БИР БҮРКҮМ. ИСАКОВДУ КОРГОО ШТАБЫ ТҮЗҮЛДҮ...

Түштүк Кореянын премьер-министри Ли Нак Ён 17-19-июль күндөрү Бишкекте расмий сапары менен болот.
Экотуризмди өнүктүрүү максатында 28-июлда Ысык-Көл облусунун Тосор айылында "Алтын кум-2019" аталышындагы фестиваль өтөт.
2019-жылдын июль айына карата Токтогул суу сактагычындагы суунун көлөмү 16 миллиард 75 миллион метр кубду түздү. Өткөн жылга салыштырмалуу суунун көлөмү 2 миллиард 2 миллион метр кубга аз.
Өкмөттүн Жогорку Кеңештеги өкүлү Ашырбек Темирбаев оорудан улам 66 жашында каза болду.
Жогорку Кеңеш кызматтык Лексус-470 унаасын 254 миң сомго оңдойт. Бул маалымат мамлекеттик сатып алуу порталына илинди. Каражат республикалык бюджеттен бөлүнөт.
ИИМдин тергөө кызматы кримтөбөл Азиз Батукаевдин мыйзамсыз бошотулушу боюнча Коргоо кеңешинин мурдагы катчысы Бусурманкул Табалдиевге издөө жарыялады.
2019-жылдын 6 айында республика боюнча 1346 өрт кырсыгы катталып, 26 адам каза болду. Бул тууралуу ӨКМнын басма сөз кызматы билдирди.
Мурдагы президент Алмазбек Атамбаевдин мурдагы кеңешчиси, учурда камакта жаткан Икрамжан Илмияновдун иши Бишкектин Октябрь райондук сотунда 31-июлда каралып баштайт.
Нарын облусунун Кочкор районунда мурдагы өкмөт башчы Сапар Исаковду коргоо штабы ачылды.

Кубан Жумамидинов
politika@super.kg

"Супер-Инфо" гезитинин материалдары жеке колдонууда гана уруксат. Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.

Талкуу жабык.

№ 872, 18-24 июль, 2019-жыл