МУШКЕР БУСУРМАНКУЛ АБДИБАИТ УУЛУ М-1 УЮМУНДА КЕЗЕКТЕГИ БЕТТЕШИН ӨТКӨРӨТ

Кыргыз мушкери Бусурманкул Абдибаит уулу M-1 Global уюмундагы кезектеги беттешин 20-июль күнү өткөрөт. Анын беттеши Ингушетиянын Таргим шаарында M-1 Challenge 103: Battle in the Mountains 8 турниринин алкагында орун алат. Кыргыз мушкеринин каршылашы украиналык ММА чебери Андрей Лежнев болот.

М-1 уюмунда Абдибаит уулу бир да жолу жеңилүү ызасын көрө элек. Буга чейин 3 жолу жеңип, бирөөсүндө тең чыккан. Ал эми анын атаандашы Лежневдин карамагында 18 жеңиш жана 8 жеңилүү бар.

Эгер бул беттеш кыргыз спортчусу үчүн ийгиликтүү жыйынтыкталса, анын кийинки беттеши чемпиондук кур үчүн болору айтылууда.

Кубан Жумамидинов
sport@super.kg

"Супер-Инфо" гезитинин материалдары жеке колдонууда гана уруксат. Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.

Комментарийлер (0)

Комментарий калтыруу үчүн өз ысымыңыз менен кириңиз же каттоодон өтүңүз.

№ 869, 27-июнь - 3-июль, 2019-жыл