаш үй-бүлөлөргө сизден кыска кеңеш болсун.

– Бизде каныбыздабы же менталитетибизде дейбизби, аялды катуу кармап, чектен чыгарбаш керек деген түшүнүк бар. Эркектер аялдарга караганда күчтүү болот эмеспизби, күч колдонуп жибериши мүмкүн. Бирок ал маселени убактылуу чечет же артынан башка маселелерди алып келет. Мен мындай көрүнүштөргө таптакыр башка ойдомун. Аялыма кол көтөрүп көргөн эмесмин. Аял кишинин үй-бүлөдө эркектей эле өзүнүн орду бар. Үй-бүлөдө ар бири өзүнүн ордун билиши зарыл. Үй-бүлө түзгөн соң жашоонун ысык-суугуна бирге даяр болуп, кыйынчылыктарды бирге жеңе билиш керек.

– Спорт тармагы сизди кичине кезиңизден бери кызыктырабы?

– Спорт бала кезимден эле кызыктырат. Менин үйүм стадиондун жанында жайгашкандыктан футболго көп убакыт бөлүп, бул оюнду жакшы көрүп калганмын.

– Кичи мекениңиз өлкөнүн кайсы айылы? Сагынасызбы?

– Өзгөн районунун Мырза-Аке айылы. Кээде сагынып калам, бирок иштин көптүгүнөн барганга эле эмес, сагынганга деле убакыт тар.

– Байланышып, катташып, эмне көйгөйлөрү бар экенинен кабарыңыз барбы?

– Ооба, байланышым бар. Колдон келишинче жардам берип жана футбол боюнча турнир өткөрүп турам. Бир мүмкүнчүлүк болуп ЮСАИДдин долбоорунун негизинде каражат тартып барып, айылдын борборундагы эски клубду спорт комплексине айландырып, спорт жабдуулар менен камсыз кылып бердим эле бир кезде. Эми бир футбол аянтча салып берсем деген пландарым бар.

– Өлкөгө белгилүү адамдан саясат тууралуу сурабай коюу болбос. Парламентке барып, окуу жайлардан алган билимди, турмуштан алган тажрыйбаны элдин керегине жумшоо тууралуу ойлонуп көрдүңүз беле?

– Албетте, ойлор болот. Өлкөбүздүн өнүгүшүнө, элибиздин бакубат жашоосуна өзүмдүн билимиме, тажрыйбама таянып кандай салым кошо алам деген ойлор болот. Бирок биздин футболубуз өнүксө, инфраструктураны жакшыртсак, шарттар түзүлсө, футбол менен машыккан балдардын саны өссө, эл аралык мелдештерде жакшы натыйжаларга жетишсек бул деле коом үчүн чоң салым болот. Азыркы учурда мени ушул багыт гана кызыктырат.

– Чет жактарга көп чыгасыз. Кыргыз коомчулугуна, айылына, шаарына эмне жетишкендиктерди алып келгиңиз келет?

– Чет жактарга чыкканда алардын шаар, айылдарынын инфраструктурасына көп суктанам. Бизде да ушундай шарт, сервис болсо дейсиң. Мисалы, Швейцарияда биздикиндей эле тоолор, бирок тоолордун башында, супермаркети да, кафе-ресторандары да бар, асфальт жолдору салынган. Аларда кышы-жайы шагырап эле жүргөн туристтерди көрөсүң. Биз да ошол деңгээлге жетсек жакшы болмок.

– Учурда калктын басымдуу бөлүгү сыртта иштеп жүргөн мигранттардын акчасы менен күн көрүүдө. Эгемендүүлүк алганыбызга 27 жыл болду. Өнүгүп кете албай жатканыбыздын негизги себеби эмнеде деп ойлойсуз?

– Бул аябай орчундуу маселе. Айыл, шаарларда иш орундары түзүлсө жакшы болмок. Ал үчүн ишканалар ачылышы зарыл. Бизде нефть, газ байлыктары жокко эсе. Бирок бизде адамдык ресурс бар. Мисалы, мен жашап, иштеп келген Индиянын Бангалор шаары маалыматтык технологиялар шаары болуп саналат. Элдин көбү ушул багытта окуйт жана көбү чет өлкөлөрдө бийик маяна алып иштешет. Бизде деле ошондой шарт түзүп, ошол багытты өнүктүрсөк эмне үчүн болбосун?

Адилет Керимбек уулу
politika@super.kg




"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.

Рейтинг: Рейтинг  0 
Талкуу жабык.
Бөлүмдүн статистикасы
соңку 15 мүнөт ичинде 0 колдонуучу (Катталган: 0, коноктор: 0) бул макаланы окуду:

Макалалардын саны:
22453;
 
Маалымат-маанайшат порталы
2006-2019 © SUPER.KG
Кыргыз Республикасы, Бишкек шаары,
Жибек Жолу проспектиси 381
"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.
Рейтинг@Mail.ru
Биз социалдык тармактарда: