Архив
844   845   846   847   848   849   850   851   852   853   854   855   856   857   858   859   860   861   862   863   864   865   866   867   868   869   870   871   872   873   874   875   876  
792   793   794   795   796   797   798   799   800   801   802   803   804   805   806   807   808   809   810   811   812   813   814   815   816   817   818   819   820   821   822   823   824   825   826   827   828   829   830   831   832   833   834   835   836   837   838   839   840   841   842   843  
740   741   742   743   744   745   746   747   748   749   750   751   752   753   754   755   756   757   758   759   760   761   762   763   764   765   766   767   768   769   770   771   772   773   774   775   776   777   778   779   780   781   782   783   784   785   786   787   788   789   790   791  
687   688   689   690   691   692   693   694   695   696   697   698   699   700   701   702   703   704   705   706   707   708   709   710   711   712   713   714   715   716   717   718   719   720   721   722   723   724   725   726   727   728   729   730   731   732   733   734   735   736   737   738   739  
635   636   637   638   639   640   641   642   643   644   645   646   647   648   649   650   651   652   653   654   655   656   657   658   659   660   661   662   663   664   665   666   667   668   669   670   671   672   673   674   675   676   677   678   679   680   681   682   683   684   685   686  
583   584   585   586   587   588   589   590   591   592   593   594   595   596   597   598   599   600   601   602   603   604   605   606   607   608   609   610   611   612   613   614   615   616   617   618   619   620   621   622   623   624   625   626   627   628   629   630   631   632   633   634  
531   532   533   534   535   536   537   538   539   540   541   542   543   544   545   546   547   548   549   550   551   552   553   554   555   556   557   558   559   560   561   562   563   564   565   566   567   568   569   570   571   572   573   574   575   576   577   578   579   580   581   582  
479   480   481   482   483   484   485   486   487   488   489   490   491   492   493   494   495   496   497   498   499   500   501   502   503   504   505   506   507   508   509   510   511   512   513   514   515   516   517   518   519   520   521   522   523   524   525   526   527   528   529   530  
427   428   429   430   431   432   433   434   435   436   437   438   439   440   441   442   443   444   445   446   447   448   449   450   451   452   453   454   455   456   457   458   459   460   461   462   463   464   465   466   467   468   469   470   471   472   473   474   475   476   477   478  
374   375   376   377   378   379   380   381   382   383   384   385   386   387   388   389   390   391   392   393   394   395   396   397   398   399   400   401   402   403   404   405   406   407   408   409   410   411   412   413   414   415   416   417   418   419   420   421   422   423   424   425   426  
322   323   324   325   326   327   328   329   330   331   332   333   334   335   336   337   338   339   340   341   342   343   344   345   346   347   348   349   350   351   352   353   354   355   356   357   358   359   360   361   362   363   364   365   366   367   368   369   370   371   372   373  
264   265   266   267   268   269   270   271   272   273   274   275   276   277   278   279   280   281   282   283   284   285   286   287   288   289   290   291   292   293   294   295   296   297   298   299   300   301   302   303   304   305   306   307   308   309   310   311   312   313   314   315   316   317   318   319   320   321  
217   218   219   220   221   222   223   224   225   226   227   228   229   230   231   232   233   234   235   236   237   238   239   240   241   242   243   244   245   246   247   248   249   250   251   252   253   254   255   256   257   258   259   260   261   262   263  
176   180   181   182   183   184   185   186   187   188   189   190   191   192   193   194   195   196   197   198   199   200   201   202   203   204   205   206   207   208   209   210   211   212   213   214   215   216  
Популярдуу макалалар

Асел Эшимбекова, актриса, Таттыбүбү Турсунбаеванын кызы: «АКТРИСАЛЫК МЕНЕН ҮЙ-БҮЛӨНҮ ЧОГУУ АЛЫП КЕТИШ МҮМКҮН ЭМЕС ЭЛЕ. МЕН ҮЙ-БҮЛӨНҮ ТАНДАДЫМ»

№875 8-14-август, 2019-жыл


Таттыбүбү Турсунбаеванын кызы! Тасма тарыхында калган Асел Эшимбекова менен маектештим. Мен үчүн кызыктуу, жагымдуу, сүрдүү да маек болду. Легендага айланган апасы, өзүнүн жылдызы жанган кези, жолдошу саясатчы Урмат Барктабасов менен болгон кызыктуу сүйүү баяны, учурдагы чоң эне болгондогу сезимдери тууралуу баяндап берди.

– Саламатсызбы? Апаңыз Таттыбүбү Турсунбаева тирүү болсо 75 жашка чыкмак, быйыл бул күндү кандай өткөрдүңүздөр?

– Саламатчылык, бул күнү куран окуттук. Каза болгон адамга куран окуткандан башка сооп иш жок болуш керек. Жыл сайын белгилүү даталарда апамды жакшы тааныгандарды, чогуу жүргөндөрдү, жакын туугандарды чакырып куран окутабыз. Табиятымдан эл алдында болууну жактыра бербейм. Эскерүү кечесин өткөрүп, ал жерде сүйлөп, апам үчүн кылган иштеримди жарыялаганды туура көрбөйм. Апамдын туулган күнү мен үчүн үй-бүлөлүк күн. Албетте, апам элдин кызы болгон үчүн жыл сайын туулган күнүндө мамлекеттик деңгээлде ар түрдүү эскерүү кечелери болот. Иним экөөбүз ага каршы эмеспиз, апамды ар ким көңүлү каалагандай эстесе туура болот деп ойлойм.

– Атактуу инсандын тукуму болуунун сыймыгы, жоопкерчилиги, кыйынчылыгы бар. Апаңыздын атагы жашооңузда сизге жардам бердиби же тоскоол болдубу?
– Апамдын аты жашоомдо жардам берди. Кичине кезимде, балким, Турсунбаева деген фамилиянын баркын анча билбесем керек, жыл өткөн сайын Таттыбүбүнүн кызы болгонум үчүн сыймыгым артып барат. Апам «кызым, сен кимдин кызы экениңди чоңойгондо билесиң» деп айтып калчу. Бирок мен ошол кезде эле кимдин кызы экенимди билчүмүн, «Таттыбүбүнүн кызы» десе кызыккан, жакшы көргөн, таң калган көз караштарга көнгөм.

– Эне-кыз катары мамилеңер кандай эле? Мүнөзүңөрдө окшоштук барбы?
– Апам 100 жылда бир жарала турган адам. Андай адам болушу мүмкүн эмес го дейм. Мени эл окшоштурат, өзүмө анчалык окшош эместей сезилет. Иним Канат апама окшош. Ашыкча мээримдүү, жумшак, ишенчээк. Келбети жагынан бою, моюну узун, манжалары сулуу. Атам «Асел эркек болуп, сен кыз болсоң болмок» деп айтып калчу. Мен ага караганда тез кыймылдаган, тентек кыз болчумун. Албетте, апама окшоштугум бар. Жулунбайм, ушак менен ишим жок. Апам театрда бирөөнү бирөө ушактап келе жатса эле сөздү башкага буруп жиберчү. Болгону мүнөзүм апамдан күчтүүрөөк болуш керек деп ойлойм. Апам ишенчээк, жумшак, назик адам эле. Ошол үчүн 37 жашында каза болуп калды.

– Менимче, сизге эки тараптан тең күчтүү актёрлук ген берилген. Бирок адатта Турсунбаеванын аты аталып, Эшимбековдун аты аталбай калып келет. Атаңыз Имаш Эшимбеков да таланттуу адам болгон эмеспи?
– Бул элдин тандоосу эмеспи. Күчтүү артисттер болот, бирок анын баары эле элге алынып кетпейт. Апамдын жүзү, үнү, таланты, бой-келбети өзгөчө эле, ошондуктан элдин сүймөнчүлүгүнө айланып, каза болгондон кийин деле аты даңазаланып келе жатат. Эл аябай жакшы көрчү. Эсимде, апам театрда роль аткарат деген күнү билет алганга кезек күткөндөр узун болуп тизилип калчу. Билет жок болуп отургучтарга батпай калып, эл туруп көрөбүз дешчү. Мен кичине кезимде билет жетпей калган курбуларымды башка эшик менен алып кирип кеткен күндөр болгон. Атам болсо экинчи ролдорду аткарчу, ал дагы сулуу адам эле. Улуту казак, чоң атамдар Чүйгө көчүп келишкен экен.

– Эки таланттуу ата-энеден эмне алдыңыз?
– Мен театрда чоңойдум десем болот. Атам менен апам ажырашып кеткенине байланыштуу апам мени таштаганга киши жок, дубляж болобу, репетиция болобу, спектакль болобу, дайыма ээрчитип алчу. Менимче, апамдан искусствону сүйүүнү, эмгекчилдикти алдым. Атамдан бекем тартипти, катуу мүнөздү алдым. Атам жак тартипти бекем кармаган адамдар болсо, апамдын үй-бүлөсү чыгармачыл адамдар эле. Кичине кезимде каникул башталганда апам таята-таянемдерге жиберчү. Азыр ойлойм, Турсунбаевдердин үй-бүлөсү сулуу, таланттуу, чыгармачыл адамдар эле. Таякелеримдин баары бойлору узун, келбеттүү, комуз черткен, ырдаган адамдар болчу. Кыймыл-аракеттери да ак сөөктөрдөй болчу, койкоюп басышчу. Атам мага «апаңдай болуп ак куудай койкоюп баспайсың» деп көп айтар эле.

– Тасмада эки роль аткардыңыз, экөө тең эл оозунда калды. Актрисалык жолуңуз кандай башталды?
– Башынан эле «актриса болбойсуң» деген катуу талап бар болчу. Апам менен атам экөө тең каалачу эмес. Ошондуктан бул кесип тууралуу дегеле ойлонуп көргөн эмесмин. Баары күтүүсүз жерден болду. 16 жашымда «Махабат дастанында» Бегимайдын ролун ойнодум. Окуучу кезим болчу, мени көчөдөн актриса Динара Чокубаева көрүп калыптыр. Мектептик форма менен жүрсөм керек эле. Бегимайдын ролуна кыз издеп жатышкан экен, Дооронбек Садырбаевге алып барды. «Таттыбүбүгө окшош экен» деп күбүр-шыбыр болуп жатышты. Үйгө келишип атамдан тасмага тартылуума уруксат сурашты. Атам алгач «актриса болбойт кызым, апасы да каалаган эмес» деп болбой койду. Ал мени мугалим болот дечү. Улам бири келип жатып акыры көндүрүштү окшойт. Атам мага «мен тасмага тартылышыңа уруксат берем, бирок бул биринчи жана акыркы ролуң болот, макулсуңбу?» деди. Мен «ооба» да, «жок» да деген жокмун, башымды ийкеп койдум. Анткени кызыгып, тартылгым келип калган.

Бегимайдын ролуна көп кыздар келишкен экен, ичинде өзбек, тажик улутундагы чыныгы актрисалар бар болчу. Бирок 16 жаштагы окуучу болгон мени өткөрүп жиберишти. Жогоруда айткандай, апамды көп ээрчип жүрүп, ошол чөйрөдө чоңойгондуктан, тартылууга келгенде кыйынчылык болгон жок. Бир гана казакча сүйлөгөндөн кыйналдым, ал кезде казакча эмес, кыргызча деле жакшы сүйлөй алчу эмесмин. Домбраны кармаганды Түгөлбай Казаков, таякем Нуркан Турсунбаев үйрөтүп жатышты. Акыркы эпизоддо Раймалы менен Бегимайды отко жаккан жери бар эмеспи. Ошол жерине келгенде ыйлашым керек эле, ыйлай албай кыйналдым. Сабира Күмүшалиева баш болуп тартуучу топ баары ыйлата албай убара. Тарта албай 12 дубль кетти. Анан бирөө апам тууралуу сүйлөп баштады. «Апаң ушундай эле, мындай эле» деп эстетип баштаганда эле шолоктоп ыйлап баштадым. Дооронбек Садырбаев дароо «бул даяр, келгиле тарткыла» деди. Көрсө, мени ролго киргизүү үчүн болгон аракет экен.

– «Сүйүү закымы» тасмасына тартылдыңыз, анын көркөм кеңештен өтпөй калган жерлерин кесип салышкан деп уктум эле...

– Окуя башкача болгон. Ал тасманы Төлөмүш Океев тартты, албетте, сценарийди атам окуду, тартыла турганымды да атам чечти. Нике түнүндө чечине турган жери бар эле, ошол жерин окуганда атам «кызым бул эпизодду ойнобойт» деди. Ташкент шаарында тартылганбыз, атам учуп барды. Атам тартылбайт деген жерине дублёр кызды тартышты. Бурят улутундагы балерина кыз болчу. Капталынан караганда мага окшош эле, бирок ийиндери меникинен чоң, анан бойлуу болчу. Ал кызды тартып жатканда атам экөөбүз четте карап турдук. Тартылып бүткөндөн кийин мени чоң кадр менен алып улантып кеттик. Төлөмүш байке тартылып бүткөндөн кийин «Имаш, эл баары бир сенин кызың деп ойлошот, өзү эле тартыла берсе болмок го» деди. Атам «эл антип ойлогону менен, кызым бул эпизодду ойнобогонун мен билем, мага ошол жетет» деди. Эки фильмде тең атам жанымда болду.

– Сөздөрүңүздөн улам атаңызга жакын болгон окшойсуз?
– Менимче, апамды көбүрөөк жакшы көрсөм керек. Анткени атам менен апам ажырашып кеткенден кийин апам экөөбүз чогуу болдук. Тай жактарымда көп жүрдүм. Иним атама жакын болчу, аны кичинесинен атам өз колуна алган эле да. Апам каза болгондон кийин атам экөөбүздү тең колуна алды. Жакшы көрүп кеттим. Атамды аябай сыйлачумун, анын айтканы мен үчүн мыйзам болчу. Сабагыбызды текшерип, катуу тартипте кармады, мен ушуга чейин атамдын тарбиясына ыраазымын.

– Кимдир бирөөлөр сизди Урмат Барктабасов коркутуп, кыйнап үйлөнгөн деген сөздөрдү айтып келишет?..
– Мындай сөздөрдү ким чыгарып жүрөт, менин жашоомо адамдар эмнеге кийлигишет, таң калам. Кыларга иши жокпу? Же суроосу болсо менин өзүмө келип сураса болбойбу? Чоң эне болуп калган учурда өзүнүн дарегине мындай сөздөр айтылса кимдин болбосун жини келет. Эч кандай зордук-зомбулук болгон эмес, эки жыл кыз-жигит болуп жүрүп үйлөнгөнбүз. Урмат мени «Махабат дастаны» тасмасынан көрүп жактырып калыптыр. «Шаардык кыз болсо, Таттыбүбү Турсунбаеванын кызы болсо мени карабайт. Мен бул үчүн миллионер болушум керек» деп максат коюптур. Бирок экөөбүздүн жолубуз 10 жылдан кийин, ал чын эле миллионер болгондо кесилишти. Бул учурда ал үйлөнүп, балалуу болгон экен, мен Петербургда окуп жүргөм. Эки жылдын ичинде ал мага машине, үй, бриллиант, эмне кааласам баарын алып бере турган болду. Мен баш тарттым. Биринчиден, ал бойдок эмес болчу, баласы бар эле, мен үчүн бала ыйык. Экинчиден, бай болчу. Эл дароо эле «байлыгына карады» дешмек. Урмат өзү да ошентип ойломок. Жогоруда айткандай, атам мени бул жаатта катуу тарбиялаган. Эки жылдан кийин бизнеси банкрот болду. Жан сакчылары жок жалгыз келгенде иши болбой калганын билдим, ошондо чыгып «мына эми сага тийгенге макулмун» дедим. Ыйлап жиберди. Акчабыз жок болгону менен, биз аябай бактылуу элек. Бал айыбызда Ысык-Көлдүн керемет жерлерин кыдырып жүрдүк. Ошол убакта эшек арабада отуруп түшкөн сүрөтүбүз бар (күлүп), мендей шаардык кыз үчүн ошол романтика болчу да. Алгач батирлеп жашадык, темир кружкалардан чай иччүбүз, бир-эки эле буюмубуз болсо керек эле. Ошентип биз баарын нөлдөн баштадык. Бизнеси ийгиликтүү жүрүп, кийин кайра миллионердин аялы болдум.

– Сизге күйөөңүз тасмага тартылууга да уруксат бербеген дешет, бул сөздүн чындыгы барбы?
–Урмат эч качан мага «муну кылба» деп айтып көргөн эмес. Биз баш кошкондон кийин карьераны же үй-бүлөнү тандашым керек эле. Көргөн-билген тажрыйбамдан улам актрисалык менен үй-бүлөнү чогуу алып кетиш мүмкүн эмес болчу. Мен үй-бүлөмдү тандадым. Бул менин чечимим болчу, азыркыга чейин бир да жолу өкүнгөн жокмун. Урмат тараптан кысым болсо ушунча нерсеге жетишет белек? Мындай жомокторду ойлоп чыгарган адамдарга эмне керек билбейм.

– Коомчулукта Таттыбүбү Турсунбаева атындагы фондду кызы же уулу жетектесе туура болмок деген да ойлор айтылып келет.
– Нуркан таякем апамдын атындагы фондду түптөгөн учурда мен студент элем. Мени фонддун мүчөсү катары жазган, азыркыга чейин мүчөсүмүн. Кол кой деген жерине коюп бергем. Анан Санкт-Петербургга окууга кеттим, келип жарым жыл театрда иштегенден кийин турмушка чыктым. Турмушка чыккандан кийин жашоо өз нугу менен кетти, балалуу болдук, чет жакта жашап калдык. Фонд тууралуу ойлогонго шартым да, убактым да болбоду. Иним да жаш эле, ал эми Нуркан таякемдер ишти алып кетишти, биз мейли деп жөн койдук. Апама арнап жасай турган иштерибиз дагы да алдыда деп ойлойм.

– Сөздүн аягында, күйөөңүз жүгүрүп сүйүп алган экен, өмүр бою ошол мамиле сакталдыбы деп сурагым келди...
– Баш кошконубузга 27 жыл болду, үч балам бар, улуубуз үйлөнгөн, татынакай келиним бар. Көбү мага окшош деп айтышат. Чоң кызым диплом алат жакында. Кичүүсү мектеп окуучусу. Эки неберем бар. Жашы өтүп калган учурда аялы менен күйөөсү бир аз алыстап калат эмеспи. Биз андай эмеспиз. Урмат "өмүр бою сени сүйөм" деген, убадасынан жазган жок. Азыр деле «сүйөм» деп айтып турат. Учурашканда, коштошкондо сөзсүз жүзүмдөн өөп анан кетет. Мен мурун «сүйөм» деп көп айтчу эмес элем, бирок акыркы жылдары жакшы көрөрүмдү айтып калдым.

– Таасирдүү баяныңыз бар экен, ылайым махабатыңыздар бир өмүр жашасын!

Нуржамал Жийдебаева


"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.

Рейтинг: Рейтинг  7 
Комментарийлер(19)
12.08.2019. 10:14 
Тайпасы:
Жаран
Комментарийлердин саны:
156
Катталган:
16-02-2018
Соӊку аракети:
20-08-2019 12:31
Жынысы:
Белгисиз
Калаасы:
Бишкек
+22
Ким эмне десе да мейли.Таттыбубунун кызы экени факт! Ошол эле кандай данк!
12.08.2019. 11:04 
Тайпасы:
Конок
Комментарийлердин саны:
0
Катталган:
07-08-2019
Соӊку аракети:
22-08-2019 12:06
Жынысы:
Белгисиз
+16
Сулуу болуп торолуу бул дагы тагдырдын берген бир белеги.
12.08.2019. 13:07 
Тайпасы:
Жаран
Комментарийлердин саны:
329
Катталган:
19-12-2018
Соӊку аракети:
23-08-2019 02:17
Жынысы:
Белгисиз
+14
alive кошулам, келбетинда суулулугунда жашоодо коп нерсени чечип коюшу мумкун
16.08.2019. 15:00 
Тайпасы:
Жаран
Комментарийлердин саны:
989
Катталган:
14-11-2015
Соӊку аракети:
23-08-2019 04:57
Жынысы:
Белгисиз
Калаасы:
Ата-энемдин журогу...
+1
Avrora2017,Кээде ашыкча сулуулук өзүнө душманда болушу мүмкүн.
12.08.2019. 12:59 
Тайпасы:
Жаран
Комментарийлердин саны:
20
Катталган:
22-03-2019
Соӊку аракети:
12-08-2019 14:40
Жынысы:
Белгисиз
+8
Ии окуп алып бир башкача болдум. Таттыбубу Турсунбаева эжекебиздей инсан 100 жылда бир торолот. Чын эле аккуудай татынакай эле. Эл эч качан унутпайт
12.08.2019. 13:18 
Тайпасы:
Жаран
Комментарийлердин саны:
99
Катталган:
20-04-2014
Соӊку аракети:
16-08-2019 15:01
Жынысы:
Белгисиз
-5
Кимге кандай билбейм, кечкеле мен мен, сулуу, сулуулук деп баса белгилеп кеткендей маек бениптир.
12.08.2019. 13:41 
Тайпасы:
Жаран
Комментарийлердин саны:
112
Катталган:
22-07-2014
Соӊку аракети:
23-08-2019 10:44
Жынысы:
Белгисиз
Калаасы:
Ош
+9
Бутпосо экен деп атып окудум сонун маек.сулууайым апасындай адам жоа болсо керек.
12.08.2019. 17:10 
Тайпасы:
Жаран
Комментарийлердин саны:
51
Катталган:
10-08-2018
Соӊку аракети:
23-08-2019 02:18
Жынысы:
Белгисиз
+1
bema_bema,менда ошентип окудум.
12.08.2019. 13:58 
Тайпасы:
Жаран
Комментарийлердин саны:
32
Катталган:
15-01-2015
Соӊку аракети:
13-08-2019 21:54
Жынысы:
Белгисиз
+8
Махабат дастаны кино тасмада бегимайды ушул кыз аткарган экенда ээ. Мен казак кыз деп ойлопмун
12.08.2019. 15:17 
Тайпасы:
Конок
Комментарийлердин саны:
14
Катталган:
28-07-2019
Соӊку аракети:
23-08-2019 08:33
Жынысы:
Белгисиз
+8
Маек ошо сулуулуктун символу айтылуу Акмоорду ойногон Таттыбубу болуп жатпайбыы.
12.08.2019. 16:03 
Тайпасы:
Конок
Комментарийлердин саны:
1
Катталган:
11-08-2019
Соӊку аракети:
22-08-2019 13:41
Жынысы:
Белгисиз
0
12.08.2019. 19:10 
Тайпасы:
Жаран
Комментарийлердин саны:
118
Катталган:
20-04-2017
Соӊку аракети:
23-08-2019 00:19
Жынысы:
Белгисиз
+7
Коркутуп журуп аял кылган дешет суйуп калса кантсин байкуш
Baku88 түзөттү 2019-08-12 19:10:58
13.08.2019. 02:37 
Тайпасы:
Жаран
Комментарийлердин саны:
100
Катталган:
21-09-2012
Соӊку аракети:
20-08-2019 22:43
Жынысы:
Белгисиз
+4
Эн сонун маек берилуу менен окуп чыктым.Аман болсун апасынын аты кыргыз дуйнодо барда эч качан очпойт.Супер инфо рахмат силерге мына ушундай адамдардан маек алып бергенинер учун.Самарадан тажап окугум кельей калды эле)).
13.08.2019. 16:31 
Тайпасы:
Жаран
Комментарийлердин саны:
31
Катталган:
18-02-2016
Соӊку аракети:
20-08-2019 13:48
Жынысы:
Белгисиз
Калаасы:
Бишкек
+1
Эх,бизге да ушундай жан жолдош насип этсин.
14.08.2019. 14:21 
Тайпасы:
Жаран
Комментарийлердин саны:
59
Катталган:
06-02-2019
Соӊку аракети:
21-08-2019 10:01
Жынысы:
Белгисиз
+2
Сулуулук алгач жүрөктө болсун,андан кийин жүзүңдө
16.08.2019. 15:01 
Тайпасы:
Жаран
Комментарийлердин саны:
989
Катталган:
14-11-2015
Соӊку аракети:
23-08-2019 04:57
Жынысы:
Белгисиз
Калаасы:
Ата-энемдин журогу...
0
Бир тууганында сүрөтүн жүктөп койбопсунарда.
17.08.2019. 21:15 
Тайпасы:
Жаран
Комментарийлердин саны:
140
Катталган:
28-01-2016
Соӊку аракети:
17-08-2019 21:14
Жынысы:
Белгисиз
0
Менин атам, кызымдын атын Таттыбубу Турсунбаеванын атынан койгон.
18.08.2019. 18:48 
Тайпасы:
Конок
Комментарийлердин саны:
18
Катталган:
04-06-2019
Соӊку аракети:
23-08-2019 09:33
Жынысы:
Белгисиз
0
Супер инфого кирип эле биринчи окуган темам ушул болду. Таттыбубу Турсунбаевага дагы бир ирет суктанып, кыргыздын кызы болуп калганы учун сыймыктанып алдым. Ак куу.
21.08.2019. 01:37 
Тайпасы:
Жаран
Комментарийлердин саны:
22
Катталган:
30-08-2017
Соӊку аракети:
21-08-2019 01:37
Жынысы:
Белгисиз
0
2 жолу тасмага тартылса, бул 2 тасма кеминде 20 тасмага татырлык го.Бактылуу аял экен...Мындан аркы жашоосуу да бактылуу болсун!
1
Комментарий калтыруу үчүн өз ысымыңыз менен кириңиз же каттоодон өтүңүз.
 
Бөлүмдүн статистикасы
соңку 15 мүнөт ичинде 2 колдонуучу (Катталган: 1, коноктор: 1) бул макаланы окуду:

kaky85

Макалалардын саны:
22755;
 
Маалымат-маанайшат порталы
2006-2019 © SUPER.KG
Кыргыз Республикасы, Бишкек шаары,
Жибек Жолу проспектиси 381
"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.
Рейтинг@Mail.ru
Биз социалдык тармактарда: