Архив
792   793   794   795   796   797   798   799   800   801   802   803   804   805   806   807   808   809   810   811   812   813   814   815   816   817   818   819   820   821   822   823   824   825   826   827   828  
740   741   742   743   744   745   746   747   748   749   750   751   752   753   754   755   756   757   758   759   760   761   762   763   764   765   766   767   768   769   770   771   772   773   774   775   776   777   778   779   780   781   782   783   784   785   786   787   788   789   790   791  
687   688   689   690   691   692   693   694   695   696   697   698   699   700   701   702   703   704   705   706   707   708   709   710   711   712   713   714   715   716   717   718   719   720   721   722   723   724   725   726   727   728   729   730   731   732   733   734   735   736   737   738   739  
635   636   637   638   639   640   641   642   643   644   645   646   647   648   649   650   651   652   653   654   655   656   657   658   659   660   661   662   663   664   665   666   667   668   669   670   671   672   673   674   675   676   677   678   679   680   681   682   683   684   685   686  
583   584   585   586   587   588   589   590   591   592   593   594   595   596   597   598   599   600   601   602   603   604   605   606   607   608   609   610   611   612   613   614   615   616   617   618   619   620   621   622   623   624   625   626   627   628   629   630   631   632   633   634  
531   532   533   534   535   536   537   538   539   540   541   542   543   544   545   546   547   548   549   550   551   552   553   554   555   556   557   558   559   560   561   562   563   564   565   566   567   568   569   570   571   572   573   574   575   576   577   578   579   580   581   582  
479   480   481   482   483   484   485   486   487   488   489   490   491   492   493   494   495   496   497   498   499   500   501   502   503   504   505   506   507   508   509   510   511   512   513   514   515   516   517   518   519   520   521   522   523   524   525   526   527   528   529   530  
427   428   429   430   431   432   433   434   435   436   437   438   439   440   441   442   443   444   445   446   447   448   449   450   451   452   453   454   455   456   457   458   459   460   461   462   463   464   465   466   467   468   469   470   471   472   473   474   475   476   477   478  
374   375   376   377   378   379   380   381   382   383   384   385   386   387   388   389   390   391   392   393   394   395   396   397   398   399   400   401   402   403   404   405   406   407   408   409   410   411   412   413   414   415   416   417   418   419   420   421   422   423   424   425   426  
322   323   324   325   326   327   328   329   330   331   332   333   334   335   336   337   338   339   340   341   342   343   344   345   346   347   348   349   350   351   352   353   354   355   356   357   358   359   360   361   362   363   364   365   366   367   368   369   370   371   372   373  
264   265   266   267   268   269   270   271   272   273   274   275   276   277   278   279   280   281   282   283   284   285   286   287   288   289   290   291   292   293   294   295   296   297   298   299   300   301   302   303   304   305   306   307   308   309   310   311   312   313   314   315   316   317   318   319   320   321  
217   218   219   220   221   222   223   224   225   226   227   228   229   230   231   232   233   234   235   236   237   238   239   240   241   242   243   244   245   246   247   248   249   250   251   252   253   254   255   256   257   258   259   260   261   262   263  
176   180   181   182   183   184   185   186   187   188   189   190   191   192   193   194   195   196   197   198   199   200   201   202   203   204   205   206   207   208   209   210   211   212   213   214   215   216  
Популярдуу макалалар
Akbuura gazeta

СҮЙҮҮ ЖАШКА ЭЛЕ ЭМЕС, УЛУТКА ДА КАРАБАЙТ

№404 30-июль - 5-август, 2010-ж.


Алмустактан бери жашап келе жаткан кыргызды кыргыз кылган Манас атабыз. Манас атабыз согушка аттанарда акыл-кеңешин айтып, жоо каптап келсе казат кийимин даярдаган Каныкей апабыздын улуту тажик, азан чакырылган аты Санирабига экени баарыбызга маалым. Ал эми жакынкы күндөргө келсек, Чыңгыз атабызды жарыкка алып келген Нагима апа – татар кызы. Мына ушундай чыгаан уулдарды төрөп берген башка улуттун кыздары, кыргызымдын келиндери четтен табылат.

ПОЕЗДДЕГИ ТУЗАК
Съездбек Искеналиевдин «Эсимде», «Селки», «Жалгыз гүл», «Касиеттүү Кара-Кочкорум» өңдүү бир нече ырынын текстин жазган акын – Түмөнбай Байзаков. 1992-жылы 69 жашында каза болгон КРнын Маданиятына эмгек сиңирген ишмер Түмөнбай атанын жубайы София апа – татар кызы.
Дарыгерликти аркалаган София 1952-жылы командировкалап Кадамжайга барат. Кайра кайтып келатканда поездден Түмөнбай акын экөө таанышып калышат. Түмөнбай жаш селкини көрөрү менен тузак тартып, өзүнө имере баштайт. Ал учурду София апа мындайча эскерет: “Таанышкандан кийин үч ай башымды айландырып, анан үйлөнүп алды. Биз таанышканга чейин Түмөнбай Жалал-Абаддагы университетте окучу экен. Анан академиялык тыныгууга чыгыптыр. Кайрадан окуусун улантканы борборго келе жатканда сапарлаш болуп калып жатпайбызбы. Түмөнбай 1992-жылы 69 жашында өтүп кетти. Артында бир уулу, эки кызы калды. Уулубуз да бизди таштап кетти. Азыр эки небере, эки чөбөрөнүн бактылуу энесимин”.

САЯСАТЧЫ ЖҮРӨГҮН КАЗАК КЫЗЫ БАГЫНТТЫ
Журналисттик кесиптен белгилүү саясатчыга айланган Адахан Мадумаровдун жүрөгүнүн ээси казак кызы. Саясатчы мырзага өйдөдө өбөк, ылдыйда жөлөк болгон Агилаш айымдын кесиби экономист. Жеңебиз Мадумаровду катуу сүйгөн окшойт, жолдошуна оппокшош кылып Нурмухаммед, Динмухаммед, Алихан деген үч уул төрөп берди.

ПОЧТАГА КИРЕМ ДЕП СҮЙҮҮСҮНӨ ЖОЛУККАН
Төкмө акын, ырчы, обончу Ашыраалы Айталиевдин жарык дүйнө менен коштошконуна эки жыл болду. Акындын көзү жок болсо да, өлбөс-өчпөс ырлары, төкмөлөр менен айтышкандары Алтын фонддо сакталып турат. Ошону менен бирге дастан кылып айта жүрчү сүйүүсү да бар. Ашыраалы атанын сүйүүсү Наиля апа 1-августта 70ке чыгат. Наиля апа төкмөдөн 14 жаш кичүү.
Татардын суйкайган сулуу кызы Наиля Политехти бүтүп, Нарын шаарындагы почтада камсыздандыруу бөлүмүнүн башчысы болуп эмгектене баштайт. Концерт коюп барган Ашыраалы кокусунан почтага киргенде Наиляны жактырып калат. 1968-жылдан тарта бура бастырбаган Ашыраалы арадан жети жыл өткөндө гана сүйүүсүнө жетет.
Ашыраалы ата менен Наиля апанын ортосунда бала жок. Жаңы үйлөнүшкөндө Наиля апа бир кыздын, төкмө төрт баланын атасы эле. Анан алар Наиля апанын жээн небересин багып алышат. Төкмө кызын алаканына салып, бөпөлөп багат. Мына ошол кызы жакында эле турмушка чыкты.

МЕРГЕН КАЗАКСТАНДА ЖҮРҮП АЯЛ ДА,
АКЧА ДА ТАПТЫ
Кыргыз элин башка улуттан келиндүү кылгандардан шоу-бизнес өкүлдөрү да куру эмес. Мерген Турган баурдаштарга иштейм деп барып, келинчектүү болуп кайтты. “Үйлөнбөйсүңбү, уят эмеспи?” деген ырчынын жакшы санаалаш эжелери 3-4 кыз менен тааныштырышат. Мерген мырза алардын ичинен органда иштеген, намаз окуган Жылдызды жактырып калат.
Кыркка жакындап калса деле бала кыял ырчы 1-Июнь – Балдарды коргоо күнүндө шар көтөрүп барып, Жылдызга үйлөнүү сунушун айткан. Ошентип, кырк жашында бала жыттаган ырчынын азыр бир буту Казакстанда болсо, бир буту Кыргызстанда.

КИНО ТАБЫШТЫРГАН ӨМҮР
Ысымы дүйнөгө аттын кашкасындай таанымал каскадёр Үсөн Кудайбергеновдун өмүрлүк жары өзбек улутунан. Каскадёр мырза жер кыдырып, ар түркүн трюктары менен тасма тарыхын багындырып келгени анык. Ошондой тасмалардын бири Казакстанда тартылып, ал жерден жубайы Алмира менен таанышып калат. Анда Алмира Ташкенттеги театралдык окуу жайды бүтүрүп, актриса катары кадам таштаган убагы эле. Жаңы үйлөнгөн жубайлардын сүйүүсү тели-теңтуштарынын айтымында, өтө күчтүү болгон. Экөө Ниязбек жана Жаныбек аттуу эки уулдуу болушат. Ал ортодо Алмира айым бир нече казак, орус тасмаларына тартылып, башкы ролду ойноого да жетишет.
Балдары торолуп калганда актриса КООРТ телеканалында өзүнүн автордук долбоору менен иштей баштаган. Шартка байланыштуу бул ишин таштап, балдары кичинекей кезинде эле Алмира жеңебиз Италияга көчүп кетет. Бирок Кыргызстанга тез-тезден келип турган. Кыргыз деп соккон жүрөгү курч Үсөн мырза өз киндик каны тамган жеринен кетүүнү каалабайт. Эң өкүнүчтүүсү, каскадёрду акыркы сапарга узатарда үй-бүлөсү Италиядан жетишип келе алган эмес.

СҮЙГӨНҮНҮН КОЛУН КАЙЫНДАРЫНАН ӨЗҮ СУРАГАН ГЕНЕРАЛ
Генерал Абдыгул Чотбаевдин жубайы Светлана айымдын улуту уйгур. Туулган жери – Кытайдын Кашкар шаары.
Светлана кара кашы, моймолжуган көзү менен Абдыгул мырзанын жүрөгүнө мектеп партасынан эле өчпөс сүйүү отун жаккан. Айдай жүзүнө арбалып, сүйүүсүн кантип билдирүүнү билбеген келечектеги генерал ата-энесине айтпай туруп болочок кайната, кайненесине барып кызынын колун сураган.
Генерал Чотбаев аскер адамы болгондуктан, ар кайсы жерге барып иштөөгө, отурукташууга көнгөн Светлана айым аскер кийимдерин укмуш тигет.

Сүйүү кары-жашка гана эмес, улутка да карабасынын далили жогоруда болду. Алысты жакын кылып, кыргыз менен башка улутту куда кылган жеңелерибиз бар болушсун демекчибиз.

Сүйүн Кулматова
star@super.kg


"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.

Рейтинг: Рейтинг  4 
Комментарийлер(1)
13.08.2010. 03:02 
Тайпасы:
Кыймылы жок
Комментарийлердин саны:
74
Катталган:
23-07-2010
Соӊку аракети:
11-07-2012 17:10
Жынысы:
Белгисиз
Калаасы:
TESKEJ ALA TOO
0
oj!!!
Forumga kirsen ele kyrgyz kyzdary chet eldikterge tijip ketip atat degen kepter kooop...korso bashy bul zherden echaaak ele bashtalgan turbajny ;)
1
Комментарий калтыруу үчүн өз ысымыңыз менен кириңиз же каттоодон өтүңүз.
 
Бөлүмдүн статистикасы
соңку 15 мүнөт ичинде 0 колдонуучу (Катталган: 0, коноктор: 0) бул макаланы окуду:

Макалалардын саны:
21193;
 
Маалымат-маанайшат порталы
2006-2018 © SUPER.KG
Кыргыз Республикасы, Бишкек шаары,
Күрөӊкеев көчөсү - 180
"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.
Рейтинг@Mail.ru
Биз социалдык тармактарда: