Архив
792   793   794   795   796   797   798   799   800   801   802   803   804   805   806   807   808   809   810   811   812   813   814   815   816   817   818   819   820   821   822   823   824   825   826   827   828  
740   741   742   743   744   745   746   747   748   749   750   751   752   753   754   755   756   757   758   759   760   761   762   763   764   765   766   767   768   769   770   771   772   773   774   775   776   777   778   779   780   781   782   783   784   785   786   787   788   789   790   791  
687   688   689   690   691   692   693   694   695   696   697   698   699   700   701   702   703   704   705   706   707   708   709   710   711   712   713   714   715   716   717   718   719   720   721   722   723   724   725   726   727   728   729   730   731   732   733   734   735   736   737   738   739  
635   636   637   638   639   640   641   642   643   644   645   646   647   648   649   650   651   652   653   654   655   656   657   658   659   660   661   662   663   664   665   666   667   668   669   670   671   672   673   674   675   676   677   678   679   680   681   682   683   684   685   686  
583   584   585   586   587   588   589   590   591   592   593   594   595   596   597   598   599   600   601   602   603   604   605   606   607   608   609   610   611   612   613   614   615   616   617   618   619   620   621   622   623   624   625   626   627   628   629   630   631   632   633   634  
531   532   533   534   535   536   537   538   539   540   541   542   543   544   545   546   547   548   549   550   551   552   553   554   555   556   557   558   559   560   561   562   563   564   565   566   567   568   569   570   571   572   573   574   575   576   577   578   579   580   581   582  
479   480   481   482   483   484   485   486   487   488   489   490   491   492   493   494   495   496   497   498   499   500   501   502   503   504   505   506   507   508   509   510   511   512   513   514   515   516   517   518   519   520   521   522   523   524   525   526   527   528   529   530  
427   428   429   430   431   432   433   434   435   436   437   438   439   440   441   442   443   444   445   446   447   448   449   450   451   452   453   454   455   456   457   458   459   460   461   462   463   464   465   466   467   468   469   470   471   472   473   474   475   476   477   478  
374   375   376   377   378   379   380   381   382   383   384   385   386   387   388   389   390   391   392   393   394   395   396   397   398   399   400   401   402   403   404   405   406   407   408   409   410   411   412   413   414   415   416   417   418   419   420   421   422   423   424   425   426  
322   323   324   325   326   327   328   329   330   331   332   333   334   335   336   337   338   339   340   341   342   343   344   345   346   347   348   349   350   351   352   353   354   355   356   357   358   359   360   361   362   363   364   365   366   367   368   369   370   371   372   373  
264   265   266   267   268   269   270   271   272   273   274   275   276   277   278   279   280   281   282   283   284   285   286   287   288   289   290   291   292   293   294   295   296   297   298   299   300   301   302   303   304   305   306   307   308   309   310   311   312   313   314   315   316   317   318   319   320   321  
217   218   219   220   221   222   223   224   225   226   227   228   229   230   231   232   233   234   235   236   237   238   239   240   241   242   243   244   245   246   247   248   249   250   251   252   253   254   255   256   257   258   259   260   261   262   263  
176   180   181   182   183   184   185   186   187   188   189   190   191   192   193   194   195   196   197   198   199   200   201   202   203   204   205   206   207   208   209   210   211   212   213   214   215   216  
Популярдуу макалалар
Akbuura gazeta

КЫЯЛЫБЫЗДАГЫ КЫЯМДАРДЫ ЖАСАЙЛЫ

№404 30-июль - 5-август, 2010-ж.


Дасторкон

Кычыраган кышта дасторкондо турган кыям жайдын толукшуп турган кезин эске салат эмеспи. Учурда мөмө-жемиштер бышып, кыям даярдап алуу мезгили да келди. Кожойкелер, келгиле, ЖКнын 4-чакырылышынын депутаты, учурда шайлоо боюнча эксперт Динара Молдошева менен бирге кыямдын түрүн жасап, дасторкондун көркүн ачалы.

"ТАМАКТЫ ФАНТАЗИЯМА ЖАРАША ЖАСАЙМ"
– Динара эже, жасап жаткан кыямды жасоонун ыкмалары менен бөлүшө кетпейсизби?
– Биз үй-бүлөбүз менен кулпунай, малина, карагаттан жасалган кыямдарды абдан жакшы көрөбүз. Ошол себептен кыямдын ушул түрлөрүн көбүрөөк жасайм. Негизинен, атамдын бакчасында өскөн жер-жемиштерден жасаганга аракет кылам. Ишеничтүү да болот эмеспи. Мөмөнү тандоого көп көңүл бурам. Кулпунай менен малинанын акыркы бышканынан жасаган жакшы. Себеби даамдуу. Ошондой эле көлөмү да өтө чоң болбой, кыямдын көрүнүшү жакшынакай болот.
Эми даярдоого киришсек. Алгач мөмөлөр эзилип кетпеш үчүн кулпунайды башындагы сабагын албай туруп муздак сууга жууп алабыз. Тазаланган мөмөлөрдү сыр идишке салып, кумшекер кошобуз. Кыям кайнатууда шекерди теңме-тең кошсо, коюу жана даамдуу болот. 1 килограмм кулпунайга 1,5 килограмм кумшекер кошулат. Кумшекер толугу менен эрип бүткөндө гана жай отко коюп, 2 мүнөт кайнатабыз. 8-10 саат тыныктырылгандан кийин дагы 2 мүнөт кайнатып, кыямды банкаларга куябыз.
– Динара эже, канча жашыңыздан баштап тамак жасай баштадыңыз?
– 4-5-класста болсо керек, “Оливье” салатын жасагам. Негизи, торт жасаганды абдан жакшы көрчүмүн. Ар кайсы нерселерди кошуп, фантазиям менен жасай берчүмүн. Бирок камырдан жасалган тамактарды жасаган көп жага бербейт.
– Жолдошуңуз кайсы тамагыңызды тамшана жейт?
– Тамакты көп деле тандабайт. Жайкысын дымдама, ал эми кышкысын бешбармакты көп жасайм.
Жаңы кайнатылган кыям менен таттуу чай үстүндө Динара эже багбанчылык жайы бар экенин да айта кетти.

АШКАБАК КЫЯМЫ
1 килограмм ашкабакка 1,4 килограмм кумшекер, 300 грамм суу, 1 лимон керектелет.
Алгач ашкабак кабыгынан жана уруктарынан тазаланып алынат. Андан соң аны сизге жаккан формада майдараак кылып туурап аласыз. Лимонду да майдалап туурап, сироп жасоого киришебиз. Сироп үчүн 300 грамм сууну кайнатып, ага кумшекерди кошуп аралаштырып, анан ашкабакты жана лимонду салабыз да, кайнатабыз. Кыям тыныктырылып, (муздаган соң) 3 ирет 5 мүнөттөн кайнатылат.

ИТ МУРУН КЫЯМЫ
Бул кыям таңдайдан кеткис даамы менен гана айырмаланбастан, дарылыгы менен да өтө баалуу. Абдан жакшы бышкан ит мурундун мөмөлөрүнүн ичин тазалап, муздак сууга жууп алабыз. Тазаланган 1 килограмм мөмөгө 2 килограмм кумшекер, 1,5 стакан суу сарпталат. Аны сүзгүч менен сүзүп алып, майлыкка салып кургагыча аарчыйбыз. Андан соң кумшекерге сууну кошуп кайнатып, сироп даярдайбыз. Сироптун көбүктөрүн алып, мөмөлөрдү салып, алгач катуу, анан жай отко 30-40 мүнөт кайнатабыз. Даяр болгон кыямды банкаларга куюп, жаап коёбуз.

РОЗА ЖЕЛЕКЧЕЛЕРИНЕН КЫЯМ
Учурда жер-жемиштерден гана эмес, гүлдөрдөн да кыям жасоого болот. Гүлдөрдөн жасалган кыямды дасторконго койгондо жыты эле мурунду жарып, табитти ачат. Анда роза гүлүнүн желекчелеринен жасалган кыямды жасап көрөлү.
100 грамм роза гүлүнүн желекчелерине 100 грамм, ал эми сиробуна 500 грамм кумшекер жана 1 стакан суу сарпталат. Розанын желекчелерин алып, түбүндөгү ак жерин кайчы менен кыркып чыгабыз. Муздак сууга таза жуулуп даяр болгон желекчелерге кумшекер кошуп, бүртүгү жок болгуча эзебиз.
Эми сиропту камдайбыз. 1 стакан сууга 500 грамм кумшекерди кошуп, ал кайнап калганда роза эзилмесин салып 15 мүнөт кайнатабыз. Кыям муздагандан кийин бууланып даярдалган банкаларга куюп, оозун бекитип коёбуз.

ШАБДАЛЫ ЖАНА ӨРҮКТӨН ЖАСАЛГАН КУРГАК КЫЯМ
Көпчүлүк кожойкелер кургак кыямды жасоодон баш тартышат. Бирок мындай кыямдан даам таткан коноктор кожойкенин ар тараптуулугуна баа бербей коюшпайт. Анда шабдалы менен өрүктөн жасалган кургак кыямдын жасалыш ыкмасын сунуштайбыз.
Ар бири 1 килограммдан болгон чала бышкан шабдалы жана өрүккө 2 килограмм кумшекер, 4-5 стакан суу сарпталат. Мөмөлөрдү данегине жеткире бир нече жеринен жыгачтан жасалган көзөгүч менен тешип чыгабыз да, муз салынган сууга 2 саат кармайбыз. 2 саат өткөндө ошол эле сууда кайнаганга чейин жай отко коёбуз. Эми кайрадан мөмөлөрдү 1 саатка муздак сууга сала турабыз. Учурдан пайдаланып, 2 килограмм кумшекерге 4-5 стакан суу кошуп сироп даярдап, ага мөмөлөрдү салып 2-3 мүнөт кайнатабыз. Анан аны оттон чыгарып, 6-8 саатка тыныктырып коёбуз. Кийин дагы бир жолу мөмөлөр бышканча кайнатабыз. Мөмөлөрдү сүзгүч менен сүзүп алып, орточо температурадагы меште кургатып алабыз. Андан соң аларга кумшекерди себелеп, банкаларга салып, салкын жерге коюп коёбуз.

БАНАН КЫЯМЫ
Банан кыямы менен чай ичип алсаңыз, тамак бышканча курсагыңыз курулдабай, ток болуп каласыз. Банан кыямы энергия берүүчү ролду ойнойт. Бирок бул кыям көпкө сакталбагандыктан, аздан эле жасаганыңыз туура.
3-4 даана бананды кабыгынан тазалап, тегерекче кылып кесип алабыз. 1,5 стакан кумшекерге 1 стакан суу кошуп, сиробун камдайбыз. Ага кесилген бананды салып кайнатабыз. Бирок кайнатып жатканда аралаштыруунун кажети жок, себеби банан назик келип, эзилип кетет. Банан кыямы өтө эле таттуу болуп кетпеш үчүн кайнатып жатканда чай кашыктын учу менен лимон кислотасын кошуп коюңуз.

ПАЙДАЛУУ КЕҢЕШТЕР

  • Эгерде кыямдын кумшекери көп болуп калса, банкадан мискейге салып, 1 литр кыямга 3 аш кашык суу кошуңуз да, 5-8 мүнөт жай отто кайнатыңыз. Муздаганда банкага куюп коюңуз. Бирок экинчи жолу кайнатылган кыямды көпкө сактабай эле колдонуп салууңуз кажет.
  • Өтө нымдуу жерге сакталган же жакшы жабылбаган кыямдын үстүн көк басып кетет. Мындай учурда кыямды төгүп салуунун кажети жок. Көгүн алып туруп, бир кайнатып алыңыз.
  • Кыям куюлуучу банкаларды идиш жуучу каражаттар менен жуубай эле койгонуңуз оң. Кыямдын ачып кетиши көбүнчө ушундан болот. Андан көрө ысык суу менен 5-6 жолу жууган жакшы.
  • Кыямдын даяр болгонун билиш үчүн суюктугунан кичине алып кагаздын бетине төгүп көрүңүз. Эгер суюктук эки жакка агып кетпей бир жерге топтолуп калса, анда даяр болгону.
  • Кыямды банкага бекиткен соң капкактын жээгин кадимки эле вазелин менен сүртүп койсо, көпкө сакталат.
  • Эгерде кулпунайдын сабагы оңой жулунсун десеңиз, 1 литр сууга 20 грамм тузду аралаштырып, жемишти чылай турсаңыз, сабактарынан бат ажырайт.

Бахияна Сатылганова
кеnesh@super.kg


"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.

Рейтинг: Рейтинг  1 
Комментарийлер(3)
27.09.2010. 07:09 
Тайпасы:
Жаран
Комментарийлердин саны:
308
Катталган:
01-11-2009
Соӊку аракети:
18-02-2018 06:38
Жынысы:
Белгисиз
Калаасы:
England
0
itmurundu shirine,chichirkanak momolorundoy kilip ezip suzup alip da kiyam jasasa bolot.
27.09.2010. 07:11 
Тайпасы:
Жаран
Комментарийлердин саны:
308
Катталган:
01-11-2009
Соӊку аракети:
18-02-2018 06:38
Жынысы:
Белгисиз
Калаасы:
England
0
anan da kiyamga kanchalik sheker az koshson oshoncholuk anin darilik kasietin saktap kalgan bolosun.1kg kulpunayga 1,5 kg sheker oto kop go,kulpunay ansiz dele tattuu da.
27.09.2010. 07:14 
Тайпасы:
Жаран
Комментарийлердин саны:
308
Катталган:
01-11-2009
Соӊку аракети:
18-02-2018 06:38
Жынысы:
Белгисиз
Калаасы:
England
0
alma jana banandin ezmesine limondun shiresini sigip koyso anin tez kararmasina toskool bolot.
1
Комментарий калтыруу үчүн өз ысымыңыз менен кириңиз же каттоодон өтүңүз.
 
Бөлүмдүн статистикасы
соңку 15 мүнөт ичинде 0 колдонуучу (Катталган: 0, коноктор: 0) бул макаланы окуду:

Макалалардын саны:
21193;
 
Маалымат-маанайшат порталы
2006-2018 © SUPER.KG
Кыргыз Республикасы, Бишкек шаары,
Күрөӊкеев көчөсү - 180
"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.
Рейтинг@Mail.ru
Биз социалдык тармактарда: