реклама
Архив
792   793   794   795   796   797   798   799   800   801   802   803   804   805   806   807   808   809   810   811   812   813   814   815   816   817   818   819   820   821   822   823   824   825   826   827   828   829   830   831   832   833   834   835   836   837  
740   741   742   743   744   745   746   747   748   749   750   751   752   753   754   755   756   757   758   759   760   761   762   763   764   765   766   767   768   769   770   771   772   773   774   775   776   777   778   779   780   781   782   783   784   785   786   787   788   789   790   791  
687   688   689   690   691   692   693   694   695   696   697   698   699   700   701   702   703   704   705   706   707   708   709   710   711   712   713   714   715   716   717   718   719   720   721   722   723   724   725   726   727   728   729   730   731   732   733   734   735   736   737   738   739  
635   636   637   638   639   640   641   642   643   644   645   646   647   648   649   650   651   652   653   654   655   656   657   658   659   660   661   662   663   664   665   666   667   668   669   670   671   672   673   674   675   676   677   678   679   680   681   682   683   684   685   686  
583   584   585   586   587   588   589   590   591   592   593   594   595   596   597   598   599   600   601   602   603   604   605   606   607   608   609   610   611   612   613   614   615   616   617   618   619   620   621   622   623   624   625   626   627   628   629   630   631   632   633   634  
531   532   533   534   535   536   537   538   539   540   541   542   543   544   545   546   547   548   549   550   551   552   553   554   555   556   557   558   559   560   561   562   563   564   565   566   567   568   569   570   571   572   573   574   575   576   577   578   579   580   581   582  
479   480   481   482   483   484   485   486   487   488   489   490   491   492   493   494   495   496   497   498   499   500   501   502   503   504   505   506   507   508   509   510   511   512   513   514   515   516   517   518   519   520   521   522   523   524   525   526   527   528   529   530  
427   428   429   430   431   432   433   434   435   436   437   438   439   440   441   442   443   444   445   446   447   448   449   450   451   452   453   454   455   456   457   458   459   460   461   462   463   464   465   466   467   468   469   470   471   472   473   474   475   476   477   478  
374   375   376   377   378   379   380   381   382   383   384   385   386   387   388   389   390   391   392   393   394   395   396   397   398   399   400   401   402   403   404   405   406   407   408   409   410   411   412   413   414   415   416   417   418   419   420   421   422   423   424   425   426  
322   323   324   325   326   327   328   329   330   331   332   333   334   335   336   337   338   339   340   341   342   343   344   345   346   347   348   349   350   351   352   353   354   355   356   357   358   359   360   361   362   363   364   365   366   367   368   369   370   371   372   373  
264   265   266   267   268   269   270   271   272   273   274   275   276   277   278   279   280   281   282   283   284   285   286   287   288   289   290   291   292   293   294   295   296   297   298   299   300   301   302   303   304   305   306   307   308   309   310   311   312   313   314   315   316   317   318   319   320   321  
217   218   219   220   221   222   223   224   225   226   227   228   229   230   231   232   233   234   235   236   237   238   239   240   241   242   243   244   245   246   247   248   249   250   251   252   253   254   255   256   257   258   259   260   261   262   263  
176   180   181   182   183   184   185   186   187   188   189   190   191   192   193   194   195   196   197   198   199   200   201   202   203   204   205   206   207   208   209   210   211   212   213   214   215   216  
Популярдуу макалалар
Akbuura gazeta

Бек Борбиев: «МЕН КРЕСЛОСУ ЖОК ДЕПУТАТМЫН»

№404 30-июль - 5-август, 2010-ж.


"Кайсы ырчынын күйөрманы көп?" десе тартынбай эле "Бек Борбиевдин" деп жооп бергендер жаңылышпайт. Эмнеге? Берадор мырза сахнада жүргөнүнүн 20 жылдыгын белгилеп концерт бергенде Спорт Ордосунун залында эл батпай турду. Эл кадырлаган ырчы эми жаш да келип калды дедиби, саясатчы болууга белсенип турган чагы.

– Бек мырза, эмне жаңылыгыңыз бар десе эле саясаттан кеп баштай турган убагыңыз болуп калды окшойт...
– Кудайга шүгүр, жаңылыгым мол. Адамдын жүрөгүндөгү кайнап турган эргүү "бул саясатка киришти, биз токтоп туралы" дебейт да эч качан. Чыгармачылыгым токтоп калган жок. Саясатка да кириштим дегендей.
– Саясий партиялардын саны 150гө жакындап калды окшойт. Ошончо партиянын ичинен “Бүтүн Кыргызстанга” мүчө болушуңуздун себеби эмнеде?
– Бул партиянын лидери Адахан Кимсанбаевичтин башка партиянын лидерлерине караганда саясаттагы тажрыйбасы чоң. Коррупцияга малынган эмес. Башка жетекчилер кайсы бир убакытта жасаган туура эмес ишин бир жерден болбосо бир жерден моюндарына алат да, тарых алдында жооп беришет. Булганган адам эч качан чындыкты айта албайт.
– Сиз эмнеге таянып жетекчи­ңизди булганган эмес, таптаза деп жатасыз?
– Эгер таза эмес болсо, эчак эле эл арасында аброю жок болмок же соттолмок. Мисалы, мен эмне үчүн башка партияларга барган жокмун? Башка партиянын жетекчилери бийликте иштегендер. Алар бүгүн болобу же эртеңби, же он жылдан кийинби, Бакиевдер менен бир катарда 7-апрелдеги окуяларга, түштүктөгү кан төгүүлөргө жооп бериши керек. Ал эми бул учурда Мадумаров бийликтен четтетилип калган эле. Экинчиден, азыркы өкмөткө оппозиция болгон партиялар ачылып жатпайбы, алардын жетекчилеринин ачыла элек көп кылмыштары бар деп жүрүшөт. Ошондуктан аларга кошулсам алыска бара албасам керек дедим.
– Сизди убагында Жаныш Бакиев менен жакшы мамиледе болгон дешет. Ошондон улам оппозициялык өңүттөгү партиянын мүчөсү болгон жоксузбу?
– Ооба, мен аны жашырбайм, Жаныш Бакиев менен жакшы мамиледе болчумун. Өтө жакын адамы болбосом керек деп ойлойм. Эгер болсом, чоң-чоң кызматтарда иштемекмин да.
– Ош окуясында жатаканада жашаган кыздар зордукталды деп так, кесе айтып чыктыңыз. Муну эмнеге таянып маалымдадыңыз? Сизден кийин укук коргоочулар жатаканада андай бир да факт болгон эмес деп чыгышты.
– Мен ошол жерде өз көзү менен көргөн адамдар менен сүйлөшүп, анан айткан элем. Алар "эмнеге бир жактуу маалымат таратып жатышат, эмнеге ушуну айтышпайт?" деп көздөрүнүн жашын көлдөтүштү. Адамдар бири-бирин союп жатканда бир да зордуктоо болгон эмес деш акылга сыйбас иш. Укук коргоочу эже сурамжылоо жүргүзбөй туруп бир жактуу кылып тыянак чыгарып койгонуна таң калдым. Зордуктоо болгон деп айткандарым азыр укук коргоо кызматкерлери тарабынан далилденди, маалымат булактары айтып жатат.
– Партиянын съезди болдубу? Болсо, сиз тизмеде канчанчысыз?
– Ооба, съезд болду. Бирок тизме тактала элек. Кандай болгон күндө да мен алдыңкы эле катардамын.
– Депутат болом деген оюңузду жубайыңыз колдоп жатабы?
– Мен кандай иш баштабайын, ким болом дебейин, жубайым колдойт.
– Балдарыңызда, жалпы эле үй-бүлөңүздө эмне жаңылык?
– Кайсы үй-бүлөдө?
– Канча үй-бүлөңүз бар?
– Тамаша, албетте, бирөө эле. Фарида мурункудай эле үй кожойкеси. Улуу кызым Шахназ 2-курсту бүттү. Бото болсо мектепти аяктап, Юридикалык академияга тапшырды. Андан кийинки уулум Бабур түрк лицейинде окуйт, 8-класска көчтү. Кичүү кызым Айдеми быйыл 5ке чыгат.
– Айдеми жарым жыл мурун апасы менен редакцияга келген. Кыздар “Бек Борбиевдин кызы аябай татынакай экен” деп жакшы көрүп жатышкан. Сиз сулуусузбу же Фарида эжеби?
– Сөз жок мен. Кызы атасын тартат да. Үйгө кирбей калбайын, апасына эле окшош.
– Жакшы. Көлгө барып эс алып келгенсиз го, капкара болуп күйүптүрсүз...
– Жок, үй-бүлөм менен Токтогулга барып жарым ай эс алып келдим. Ал жакта иним бар. Туугандарга шайлоого баратам деп расмий түрдө айтпаганым менен, аксакалдарды чакырып бата алдым. Көлгө, буюрса, август айынын башында барам.
– Бир убакта удаасы менен бир нече клип тартып жибердиңиз эле, азыр тынчып калдыңыз, партиядан колуңуз бошобой жатабы?
– Негизи, жазында концерт берип, клип тартайын дегем. Бирок кырдаал мындай болуп жатса... Ошондон улам концертти, клипти күзгө жылдырып койдум. Азыр деле клип тартсам болот, бирок саясий иштерден соң.
– Депутат болуп кетсеңиз күйөрмандарыңыз карааныңызга зар болуп калышпайбы?
– Гастролдук ишимди токтотконум менен, депутат болсом деле борбордо, шаарларда концерт бере берем. Ыр дүйнөсүн эч качан таштабайм. Таштап койдум дегенде деле жан дүйнөңдө удургуп жаткан бороон-чапкын жөн жаткырбайт. Ошондуктан чыгармачылыгым мени менен акыркы дем алуума чейин бирге болот.
– Жаңы ырыңызга качан күбө болобуз?
– Жакында. Мектепте жүргөндө чыгарган “Кызыл гүл” деген ырым бар болчу. Ошонун үстүнөн иштеп, көркөмдөп чыктым. Аранжировкасы жазылган, үн кошмою калды.
– Ырларыңызды ырдап чыккан жаштарга кандай карайсыз?
– Ырымды ырдайм деген адамга эч качан каршы болбойм. Бирок ырдаардын алдында текстин жана обонун бир көрсөтүп алгыла, катасы болсо оңдоп берейин дейм.
– Бир ырыңыз сөзү, обону менен канча турат?
– Ушул жашка келгени бир да жолу бирөөгө ыр сатып көрө элекмин.
– Кайсы ичимдик менен жанаша көңүл ачасыз?
– Жакшылыктар болсо же достор чогулуп калганда арак же коньяк ичип коёбуз.
– Башыңызды кантип жазасыз?
– Ичкен күндүн эртеси эч качан баш жазбайм, кыйналып жүрө берем. Бир жолу жазып көргөм. Жазылбай эле уланып кетип, кечээ күнкү абалга келип калат экем.
– Катуу чарчаганда өзүңүзгө кантип келесиз?
– Адам катуу чарчаганда бир гана уйкудан эс алат. Ошондуктан эч нерсеге карабай уйкуга кирем.
– Депутат болбой калсаңыз кайрадан бажы кызматына ишке орношосузбу же башка пландар барбы?
– Мен бажы кызматкерлеринин катарынан чыгып кеткем да. Көрөбүз, чынында, ушул суроону ойлоно элекмин.
– Бийликтегилерге карата "креслого жеткенче эл камын, көздөгөнүнө жеткенден кийин керт башын ойлошот" деп айтылган сөз бар. Депутат болуп калсаңыз сиз да ошолордун бири болуп калбайсызбы?
– Мен ансыз деле креслосу жок депутатмын. Кайсы жерге барбайын, эл кадырлап-сыйлап депутаттан кем эмес тосуп алышат. Депутаттардын көбүнүн эле укуктары менде бар. Сүйлөсөм сөзүмдү, ырдасам ырымды угушат дегендей. Бул нерсеге атак-даңк, дүнүйө топтоо үчүн барып жаткан жокмун. Шайлоого бара жаткандыгымдын себебин өзүм менен эмес, эл менен байланыштыргым келет. Үстүмдө үйүм, иштеп жаткан ишим бар болчу. Бажыдан деле эч ким кубалаган жок. Болгону, азыркы саясий кырдаалды, элимдин кыйналып жатканын, жарга келип кептелгенин көрүп, колумдан келген жардамымды бергим келди. Чет өлкөнүн сайттары “Кыргызстан он жылдан кийин мамлекеттүүлүгүн жоготот. Анан улут катары жок болот” деп жазгандарын окуп алып каңырыгым түтөп, сай-сөөгүм сыздап жатат. Эгер ошол маалыматтарды окубай, айылда кой кайтарып жүрсөм “эй, мейли, эмне болсо ошол болсун. Өздөрү чечет” деп коймокмун. Баарын көрүп-билип туруп кайдигер карай албадым. Кийин убакыт өткөн соң "эмне үчүн элиме жардам берүүнү ойлогон жокмун?" деген суроолорго көмүлүп, санымды чаап калгым келбейт.
– Интернет демекчи, биздин сайтка көп киресиз. Дегеле интернет сиз үчүн эмне?
– Силердин www.super.kg сайтыңарга кол бошобой, көптөн бери кире элек болчумун. Кечээ кирип күйөрмандарымдын суроолоруна жооп бердим. Негизи эле интернет – мен үчүн маалымат булагы. Андан сырткары тааныш табуучу, достор менен байланыштыруучу курал. Мисалы, “Мой мир” долбоорунда 4300дөн ашык досум бар. 2500 адам "дос бололу" деп жообумду күтүп жатат.
– Достук сунуштаган адамдардын баарына эле "ооба" деп жооп бересизби?
– Баарына эле "ооба" деп жооп бербейм. Аттары же сүрөттөрү жок болсо, кызыктай ысымдарды коюп алышкан болсо, дос болбойм.
– Депутат болуп калсаңыз, алгач кайсы маселени көтөрүп чыгасыз?
– Мен жогорку билимдүү бажы, маданият, жол куруучу кызматкеримин. Ошондуктан ушул тармактагы маселелерди алып чыгам.
– "Бийликке бай адамдар келсе, элдин чөнтөгүнө көп кол салбайт" деп коюшат. Сиз байсызбы?
– Азыркы байларды көрүп жүрөм. Мен алардын чыпалагына да тең келбейм. Бирок мен баймын, өзүмдүн ырларым, бир туугандарым менен. Депутаттыкты пайдаланып элдин чөнтөгүнө кол салбайм. Кол салууну мурунку жашоомо, ийгиликтериме түкүрүп салуу деп түшүнөм.


Жылмайып коюңуз!

Бек Борбиев депу­таттык шайлоодо үч эле добуш алып калат.
Анда аялы ыйлактап:
– Ушу сенин ойношуң бар экенин сезгем!

Сүйүн Кулматова
star@super.kg



"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.

Рейтинг: Рейтинг  10 
Комментарийлер(8)
02.08.2010. 18:37 
Тайпасы:
Кыймылы жок
Комментарийлердин саны:
67
Катталган:
28-06-2010
Соӊку аракети:
27-04-2012 12:08
Жынысы:
Белгисиз
Калаасы:
РФ Тюмень Ялуторовск
0
азаматсыз Бек аке мен сизге жана партиянызга албан албан ийгиликтерди каалап "Мой мирдеги" дос ининиз Тынчтыкбек Кушубеков.
02.08.2010. 20:39 
Тайпасы:
Кыймылы жок
Комментарийлердин саны:
3
Катталган:
30-07-2010
Соӊку аракети:
28-07-2012 19:43
Жынысы:
Белгисиз
0
baarin ele deputat bolup al.
02.08.2010. 23:47 
Тайпасы:
Кыймылы жок
Комментарийлердин саны:
8
Катталган:
30-04-2010
Соӊку аракети:
18-04-2015 15:47
Жынысы:
Белгисиз
0
Бек Борбиев 2005 жылы эле шайлоого аттанган бирок туштуктун билермандары алдырып койгон акелерине жол бошот сен осо турган жигитсин жасцн деп. Бек аке Кетмен-тобонун жигиттерин уят кылбай нормальный депутуат болун а Адахам Кимсанбаевич тазараагынан болгон Мырзачыкмалардын арасынан .Ак-Жолго адашып аралашканы болбосо Спикерликке жарай тургандардан. Омурбек чиркешович таарынбасын, Жаштарды алып келгиле калганынар уятынар менен пенсияга чыккыла.Бекер эмкисинде жаштар сыйы жок эшикке чыгарып коюшат
03.08.2010. 09:36 
Тайпасы:
Жаран
Комментарийлердин саны:
363
Катталган:
10-03-2010
Соӊку аракети:
21-09-2017 13:32
Жынысы:
Белгисиз
0
Адегенде саясатты жана саясатчыларды жакшылап талдап алса болмок экен.
04.08.2010. 10:25 
Тайпасы:
Жаран
Комментарийлердин саны:
23
Катталган:
01-12-2008
Соӊку аракети:
11-05-2018 18:57
Жынысы:
Белгисиз
Калаасы:
Кыргызстан
0
САЯСАТТА ДА МАДАНИЯТТАГЫДАЙ ИЙГИЛИК!
04.08.2010. 13:29 
Тайпасы:
Кыймылы жок
Комментарийлердин саны:
4
Катталган:
29-07-2010
Соӊку аракети:
04-08-2010 16:50
Жынысы:
Белгисиз
0
Албан ийгилик татыктуу Депутат болушунузга ишенем
04.08.2010. 23:46 
Тайпасы:
Жаран
Комментарийлердин саны:
12
Катталган:
06-12-2009
Соӊку аракети:
12-11-2018 20:43
Жынысы:
Белгисиз
Калаасы:
Kg-Ош
0
Азаматсыз Бек аке. Кудайым куч кубат берсин.Элди ойлогон жакшы депутат болорунузга ишенем.
Москва.
05.08.2010. 16:52 
Тайпасы:
Кыймылы жок
Комментарийлердин саны:
70
Катталган:
05-07-2010
Соӊку аракети:
30-04-2012 11:08
Жынысы:
Белгисиз
0
Бек аке, илгертеден айтылган кыргыздарда жакшы соз бар Бектер (хандар) бир суйлойт деген, ошол созду эсинизден чыгарбасаныз, чет элдиктердин айтканы да бар, элибиз, каржы маселебиз чындыгында кыйроодо, жардамынарга муктажбыз....
1
Комментарий калтыруу үчүн өз ысымыңыз менен кириңиз же каттоодон өтүңүз.
 
Бөлүмдүн статистикасы
соңку 15 мүнөт ичинде 0 колдонуучу (Катталган: 0, коноктор: 0) бул макаланы окуду:

Макалалардын саны:
21503;
 
Маалымат-маанайшат порталы
2006-2018 © SUPER.KG
Кыргыз Республикасы, Бишкек шаары,
Күрөӊкеев көчөсү - 180
"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.
Рейтинг@Mail.ru
Биз социалдык тармактарда: