GPS'тин СПУТНИКТЕРИ ЖАҢЫЛАНАТ

Учурда GPS спутниктик навигациясы жаңыланып жаткан маалы. 2023-жылы аталган багыт берүүчү программа мындан дагы жакшырарын чет элдик басылмалар жазууда. Учурда спутник аркылуу башкарылуучу бул системдин кызматынан колдонгондор көздөгөн чекитине 5-10 метр айырма менен жетип алышат.

GPS III системин иштеп чыгуу көптөн бери жасалып жаткан иш. Бул багытта АКШнын Коргоо министрлиги Жердин орбитасына 2 спутникти учурганы маалым. Бул үчүн АКШ миллиарддаган долларларды сарптап жатканы жазылат маалыматтарда. Жакынкы келечекте аталган министрлик дагы 9 спутникти коё берүүнү пландап жатат. Алардын ар бири 15 жылга чейин кызмат кылат. Азыркы спутниктерге караганда жаңылары көздөгөн чекитке 1-3 метр жакын алып барып, күчтүү сигналдары калың бетон дубал жана башка бардык тоскоолдуктардан өтө алат. Буга байланыштуу смартфондор жана навигаторлор маршруттарды так түзүп бериши шартталмакчы.

Гүлжан Асанкожоева
koom@super.kg

"Супер-Инфо" гезитинин материалдары жеке колдонууда гана уруксат. Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.

Комментарийлер (0)

Комментарий калтыруу үчүн өз ысымыңыз менен кириңиз же каттоодон өтүңүз.

№ 881, 19-25-сентябрь, 2019-жыл