Архив
844   845   846   847   848   849   850   851   852   853   854   855   856   857   858   859   860   861   862   863   864   865   866   867   868  
792   793   794   795   796   797   798   799   800   801   802   803   804   805   806   807   808   809   810   811   812   813   814   815   816   817   818   819   820   821   822   823   824   825   826   827   828   829   830   831   832   833   834   835   836   837   838   839   840   841   842   843  
740   741   742   743   744   745   746   747   748   749   750   751   752   753   754   755   756   757   758   759   760   761   762   763   764   765   766   767   768   769   770   771   772   773   774   775   776   777   778   779   780   781   782   783   784   785   786   787   788   789   790   791  
687   688   689   690   691   692   693   694   695   696   697   698   699   700   701   702   703   704   705   706   707   708   709   710   711   712   713   714   715   716   717   718   719   720   721   722   723   724   725   726   727   728   729   730   731   732   733   734   735   736   737   738   739  
635   636   637   638   639   640   641   642   643   644   645   646   647   648   649   650   651   652   653   654   655   656   657   658   659   660   661   662   663   664   665   666   667   668   669   670   671   672   673   674   675   676   677   678   679   680   681   682   683   684   685   686  
583   584   585   586   587   588   589   590   591   592   593   594   595   596   597   598   599   600   601   602   603   604   605   606   607   608   609   610   611   612   613   614   615   616   617   618   619   620   621   622   623   624   625   626   627   628   629   630   631   632   633   634  
531   532   533   534   535   536   537   538   539   540   541   542   543   544   545   546   547   548   549   550   551   552   553   554   555   556   557   558   559   560   561   562   563   564   565   566   567   568   569   570   571   572   573   574   575   576   577   578   579   580   581   582  
479   480   481   482   483   484   485   486   487   488   489   490   491   492   493   494   495   496   497   498   499   500   501   502   503   504   505   506   507   508   509   510   511   512   513   514   515   516   517   518   519   520   521   522   523   524   525   526   527   528   529   530  
427   428   429   430   431   432   433   434   435   436   437   438   439   440   441   442   443   444   445   446   447   448   449   450   451   452   453   454   455   456   457   458   459   460   461   462   463   464   465   466   467   468   469   470   471   472   473   474   475   476   477   478  
374   375   376   377   378   379   380   381   382   383   384   385   386   387   388   389   390   391   392   393   394   395   396   397   398   399   400   401   402   403   404   405   406   407   408   409   410   411   412   413   414   415   416   417   418   419   420   421   422   423   424   425   426  
322   323   324   325   326   327   328   329   330   331   332   333   334   335   336   337   338   339   340   341   342   343   344   345   346   347   348   349   350   351   352   353   354   355   356   357   358   359   360   361   362   363   364   365   366   367   368   369   370   371   372   373  
264   265   266   267   268   269   270   271   272   273   274   275   276   277   278   279   280   281   282   283   284   285   286   287   288   289   290   291   292   293   294   295   296   297   298   299   300   301   302   303   304   305   306   307   308   309   310   311   312   313   314   315   316   317   318   319   320   321  
217   218   219   220   221   222   223   224   225   226   227   228   229   230   231   232   233   234   235   236   237   238   239   240   241   242   243   244   245   246   247   248   249   250   251   252   253   254   255   256   257   258   259   260   261   262   263  
176   180   181   182   183   184   185   186   187   188   189   190   191   192   193   194   195   196   197   198   199   200   201   202   203   204   205   206   207   208   209   210   211   212   213   214   215   216  
Популярдуу макалалар

Таалайгүл Токтакунова, адвокат: «ВРАЧТАРДЫН КОЛУНДА АДАМ ӨМҮРҮ БОЛСО, АДВОКАТТЫН КОЛУНДА АДАМДЫН ТАГДЫРЫ ТУРАТ»

№866 6-июнь - 12-июнь, 2019-жыл


“Мыйзам жакшы адвокат жалдай алгандын баарын коргойт” деген сөз бар. Өмүрбек Текебаев өңдүү лидерлерди, биздин гезит өңдүү компанияларды сотто коргоп, жеңишке жетип, жетпей калса да коомчулук алдында мыкты жактоочу экенин көрсөтүп келе жаткан инсан бар. Ал – адвокат Таалайгүл Токтакунова. Жактоочу менен кесибинин күнгөй-тескейи тууралуу баарлаштык.

КААРМАН ТУУРАЛУУ

Туулган жылы, күнү – 1977-жыл, 2-октябрь

Туулган жери – Ат-Башы району, Кара-Суу айылы

Билими – жогорку

Иш тажрыйбасы – 21 жыл

– Таалайгүл айым, адвокаттык ишке качан, кантип аралашып калдыңыз эле? Бул тармакка сизди эмне жетелеп келди?

– Кесибим – юрист. 1998-жылдан 2010-жылга чейин банк системинде иштедим. 5-курста окуп жатканда атам автокырсыкка кабылып, үйдө отуруп калды. Ушул учурда атамдын кеңеши менен АКБ Кыргызстан банкына жумушка кирип, иштей баштадым. Кийин бир нече банкта, жалаң талапты катуу койгон жетекчилердин колунда иштеп, такшалдым. 2010-жылы декреттик өргүүгө чыгышым керек болду. Ошондо өзүмчө “банкта мындан ары эмне кылам? Ашып барса башкармалык төрагасына орун басар болушум мүмкүн” деп ойлондум да, бул тармактан кеттим. Өмүрү үйдө отуруп көрбөгөн жаным 1 ай араң чыдадым. Анан өзүмдүн компаниямды ачайын деп чечтим. Анын үстүнө мага кайрылып юридикалык консультация сурагандар ансыз деле көп эле. Лицензия алдык, кеңсе таптык. Кесиптешим Чынара Жакупбекова менен бирге ишибиз жакшы жүрүп кетти.

– Өмүрбек Текебаевге кандайча жактоочу болуп калдыңыз?

– 2012-жылы Өмүрбек Текебаевден кызматташуу сунушу түшүп калды. Алгач баш тарткам, кийин иш процессинде ал кишинин соттук иштерине кантип аралашып кеткенимди байкабай калдым. 2012-жылдан баштап анын соттогу дээрлик бардык иштерин мен жүргүздүм. 2015-жылы парламенттик шайлоонун алдында Өмүрбек Чиркешович "партиянын штабына юрист таап берчи" деп кайрылып калды. Ошондо ага “мени юрист кылып албайсызбы” деп сунуштасам, дароо жактырган. Менде принцип ушундай: же баш-отум менен берилип иштейм, же таптакыр иштей албайм. Ортозаар болуп, эптеп убакыт өткөрүү мен үчүн эмес.

– Өлкөдө адвокаттарга мамиле, түзүлгөн шарт кандай? Ары жооптуу, ары түйшүктүү иш сизди курчутуп жатабы же чарчатып жибердиби?

– Адвокаттык жумуш оор. Кардары туура эмес сүйлөп жатса да, унчукпай отура берген адвокаттар бар. Күнөөнүн баарын моюнуна алып койгондон кийин аны коргоп эмне кереги бар, туурабы? Кардарым туура эмес сүйлөп баратса билдирбей бутуна бир тээп токтотуп, анан “биз өзүбүзчө сүйлөшүп алалычы” деп тыныгуу сураган учурлар болот. Мамлекет тарабынан адвокаттарга жардам жок. Суроо-талап жиберсең жооп бербей коюшат, анан кысым да болуп жатпайбы. “Ызы-чуу ишти албай эле коёлучу” деп адвокаттардын көбү коркушат. Батыш өлкөлөрүн карасаңыз, кардардын позициясын бир гана адвокат айтат. Бизде мындай иш тартиби эми башталууда. Биз адвокат деген кандай болушу керек, кантип иштеши керектигин Текебаевдин процессинде көрсөттүк деп ойлойм.

– Иш графигиңиз абдан тыгыз болсо керек. Адвокаттын бир күнү негизинен кантип өтөт?

– Адвокаттын жарым өмүрү коридордо өтөт. Процессти күтөсүң, судья, прокурор, тараптар кечигип келишет. Жолугушуулар, сурактар... Кечке жүрүп, кечинде анан иш башталат. Эртеңки процесске керектүү иштердин баарын компьютерде жазып баштайбыз. Мисалы, Текебаевдин ишинде түнкү 3-4кө чейин иштеп, кайра эртең менен саат 8ге келип калып жаттык. Колубузда жок дегенде 3 өтүнүч келтирүү, тийиштүү суроолор даяр турчу.

– Бул кесиптин негизги кыйынчылыктары деп кайсы жагдайларды айтат элеңиз?

– Адвокаттын ишин врачтардын иши менен салыштырам. Врачтардын колунда адам өмүрү болсо, адвокаттын колунда адамдын тагдыры турат. Эң кооптуусу – жаңылуу. Сенин бир катачылыгың бирөөнүн тагдырын талкалап коюшу мүмкүн.

– Ар бир кесиптин өзүнө мүнөздүү өзгөчөлүгү бар. Адвокат болом деген адам алган билиминен, каалоосунан тышкары кандай жеке сапаттарга ээ болушу керек?

– Биринчиси – кардарыңа ишенүү керек. Анын ордуна өзүңдү коюп, анын абалын жан дилиң менен сезе билишиң керек. Ошондо гана жыйынтык болот. Жыйынтык болгондо сенден бактылуу адам жок. Адвокат эч качан “кардар мага рахмат айтат” деп күтпөшү керек. Иш бүттүбү, эртеси унутуласың. Бул ал адам жаман болгону үчүн эмес, жашоо ушундай.

– Экс-президент Алмазбек Атамбаев сиздин жана кесиптешиңиз Канатбек Азиздин үстүнөн арызданып, миллиондогон суммада доого жыгылдыңыздар эле. Жакында сот аны жокко чыгарды. Соттон адилет чечим күттүңүздөр беле?

– Чынында күткөн эмесмин. Бирок бул соттордон эмес, кырдаалдан көз каранды чечим. 2 жыл мурунку сабатсыз судьяларды бүгүн оңолуп кетти деп айтуу мүмкүн эмес. Болгону темирди кызуусунда соктук. Саясий көз карашта “учуру келди, ушул учурда ары же бери болот” деп маселе көтөрдүк. Болбосо чындык биз тарапта экенин 2 жыл мурун деле билчүбүз. 2 жыл ичинде чуркап барып кечирим сурап же көчөгө чыгып “үйүмдү тартып алганы жатат” деп ыйлаган жокмун, бул маселе эртеби-кечпи чечилерин билчүмүн.

– Бир тыйын албай, бекер адвокаттык кылган учурлар болобу?

– Эгер кардардын акчасы жок болсо же иштин өзү кызыгуу жаратса, бекер деле иштейбиз. Мисалы, бир милиция кызматкери ак жеринен 11 жылга соттолуп кеткен. Ошондо ыйлагам. Колунда жок, көп балалуу болчу. Ошол окуя жүрөгүмдөн кетпей койду, “туура эмес соттолуп кетти” деп кыжалат боло берчүмүн. 2019-жылы жаңы Кодекстер күчүнө киргенде ошол адамдын ишин кайра кароого жол ачылды. Кесиптешиме айтып, анын ишин кайра көтөрүп чыктык. Бекер, албетте. Жогорку Сотко чейин барып, жаңы мыйзамдардын негизинде уттук. Буюрса, жакында эркиндикке чыгып калат.

– Сөзсүз түрдө бирде жеңиш, бирде утулуу болот. Утулуп калганда кардарыңыздын алдында өзүңүздү ыңгайсыз сезесизби?

– Эгер менин күнөөмдүн айынан утулуп калсак, албетте, ыңгайсыз болом. Каерден ката кетирдим деп уктабай чыккан түндөр болот. Анан биздин иште “бүттү, жеңилдик” деп отуруп калуу болбойт. Бүгүн утулуп калсак, баары бир башка жагдай таап чыгабыз. Эгер бир жеңилүүдөн кийин баары бүттү деп отуруп калсаң, анда сен адвокат эмессиң.

– Кимдерге адвокаттык кылгыңыз келбейт? Кандай принциптен улам?

– Менде бир принципиалдуу позиция бар – педофилдерге жана киши өлтүргөндөргө адвокаттык кылбайм. Мейли, кокустук болсун, баары бир киши өлтүрүп койду.

– Кардарына эмес, каршы тараптын кызыкчылыгына иштеп кеткен кесиптештериңиз да кездешет. Андайларга кандай көз караштасыз?

– Тажрыйбада андайлар көп. Мага да акча сунуштаган, “көп сүйлөбөй эле, колдойм деп гана кой” деген учурлар болду. Менимче, мен “не нормальный” адаммын, эч качан андай сунуштарга макул боло албайм. “Мени ким биринчи келсе ошол сатып алат. Экинчи жолу сатылбайм” деп күлүп калам. Мен үчүн репутация, кесиптик аброюм баарынан өйдө. Бүгүн биртке акча үчүн сатылып кетсем, эртең кардарларымды жоготуп алам.

– Кесиптик ишмердүүлүгүңүзгө байланыштуу коркутуп-үркүтүүлөргө кабылып көрдүңүз беле?

– Ачык коркутуулар жок. Бирок акыркы 2 жылда ар кандай аңдуулар болду. Эгер бүгүн “куугунтук болууда” деп кардарымды таштап кетип калсам, ал адамдын абалы эмне болот? Ансыз да прокурорго, сотко ишенбей турганда ишенген адвокаты таштап кетип калса... Жок дегенде бир адам анын жанында дайым жылмайып “баары жакшы болот” деп турушу керек. Ичимден биздин аракеттен майнап чыкпай турганын билип турсам да сыр бербей, кардарыма үмүт беришим кажет.

– Акыркы күндөрү соттон бир топ чуулгандуу иштерди, алсак, “Супер-Инфо” менен Финполдун соттошуусунда биздин гезиттин укугун коргоп, 4 ирет утуп чыктыңыз, экс-президентти утуп чыктыңыз... Сизге жеңиш алып келген дагы кайсы иштер бар кейсте?

– Аябай чоң жеңиш “Супер-Инфонун” жеңиши болду. Жумушумдан ушундай ырахат алдым дейсиз, толкунданып түндө уктай албай чыктым. Процессуалдык жактан биздики туура болгондуктан, сот дагы башкача чечим чагарган жок. Чынында акыркы саясий окуялардан улам менде ишенич жок болчу. Мындай чечим чыгат деп Финпол дагы күткөн эмес. Негизи, адвокатта күн сайын жеңиштер болуп турат. Өз учурунда даттануу да жеңиш. Мисалы, бүгүн коомчулук Текебаев адилеттүү соттолду дегенге ишенбейт. Анткени биз анын күнөөсүз экенин далилдей алдык.

– Иш процессинде сиздин кыжырыңызды эмне келтирет?

– “Акмак достон акылдуу душман артык” деген сөз бар. Кыжырды келтиргени – оппоненттердин сабатсыздыгы жана кесипкөй эместиги. Тергөөчү же сот бир документти сабаттуу жазса, ошого каршы арыз жазуу ырахат. Эгер эптеп эле бирдеме жазып койсо, айла жок, өзүнө ылайык бир болбогон түшүндүрмө жазыш керек болот. Ушунчалык дагы сабатсыз болушабы деп түтөп кетесиң.

– Сырттагы жумуш өзүнүн жолу менен. Ал эми үйдө кандай кожойкесиз?

– Эртеден кечке ашканадан чыкпаган аялдардан эмесмин. Үй иштерин маанайым жакшы болсо жасайм, болбосо жок. Баарын кыздарым жасайт, башкысы, үй дайым таза, ысык тамак бар. Кыздарым менен чоң кишилердей сүйлөшөм, курдаштарча сырдашабыз. Бирок тартип катуу. Биздин үйдө “азыр” деген сөз болбойт. Айтылдыбы, демек, жасалышы керек. Кыздарымды бир гана учурда – калп айтса гана урушам. Андайда үйдө "акыр заман" башталып кетет (күлүп). Жолдошум да кээде “өзүмдү тергөөчүнүн жанында отургандай эле сезип жатам” деп тамашалап калат. Анткени анын калп айтып жатканын билип коём.

– Кызыңыз сиздин жолуңузду улантам десе каршы болбойсузбу?

– Улуу кызым Юридика факультетинде 1-курсту аяктап жатат. Акыркы 2 жылдын ичинде юристтин иши кандай экенин көрдү, такшалды. Мага каршы иш козголуп, тергөө жүрүп жаткан маалда “Акмарал, бүгүн саат алтыдан кийин телефонду албасам, демек, мени камашты деп түшүн” десем, түшүнүп, "макул" дечү. Оорчулукту мени менен бирге көтөрдү.

Автандил Добулбеков
politika@super.kg



"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.

Рейтинг: Рейтинг  5 
Талкуу жабык.
Бөлүмдүн статистикасы
соңку 15 мүнөт ичинде 0 колдонуучу (Катталган: 0, коноктор: 0) бул макаланы окуду:

Макалалардын саны:
22453;
 
Маалымат-маанайшат порталы
2006-2019 © SUPER.KG
Кыргыз Республикасы, Бишкек шаары,
Жибек Жолу проспектиси 381
"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.
Рейтинг@Mail.ru
Биз социалдык тармактарда: