Архив
844   845   846   847   848   849   850   851   852   853   854   855   856   857   858   859   860   861   862   863   864   865   866   867   868   869   870   871  
792   793   794   795   796   797   798   799   800   801   802   803   804   805   806   807   808   809   810   811   812   813   814   815   816   817   818   819   820   821   822   823   824   825   826   827   828   829   830   831   832   833   834   835   836   837   838   839   840   841   842   843  
740   741   742   743   744   745   746   747   748   749   750   751   752   753   754   755   756   757   758   759   760   761   762   763   764   765   766   767   768   769   770   771   772   773   774   775   776   777   778   779   780   781   782   783   784   785   786   787   788   789   790   791  
687   688   689   690   691   692   693   694   695   696   697   698   699   700   701   702   703   704   705   706   707   708   709   710   711   712   713   714   715   716   717   718   719   720   721   722   723   724   725   726   727   728   729   730   731   732   733   734   735   736   737   738   739  
635   636   637   638   639   640   641   642   643   644   645   646   647   648   649   650   651   652   653   654   655   656   657   658   659   660   661   662   663   664   665   666   667   668   669   670   671   672   673   674   675   676   677   678   679   680   681   682   683   684   685   686  
583   584   585   586   587   588   589   590   591   592   593   594   595   596   597   598   599   600   601   602   603   604   605   606   607   608   609   610   611   612   613   614   615   616   617   618   619   620   621   622   623   624   625   626   627   628   629   630   631   632   633   634  
531   532   533   534   535   536   537   538   539   540   541   542   543   544   545   546   547   548   549   550   551   552   553   554   555   556   557   558   559   560   561   562   563   564   565   566   567   568   569   570   571   572   573   574   575   576   577   578   579   580   581   582  
479   480   481   482   483   484   485   486   487   488   489   490   491   492   493   494   495   496   497   498   499   500   501   502   503   504   505   506   507   508   509   510   511   512   513   514   515   516   517   518   519   520   521   522   523   524   525   526   527   528   529   530  
427   428   429   430   431   432   433   434   435   436   437   438   439   440   441   442   443   444   445   446   447   448   449   450   451   452   453   454   455   456   457   458   459   460   461   462   463   464   465   466   467   468   469   470   471   472   473   474   475   476   477   478  
374   375   376   377   378   379   380   381   382   383   384   385   386   387   388   389   390   391   392   393   394   395   396   397   398   399   400   401   402   403   404   405   406   407   408   409   410   411   412   413   414   415   416   417   418   419   420   421   422   423   424   425   426  
322   323   324   325   326   327   328   329   330   331   332   333   334   335   336   337   338   339   340   341   342   343   344   345   346   347   348   349   350   351   352   353   354   355   356   357   358   359   360   361   362   363   364   365   366   367   368   369   370   371   372   373  
264   265   266   267   268   269   270   271   272   273   274   275   276   277   278   279   280   281   282   283   284   285   286   287   288   289   290   291   292   293   294   295   296   297   298   299   300   301   302   303   304   305   306   307   308   309   310   311   312   313   314   315   316   317   318   319   320   321  
217   218   219   220   221   222   223   224   225   226   227   228   229   230   231   232   233   234   235   236   237   238   239   240   241   242   243   244   245   246   247   248   249   250   251   252   253   254   255   256   257   258   259   260   261   262   263  
176   180   181   182   183   184   185   186   187   188   189   190   191   192   193   194   195   196   197   198   199   200   201   202   203   204   205   206   207   208   209   210   211   212   213   214   215   216  
Популярдуу макалалар

Өсөр Козуев, обончу, аткаруучу: "МЕНИН ЫРЫМДЫ ЭФИРГЕ БЕРГЕН РЕЖИССЁРЛОРГО СӨГҮШ БЕРИШЧҮ"

№870 4-июль - 10-июль, 2019-жыл


“Арноо концертинин” жылдызы, жыйырма жылдай “Атама” аттуу ыры менен экрандан түшпөй келе жаткан тармал чачтуу обончу, аткаруучу Өсөр Козуевди конок төрүбүздөн тосуп алдык. 100дөн ашык обон, 100дөн ашык ырдын жаратуучусу, 30 жылдан бери чыгармачылык менен алек болуп келе жаткан маданияттын мыкты кызматкери кызыктуу ойлору менен бөлүштү.

– Кандайсыз, Өсөр байке? Окурмандарыбыз сизди көрүнбөй кетти деп сурап жатышат...

– Мен мурдагыдай эле чыгармачылык менен алек болуп ыр, обон жазып жүрөм. Демөөрчүлөр табылып, апрель айында Бишкекте концерт бердим. Ага чейин 9 жыл мурда концерт берген экенмин.

Учурда Бишкек шаарындагы №38 мектепте ыр ийриминде сабак берем. Окуучуларыма ыр жазып берип, айрымдарын эл алдына чыгаруу үчүн да аракет кылып жатам.

– Өзүңүздүн канча балаңыз бар? Алар эмне менен алек?

– 2 кыз, 2 уулум бар. Кыздарым тигүүчүлүккө кызыгып кетишти. Уулдарым болсо Орусияда, мигранттар.

– Чыгармачылыкка кызыкканы болгон жокпу?

– Өнөрлөрү бар. Бирок мен бул тармакта өзүм көп кыйналгандыктан, “силер ырдабай эле акча тапкан адам болгулачы” деп айтчумун. 1990-жылдары жашоо аябай кыйындаган. Биз ошол кезде чыгармачылык чөйрөгө аралаша баштаганбыз. Бир агайым ошондо “Өсөр, биз чыгармачылыкты кыйын кезде баштап алдык. Эмне болор экенбиз?” деген эле.

– Ошол 90-жылдарга кайрылып, бул тармакты кандайча тандап калганыңызды эстеп кетсеңиз.

– Кичинекей кезимде радиодон Тургуналы Нурматов, Исрадин Аманбаевдердин аты аталганын укчумун. Мен да аларга окшоп обончу болууну кыялданчумун. Кийин ата-энемдин каршы болгонуна карабай Ош облусундагы педагогикалык институттун музыкалык факультетине тапшыргам. Акыркы курстарда обон жарата баштадым. Башында “Автобуста баратып”, “Үйлөнгөндө”, “4-5ти төрөп койбойбу” деген тамашалуу ырларды жазып, айылдын сахнасында ырдасак эл жакшы кабыл алган. Кол чабылса кудуңдап сүйүнүп калчубуз.

– Ал кезде борборго келүү да жеңил эмес болчу да?

– Мен Оштун Алай районунун кулуну болом. Алайда Сами Дооронов аттуу музыкант бар эле. Атам мага “Сами Доороновдой музыкант жок. Болсоң ошондой бол” дечү. Ал обончу ошол кезде менин обондорумду угуп жакшы баа берген. Бир күнү атама жолугуп калганда “Уулуңуздун обондору жакшы экен. Борборго жибериңиз. Бул жерде жүрө берсе, өзүңүз көрүп жатасыз, башкаларга кошулуп ичип кетет” деген экен. Ошондон кийин атам мени борборго жиберген.

– “Атама” деген ырыңыз менен таанылдыңыз. Өз атаңызга арналып жазылганбы?

– Ооба. Бул ырды атама арнап өзүм жазгам. Атам Алайда мектептин директору болуп иштечү. 55 жашында жумуштан кетип жатканда узатуу кечеси болгон. Ошондо атама эмне алып барсам деп ойлонуп отуруп ушул ырды жазып барып, ырдап бердим. Бир нерсе алууга каражатым жок болчу. Шыр эле уккандарга жагып, улам-улам аткарып берүүмдү суранышкан. Ошондон бери 22 жыл өттү. Ал ырды азыр да көп суранышат.

– Атаңыз менен мамилеңиз кандай эле?

– Мен чоң ата-чоң энемдин колунда чоңойдум. Өз ата-энемди байке-жеңе дечүмүн. Кийин атам өтүп кетсе, аны биз байке деген бойдон кала беребизби деп ата дегенге өткөм. Минтип ойлонуума да аталган ырым таасир берген. Бир туугандарымдын көпчүлүгү байке-жеңе дечү. Кийин “ким байке деп айтып алса 5 миң сом салык салабыз” деп жатып баарыбыз ата-апа деп көндүк.

Атам өзү олуттуу адам болчу. Балдарын эркелетчү эмес. Биз андан коркчубуз. Атам келатат дегенди укканда ойноп жүргөн жерибизден чуркап келип, колу-бутубузду жууп тынч отуруп калат элек. Атам менин эсимде эртеден-кечке жумушта жүргөн олуттуу адам бойдон калды. Ал киши менен 2009-жылы түбөлүккө коштошконбуз.

– Ушунча жылдан бери чыгармачылыкта жүрөсүз. Кечээ эле чыккан жаш ырчылар наам алышканын укканда ичиңиз күйсө керек, ээ?

– Мен таң калбай деле калдым. Азыр акчасы барлар түрмөдөн деле чыгып кетип жатышпайбы. 10-15 жыл мурда наам тууралуу айтып калышса, айланамды карап, “баланча алган жок. Мен алсам уят” деп жардам берем дегендерден да качкам. Анда наам алууга бетим чыдабайт болчу. Өзүбүздү жаш сезип жүрө бериптирбиз. Азыр болсо, бир жерге барсак, 15-20 жаш кичүүлөрдү Эл артисти деп эл алдына чакырса, мен эч нерсем жок отуруп калып жаман болом. Азыр жашым деле наам алууга жетип калды. Эмгек сиңирген артист наамын алуу үчүн документтеримди тапшырып койдум.

– Ошол сизди жаман абалга калтырган жаш ырчылар тууралуу кепти улагым келип жатат. Аларга кандай баа бересиз?

“Иши жүрбөй калгандыктан ырчылыкка ооптур” деген сыяктуу кептерди көп угам. Азыр жаштар техниканын жардамы менен эптеп ыр жаздырып коюп, андан кандай пайда тапсам деп ойлонуп калышты. Кимдин ким экени билинбей калды. Арасында нота тааныбагандар да бар. Аларга аралашып чыккандан да уялам. Ыйык нерсеге ушундай мамиле кылып жатышкандарына кейийм. Бир чети бирөөнүкүн уурдап же бирөөгө кастык кылып пайда көргөнчө чыгармачылыкта жүрө бергени жакшы деп коём.

– Азыр өзүн пиарлай алган адамдардын заманы болуп калды да. Сизге да өзүңүздү пиарлашыңыз керек деп кеңеш беришеби?

– Менин мүнөзүм андай эмес экен. Өзүмдү мактай албайм. Анан бирөө экинчисин калп мактап жатканын да туура көрбөйм. Мен социалдык тармактарда катталган эмесмин. Ал чөйрөгө көнүшүм оор. Бирок, ооба, азыр ал мага керек. Мен азыр эле эмес, “Атама” ырымды эл көп суранып жүргөн учурда да аны тиешелүү деңгээлде жайылта албай калгам. Анда КТРде үн режиссёру болуп иштечүмүн. Жетекчилик мага “бул жакта иште же ырчылык менен алек бол” деген талап койгон. Ошол жакта иштегеним үчүн менин ырларымды эфирден коё берүүгө тыюу салышкан. Бирок болбой эле эл сурай берчү. Менин ырымды эфирге берген режиссёрлорго сөгүш беришчү. Ошол кезде ырларымдын эфирге көп чыгуусун камсыз кылсам болмок экен.

– Сизди тасмадан да көрүп калганбыз. Актёрдук да өнөрүңүз барбы?

– 10 чакты жыл мурун жаман жолго түшкөн кыздар тууралуу “Адашуу” деген тасмага тартылгам. Ага тааныш балдар кыйнап алып барып тартып коюшкан. Улам чакыра беришкенинен уялганымдан баргам. Тасмада роль жаратуу меники эмес экен. Бирок ал тасмадан кыздарым таасирленишкен. Тасмада үй-бүлөмдөн кетип калган жерим бар. Ошол окуяны көрүшүп, “ата, сиз кетип калсаңыз жаман турбайбы” деп ыйлашкан.

– Биз билгенден чачыңыздын жасалгасы өзгөрбөй келет. Өзгөртүү планыңызда барбы?

– Чач жасалгам – имиджим. Кырктырсам эч ким тааныбай калат.

– Көчөдөн тааныгандар болуп калабы?

– Бир жолу коомдук транспортто баратсам, мас жигит улам мени карайт. Анан “байке, кандайсыз? Өсөр Козуевсизби же аны менен тууганчылыгыңыз барбы?” деп калды. Кызуу экенин көрүп, “ал эмесмин” десем, “Өсөр Козуевдин ырлары жакшы. Өзү олуттуу киши. Анан колунда акчасы жок. Болбосо, жакшы көтөрүлмөк” деп коёт. Күлүп калдым ичимден.

– Элдин сыйына ээ болуп жүрө бериңиз.

Перизат Музуратбекова
Адилет Бектуров
star@super.kg



"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.

Рейтинг: Рейтинг  5 
Комментарийлер(7)
08.07.2019. 10:02 
Тайпасы:
Жаран
Комментарийлердин саны:
468
Катталган:
28-09-2011
Соӊку аракети:
17-07-2019 04:17
Жынысы:
Белгисиз
+10
Атама деген ыры абдан соонун ыр. Аман болунуз дагы да чыгармачылык эргуу каалайм. Жакшы туболуктуу обондорду жаратыныз.
08.07.2019. 10:52 
Тайпасы:
Жаран
Комментарийлердин саны:
34
Катталган:
10-05-2017
Соӊку аракети:
20-07-2019 13:30
Жынысы:
Белгисиз
Калаасы:
Жер жузу
+16
Агабыз куйгондой барда!Самара же Анжелика,Арсен,Кайрат салыштыргылачы озунуздор.
08.07.2019. 11:52 
Тайпасы:
Жаран
Комментарийлердин саны:
147
Катталган:
03-03-2016
Соӊку аракети:
20-07-2019 12:30
Жынысы:
Белгисиз
Калаасы:
Нарын
+4
Мына эн мыкты суроо-жооп)))Р.Аманова,Т.Черикчиева,Г.Тойгонбаева сыяктуу ырчылардан алгылачы.Катардагы ырчыларды тиз бербей......
Сыныктан баары жугуштуу, мен да суперге окшоп,аттарын толук жазбадым
08.07.2019. 16:34 
Тайпасы:
Супермодератор
Комментарийлердин саны:
80
Катталган:
19-11-2013
Соӊку аракети:
20-07-2019 14:01
Жынысы:
Белгисиз
0
Nestana95, саламатсызбы! Сунушуңузга рахмат, тиешелүү бөлүмгө жеткирилди.
08.07.2019. 18:10 
Тайпасы:
Жаран
Комментарийлердин саны:
223
Катталган:
24-09-2016
Соӊку аракети:
20-07-2019 14:45
Жынысы:
Белгисиз
-10
100 ыры болсо демек сапаты жок ырлар экен жакшы болсо жок дегенде 10 ыры хит болмок
09.07.2019. 11:33 
Тайпасы:
Жаран
Комментарийлердин саны:
5
Катталган:
02-12-2018
Соӊку аракети:
20-07-2019 14:08
Жынысы:
Белгисиз
Калаасы:
Бишкек
+9
Abdizhapar, тууганым, женил желпи ырды коп угуп, профессионал ырчылардын ырын укпасак ушуда
10.07.2019. 22:43 
Тайпасы:
Жаран
Комментарийлердин саны:
14
Катталган:
07-09-2016
Соӊку аракети:
20-07-2019 14:56
Жынысы:
Белгисиз
Калаасы:
Ош
+2
Өсөр ага аман болуңуз, биринчиден ден-соолукта болуңуз! Кичине кезибизде «Арноо концертинен» Атама деген ырыңызды көп укчубуз. Бар болуңуз!
1
Комментарий калтыруу үчүн өз ысымыңыз менен кириңиз же каттоодон өтүңүз.
 
Бөлүмдүн статистикасы
соңку 15 мүнөт ичинде 0 колдонуучу (Катталган: 0, коноктор: 0) бул макаланы окуду:

Макалалардын саны:
22580;
 
Маалымат-маанайшат порталы
2006-2019 © SUPER.KG
Кыргыз Республикасы, Бишкек шаары,
Жибек Жолу проспектиси 381
"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.
Рейтинг@Mail.ru
Биз социалдык тармактарда: