Бир бүркүм. УКМКны ОРОЗБЕК ОПУМБАЕВ ЖЕТЕКТЕЙ ТУРГАН БОЛДУ...

Жогорку Кеңеште экономика министри Санжар Муканбетов, айыл чарба, тамак-аш өнөр жайы жана мелиорация министри Эркинбек Чодуев ант берип, кызматка киришти.
Мамлекеттик «Манас жана Чыңгыз Айтматов улуттук академиясы» түзүлүп, Топчубек Тургуналиев президенти болуп дайындалды.
Жалпы республикалык тестирлөөнүн жыйынтыгы чыкты. Ага быйыл 43 440 окуучу катышып, алардын 62,2 пайызы босоголук чектен ашык упай алышты.
Орозбек Опумбаев Улуттук коопсуздук мамлекеттик комитетинин төрагасы болуп дайындалды. Буга чейин ал УКМК төрагасынын биринчи орун басары болуп иштеп келген.
2050-жылы Жер шарында калктын саны 9 миллиард 700 миллионго жетет. Ал эми Кыргызстандын калкы 10 миллионго жетиши мүмкүн. Бул тууралуу БУУнун докладында айтылат.
«Дастан» ишканасынын орусиялык «Трактор» компаниясы менен бирге чыгарган айыл чарба техникалары Өзбекстанга экспорттолору маалымдалды.
Ош шаардык прокуратурасынын мурдагы кызматкери Канжар Кадыралиевге карата ачылган кылмыш иши токтотулду.

Кубан Жумамидинов
politika@super.kg

"Супер-Инфо" гезитинин материалдары жеке колдонууда гана уруксат. Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.

Талкуу жабык.

№ 868, 20-июнь - 26-июнь, 2019-жыл