Архив
844   845   846   847   848   849   850   851   852   853   854   855   856   857   858   859   860   861   862   863   864   865   866   867   868   869   870   871   872   873   874   875   876  
792   793   794   795   796   797   798   799   800   801   802   803   804   805   806   807   808   809   810   811   812   813   814   815   816   817   818   819   820   821   822   823   824   825   826   827   828   829   830   831   832   833   834   835   836   837   838   839   840   841   842   843  
740   741   742   743   744   745   746   747   748   749   750   751   752   753   754   755   756   757   758   759   760   761   762   763   764   765   766   767   768   769   770   771   772   773   774   775   776   777   778   779   780   781   782   783   784   785   786   787   788   789   790   791  
687   688   689   690   691   692   693   694   695   696   697   698   699   700   701   702   703   704   705   706   707   708   709   710   711   712   713   714   715   716   717   718   719   720   721   722   723   724   725   726   727   728   729   730   731   732   733   734   735   736   737   738   739  
635   636   637   638   639   640   641   642   643   644   645   646   647   648   649   650   651   652   653   654   655   656   657   658   659   660   661   662   663   664   665   666   667   668   669   670   671   672   673   674   675   676   677   678   679   680   681   682   683   684   685   686  
583   584   585   586   587   588   589   590   591   592   593   594   595   596   597   598   599   600   601   602   603   604   605   606   607   608   609   610   611   612   613   614   615   616   617   618   619   620   621   622   623   624   625   626   627   628   629   630   631   632   633   634  
531   532   533   534   535   536   537   538   539   540   541   542   543   544   545   546   547   548   549   550   551   552   553   554   555   556   557   558   559   560   561   562   563   564   565   566   567   568   569   570   571   572   573   574   575   576   577   578   579   580   581   582  
479   480   481   482   483   484   485   486   487   488   489   490   491   492   493   494   495   496   497   498   499   500   501   502   503   504   505   506   507   508   509   510   511   512   513   514   515   516   517   518   519   520   521   522   523   524   525   526   527   528   529   530  
427   428   429   430   431   432   433   434   435   436   437   438   439   440   441   442   443   444   445   446   447   448   449   450   451   452   453   454   455   456   457   458   459   460   461   462   463   464   465   466   467   468   469   470   471   472   473   474   475   476   477   478  
374   375   376   377   378   379   380   381   382   383   384   385   386   387   388   389   390   391   392   393   394   395   396   397   398   399   400   401   402   403   404   405   406   407   408   409   410   411   412   413   414   415   416   417   418   419   420   421   422   423   424   425   426  
322   323   324   325   326   327   328   329   330   331   332   333   334   335   336   337   338   339   340   341   342   343   344   345   346   347   348   349   350   351   352   353   354   355   356   357   358   359   360   361   362   363   364   365   366   367   368   369   370   371   372   373  
264   265   266   267   268   269   270   271   272   273   274   275   276   277   278   279   280   281   282   283   284   285   286   287   288   289   290   291   292   293   294   295   296   297   298   299   300   301   302   303   304   305   306   307   308   309   310   311   312   313   314   315   316   317   318   319   320   321  
217   218   219   220   221   222   223   224   225   226   227   228   229   230   231   232   233   234   235   236   237   238   239   240   241   242   243   244   245   246   247   248   249   250   251   252   253   254   255   256   257   258   259   260   261   262   263  
176   180   181   182   183   184   185   186   187   188   189   190   191   192   193   194   195   196   197   198   199   200   201   202   203   204   205   206   207   208   209   210   211   212   213   214   215   216  
Популярдуу макалалар

HAVANA & YAAR: «ПОПУЛЯРДУУЛУК ТҮБӨЛҮК ЭМЕС, БҮГҮН БАР ДА, ЭРТЕҢ ЖОК»

№875 8-14-август, 2019-жыл


"I had you, I lost you,

Now I'm alone, la-la-le, la-la-le..."

2018-жылдын күз айларында элге сунулган Havana менен Yaar`дын «Мен сени жоготтум» («I lost you») аттуу ыры дүйнөлүк музыкалык чарттардын алдыңкы сабынан орун алып, баарыбыздын ыр тизмегибизди толуктады. Аталган ырды коңгуроо, ойготкуч, унаада же соода түйүндөнбү, айтор, жок дегенде күнүнө 3-4 жолу кулагыбыз чалат. Ыргактары жан дүйнөнү аралап, жүрөккө жеткен дал ушул керемет ырдын аткаруучулары «Asia Session-2019» эл аралык музыкалык фестивалынын негизги конокторунун бири болду. Учурдан пайдаланып ырчы мырзалар менен маектешүүгө үлгүрдүк. Аларды Кыргыз жергесине 15 жылдан бери чет элдик ырчылар менен иштешип келе жаткан «Alana Show» агенттиги алып келген.

ЖАШТАРДЫН ЖАРПЫН ЖАЗГАН ФЕСТИВАЛЬ

Бишкекти жарнамага чулгаган "Asia Session-2019" эл аралык музыкалык фестивалы 2-3-августта Ысык-Көлдүн Бактуу-Долоноту айылындагы ат майданда болуп өттү. Чет өлкөлүк "Havana & Yaar", Lx24, Мохомби, Сей Мо, Рей Терри жана «Пбл-75», бизден Гүлжигит Калыков, Аско, Анжелика, Жанер & Калю, кыргыз k-pop өкүлдөрү
«loveiz.lz» тобу жана башкалар кечеге конок болушту. Сүйүктүү ырчыларынын ырларын кошулуп ырдап, болушунча кыйкырык-сүрөөн менен коштоп, үзүлүп кеткенче бийлеп, видеого тарткан, айтор, баарына үлгүрүп жаткан жаштардын жарпы жазылды. Чет элдик ырчылар Кыргыз жергесиндеги күйөрмандарынын кабыл алуусуна болгон ыраазычылыктарын жеринде да, Инстаграм баракчалары аркылуу да билдиришти.

"HAVANA" ТАРЫХЫНА САЯКАТ

"Havana" менен Yaar`дын «Мен сени жоготтум» деген ырын уккандан кийин сиз дагы бул ырчыларга кызыгып, бир нече жолу интернетти барактаган чыгарсыз. Анда сөз алар тууралуу болсун.

"Havana" музыкалык долбоор катары 2014-жылы Румынияда продюсер, музыканттар Сорин Сенюк, Ванотек тарабынан түзүлүп, топтогу негизги ырчынын милдетин Надир Тамуз аркалаган. Алардын «Ванесса» аттуу алгачкы ыры испан жана англис тилинин айкалышында жарык көргөн. Аны улай 2015-жылы француз жана итальян тилиндеги «Керемет жашоо» ("Vita Bella") аттуу ыры Румыния гана эмес, Франция, Бельгия, Греция, Болгария, Орусия жана башка бир нече Европа өлкөлөрүнө желдей тарап, 4 айдын ичинде YouTube`да 20 миллионго жакын каралган. "Que Sera, Sera", Александра Стан менен аткарган "Ecoute" ырлары чыгып, элге сунулган соң топтон Надир Тамуз кетет.

2017-жылы "KIDSing-2014", "X Factor-2016" музыкалык сынактарынын финалчысы болгон Рауль Эрегеп "Havana`нын" негизги үнү болуп курамга кошулуп, «Менин сүйүүм» («Mon amour») аттуу ырды элге сунган. Аны улай "Havana" Эрик & Жуй Йола, Йоана Игнат менен биргеликте жаңы эмгектерин тартуулашат. Башка ырчылар менен биргелешип ырдоо командага жаккан өңдүү. Былтыр күзүндө Питт Леффер (Yaar) менен чогуу «Мен сени жоготтум» аттуу "Havana & Yaar`ды" дүйнөгө тааныткан керемет ырды жаратышкан.

Убактыбыз аз болгонуна карабай маектешүү абдан көңүлдүү өттү. Ырын дүйнө эли угуп, популярдуулугу артып турган учур алардын адамдык мүнөзүнө таасир бербептир. Мен жылдызмын дебестен бизди жакшы кабыл алышты. Достор менен сүйлөшүп жаткандай эле баарлашуу орун алды.

– Саламатсыздарбы, Кыргыз жерине кош келипсиздер! Өлкөбүз, көлүбүз сиздерге жактыбы?

Рауль: – Рахмат. Оо, абдан көңүлдүү болду. Өлкө аябай кооз экен. Бирок көлгө кызыккан жокмун, себеби мен деңиздин жанында жашайм.

– Бизге белгилүү "Havana&Yaar" кызматташтыгы кандайча түзүлүп калган?

Р.: – Өзү "Havana`нын" түзүлгөнүнө 4 жылдан ашты. Менин бул топко келгениме 2 жыл болду. Мен 12 жашымдан баштап ырдайм. Ырлар мага дайыма кубаныч тартуулайт. Ал эми Питт (Yaar) менен күтүлбөгөн жерден жолугуп калганбыз. Анда жакшы ырдын тексти бар экен. Бизде даяр обон бар болчу. Продюсер, музыкант болуп сүйлөшүп ага жолуктук. Баары өтө тездик менен болду. Ошентип Питт экөөбүздүн биргеликте ырдаган «Мен сени жоготтум» аттуу ырыбыз жарык көрдү.

– «Мен сени жоготтум» деген ырыңардын жаралуу тарыхына кайрылып кетсеңиздер...

Питт: – Бул ыр жазылганда биз али жолугуша элек болчубуз. Мен бир жолу Сорин Сенюкка келип "менде ыр бар. Жакшы ыр даярдайлы" деп сунуш кылгам. Андан эки жылдай убакыт өтүп калганда Рауль менен Сорин мени чакырып, даяр болгон обонду угузушту, чынында мага абдан жакты. Дароо иштешүү тууралуу сүйлөшүп, ишке кириштик. Ал ортодо Yaar аталышынын алдындагы менин музыкалык долбоорумду ишке киргиздик, анын дагы продюсери Сорин Сенюк. Ыр башында кандай болсо ошондой калтыралы деп чечтик. Кайырмасы араб тилинде ырдалды. Биз эң туура чечим кабыл алганыбызды түшүндүк. Бул ыр баарына жакканы үчүн биз абдан бактылуубуз жана угармандарыбызга ыраазыбыз. Ырды угуп жатып сиздер эмнени сезсеңер, биз да ошол нерсени сезебиз. Ыр аркылуу бирдей эмоцияны бирге сезип жатабыз. Бул ырды даярдоо, Сорин менен иштешүү максатым көп убакыттан кийин ишке ашты, абдан ийгиликтүү болду. Абдан өтүмдүү ыр болду. Анткени бардык жерде жаңырууда.

– Ютубдан көп көрүүчү чогултканыңыздар менен Инстаграмдагы катталуучуларыңыздар аз экен. Социалдык тармакка кызыкпайсыздарбы?

Питт, Рауль: – Бизде социалдык тармактарга кызыгуу деле болгон эмес. Бирок биз бул жаатты өнүктүрүүнү жолго коюп, учурда ушул иштер менен алекпиз. Баракчаларды иштетүү үчүн атайын адис алдык.

– А баса, концерттен сизди эки кыз бетиңизден өөп жаткан видеону бөлүштүңүз. Жактыбы?

Р.: – Албетте, абдан жакты (күлүп).

– Популярдуу болгондон кийин кандай өзгөрүүлөр болду?

Р.: – Жашоодогу эң негизги нерсе – адам бойдон калуу. Мен дайыма жөнөкөй болууга аракет кылам. Популярдуулук түбөлүк эмес, бүгүн бар да, эртең жок. Ар дайым адамдык жакшы сапаттарды сактап калуу керек.

– Алдыдагы пландарыңыздар менен бөлүшө кетсеңиздер. Күйөрмандарга дагы биргеликте ыр тартуулайлы деп жатасыздарбы?

Р.: – Ооба, фестивалда жаңы ырыбызды да аткардык. Ошол жаңы чыгармабыз бир айда жарыкка чыгат.

П.: – Биз бирге да, өзүнчө да иштерди алпарып жатабыз. Менин кечээ жакында албаниялык ырчы кыз Канита менен бирге аткарган «Jale» аттуу ырымды угармандарга тартууладык. Андан тышкары "Havana & Yaar" биргеликте Кая аттуу ырчы кыз менен аткарган ырыбыз да жарыялануу алдында турат.

– Кыздар сиздер менен көп сүрөткө түшүп жатышат. Кыргыз кыздары ой козгой алыштыбы?

П.: – Мен чынын айткым келет. Кээде жигиттер кыздар тууралуу сүйлөшкөндү жактырабыз. Бизге кыргыз кыздары абдан жакты. Кыргыз кыздары үй-бүлөгө карамдуу, жөнөкөй, таза жана башка кыздардан өйдө деп эсептейм.

– Күйөрмандардын басымдуу бөлүгү кыздар болгондуктан жеке жашооңуздар тууралуу кеп кылбасак болбойт.

Р.: – Менин жүрөгүм бош эмес. А Сорин менен Питтин жүрөгүн багындырып алсаңар болот (күлүп).

П.: – Ооба, мен алигиче үйлөнө элекмин, качан үйлөнөрүмдү билбейм. Сорин да жалгыз. Эгер кимде-ким мага турмушка чыккысы келсе, жолугалы, мен аны күтөм (күлүп).

Р.: – Чын эле Питтин үйлөнгүсү келип жүрөт. Ага жубайлыкка кыз таап бергилечи (күлүп).

– Маегиңиздерге рахмат!

Динара Акимова
star@super.kg



"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.

Рейтинг: Рейтинг  0 
Комментарийлер(1)
12.08.2019. 13:40 
Тайпасы:
Жаран
Комментарийлердин саны:
50
Катталган:
26-01-2016
Соӊку аракети:
24-08-2019 15:48
Жынысы:
Белгисиз
Калаасы:
♡♡♡ОШ♡♡♡
0
Башында аябай жактырып бул ырды телефон чакырууга да коюп жүргөм,анан тажап кетип өчүрүп салдым)
1
Комментарий калтыруу үчүн өз ысымыңыз менен кириңиз же каттоодон өтүңүз.
 
Бөлүмдүн статистикасы
соңку 15 мүнөт ичинде 1 колдонуучу (Катталган: 0, коноктор: 1) бул макаланы окуду:

Макалалардын саны:
22754;
 
Маалымат-маанайшат порталы
2006-2019 © SUPER.KG
Кыргыз Республикасы, Бишкек шаары,
Жибек Жолу проспектиси 381
"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.
Рейтинг@Mail.ru
Биз социалдык тармактарда: