Архив
792   793   794   795   796   797   798   799   800   801   802   803   804   805   806   807   808   809   810   811   812   813   814   815   816   817   818   819   820   821   822   823   824   825   826   827   828  
740   741   742   743   744   745   746   747   748   749   750   751   752   753   754   755   756   757   758   759   760   761   762   763   764   765   766   767   768   769   770   771   772   773   774   775   776   777   778   779   780   781   782   783   784   785   786   787   788   789   790   791  
687   688   689   690   691   692   693   694   695   696   697   698   699   700   701   702   703   704   705   706   707   708   709   710   711   712   713   714   715   716   717   718   719   720   721   722   723   724   725   726   727   728   729   730   731   732   733   734   735   736   737   738   739  
635   636   637   638   639   640   641   642   643   644   645   646   647   648   649   650   651   652   653   654   655   656   657   658   659   660   661   662   663   664   665   666   667   668   669   670   671   672   673   674   675   676   677   678   679   680   681   682   683   684   685   686  
583   584   585   586   587   588   589   590   591   592   593   594   595   596   597   598   599   600   601   602   603   604   605   606   607   608   609   610   611   612   613   614   615   616   617   618   619   620   621   622   623   624   625   626   627   628   629   630   631   632   633   634  
531   532   533   534   535   536   537   538   539   540   541   542   543   544   545   546   547   548   549   550   551   552   553   554   555   556   557   558   559   560   561   562   563   564   565   566   567   568   569   570   571   572   573   574   575   576   577   578   579   580   581   582  
479   480   481   482   483   484   485   486   487   488   489   490   491   492   493   494   495   496   497   498   499   500   501   502   503   504   505   506   507   508   509   510   511   512   513   514   515   516   517   518   519   520   521   522   523   524   525   526   527   528   529   530  
427   428   429   430   431   432   433   434   435   436   437   438   439   440   441   442   443   444   445   446   447   448   449   450   451   452   453   454   455   456   457   458   459   460   461   462   463   464   465   466   467   468   469   470   471   472   473   474   475   476   477   478  
374   375   376   377   378   379   380   381   382   383   384   385   386   387   388   389   390   391   392   393   394   395   396   397   398   399   400   401   402   403   404   405   406   407   408   409   410   411   412   413   414   415   416   417   418   419   420   421   422   423   424   425   426  
322   323   324   325   326   327   328   329   330   331   332   333   334   335   336   337   338   339   340   341   342   343   344   345   346   347   348   349   350   351   352   353   354   355   356   357   358   359   360   361   362   363   364   365   366   367   368   369   370   371   372   373  
264   265   266   267   268   269   270   271   272   273   274   275   276   277   278   279   280   281   282   283   284   285   286   287   288   289   290   291   292   293   294   295   296   297   298   299   300   301   302   303   304   305   306   307   308   309   310   311   312   313   314   315   316   317   318   319   320   321  
217   218   219   220   221   222   223   224   225   226   227   228   229   230   231   232   233   234   235   236   237   238   239   240   241   242   243   244   245   246   247   248   249   250   251   252   253   254   255   256   257   258   259   260   261   262   263  
176   180   181   182   183   184   185   186   187   188   189   190   191   192   193   194   195   196   197   198   199   200   201   202   203   204   205   206   207   208   209   210   211   212   213   214   215   216  
Популярдуу макалалар
Akbuura gazeta

КАЙЫРЧЫЛЫК ЖАН БАГУУБУ ЖЕ БИЗНЕСПИ?

№405 6-12-август, 2010-ж.


Репортаж

Кайырчыларды көргөн сайын чоң энемдин айтканын эстейм. “Жараткан бул адамдардын ырыскысын элге чачып койгон. Алар ошол насибин терип жеп жүрүшөт”,- дечү. Ошол насибин терип жүргөн кайырчылардын жашоосу, тапкан акчасы, эмне себептен тилемчилик кылып калганы кызык болуп, кайырчыларды иликтөө сапарына чыктым.

КАЙЫРЧЫ БОЛУП ТУУЛБАЙТ
Күнүгө жумушка келерде Жибек-Жолу-Совет көчөлөрүнүн кесилишинде ак сакалын жайкалткан атанын тилемчилик кылып турганын көрчүмүн. Күмүштөй ак сакалы, салабаттуу турушу, тыкан кийим-кечеси негедир аны башкалардан айырмалап турат. Сапарымды так ушул атадан баштадым.
– Атыңыз ким, ата?
– Алман.
– Жакындарыңыз, балдарыңыз барбы?
– Балдарым, кемпирим каза болуп калышкан. 2008-жылдан бери Бишкекте жашап, өлбөстүн күнүн көрүп келе жатам. Өзүм батирде жашайм. Минтип тамак-ашка, кийим-кечеге, батирге төлөгөнгө акча табам.
– Эгер оор болбосо, мурунку жашооңуз тууралуу айтып бербейсизби?
– Өмүр бою кызматкер болуп келдим. Заңгыраган болбосо да үйүм, машинам бар эле. Айтор, ортодон жогору жашачумун. Сенин алдыңда мурунку сберкассанын башчысы турганын айтсам, ишенбестирсиң. Кийин банкта инкассатор болуп иштедим. Союз тарагандан кийин тагдырымда мен күтпөгөн бурулуштар башталды. Жумуш жок болгондуктан, эл катары бизнес кылам деп үй-жайымды саттым. Орусияга иштегени барып кырсыкка учурап, жамбаш сөөгүм сынды. Ошентип, үй-жайымдан ажырап, талаада калдым. Туугандарым деле бар. Бирок эчкиникиндей жашым калганда эч кимге көз каранды болгум келбейт.

Ооруган тизелерин колдору менен акы­рын сылап отурган карыянын муңдуу көздөрүнө тике карай албай, сапарымды андан ары уладым.

КАЙЫРЧЫЛАРДА ДА МЫЙЗАМ БАР
Шаарды кыдырып жүрүп узун, кең көчөдө баш-аягы 50дөн ашык кайырчы отурганына күбө болдум. Алардын да өз ара мыйзамдары болот экен. Мисалы, ар бири өзүнө тиешелүү “точкага” ээ. Жаңылып башка бирөөнүн аймагына кирип кетсе, анда өлгөнү. Кээде бир эле “точкада” экиден кезектешип тургандар да бар. Бири эртең мененки саат 7ден 3кө чейин турса, экинчиси 3төн күн батканга чейин турат. Байкашымча, баарынан каражатты көп тапкандар – жол боюнда тургандар. Бирок мунун кооптуу да жайы бар. Шуулдап өтүп жаткан машиналардын арасында эрежеге баш ийбеген эргулдардын алдынан чыга калсаң, ишиңдин бүткөнү.
Каршы-терши өтүп жаткан унаалардын арасында жан үрөй майыптын арабасын айдап акча чогултуп жүргөн жигитке кимдир бирөө машинасынын терезесинен китептерди карматып кеткенин көрдүм да, жанына басып бар­дым.
– Кечиресиз, сизге эмне ки­теп таштап кетти?
Тиги жигит колундагы дин китептерин мага көрсөттү да, арабасынын аркасына салып койду.
– Ишиңиз өтө кооптуу экен...
– Эмне кылабыз, жашаш керек да.
– Өзүңүз тууралуу айтып бербейсизби?
– Сага кызык болсо, айтып берейин. Ата-энем, бир туугандарым бар. Келинчегим да бар эле, бирок жакында ажырашып кеттик. Өзүм намаз окуйм. Келинчегимди мага молдолор алып беришкен. Кийин эле башка бирөөлөрдүн тилине кирип, бузула баштады. Өмүр бою майып адам менен жашоо ал үчүн оор да. Эмне дейт элем? Үй-жайымды, тапкан-ташынганымдын баарын ага таштап, чыгып кете бердим. Мен ага деле капа эмесмин. Кудай насип кылган жерде күнүмдү өткөрө берем. Кайра “ал кантип жашап жатты экен?” деп сарсанаа болуп жүрөм.
– Жол боюнда тургандан көрө базар ичинде отурган коопсуз эмеспи?
– Жок, ар кимдин өз аймагы бар. Анын үстүнө базарда кичине балдар менен аялдар көп турушат. Байкасаңыз, “Ош базарында” кадам сайын кайырчы. Алардын 50 пайызынын дени-карды соо. Кечинде ордунан сопсоо туруп баратканын көргөндө жакаңды кармайсың. Биздей майыптарга го айла жок. Анан колу-буту аман туруп кайырчылык кылгандарга таң калам. Эми бул ар кимдин өз иши деңизчи...

Бул каарманым менен сүйлөшүп турган он мүнөттүн ичинде алдында турган баштыгына 50 сомдук, 20 сомдуктар үйү­лүп калды. Ошондон улам кызыга сурап калдым.

– Бир күнкү пайдаңыз канча, байке?
– Ар кандай. Жакшы дегенде күнүнө 2000 миңге жакын акча табам.
– Оо, сиз анда бай турбайсызбы? Башкалар күнүнө 250-300дөн эле табат экен го?..
– Карындашым, Жараткан ар кимдин пейилине жараша энчилейт экен.

ЭНЕНИН КУДУРЕТИ
Ооба, көп адамга кезиктим. Көп адамдын кайгысын бөлүшүп, сырларын уктум. Бирок ушул наристесин кучактап отурган энелердей эч ким таасир кал­тырбады. Гезиттен экенимди билгенде качып жаткан башка­лардан айырмаланып, эки наристесин кучактап отурган эже мага үмүттөнө тигилди. Жанында майыптардын арабасында отурган чоң уулу менен кичүү уулунун алдында 1 сомдуктар жатыптыр.
– Эже, уулуңуз оорукчанбы?
– 8 айынан баштап талма оорусуна чалдыкты. Таластагы дарыгерлердин жардам бере албайбыз дегенинен үйүбүздү сатып, бул жакка келдик. Баары бир эч кандай натыйжа чыккан жок. 16 жашка чыкканда опе­рация кылабыз дешти. Ку­дай­га шүгүр, кичүүлөрүнүн ден соолугу жакшы. Үйдө эки жаштагы кызым бар. Аны батирдин кожойкеси карап калат.
– Балдардын атасы кайда?
– Ушул оорукчан баламдын айынан ажырашып кеттик. Кудайдын берген дарты экенин түшүнө албады. Анын үстүнө үйүбүздү да сатып, аябай кыйналдык. Күйөөм ошол кыйынчылыктардан тажап кетти окшойт. Аны деле түшүнүп турам.
– Азыр жардам береби?
– Кээде үчөө менен аябай кыйналып кеткенде чакырганга аргасыз болом. Келип жардам берип кетет.
– Сиз деле кыйналдыңыз да?- дедим эженин күйөөсүн актап жатканына жаным кейип.
– Сиңдим, мен энемин да. Эне баласын таштап баса бермек беле?- деди эже үшкүрүп.

Апасынын кандай абалда экенин капарына албай, оюнкараак кичинеси “суусадым, апа” деп жатты. Эне баштыгындагы таттуу ширени алып чыгып эки баласына берди да, өзү жалана тамшанып койду. Аптапта суусап турса да өзүнө суусундук тийбей калганына кайыл болуп, эки уулун кучактаган эненин кудуретинин күчтүүлүгүнө, мээримине таң калып да, табынып да турдум.

– Күнүнө канча табасыз, эже?
– Кудайга шүгүр, күнүмдүк керек-жарагыбызга жетет. Түнкүсүн кафеде идиш жууп да иштейм. Үстүбүздө тамыбыз болсо, башка нерсеге кайыл болот элем.

Булар менен коштошуп жатып, акын Анатай Өмүркановдун ыр саптары эрксизден эсиме түштү.

Жоолугун жайып таштап кара жолго,
Карегинен арманындай агып шору.
Солкулдап сооп тилеп турган бу кол –
Тилемчинин колу эмес, заман колу.

Үмүттө, жалт-жулт карап оңго-солго,
Жанын эзип жарым тиштем нандын жогу.
Калчылдап кайыр сурап турган бу кол –
Кайырчынын колу эмес, коом колу.

"САМОПАЛ" ТИЛЕМЧИ
Күнү кечке кейиткен сапа­рымдын аягы негедир күлкүлүү аяктады. “Сокур адам­га жардам бериңиздер” деген жазууну жазып алып четте отурган жигиттин жанына барып: "Сиз менен сүйлөшкөнгө мүмкүнбү?"- деп маекке тарт­тым. "Ооба, мүмкүн болбой анан. Эмне, гезиттенсиңби? Жаз анда, минтип... Мен тубаса майыпмын..."- деп узак таржымалын айта баштады. Анын баянын угуп бүткөндөн кийин фотоаппаратымды алып чыгып, “сүрөткө тартып алайын” деп сурай албай туруп калдым. Бир убакта сокур деп ойлогон каарманым: “Э-эй, мени сүрөткө тартпа!..”- деп кыйкырып жиберсе болобу! Чочуп кеткен жаным: “Сиз, эмне, көрөсүзбү?!”- деп таң калып карап калсам, тиги каткырып ордунан тура калып: "Жумуш жоктон улам ушинтип акча табууга аргасыз болдум. Мен тууралуу жазба, карындаш",- деп көз айнегин чечти. Жаш жигиттин алты саны аман экенин көргөндө аргасыздан баш чайкадым.
Баштагы майып байке айткандай, кайырчы эмес, кайырчынын кейпин убактылуу кийгендер да көп тура. "Кайырчылар күндүз тилемчилик кылып турат, кечинде кычырап Мерседеске түшүп кетет" деп угуп, негедир ишенбеген элем. "Шамал болбосо, чөптүн башы кыймылдабайт" дегендей, кайырчылыкты бизнеске айланткандар бар экенине эми ишендим.

Аялдар эркектерди күнөөлөшсө, эркектер заманды күнөөлөп, заман болсо күнөөлүүнү таппай турган учуру. Жашоо бул – күрөш дешет. Ар бир адам жашоо үчүн колунан келишинче күрөшүп жатат. Бирок ошол курал тилемчилик, кайырчылык болбой эле койсо деп ойлодум сапарымдын аягында.


ИЗДӨӨ САЛАБЫЗ!

29-июль күнү саат 23:30дар чамасында Ош-Бишкек жолунда келе жаткан УАЗ-Патриот үлгүсүндөгү автомашинанын айдоочусу Сокулук районунун Новопавловка айылынан бир адамды сүзүп кеткен. Жабырлануучу ошол жерден жан таслим болгон. Учурда ал адамдын аты-жөнү тактала элек.
Өзгөчө белгилери: азиат улутундагы жашы 35-40тардагы арык чырай адам. Кийген кийими – “DR” деген жазуусу бар боз түстөгү жайкы футболка, жынсы шым, кара бут кийим. Өлүктө эч кандай өзгөчө белгилер жок.
Сүрөттөгү адамды тааныгандар болсо, Сокулук РИИБинин төмөнкү телефондоруна чалып коюшу­ңуздарды өтүнөбүз.

Тел.: 03134 4-18-34, 03134 4-14-09, 03134 4-19-79,
111110771 38-12-55,
0543 21-71-73

Нуржамал Жийдебаева
koom@super.kg


"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.

Рейтинг: Рейтинг  2 
Комментарийлер(2)
07.08.2010. 12:37 
Тайпасы:
Тартип бузгандар
Комментарийлердин саны:
74
Катталган:
25-07-2010
Соӊку аракети:
24-03-2011 00:49
Жынысы:
Белгисиз
0
Жеп качкандардын турак жайларын ушундай жандарга берип коюшса экен мамлекет, ал турак жайларды, алардан калган калдыктарды ээлеп албай! булардын тизмесин так тактап (самопалдардын кереги жок), кылдаттык менен текшерип, анан биздеги кайрымдуулук фонддорубуз ушундай жердештерибизге жардам берсе болмок, бийликтин алдына алып чыгып! Не кереги бар эле, убагында "козелдорго" турак жай берип! Биринчи, жардамды мынандай байкуштардан баштоо керек, каяк балээдеги коррупцияга мингендерге бербей!
09.08.2010. 21:52 
Тайпасы:
Кыймылы жок
Комментарийлердин саны:
142
Катталган:
29-05-2010
Соӊку аракети:
24-10-2012 02:52
Жынысы:
Белгисиз
Калаасы:
avstria
0
Baykush kayrirchy ejege jaman boorum oorudu. Kunduz ysykta kayir surasa, tunkusun kafede ishtese, baldaryn baksa...ayalzaty baaryna chydayt degen ushu da.
1
Комментарий калтыруу үчүн өз ысымыңыз менен кириңиз же каттоодон өтүңүз.
 
Бөлүмдүн статистикасы
соңку 15 мүнөт ичинде 0 колдонуучу (Катталган: 0, коноктор: 0) бул макаланы окуду:

Макалалардын саны:
21193;
 
Маалымат-маанайшат порталы
2006-2018 © SUPER.KG
Кыргыз Республикасы, Бишкек шаары,
Күрөӊкеев көчөсү - 180
"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.
Рейтинг@Mail.ru
Биз социалдык тармактарда: