Архив
844   845   846   847   848   849   850   851   852   853   854   855   856   857   858   859   860   861   862   863   864   865   866   867   868   869   870   871  
792   793   794   795   796   797   798   799   800   801   802   803   804   805   806   807   808   809   810   811   812   813   814   815   816   817   818   819   820   821   822   823   824   825   826   827   828   829   830   831   832   833   834   835   836   837   838   839   840   841   842   843  
740   741   742   743   744   745   746   747   748   749   750   751   752   753   754   755   756   757   758   759   760   761   762   763   764   765   766   767   768   769   770   771   772   773   774   775   776   777   778   779   780   781   782   783   784   785   786   787   788   789   790   791  
687   688   689   690   691   692   693   694   695   696   697   698   699   700   701   702   703   704   705   706   707   708   709   710   711   712   713   714   715   716   717   718   719   720   721   722   723   724   725   726   727   728   729   730   731   732   733   734   735   736   737   738   739  
635   636   637   638   639   640   641   642   643   644   645   646   647   648   649   650   651   652   653   654   655   656   657   658   659   660   661   662   663   664   665   666   667   668   669   670   671   672   673   674   675   676   677   678   679   680   681   682   683   684   685   686  
583   584   585   586   587   588   589   590   591   592   593   594   595   596   597   598   599   600   601   602   603   604   605   606   607   608   609   610   611   612   613   614   615   616   617   618   619   620   621   622   623   624   625   626   627   628   629   630   631   632   633   634  
531   532   533   534   535   536   537   538   539   540   541   542   543   544   545   546   547   548   549   550   551   552   553   554   555   556   557   558   559   560   561   562   563   564   565   566   567   568   569   570   571   572   573   574   575   576   577   578   579   580   581   582  
479   480   481   482   483   484   485   486   487   488   489   490   491   492   493   494   495   496   497   498   499   500   501   502   503   504   505   506   507   508   509   510   511   512   513   514   515   516   517   518   519   520   521   522   523   524   525   526   527   528   529   530  
427   428   429   430   431   432   433   434   435   436   437   438   439   440   441   442   443   444   445   446   447   448   449   450   451   452   453   454   455   456   457   458   459   460   461   462   463   464   465   466   467   468   469   470   471   472   473   474   475   476   477   478  
374   375   376   377   378   379   380   381   382   383   384   385   386   387   388   389   390   391   392   393   394   395   396   397   398   399   400   401   402   403   404   405   406   407   408   409   410   411   412   413   414   415   416   417   418   419   420   421   422   423   424   425   426  
322   323   324   325   326   327   328   329   330   331   332   333   334   335   336   337   338   339   340   341   342   343   344   345   346   347   348   349   350   351   352   353   354   355   356   357   358   359   360   361   362   363   364   365   366   367   368   369   370   371   372   373  
264   265   266   267   268   269   270   271   272   273   274   275   276   277   278   279   280   281   282   283   284   285   286   287   288   289   290   291   292   293   294   295   296   297   298   299   300   301   302   303   304   305   306   307   308   309   310   311   312   313   314   315   316   317   318   319   320   321  
217   218   219   220   221   222   223   224   225   226   227   228   229   230   231   232   233   234   235   236   237   238   239   240   241   242   243   244   245   246   247   248   249   250   251   252   253   254   255   256   257   258   259   260   261   262   263  
176   180   181   182   183   184   185   186   187   188   189   190   191   192   193   194   195   196   197   198   199   200   201   202   203   204   205   206   207   208   209   210   211   212   213   214   215   216  
Популярдуу макалалар

АТАМБАЕВ СОТТУ ЭМЕС, МАЙДАНДЫ ТАНДАДЫ

№870 4-июль - 10-июль, 2019-жыл


Мурдагы президент Алмазбек Атамбаев Бишкекте азыркы бийликке каршы митинг өткөрдү. Митингдин аталышы көңүлдү бурат – “Соке болбой калды”... Атамбаев өзү көтөрүп келип тактыга отургузган адамын 2 жыл өтпөй кайра тактыдан кулата соккусу келип турат. “Туура эмес адамды тандап алыпмын, өз катамды өзүм түздөшүм керек” дейт ал. Бийлик алмаштыруу азыр Атамбаевдин колунан келе турган учурбу?

КҮРӨШТҮН ФИШКАСЫ – ЖАШТАР

Аталган митинг Бишкектеги “Форум” имаратынын алдында “эски элита кетсин, жаңы лидерлер келсин” деген ураандын астында өттү. Анда сөз сүйлөгөн Атамбаев азыркы бийликти "от менен ойноп жатат, мунун аягы жакшылыкка алып барбайт" деди. Мурдагы президент “бийликке жаштар келиши керек” дегенге басым жасап жатат. Атамбаевдин бул ураанын саясий упай топтоо, кезектеги популизм катары баалаган саясий серепчилер жаштарды колдоорун башына сыноо түшкөндө эмес, бийликте турган 6 жылда көрсөтүшү керек эле деген пикирлерин айтышууда.

Атамбаев бийликке 3 талап койду. Биринчиси – азыркы парламентти таратып, мөөнөтүнөн мурда шайлоо өткөрүү. Экинчиси – өкмөттү кетирип, ордуна эл ишениминдеги өкмөттү дайындоо. Үчүнчүсү – УКМКнын жетекчилигин кызматтан алып, аларды мыйзамсыз аракеттери үчүн жоопкерчиликке тартуу. Митинг тынч маанайда жыйынтыкталды.

Азыркы бийликтин ишинен эч бир алдыга жылуу, өнүгүү көрбөй жаткан нааразы катмар Атамбаевдин кебин туура көрүүдө. Алдыдагы парламенттик шайлоого даярдана баштаган жаш муун бийликти мөөнөтүнөн мурун алмаштырууну көздөп жаткан Атамбаевге ыктап кетиши мүмкүнбү? Адистер бул ириде бийликтин аракеттеринен көз каранды дешет. Мисалы, шайлоо босогосун 7 пайыздан 9 пайызга көтөрүү өңдүү кадамдар жаш саясатчылардын бийликке, таза шайлоого болгон ишенимин кетирет.

Сооронбай Жээнбеков бир эгемен өлкөнүн президенти. Аны “Соке” деп тергеп, эл топтолгон жерде ар түрдүү сөздөр менен мазактап сындоону туура эмес дегендер да арбын. Бүгүнкү коомдун саясий аң-сезими Аксы окуяларынан, 2005, 2010-жылдагы революциялар маалынан айырмаланары түшүнүктүү. Эл бийликке нааразы болсо Атамбаевсиз деле көчөгө чыгышы мүмкүн, болбосо күчтөп аянтка чыгаруу өтө чоң каржылык чыгымды талап кылат. Кой-Таштагы жана “Форумдун” алдындагы өзгөчө маанайды эске албаганда, жалпы республикада 2005 жана 2010-жылдын жазындагыдай кескин нааразычылыктар, революциялык кырдаал байкалбайт.

КОЛ ТИЙБЕСТИК – ТАЛКУУГА ТҮШКӨН ЧЕЧИМ

Өлкөдөгү саясий кырдаал 3 аптада тездик менен өнүктү. 8-июндагы митингде Атамбаев президентти, Жогорку Кеңештин депутаттарын катуу сындап чыкты. 12-июнда Жогорку Кеңештин 40 депутатынын демилгеси менен Атамбаевди экс-президент статусунан ажыратуу сунушталды. Тийиштүү процедурадан соң 27-июнда Алмазбек Атамбаев 103 депутаттын добушу менен кол тийбестик статусунан ажыратылды. КСДП бул процесс шашылыш, Ак үйдүн буйругу менен мыйзамсыз жасалды деп чыкты. Атамбаевден кол тийбестик алынып жаткан күнү депутаттардын “өзү тийишип алды, болбосо биз деле унчукпайт элек” дегени көңүлдү бурат. Ушундай мамиленин өзү кооптуу. Чындап коррупцияга сокку урам, парламентаризмдин үлгүсүн көрсөтөм, ири реформаларды жасоого чыйыр салам деген Жогорку Кеңеш “тийишпегени” же жакшы пикирде болгону үчүн кимдир бирөөлөрдүн кылмышына көз жумуп отурбашы керек.

КОЙ-ТАШТЫН ТУРГУНДАРЫ КҮЗӨТТӨ

Кол тийбестик алынган күнү Атамбаевдин Кой-Таш айылындагы үйүнө анын айылдаштары топтолду. Жоон топ 1 аптадан бери Атамбаевди 24 саат бою кайтарып, аны укук коргоо органдарынын колуна салып бербейбиз деп турушат. Атамбаев өзү “мен жээнбековдук бийликтин сотуна барбайм, куралым бар, керек болсо атышам” деген сөздөрдү айтууда. Азырынча башкы прокуратура Атамбаевге каршы кылмыш иши ачылган-ачылбаганын ачыктай элек, суракка чакыра элек.

Алмазбек Атамбаев “ак экенин сотто далилдесин” деген талапты кулак сыртынан кетирүүдө. Бирок ал президент кезинде оппоненттерине карата “актыгын сот аркылуу далилдешсин” дечү. 2017-жылы Өмүрбек Текебаев менен Садыр Жапаров камаларын алдын ала билишсе да, чет жерде жүргөн жеринен өлкөгө кайтып келишкен. Алар атамбаевдик тергөө менен соттун адилеттигине ишенгени үчүн эмес, өздөрүнүн ак экенин далилдөө үчүн кайтып келип, күрөшүштү. Мурдагы бийлик аларды соттогону менен, элге кылмышкер деп сиңире алган жок. Бүгүн коом аларды саясий туткун деп эсептейт. Булардан айырмаланып Атамбаев өзүнүн актыгын сот аркылуу эмес, башка жол менен далилдегиси келүүдө. Бул анын президент катары 6 жылда көз карандысыз, адилет сот системин кура албаганын моюнга алышы.

СЫРТТАГЫ КӨЗ КАРАШ

Саясий кырдаалга карата экс-президент Роза Отунбаева билдирүү жасап, "Атамбаевдин максаты – аймактык бөлүнүүчүлүктү күчөтүү" деди.

Саясатчы Адахан Мадумаров "эки достун тиреши өлкөнү коркунучка кептеп койду, той-ашта төрдөн түшпөгөн аксакалдар, интеллигенция өкүлдөрү үн катууга жарабай жатат" деп сындады. Абал курчуй берсе, анда элдин биримдиги, өлкөнүн бүтүндүгү үчүн ортого арачы түшүүгө аргасыз болорун айтат Мадумаров.

Ынтымак жана тынчтыктын баркын Аксы, Апрель, Июнь окуяларын баштан өткөргөн кыргыз эли жакшы түшүнөт. 2 ыңкылапта саясий топко бийлик алып берип, жүздөй адам өз өмүрүн садага чаап “баатырдык” көрсөткөнү менен, үмүтү акталып, жашоосу кескин жакшырып кеткен жок. Бүгүн коом чагымчыл аракеттер болсо азгырылып кетпей, акылмандык көрсөтө турган учур.

Кубан Жумамидинов
politika@super.kg



"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.

Рейтинг: Рейтинг  0 
Талкуу жабык.
Бөлүмдүн статистикасы
соңку 15 мүнөт ичинде 0 колдонуучу (Катталган: 0, коноктор: 0) бул макаланы окуду:

Макалалардын саны:
22580;
 
Маалымат-маанайшат порталы
2006-2019 © SUPER.KG
Кыргыз Республикасы, Бишкек шаары,
Жибек Жолу проспектиси 381
"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.
Рейтинг@Mail.ru
Биз социалдык тармактарда: