КЫРГЫЗ ФУТБОЛЧУЛАРЫ БОРБОР АЗИЯ ЧЕМПИОНДУГУНДА 2-ОРУНДУ ЭЭЛЕШТИ

Футбол боюнча 15 жашка чейинки Кыргыз өлкөсүнөн кыздар курама командасы Борбор Азия футбол ассоциациясынын чемпиондугунда күмүш байгени жеңип алышты.

Мелдеш Өзбекстандын борбору Ташкент шаарында 13-16-сентябрь күндөрү болду. Ага Кыргыз Республикасынан тышкары Өзбекстан, Иран жана Тажикстандын курама командалары катышты.

Кыргыз курамасы Өзбекстанды 6:2, Тажикстанды 6:1 эсебинде ишенимдүү утуп алышты. Ал эми Иран менен болгон айыгышкан оюн 1:0 эсебинде каршылаштардын пайдасына жыйынтыкталды. Жыйынтыгында Кыргыз курамасы аталган мелдеште 2-орунду багындырып, күмүш байге тагынышты.

Кыргыз курамасынын оюнчусу Аяна Каратаева чемпиондуктун мыкты бомбардири аталды. Ал 3 оюнда 6 гол киргизе алган.

Кубан Жумамидинов
sport@super.kg

"Супер-Инфо" гезитинин материалдары жеке колдонууда гана уруксат. Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.

Комментарийлер (0)

Комментарий калтыруу үчүн өз ысымыңыз менен кириңиз же каттоодон өтүңүз.

№ 881, 19-25-сентябрь, 2019-жыл