Индиянын 22 жаштагы Руни Хатун аттуу тургуну Батыш Бенгалия штатындагы ооруканалардын бирине “ичим катуу ооруп, кускум келип жатат” деп кайрылган. Келинге операция жасаганда ашказанынан 1,6 килограмм алтын асем буюмдарынын топтому чыккан. Бул тууралуу чет элдик маалымат каражаттары жарыялашты.
Маалыматка таянсак, рентген аппараты келиндин ашказанында көптөгөн асем буюмдар сакталып турганын көрсөткөн. Жыйынтыгында хирургдар 69 чынжырча, 80 сөйкө, 46 тыйын, 8 медальон, 11 мурунга тагуучу шакекче, 5 билерик жана кол саат алып чыгышкан. Келиндин туугандары “акыркы убакта үйдөн алтын асем буюмдарыбыз жоголгонун байкап жатканбыз. Руниден сурасак, ыйлап баштачу” дешет. Учурда келин психиатрдын текшерүүсүнөн өтүүдө.
Дамира Арстанова
koom@super.kg