Архив
792   793   794   795   796   797   798   799   800   801   802   803   804   805   806   807   808   809   810   811   812   813   814   815   816   817   818   819   820   821   822   823   824   825   826   827   828  
740   741   742   743   744   745   746   747   748   749   750   751   752   753   754   755   756   757   758   759   760   761   762   763   764   765   766   767   768   769   770   771   772   773   774   775   776   777   778   779   780   781   782   783   784   785   786   787   788   789   790   791  
687   688   689   690   691   692   693   694   695   696   697   698   699   700   701   702   703   704   705   706   707   708   709   710   711   712   713   714   715   716   717   718   719   720   721   722   723   724   725   726   727   728   729   730   731   732   733   734   735   736   737   738   739  
635   636   637   638   639   640   641   642   643   644   645   646   647   648   649   650   651   652   653   654   655   656   657   658   659   660   661   662   663   664   665   666   667   668   669   670   671   672   673   674   675   676   677   678   679   680   681   682   683   684   685   686  
583   584   585   586   587   588   589   590   591   592   593   594   595   596   597   598   599   600   601   602   603   604   605   606   607   608   609   610   611   612   613   614   615   616   617   618   619   620   621   622   623   624   625   626   627   628   629   630   631   632   633   634  
531   532   533   534   535   536   537   538   539   540   541   542   543   544   545   546   547   548   549   550   551   552   553   554   555   556   557   558   559   560   561   562   563   564   565   566   567   568   569   570   571   572   573   574   575   576   577   578   579   580   581   582  
479   480   481   482   483   484   485   486   487   488   489   490   491   492   493   494   495   496   497   498   499   500   501   502   503   504   505   506   507   508   509   510   511   512   513   514   515   516   517   518   519   520   521   522   523   524   525   526   527   528   529   530  
427   428   429   430   431   432   433   434   435   436   437   438   439   440   441   442   443   444   445   446   447   448   449   450   451   452   453   454   455   456   457   458   459   460   461   462   463   464   465   466   467   468   469   470   471   472   473   474   475   476   477   478  
374   375   376   377   378   379   380   381   382   383   384   385   386   387   388   389   390   391   392   393   394   395   396   397   398   399   400   401   402   403   404   405   406   407   408   409   410   411   412   413   414   415   416   417   418   419   420   421   422   423   424   425   426  
322   323   324   325   326   327   328   329   330   331   332   333   334   335   336   337   338   339   340   341   342   343   344   345   346   347   348   349   350   351   352   353   354   355   356   357   358   359   360   361   362   363   364   365   366   367   368   369   370   371   372   373  
264   265   266   267   268   269   270   271   272   273   274   275   276   277   278   279   280   281   282   283   284   285   286   287   288   289   290   291   292   293   294   295   296   297   298   299   300   301   302   303   304   305   306   307   308   309   310   311   312   313   314   315   316   317   318   319   320   321  
217   218   219   220   221   222   223   224   225   226   227   228   229   230   231   232   233   234   235   236   237   238   239   240   241   242   243   244   245   246   247   248   249   250   251   252   253   254   255   256   257   258   259   260   261   262   263  
176   180   181   182   183   184   185   186   187   188   189   190   191   192   193   194   195   196   197   198   199   200   201   202   203   204   205   206   207   208   209   210   211   212   213   214   215   216  
Популярдуу макалалар
Akbuura gazeta

Асылбек Өзүбеков: «СҮЙҮҮ РОМАНЫМДЫ КИТЕПКЕ ЖАЗГЫЛАРЫ КЕЛИШЕТ»

№405 6-12-август, 2010-ж.


Журналисттер көп адамдар менен сырдашабыз же сырын ачабыз. Кээ бирин сөзгө чоркок экенинен араң сүйлөтөсүң. Айрымдарын токтото албай калган учур болот. Бул жолу сиздер жакшы билген актёр, "муңдуу ырлардын рыцары" атка конгон Асылбек Өзүбеков бирде тамашалап, бирде олуттуу карап маек куруп берди.

– Асылбек ага, балалыктын таттуу күндөрү кай жерде калган да, кандай өткөн?
– 1958-жылы 1-мартта Ысык-Көлдүн Тору-Айгыр айылында жарык дүйнөгө келгем. Бир нерселерди таанып биле баштаган кезим азыр тасмадай үзүл-кесил эске түшөт. Чыр, ыйлаак, тентек, капкара болгон чыт курсак бала болчумун. Мектептин багынан алма уурдаган күндөр эсимде. Боз-ала чаң боюнча мектепке жөнөйм. Барганда колубуз кир, тырмак өскөн болсо Кадыр агайдан чыбык менен колго жеп, далай ыза болор элек.
4-класска чейин айылда окудум. Кийин апам борбордогу Мукаш Абдраев атындагы музыкалык мектепке которду. Мектеп – ыр дүйнөсүнө эшик ачты. Үйлөмө аспаптарды тереңдетип окуган класста элем. Муратбек Бегалиев сыяктуу таланттуу музыканттар менен бирге окугам.
– Анда ырчы болушуңузга апаңыздын салымы чоң турбайбы?
– Ооба, эненин көрөгөчтүгүн карачы, мени музыкалык мектепке берип, турмуш жолума чоң өбөлгө түзгөнүн. Ата-энем кичинекей кезимде ажырашып кетишкен. Өкүнүчтүүсү, мен атам бар деп катышып калганда, 51 жашында дүйнө салды. Апам төртөөбүздү чоңойтту. Улуу эжем Жеңишгүлдү билесиңер, драматург, акын. Менин обондорумдун сөзүн жазган да ошол адам. Телевидениеде биринчи кыргыз сериалын түптөгөн Жеңишгүл болчу. “Чиркин өмүр”, “Апамдын махабаты” телесериалдарын элге көрсөтүп баштаган. Көрө албастык болдубу же кандай билбейм, кыргыз телеканалы аны сүрүп чыгарып коюшту. Менден кийинки иним Аманбек Куралдуу күчтөрдө эмгектенет, полковник. Эң кичүү иним атамдын журтунда түтүн булатып келет.
– А сиз болсо классташыңызды көшөгөгө киргизип алып, өмүр кечирүүдөсүз?
– 9-класстан кайра айылга, классташтарыма бардым. Арткы партада отуруп алып, Сүйүндүн чачынан тартып тийишер элем. Ошентип, алыс кетпей классташым менен кол кармаштым. 1974-жылдан баштап бири-бирибизди жакшы билебиз дегендей. 4 баланын ата-энеси болдук. Улуусу отуздан ашты, эки кыздын атасы. Кызым Жыпар да үй-бүлөлүү. Кийинки уулум студент. Кенжетай кызым 4-класста окуйт.
– “Сүйүү балага ооп кетет” деп коюшат, анда азыр небереге ооп турса керек?
– Сүйүү кала берет. Чындыгында, небереңдин таттуу тили чыгып, күлкүсү жүрөктү жибитет. Балаңдан да неберең ширин болот. Жыттагың эле келет, жыттагың.
– Сизди актёр, анан ырчы деп билебиз. Эки өнөрдүн кайсынысы сизге жакын?
– Кесибим актёр. Ташкенттеги Театралдык институтту бүтүргөм. Театрда иштеп жүргөндө жетекчилер ырдаганга уруксат беришчү эмес. 1985-жылы радиого жашырынып барып, ыр жаздырдым. Ырлар элге сиңип кеткенде гана жетекчилер унчукпай калышты. Ырчылык – экинчи коштоп жүргөн өнөрүм.
– Өнөр менен жан багуу кыйын эмеспи же өзүңүздүн жеке бизнесиңиз барбы?
– Чыгармачыл адамдардын 90 пайызы байлыкка умтулбайт. Бизде жан дүйнөбүздүн байлыгы басымдуулук кылат. Албетте, кээде жашоодо кыйналганда мен деле ойлоном. Кыйындардын, министрлердин арасында жүрдүм эле, ошондон пайдаланып дүнүйө топтоп койсом болбойт беле деп. Анан кайра байлыгың деле, бийлигиң деле колдун кири деп кол шилтейм. Артымда ырларым, аткарган ролдорум калат. Ошого шүгүр кылам. Чыгармачылык менен жан багып келем. Өнөр адамы 50гө чейин атак-даңк үчүн иштейбиз. 50дөн ашкан соң атак-даңк биз үчүн иштейт. Азыр ошол даңк менин артымдан иштеп жүрөт.
– Бир жолу маегиңизде “менин балдарымды топтогондо 1 автобус болот” деп тамаша-чыны аралаш айткан элеңиз...
– Бир кыргыз акындын “бешигиңден бейитиңе чейинки жол – өмүр жолу” деген сонун сөзү бар. Мен өмүр жолумдун 53-чакырымына кетип баратам. Бул жолдо мен жыгылдым, тайгаландым, сыйгаландым, кайра турдум. Ушул жолдо чуркадым, безилдедим, жаңылдым-жаздым. Жакшы-жаман адамдарга жолуктум, суугу да, кызыгы да, жаштыгы да, мастыгы да болду.
Белгилүү болсоң ар кандай сөздөр ээрчий берет экен.
– “Кайдагы суроону берип” деп капалан­баңыз, негизи эле ала жипти аттап койгон учур болду беле?
– Ала жипти аттабаган эркек – эркек эмес. Мен идеалдуумун, таптазамын деген эркекти тапсаңар, мен белек берет элем. Зымга тарткандай түптүз жүрдүм деген эркек элди ишендире алар бекен? Жашырбайм, турмушумда жолуккан адамдардын ичинде аялзаты да бар.
– Тамеки тартып, ичимдик ууртамай убак качан башталды эле?
– Ымандай сырымды айтайын. Мектепте кезимде тамеки тартып, ичимдик ичкен эмесмин. 3-курста чычайтып тамеки тиштей коюп, сыра, арак, шарап ичип мас болгон күндөр болду. Бирок арактын артынан сая түшкөн жокмун. Быйыл 27-июнда референдум болбодубу. Менин турмушумда, элдин жашоосунда бурулуш болуп жатат деген шылтоо айтып, тамекини ыргыттым. Жашың өткөн сайын ичкилик ичсең шишип-көөп кыйналып, ооруп калат экенсиң. Азыр эми жайдын күнү достор менен отурганда сыра ичип коём.
– Тойлордо качантан бери тамадалык кыласыз?
– Кыргыз тойго чогултуп, тойго чачып келет. 1985-жылдан баштап 7-8 саат болобу, тикемден тике туруп той башкарам. Бычакташкан, мушташып кеткен тойлорду көз көрдү. Мастардан тил уккан убак канча дейсиң? Анан масты эркелетип, алдап-соолап отуруп абалдан чыгууга туура келет. Тууган-уруктун, куда-сөөктүн тоюн башкарып калам. Мындайды “рахмат той” деп коёт. Кээде той ээси менен соодалашсам, кээде шартына карап соодалашпайм.
– “Ата Мекен” саясий партиясына мүчө­сүз, алдыңкы тизмеге илиндиңизби?
– “Ата Мекенден” башка партияга ообой, көп жылдан бери мүчөмүн. Азыр деле ал кадамымдан тайган жокмун. Мурунку бийлик анча деле жактыра берчү эмес. "Ал оппозициянын өкүлү" деп мамлекеттик деңгээлдеги иш-чараларга жакын жолотушкан жок. Алдыңкы тизмеге киремби, кирбейминби, ал мага өтө деле маанилүү эмес. Анткени мен партиянын койгон багытына, уставына жана башкасына көз карашым түз. Азыркы бийликке ишенем.
– Өнөр адамынын орду, өзүңүз айткандай, сахнада. Эми сиздин ордуңуз саясатта болот турбайбы?
– Көпчүлүк “артист болсо эмнени түшүнөт?” деп ойлошу мүмкүн.
Маданият тармагында иштеп жүрүп, Кыргызстандын төрт бурчун кыдыргам. Чабан кой кыркып, дыйкан пахта жыйнап жаткан жерине барып концерт койчубуз. Дыйкандын да, малчынын да жашоосун билем. Булар мага жат эмес. Айыл-чарба багытындагы маселелерди көтөрүп чыгууга, элдин таламын талашууга кудуретим жетет. Кудай мага тилди берген. Баш-отум менен саясатка киришсем, ошол тилди ал жакка бурам. Эл мени күндө көрүп жүргөндөй сезет. Андыктан эл менен тил табышып кетем го деп ойлойм. Саясатка акылым да, алым да жетет.
– Анда чыгармачылык таптакыр унутта калып кетпейби?
– Ыр жаатында айтсам, азыркы үнүм менен мындан 20 жыл мурунку жазылган ырларымды салыштырып көрөм. Үнүм чарчай баштаптыр. Көрсө, үн да карыйт экен. Ырдоонун мүнөтү, убактысы келет тура. 55-60ка чыгып, сахнада кыйшалаңдап ырдап-бийлей албай калат экенсиң. Кино жааты болсо кете берет.
– Сиз саясат кир дегенге кошуласызбы?
– Жок, кошулбайм. Себеби Дооронбек Садырбаев, Болот Шер, Өмүрбек Текебаевди кантип кир саясатчы деп айтасың? Саясаттан таза адамдарды санасаң толтура. Чындык үчүн чыркыраган адамдардын арасында болдум. Мен Докемдей чындыкты айтып, кыргыз үчүн тикеден тик турган саясатчы болсом деп кыялданам.
– “Апамдын махабатынан” соң “баласы менен тең кыз менен жытташып” деген сындарды уктуңуз беле?
– Эми бул көркөм чыгарма да. Турмушта биз тасмада аткарган кадрлар өтө көп кездешет. Бул жөнүндө айтсам узун сөз. Көбү “ал тасманы неге улантпайсыңар? Балаңды таптыңбы?” деп сурашат.
– Сөз көрөңгөсү кенен адамдай көрүнөсүз, чыгарма жазып, китеп чыгарайын деген ой келбейби?
– Мелис Эшимканов досумдан сунуш болгон. Ал “Асыке, башыңдан өткөн окуяларды айтып берчи. Укмуш окуялардын баары сенде. Мен жакшы бир сериал кылып жазайын. Болгондо да кыз-кыркын менен өткөн кездерди. Башкача айтканда, сүйүү романдарды” деп калды. Мен болсо “жөн турчу” деп болбой койдум. Журналист Жылдыз Мусабековадан да сунуш түшкөн. “Кой, балакетти баштабачы. Менин атымды миң өзгөртсөң да, таанылып калам” деп баш тарттым. Ошентип, сүйүү романдарды китеп кылып жазгылары келишет. Бирок жашоомдо жолуктурган кыргыздын чыгаан адамдары, жакшы инсандар тууралуу китеп жазсамбы деген ой келет. Анткени мен кыйналган учурда алар жанымда болушту, сүрөөнгө алышты. Азыр да колдоп келишет.
– Казан-аякты көбүнчө ким кагыштырат? Сизби же...
– Мен талаалап кечигип жүрсөм, кээде үйгө түнөбөй калсам, ар кандай жыттанып келсем менден кетет да. Ынандыңбы, менден кетет бекен?
– Маегиңизге чоң рахмат. Ишиңизде ийгиликтер көп болсун!

Бурул Исмаилова
star@super.kg


"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.

Рейтинг: Рейтинг  8 
Комментарийлер(4)
07.08.2010. 17:59 
Тайпасы:
Кыймылы жок
Комментарийлердин саны:
5
Катталган:
07-08-2010
Соӊку аракети:
04-05-2015 15:29
Жынысы:
Белгисиз
0
Ала жипти аттабаган эркек – эркек эмес,дептирго агабыз, мен бул пикирине кошулбайм.
Бул адамдын чойросу, ошондой адамдар менен толукталса керек,
бирок Кыргызстанда аккан суудан таза агаларыбыз, инилерибиз бар экенин билем.
07.08.2010. 19:39 
Тайпасы:
Кыймылы жок
Комментарийлердин саны:
28
Катталган:
16-06-2010
Соӊку аракети:
24-06-2011 14:02
Жынысы:
Белгисиз
0
Урматтуу egolink сенин ким экенинди билбейм менимче эркек болсон керек анткени эркектер кылгылыкты кылып коюп ушинтип актана беришет.Асылбек байкеге рахмат ачуу да болсо чындыкты айтыптыр
09.08.2010. 03:11 
Тайпасы:
Кыймылы жок
Комментарийлердин саны:
100
Катталган:
07-02-2009
Соӊку аракети:
30-06-2016 10:15
Жынысы:
Белгисиз
Калаасы:
NY
0
sayasat kir degenge ko6ulam
09.08.2010. 22:31 
Тайпасы:
Кыймылы жок
Комментарийлердин саны:
142
Катталган:
29-05-2010
Соӊку аракети:
24-10-2012 02:52
Жынысы:
Белгисиз
Калаасы:
avstria
0
Men Asylbek agaydyn yrlaryn jakshy korom jana kop ugam. Ugup jatyp yilagan uchurlarymdy aytpay ele koyeyun. Jenishkul ejenin kitepterin, yr jyinaktaryn okuganda da es alyp kalasyn. Un ozgorot eken degenine kyzyktay bolup jatam, aytayin degenim, dagy koptogon yrlardy sizdin ununuz menen ukkandy samagandardy chekeden tapsa bolot.
Uy-buloonuz menen aman-esen bolunuz!!!
1
Комментарий калтыруу үчүн өз ысымыңыз менен кириңиз же каттоодон өтүңүз.
 
Бөлүмдүн статистикасы
соңку 15 мүнөт ичинде 0 колдонуучу (Катталган: 0, коноктор: 0) бул макаланы окуду:

Макалалардын саны:
21193;
 
Маалымат-маанайшат порталы
2006-2018 © SUPER.KG
Кыргыз Республикасы, Бишкек шаары,
Күрөӊкеев көчөсү - 180
"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.
Рейтинг@Mail.ru
Биз социалдык тармактарда: