Архив
792   793   794   795   796   797   798   799   800   801   802   803   804   805   806   807   808   809   810   811   812   813   814   815   816   817   818   819   820   821   822   823   824   825   826   827   828   829  
740   741   742   743   744   745   746   747   748   749   750   751   752   753   754   755   756   757   758   759   760   761   762   763   764   765   766   767   768   769   770   771   772   773   774   775   776   777   778   779   780   781   782   783   784   785   786   787   788   789   790   791  
687   688   689   690   691   692   693   694   695   696   697   698   699   700   701   702   703   704   705   706   707   708   709   710   711   712   713   714   715   716   717   718   719   720   721   722   723   724   725   726   727   728   729   730   731   732   733   734   735   736   737   738   739  
635   636   637   638   639   640   641   642   643   644   645   646   647   648   649   650   651   652   653   654   655   656   657   658   659   660   661   662   663   664   665   666   667   668   669   670   671   672   673   674   675   676   677   678   679   680   681   682   683   684   685   686  
583   584   585   586   587   588   589   590   591   592   593   594   595   596   597   598   599   600   601   602   603   604   605   606   607   608   609   610   611   612   613   614   615   616   617   618   619   620   621   622   623   624   625   626   627   628   629   630   631   632   633   634  
531   532   533   534   535   536   537   538   539   540   541   542   543   544   545   546   547   548   549   550   551   552   553   554   555   556   557   558   559   560   561   562   563   564   565   566   567   568   569   570   571   572   573   574   575   576   577   578   579   580   581   582  
479   480   481   482   483   484   485   486   487   488   489   490   491   492   493   494   495   496   497   498   499   500   501   502   503   504   505   506   507   508   509   510   511   512   513   514   515   516   517   518   519   520   521   522   523   524   525   526   527   528   529   530  
427   428   429   430   431   432   433   434   435   436   437   438   439   440   441   442   443   444   445   446   447   448   449   450   451   452   453   454   455   456   457   458   459   460   461   462   463   464   465   466   467   468   469   470   471   472   473   474   475   476   477   478  
374   375   376   377   378   379   380   381   382   383   384   385   386   387   388   389   390   391   392   393   394   395   396   397   398   399   400   401   402   403   404   405   406   407   408   409   410   411   412   413   414   415   416   417   418   419   420   421   422   423   424   425   426  
322   323   324   325   326   327   328   329   330   331   332   333   334   335   336   337   338   339   340   341   342   343   344   345   346   347   348   349   350   351   352   353   354   355   356   357   358   359   360   361   362   363   364   365   366   367   368   369   370   371   372   373  
264   265   266   267   268   269   270   271   272   273   274   275   276   277   278   279   280   281   282   283   284   285   286   287   288   289   290   291   292   293   294   295   296   297   298   299   300   301   302   303   304   305   306   307   308   309   310   311   312   313   314   315   316   317   318   319   320   321  
217   218   219   220   221   222   223   224   225   226   227   228   229   230   231   232   233   234   235   236   237   238   239   240   241   242   243   244   245   246   247   248   249   250   251   252   253   254   255   256   257   258   259   260   261   262   263  
176   180   181   182   183   184   185   186   187   188   189   190   191   192   193   194   195   196   197   198   199   200   201   202   203   204   205   206   207   208   209   210   211   212   213   214   215   216  
Популярдуу макалалар
Akbuura gazeta

Ален Офойо: «СУПАЧАЙ МЕНЕН БЕТТЕШҮҮМДҮ ЖЕҢИЛГЕНДИК ЭМЕС, ЖЕТИШКЕНДИК ДЕП ЭСЕПТЕЙМ»

№231 6-12-апрель, 2007-ж.


«Кара кыргыз» кличкалуу Ален Офойо 1982-жылы 1-июлда Бишкек шаарында төрөлгөн. Бою – 1 метр 82 сантиметр, салмагы – 72 килограмм. Кикбокс боюнча Азия чемпиону (2003-жыл). Кыргызстандын 3 жолку чемпиону жана Кыргыз Республикасынын Президенттик кубогунун ээси (2007-жыл). Кикбокс боюнча эл аралык класстагы жана бокс боюнча спорт чебери.
Алган эң чоң гонарары – 3000 доллар. Учурда Бишкектин борбордук бөлүгүндө жашайт. Бойдок.

24-мартта Кожомкул атындагы Спорт Ордосунда Кыргыз Республикасынын Президентинин кубогуна арналган үчүнчү эл аралык чемпиондук таймаш өттү. Аны уюштуруучулар бокстун абсолюттук чемпиону Константин Цзюну алып келип, спорт сүйүүчүлөрдү ыраазы кылышса, кубокту өзгөлөргө тарттырып ийбей чемпиондукту алып, намыска жараган мекендешибиз Ален Офойонун кубанычы койнуна батпай турган кези. Мындан 10-15 жыл мурун Бишкектин көчөлөрүн чаңызгыта ойноп жүргөн тармал чачтуу, өңү кыргызга да, арабга да окшобогон Ален кийин кикбокс боюнча Кыргызстандын намысын коргоп, желегин желбиретээри эч кимдин оюна келбеген болсо керек эле...
Эмесе, биздин коногубуз – Ален Офойо.

«ТЕГИМ БОРБОРДУК АФРИКАНЫН КОНГОСУНАН»

– Ален, минтип чемпиондукту утуп, даңкталып турган кезиң. Айтчы, ийгиликтен улам толкундандыңбы?
– Албетте. Миңдеген адамдар сени кыйкырык-сүрөөнгө алып колдоп, суктанып жатышса, канча жылдык машыгуулардын натыйжасы билинип, бир башкача толкунданган абалга туш болосуң.
– Окурмандарга жана күйөрмандарыңа кенен маалымат болсун үчүн кепти алгач балалыгыңдан, сенин экзотикалуу түп-тегиңден баштасак кантет?
– Тегимди айтсам, атам Станислад алыскы Конгодон (Борбордук Африка), апам болсо кыргызстандык орус кызы. Аты Татьяна. Атам аскердик учкуч болгон экен. Конгодо болгон эмесмин. Өзүм болсо накта бишкектик жигитмин. Шаарыбыздагы №2-төрөт үйүндө, 6-палатада төрөлгөн экенмин.
– Бала кезиңде абдан шок болсоң керек?
– Кандай десем, ашыкча шок болуп апамды кыйнаган эмесмин. Бирок, бир орунда турбаган, бекер да отура албаган бала элем. Дайыма өзүмдүн «чоң» иштерим менен алектенип, айланамдагы нерселердин баарына кызыгып, териштирип, күйүп-жанып жүрө берээр элем. Короолордо ойноп жүрүп далай дос таптым. Себеби, бирде Кызыласкерде, бирде Восток-6да, Пригородныйда, дагы бир топ жерлерге көчүп-конуп жашаганбыз. Мектепти да көчмөн сыңары аяктадым. Алгач 29-мектепке беришкен. Эмне тоскоол болду билбейм, биздин классты чачыратып жиберишип, 6-мектепке жөнөтүштү, андан 11-мектепке келдим. Ал жер жакпай калгандыктан, өзүм суранып жатып 54-мектепке которулуп кетип, 11-классты ошол жактан бүтүрдүм. Балдар менен топ-топ болуп мушташып, кызыл-кыргын түшкөн кездерим көп эле болгон. Бир жакшы жери, анын баары эле апама жете берчү эмес.

«КИКБОКС МЕНИ АЗГЫРЫП КЕТТИ»

– Ушундай көчө-мушташтардан улам спортко кызыгып кеттиңби? Негизи, эркек балдар машыгууга өзүлөрүн коргоп, таяк жебей, көчөдө ээн-эркин басып жүрө алыш үчүн бара башташат эмеспи?
– Ошондой деп айтсам деле болот. Бирок, алгач теңтуштарыма окшоп футболчу болгум келген. Тердеп-кургап топ кучактап эле аянтчада жүрчүмүн. Анан сууда сүзүүгө кызыга баштадым. Бир күнү досум: «Сабактан кийин кикбокс менен машыктырган залга барып келели» деп калды. Дароо макул болуп, жөнөп калдык. Ошентип, кикбокс боюнча алгачкы сабакты «Факел» спорт клубунан 12 жашымда алдым. Бара-бара кикбокс мени өзүнө азгырып тартып кетти.
– “Факелден” кийин «Гермесс-профиге» Александр Воиновдун колуна келдиңби?
– Жок, Александр Хусаиновичке чейин көп машыктыруучудан өттүм. Мени «бутунун соккусу күчтүү» деп эсептешет. Бут менен мушташуунун техникасын (спорт чөйрөсүндө Алендин айланып тепкенин «коронный удар с разворота» деп баалап жүрүшөт) «Гундо» спорт клубунан Арбуду Рахим аттуу машыктыруучудан үйрөнгөм. «Гермесс-профиге» кийинчерээк 18 жашымда келдим. Биринчи Маралбек Давлеткуловдун колунда машыгып, топтон суурулуп чыга баштаганда гана Воиновдун тобуна которулдум.

«ЖЕҢИЛГЕН УЧУРЛАРЫМ КӨБҮРӨӨК ЭСТЕ КАЛАТ»

– Биринчи профессионалдык беттешүүң кандай өттү эле?
– Профессионалдар арасында беттешүүгө биринчи жолу Казакстанда чыккам. Эсимде, мындан 5 жыл мурун Чунжада (Казакстан) рингге чыгып жеңилип, демим суугандай жаман абалга түшүп калгам. Ошону машыктыруучуларым байкашса керек. Кийинки профессионалдык беттешүүгө баргыча спорт сүйүүчүлөрдүн арасында өтүүчү далай беттешүүлөргө чыгарышып, жакшы даярдык алууга шарт түзүп беришти.
– Жеңилип, уттуруп ийген мүнөттөр көбүрөөк эсте калабы же жеңишке жеткен кездерби?
– Рингде каршылашыңды жеңип чыккандан өтөөр жагымдуу мүнөт болбосо керек. Бирок, менин жеңилип калган учурларым көбүрөөк эсимде калат. Ушул күнгө чейин далай беттешүүнү башымдан өткөрүп, көпчүлүгүндө жеңсем да, 3 жолку жеңилүүмдү унута албай жүрөм. Биринчиси, Москванын «Арбат» мушкерлер клубунда россиялык досум Владимир Тюринге утулуп калгам. 3-раундда бутумдан катуу сокку алып, мушташты токтотуума туура келген. Экинчиси, 2006-жылы Подмосковьеде Россиянын кикбоксчусу Сергей Зимневич менен беттешип, оң бутумдун томугунан жаракат алып, «Змейден” жеңилип калган элем. Үчүнчүсү, өмүрүм­дөгү эстен кеткиси – таиланддык Супачайдан жеңилишим болду.
Досторумдун арасында отурганда «моя золотая нога, много побед принесла» деп тамашалап, оң бутумду сылап коймоюм бар. Негизи, соккуну көпчүлүк учурда ушул оң бутумдан алам.
– Зимневич «Змей» деп жатканың кечээ Президенттик кубокко келип, сенден утулуп кеткен жигитпи?
– Дал өзү. «Змей» экөөбүз көптөн бери эле таанышпыз. Былтыр КМШ өлкөлөрүнүн арасындагы беттеште жогоруда айтып өткөнүмдөй, оң бутума катуу сокку берип жеңип кетсе, минтип бир жылдан соң өткөн эсебимди кайтарып алдым.
– Өчүмдү алдым дебейсиңби! Тамашалап жатам, ал эми таиланддык Супачай Чансод менен беттешүүң жөнүндө бардык эле окурмандарыбыздын кабары болсо керек. Ошентсе да айрымдар үчүн 2006-жылы Бишкекте өткөн тайбокс боюнча дүйнөлүк чемпионаттын башка мелдештерден айырмачылыгы жөнүндө айта кетсең?
– Бүткүл дүйнөлүк Бокс федерациясы тайбокс боюнча жаңы версия киргизип, өткөн жылдан тартып бокс күйөрмандарына жаңы чемпиондорду тартууламакчы болду. Кикбокстон айырмасы, бокстун бул түрүндө чыканак, тизе менен да согууга уруксат берилет. Жеңүүчүлөргө алтын чөгөрүлгөн чемпиондук кур тапшырылат. Мына ушундай дүй­нөлүк мааниси бар беттешүүгө чыгуу мүм­күнчүлүгү башка толгон-токой кикбоксчуларга эмес, мага берилип калганы үчүн Супачайдан жеңилип калганыма карабай ыраазы болгом.
– Бирок, жеңип калсаң дүйнөлүк аренага, рингге чыгууга мүмкүн­чүлүк алмаксың да. Байге фонду да чоң болсо керек эле?..
– Кайсы спортчу жеңилип калгысы келсин. Ооба, жеңсем эң сонун мүм­күнчүлүктөргө жол ачылмак. Жашы мени менен тең Супачай абдан күчтүү, даярдыгы мыкты, башынан жүздөгөн беттешүүлөрдү өткөзгөн жигит экен. Эгер менин да тайбокс жагынан жакшыраак тажрыйбам болсо Супачай менен татыктуу мушташууга болоор эле. Ошентсе да Супачай менен беттешүүмдү жеңилип калганыма карабай жетишкендик деп эсептейм
– Чоң спорттон кетейин деген оюң барбы? Же Кыргызстанда спорт менен бутка туруп, бардар жашап кетүүгө болобу?
– Бизде спорт менен байып, чет жердегилердей, жок эле дегенде мобу эле кошуна Россия, Казакстан спортчулары өңдүү бардар жашап кетүүгө шарт жок. Өз ичибизде “спорт сени байытып жибербейт, бирок, ачка да калтырбайт” деп тамашалап калабыз. Ошентсе да жакынкы аралыкта чоң спорттон кетээр оюм жок.
– Анда неге бир топ спортчулар өңдүү ошол Россия, Казакстанга кетип калгың келген жок?
– “Бизге келип иште, тигиндей-мындай шарт түзүп беребиз” дегендер көп эле чыгат. Мисалы, Казакстан, Россиянын “Арбат” мушкерлер клубу кайра-кайра сунуш кылып жатышат. Барсам алар айткан убадаларын толугу мене ишке ашырып беришээринен күмөн жок. Ошентсе да менин өзүм туулуп-өскөн жеримден, апамдын, досторумдун, бизди ушунчалык даражага жеткирип жаткан спорт клубумдан, машыктыруучумдан алыс кетким жок.

«МЕНДЕН КЫЗДАР КОРКУШАТ ОКШОЙТ...»

– Эли-жерин, тарбия алган жерин сыйлаган патриоттугуңа ыраазыбыз. Эми күйөрман кыздардын тынчын алган жеке жашооң жөнүндө айтып берсең кантет?
– Жеке жашоом кандай болушу мүмкүн? Кадимки досторум сыяктуу эле жашайм, студентмин, Юридикалык академияда сырттан окуп, мына быйыл диплом алганы турам.
– Сенин бойдок экениңди билебиз, ал эми сүйлөшкөн кызың жөнүндө...
– Азырынча сүйлөшкөн кызым жок. Сыягы, кыздар менден коркушат окшойт, эч ким карабай жатат... Тамаша. Дос кыздарым болгону менен азырынча менин талабыма жооп берээр кызга жолуга элек окшойм.
– Андай кыз кандай болушу мүм­күн?
– Сулуу, ашыкча шаңкылдай бербеген, токтоо, а мүмкүн күйүп-жанып турган кумарлуу, бирок, чектен чыкпай, эркекти сыйлай билген, билимдүү, анан да азиат кыз болушу керек. Кыргыз кызы болуп калышы да мүмкүн.
– Таанышуу үчүн сени кайсы жерлерден жолуктурууга болот?
– Спорт залдан.
– Кыздар спорт залга издеп барышсынбы?
– Тамаша, бир аз бошоп калсам эле достор менен дискоклубдарга барып, кыйынчылык, түйшүк, мелдештердин баарын унутуп, суй жыгылгыча бийлегенди жакшы көрөм. Дайыма бир клубга барам деп айта албайм. Музыкасы, тейлөөсү жакшы, жаштар келген дискоклубдарга тез-тез барып турам.
– Ичкиликке мамилең кандай?
– Мен такыр ичпейм десем калп болот. Кээде өзгөчө майрам, кечелер болуп калганда шампан ичип коём, дискотекага барганда бир аз пиво ичем. Мас болгуча ичип, чатак салуу деген болбойт.

«МУЗЫКА, НАМАЗ ЖАНДҮЙНӨНҮ ТАЗАРТАТ»

– Бийлегенди жакшы көрсөң, музыканы да жактырсаң керек?
– Мен чынында меломанмын. Маанайга жараша баарын угуп, жактыра берем. Мындан жашыраак кезимде арэнби, рэпти өзгөчө жакшы көрчүмүн. Азыр болсо классиканы көп укчу болдум. Өзүм менен өзүм калып, магдырап эс алып отурууга убакыт табылган кездерде классиканы, айрыкча Бах менен Моцарттын музасын угам.
– Жандүйнөңдү тазартып, жеңилдеш үчүн дагы эмне кыласың?
– Намаз окуйм. Ар бешинчи күнү жума намазга мечитке барам. Былтыр орозо кармадым.
– Машыгууларга зыяны тийбейби?
– Спорт залда эсим ооп калайын деген учурлар болду. Олуттуу мелдештер болбосо, орозонун зыяны деле тийбейт. Жеңил жүрөсүң.
– Атаң конголук, энең орус кызы болсо, сен кайдан мусулман болуп жүрөсүң?
– Атамдын мусулман баласы экендигин билем.
– Ален, кептин аягында дагы далай ийгиликтерди багынтаарыңа тилектеш экенибизди билдиргибиз келет.
– Силерге да рахмат. Окурмандарыңар дагы да көбөйсүн.

Маектешкен АЙБЕК НУРАДИЛОВ


"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.

Рейтинг: Рейтинг  0 
Комментарийлер(0)
Комментарий калтыруу үчүн өз ысымыңыз менен кириңиз же каттоодон өтүңүз.
 
Бөлүмдүн статистикасы
соңку 15 мүнөт ичинде 0 колдонуучу (Катталган: 0, коноктор: 0) бул макаланы окуду:

Макалалардын саны:
21193;
 
Маалымат-маанайшат порталы
2006-2018 © SUPER.KG
Кыргыз Республикасы, Бишкек шаары,
Күрөӊкеев көчөсү - 180
"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.
Рейтинг@Mail.ru
Биз социалдык тармактарда: