БИР БҮРКҮМ. ДЕПУТАТ ҮЙ КАМАГЫНА АЛЫНДЫ...

"Коопсуз шаар" долбоорунун экинчи баскычында өлкө боюнча 306 камера орнотулары расмий маалымдалды.
Улуттук статистика комитети: Быйыл 6 айда 295 миң жаран чакан каржы уюмдарынан насыя алды.
Кой-Таш айылында Алмазбек Атамбаевди кармоо операциясында курман болгон УКМК кызматкери Үсөнбек Ниязбековго "Эрдик" медалы ыйгарылды.
Атамбаевдин жана анын жакын туугандарынын камакка алынган 135 мүлкүнүн 20сы текшерүүдөн кийин кайра камактан бошотулду.
Казакстандын Кыргыз мамлекетиндеги элчиси болуп Кайрат Нурпеисов дайындалды.
Алмазбек Атамбаевдин тарапташы, парламент депутаты Ирина Карамушкина 8-октябрга чейин үй камагына алынды.
Экс-депутат Мээрбек Мискенбаевдин апасы дүйнө салды.
Билим берүү жана илим министрлиги: Өлкөдө 16 мектеп урап калуу абалында.
Сапар Исаков ооруканадан УКМКнын СИЗОсуна которулду.
Сентябрдан тарта Бишкекте автобустарда жол кирени электрондук түрдө төлөө системи ишке киргизилмекчи.
Мурдагы башкы прокурор Индира Жолдубаева коррупцияга шектелүүдө. Ал сот чечими менен үй камагына алынды.

Автандил Добулбеков
politika@super.kg

"Супер-Инфо" гезитинин материалдары жеке колдонууда гана уруксат. Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.

Талкуу жабык.

№ 878, 29-август - 4-сентябрь, 2019-ж