Архив
844   845   846   847   848   849   850   851   852   853   854   855   856   857   858   859   860   861   862   863   864   865   866   867   868   869   870   871   872   873   874   875   876   877   878   879   880   881   882   883   884  
792   793   794   795   796   797   798   799   800   801   802   803   804   805   806   807   808   809   810   811   812   813   814   815   816   817   818   819   820   821   822   823   824   825   826   827   828   829   830   831   832   833   834   835   836   837   838   839   840   841   842   843  
740   741   742   743   744   745   746   747   748   749   750   751   752   753   754   755   756   757   758   759   760   761   762   763   764   765   766   767   768   769   770   771   772   773   774   775   776   777   778   779   780   781   782   783   784   785   786   787   788   789   790   791  
687   688   689   690   691   692   693   694   695   696   697   698   699   700   701   702   703   704   705   706   707   708   709   710   711   712   713   714   715   716   717   718   719   720   721   722   723   724   725   726   727   728   729   730   731   732   733   734   735   736   737   738   739  
635   636   637   638   639   640   641   642   643   644   645   646   647   648   649   650   651   652   653   654   655   656   657   658   659   660   661   662   663   664   665   666   667   668   669   670   671   672   673   674   675   676   677   678   679   680   681   682   683   684   685   686  
583   584   585   586   587   588   589   590   591   592   593   594   595   596   597   598   599   600   601   602   603   604   605   606   607   608   609   610   611   612   613   614   615   616   617   618   619   620   621   622   623   624   625   626   627   628   629   630   631   632   633   634  
531   532   533   534   535   536   537   538   539   540   541   542   543   544   545   546   547   548   549   550   551   552   553   554   555   556   557   558   559   560   561   562   563   564   565   566   567   568   569   570   571   572   573   574   575   576   577   578   579   580   581   582  
479   480   481   482   483   484   485   486   487   488   489   490   491   492   493   494   495   496   497   498   499   500   501   502   503   504   505   506   507   508   509   510   511   512   513   514   515   516   517   518   519   520   521   522   523   524   525   526   527   528   529   530  
427   428   429   430   431   432   433   434   435   436   437   438   439   440   441   442   443   444   445   446   447   448   449   450   451   452   453   454   455   456   457   458   459   460   461   462   463   464   465   466   467   468   469   470   471   472   473   474   475   476   477   478  
374   375   376   377   378   379   380   381   382   383   384   385   386   387   388   389   390   391   392   393   394   395   396   397   398   399   400   401   402   403   404   405   406   407   408   409   410   411   412   413   414   415   416   417   418   419   420   421   422   423   424   425   426  
322   323   324   325   326   327   328   329   330   331   332   333   334   335   336   337   338   339   340   341   342   343   344   345   346   347   348   349   350   351   352   353   354   355   356   357   358   359   360   361   362   363   364   365   366   367   368   369   370   371   372   373  
264   265   266   267   268   269   270   271   272   273   274   275   276   277   278   279   280   281   282   283   284   285   286   287   288   289   290   291   292   293   294   295   296   297   298   299   300   301   302   303   304   305   306   307   308   309   310   311   312   313   314   315   316   317   318   319   320   321  
217   218   219   220   221   222   223   224   225   226   227   228   229   230   231   232   233   234   235   236   237   238   239   240   241   242   243   244   245   246   247   248   249   250   251   252   253   254   255   256   257   258   259   260   261   262   263  
176   180   181   182   183   184   185   186   187   188   189   190   191   192   193   194   195   196   197   198   199   200   201   202   203   204   205   206   207   208   209   210   211   212   213   214   215   216  
Популярдуу макалалар

"ЧЫҢГЫЗ АЙТМАТОВДУН МУГАЛИМИ УЧУРДА КАРЫЛАР ҮЙҮНДӨ ЖАШАЙТ"

№883 3-9-октябрь, 2019-ж.


1-октябрда жыл сайын Карылардын эл аралык күнү белгиленет. Дал ушул күнү карылар үйүнө барып, алардын ал-акыбалын сурагандардын саны арбыйт. Төмөндө жылына бир жолу астейдил эске алынып, жасанып алып улгайгандар күнүн белгилеп, кубанып калышкан карылардын тагдырларын сунуштайбыз.

“КИЧҮҮ УУЛУМ КАЗА БОЛУП, БУЛ ЖАККА КЕЛГЕМ”

Жакындары тарабынан камкордукка алынбай калып, карылар үйлөрүндө баш калкалап калгандардын тагдыры аянычтуу. Биз бул ирет Бишкек шаарындагы карылар үйүнүн биринде болуп кайттык.

Карылар кеңешинин төрайымы Гүлипа Майнанкулова кичүү уулу каза болуп калган соң бул жакка келгенин айтат.

– Атым Гүлипа Майнанкулова, 1938-жылы Барскоондо туулгам. Билимим орто, 23 жашымдан баштап жеңил өнөр жайда өндүрүү тармагында иштедим. Бул жерге 2007-жылы 14-апрелде келгем. Күйөөм менен ажырашып кеткем. 2 уул 1 кызым менен 3 бөлмөлүү үйдө турчубуз. Балдарым бой жетип үйлөнүштү. Келиндерим бири-бири менен урушуп-кагыша башташты. Тагыраагы, 3 бөлмөлүү үйгө батпай баштадык. Кызым турмушка чыгып кеткенден кийин бул үйдү сатып эки балама эки башка үй алып берейин деп чечтим. Улуу уулума ошол эле подъездден 1 бөлмөлүү үй сатып бердик. Кийин кичүүсүнө өзүм да чогуу турам, ыңгайлуу болсун деп жер там издеп баштадык. Ошентип жүрүп бир күнү автокырсыктан кичүү уулум каза болуп калды. Бизде кыргызда билесиңер, азага да бир топ каражат коротобуз. Уулумду жерге берип, өлүк каадасын көрүп жүрүп кийин үй ала албай калдым. Таанышым аркылуу бул жакка келдим, мени 3 кишилик бөлмөгө киргизишти. Бош жүрбөйүн деп короо шыпырып, ашканага жардам берип жүрдүм. 10 айдан кийин мени карылар кеңешинин жетекчиси кылып шайлашып, атайын кабинет бөлүп беришти.

Улуу балам 54 жашта, келип турат, өзү неберелүү болгон. Кызым да бала бакыралуу болгон, бирок жолдошу каза болуп калды. Ар кимисинин өзүнчө турмушу бар. Мен балдарыма жүк болгум келбейт.Ооруп калсам алып кетем деп убара болбо дейм кызыма. Өзүң келип кетип турсаң мейли, сөөгүм деле ушул жерден чыксын деп отурам. Көзүм өтсө ушул жерде мени менен чогуу жашаган кишилерди ыраазы кылып кой деп жатам. Өзүмдүн бир туугандарымдын баары каза болуп калышкан.

“КАРЫЛАР ҮЙҮНӨ ӨЗ ЫКТЫЯРЫ МЕНЕН КЕЛГЕНДЕР КӨП”

– Балдары ата-энесин эшиктин алдына таштап кеткен 2-3 эле учур болду. Калгандары көпчүлүк учурда өздөрү келип алышат. Мен 13 жылдан бери бул жердемин. Акыркы кездери кыргыз балдардан ыйман кетип баратат дегенге кошулбайм. Бул менин жеке оюм. Себеби ушунча убакыт ичинде бизди ушул жерде жаштар, студенттер эле багып жатат десем болот. Жаштар кийим-кечени чогултуп келишет, тамак-аш, кир жуучу каражаттар, баарын ошолор эле алып келип беришет. Жөн эле келип короо-жайды тазалап, бөлмөлөрдү жууп, ишембилик өткөргөндөрү да бар. Анан мен кантип жаштардан ыйман кетти деп айтам? Москвада жүргөн мигрант балдар бир нече ирет акча салышкан, Алматыда иштеген кыргыз балдар, акча чогултуп даараткана салдырып берип кетишкен.

КАРЫЛАР ҮЙҮНӨН ТАБЫШЫП БАШ КОШКОНДОР

Карылар үйүнө келип баш кошкон 7 үй-бүлөнүн бири Курманалиевдердин үй-бүлөсү. Алтымыш аксакал бул жерде Карылар кеңешинин мүчөсү экенин айтып, буларга токтолду.

– Мен бул жерде 19 жылдан бери жашайм. Өзүм 1939-жылы Кеминде туулгам. Атамдын биринчи аялынан 3 кызы, кийинки аялынан дагы 3 кыз анан мен туулдум. Эжелеримдин баары каза болуп жалгыз калдым. 1958-жылдан тарта Бишкекте иштеп, жашап калдым. Аялым менен 2 балалуу болгондо ажырашып кеттик. Өзүм бут кийим оңдоп, жаңы бут кийим ултарып иштечүмүн. Кийин ар кимдин үйүндө батирлеп жүрдүм. Карыганда ушул жерге келип баш калкалап калдым. 3 жыл мурун мени Карылар кеңешине мүчө кылып алышты. Анда мүчөлөр чогулуп, тартип бузгандарды, эрежеге баш ийбегендерди тартипке салабыз. Ар кандай сынактарда ырдап-бийлеп активдүүлүгүмдү көргөзүп келем.

Ушул жакта жашагандардын баары бут кийим, сумкасы жыртылып калса мага кайрылышат. Балдарыбыздын улуусу мындан бир нече жыл мурун каза болуп калыптыр. Кичүү уулум анда-санда келип кабар алып жүрдү. Кийинчерээк такыр эле келбей калды, эмнеге экенин билбейм. Азыркы жубайым менен ушул жерден табышып, экөөбүз баш кошуп алганбыз.

“КАРЫЛАР ҮЙҮНӨ КЕЛГЕНИМДИ УГУП, БАЛАМ ЫЙЛАДЫ”

Көп жыл жетекчилик кызматтарда иштеп жүргөн Ашырбүбү Абдырахманова “бул жакта балдары таштап кеткени үчүн эмес, жашоо шартка байланыштуу келгендер көп” дейт.

– Мен Жалал-Абад облусунун Ала-Бука районунан болом. Жаш, эмгекке жарамдуу кезде жетекчилик кызматтарда иштеп жүрдүм. Райондун акимчилигин 9 жыл башкаргам. Аялдар конгрессинин 5-съездине делегат болуп чакырылгам.

2004-жылы күйөөмдүн көзү өтүп кеткен. Жалгыз уулум бар. Ал Ала-Бука райондук администрациясында иштейт, жеке бизнеси да бар, бала-чакалуу. Уулум жумушунан которулган сайын аны ээрчип жүрө бербейм да. Үйдө жалгыз калып калам. Карыган киши үчүн айылда жашагандын түйшүгү бар. Кышкысын үйдө жалгыз өзүм кыйналчу болдум, бутум да ооруйт. Кир жууш керек, отун-суу ташыш керек, көмүр түшүрүп, от жагыш деген көйгөйлөр көп.

Кийин шаарда жашаган иним “кышында айылда кыйналсаңыз менин үйүмдө жашаңыз” деп чакырган. Бир күнү интернеттен ушул жер тууралуу видео көрүп калдык. Анан келиниме "барып билип келчи, кимдер жашайт экен?" дедим. Ал келип бул жактын жетекчилиги менен таанышып, шарттарын көрүп келди. Мен ошол жерге жашайм деп чечтим. Угуп эле чочулап калышты. Албетте, башында “эл эмне дейт, инилери карабай коюптур” дешет деп каршы болушту. "Эл мен үчүн жашап бербейт, мага жашоо шартым жакшы болсо болду. Эл айтып-айтып кала берет" дедим. Уулум угуп алып “мен элдин бетин кантип карайм?” деп ыйлады. Ошентип келиним документтеримди даярдап берип, бул жакта жашап калдым. Келгениме 1 жыл 6 ай болду. Бул жер коомдук жай да, сүйлөшкөнгө, баарлашканга киши табасың. Кокус ооруп калсаң дарыгерлер бар. Шарттар жакшы, этсиз тамак болбойт, жуунуп-тазаланып алууга шарттар түзүлгөн. Коомдук иштерге катышабыз. Майрамдарда өзүбүз даярданып концерттик программа уюштурабыз.

“АР КИМИСИНИН АР БАШКА ТАГДЫРЫ БАР”

Бишкек шаардык улгайган жана ден соолугунун мүмкүнчүлүгү чектелген жарандар үчүн жалпы типтеги социалдык стационардык мекеменин директору Эркингүл Абдылдаева карылар тууралуу айтып берди.

– Бүгүнкү күндө мекемебизде 200гө жакын адам жашайт. 200 адамдын ичинен 70ке жакыны кыргыздар. Кыргыздар деп бөлүп айтканымды түшүндүрө кетейин. Негизи биздин менталитетте ата-энесин карылар үйүнө өткөрүп коюу деген уят нерсе болуп келген. Биз өзүбүз талдап көрдүк, эмнегедир мекемебизге кайрылган кыргыз карыяларынын саны жылдан жылга өсүүдө. Ушундай темп менен кете турган болсо бир кезде жалаң кыргыздар болуп калышы да ыктымал. Бул биринчи эле кезекте өлкөбүздөгү социалдык кырдаалга байланыштуу. Жумушсуздуктун айынан ички жана тышкы миграция күчөп, калктын эмгекке жарамдуу катмары өлкөдөн массалык түрдө чыгып кетүүдө. Натыйжада калктын аялуу бөлүгү болгон карыялар каралбай калып жатат. Балдары чет өлкөгө кетерде бирөөгө табыштап коюшат, бирок алар карабайт. Өзгөчө эркектердин саны көп. Себеби кемпири каза болуп калгандан кийин “келиним батырбай, карабай жатат” деп келгендер көп. Бул кыргыз элинин нравалык баалуулуктарынын түшкөнү десек да болот. Бизде жашагандардын теңинен көбү балдары бар туруп келип алгандар. Андан кийин жалгыздык себеп, балдары жумушка кетип, эки жакка басканды, баарлашууну, теңтуштары менен сүйлөшүүнү каалап, үйдө камалып жатпай мага эрмек керек деп келишет. Арак ичкен балдары пенсиясын талашып, “кол көтөрөт” деп келгендер да жок эмес. Бул жакта баш кошуп бирге жашаган түгөйлөр да бар. Учурда мындай үй-бүлөдөн жетөө жашап жатат.

“ЭҢ КАРЫ ЖАРАНЫБЫЗ 100 ЖАШТА”

– Мекемебиздеги эң кары адам быйыл 100гө чыкты. Ал улуу жазуучу Чыңгыз Айтматовду окуткан Крамарева Анна Семёновна. Анын быйыл 100 жылдык юбилейин белгиледик. Азыр кулагы укпай калган, кагаз-калем менен жазып сүйлөшөбүз.

Үй-бүлө мүчөлөрү улгайган ата-энесин кайра алып кеткен учурлар абдан аз. Кээде алып кетишсе, көнбөй кайра келип алышат. Баса, карылар күнүнө карата Жаңы жыл, Нооруз майрамдарына чукул гана жардам беребиз дегендер жанданып калышат. Мамлекеттен ар бир жашоочунун тамагына күнүнө 100 сомдон, дары-дармегине 12 сомдон бөлүнөт. Врачтар күнү-түнү нөөмөткө туруп, такай көзөмөлдөп турушат. Биз кызматкерлер аларды моралдык, психикалык, руханий, жактан колдоого, жардам берүүгө аракет жасайбыз. Иш-чаралар, экскурсиялар уюштурулат. Кол өнөрчүлүк кабинети бар. Кандай шарт түзсөң деле карыганда келиндин ысык чайын ичип, неберелерди тегеректетип жылуу-жумшак үйдө отурганга эмне жетсин деген көздөрдү сезебиз...

Баланын өзүн төрөйт, бирок кыял-жоругун кошо төрөбөйт эмеспи. Боор эт менен тең бала кийин ата-энесин боор этке тең көрөбү же жокпу, дээринен көз каранды. Небере эркелетип алардын ызы-чуусунан чарчоо ырахатынын ордуна терезе тиктеп телмирип отурган карылар жүрөктү оорутат. Ошондуктан ар бир ата-энеге баланы ыйманы менен берсин дейбиз.

Айпери Хожаева
koom@super.kg



"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.

Рейтинг: Рейтинг  1 
Комментарийлер(15)
07.10.2019. 09:06 
Тайпасы:
Жаран
Комментарийлердин саны:
196
Катталган:
18-09-2018
Соӊку аракети:
17-10-2019 20:31
Жынысы:
Белгисиз
+8
Сынтага албайм. Ойдодогу апа айткандай,ар кимдин жашоосу оз колунда.
07.10.2019. 11:35 
Тайпасы:
Жаран
Комментарийлердин саны:
6
Катталган:
24-12-2011
Соӊку аракети:
07-10-2019 11:35
Жынысы:
Белгисиз
Калаасы:
Ош
+10
Кудайым ай 9 жыл акимчиликти башкарып, анан карылар үйүндө калган апага кантейин. Мен да сын тага албайм, мен да карыйм, балдарыбызга ыйман берсин Жараткан.
07.10.2019. 12:04 
Тайпасы:
Жаран
Комментарийлердин саны:
1
Катталган:
02-06-2019
Соӊку аракети:
17-10-2019 17:40
Жынысы:
Белгисиз
-6
Чынгыз Айтматов 1928 жылы туулса,мугалими 1919-жылы туулган болсо 11 жашта мугалим болгон болобу?
07.10.2019. 12:50 
Тайпасы:
Жаран
Комментарийлердин саны:
196
Катталган:
18-09-2018
Соӊку аракети:
17-10-2019 20:31
Жынысы:
Белгисиз
+10
janym_balam,эмне чынгыз торолоор менен эле окуп кетиптирби.?? Жети жашында барса мектепке,эжейи 18 де болуп калат да. Ал убакта 7 классты эле бутушчу элдер,да еще кеч окушчу. Где логика??
07.10.2019. 12:57 
Тайпасы:
Жаран
Комментарийлердин саны:
1
Катталган:
02-06-2019
Соӊку аракети:
17-10-2019 17:40
Жынысы:
Белгисиз
+4
katerina.li,силер молодец экенсиңер да.
janym_balam түзөттү 2019-10-07 12:58:23
07.10.2019. 12:50 
Тайпасы:
Жаран
Комментарийлердин саны:
391
Катталган:
01-03-2018
Соӊку аракети:
17-10-2019 15:40
Жынысы:
Белгисиз
+4
janym_balam,Айтматов төрөлуп эле мектепке барган дейсинби? Балким 2 3 4 же 5 6 класында окуткандыр.Эсептесен 20 22 жаштарында мугалим болсо керек да
07.10.2019. 21:15 
Тайпасы:
Жаран
Комментарийлердин саны:
30
Катталган:
02-09-2015
Соӊку аракети:
17-10-2019 10:28
Жынысы:
Белгисиз
-5
janym_balam,КЫРГЫЗСТАН быйыл канча жашка чыкты? Туура жооп бералбасаныз 2 коюп салабыз
07.10.2019. 21:13 
Тайпасы:
Жаран
Комментарийлердин саны:
30
Катталган:
02-09-2015
Соӊку аракети:
17-10-2019 10:28
Жынысы:
Белгисиз
+8
Эххх окунучтуу... Кайда баратабыз? Ушул чыгарылыштан кийин Ашырбубу эжени баласы уйуно алып кетсе экен деп умут кылабыз (рай. администрацияда иштеген баласы)))
Балдарыбызга ыйман берсин , кудайым !?
Анан теманы жакшыле коюпсунар(Журналист) , ошончо барыпсынар, а Айтматовдун мугалиминен да бир эки ооз интервью алып койсонор соонун болмок, Айтматов жонундо сурап дегендей, кагаз менен жазышып болсо да.
Эмнеге билбейм тузу аз, супсак даярдалган!
08.10.2019. 04:35 
Тайпасы:
Жаран
Комментарийлердин саны:
16
Катталган:
04-06-2019
Соӊку аракети:
17-10-2019 19:28
Жынысы:
Белгисиз
+9
Баласы ыйлаптыр, келини карылар уйуно документ толтуруптур. Барып кабар алып келиптир шарттарын коруп, кантип жайгашса болоорун сурап. Тушунуктуу. Баарыбызга жаратканым ыйман, мээрим берсе экен.
08.10.2019. 11:38 
Тайпасы:
Жаран
Комментарийлердин саны:
67
Катталган:
26-01-2016
Соӊку аракети:
17-10-2019 09:23
Жынысы:
Белгисиз
Калаасы:
♡♡♡ОШ♡♡♡
+3
Тооба,баласы өзү менен кошо ала жүрсө болбойт бекен.
09.10.2019. 09:13 
Тайпасы:
Жаран
Комментарийлердин саны:
83
Катталган:
07-01-2012
Соӊку аракети:
15-10-2019 14:38
Жынысы:
Белгисиз
+5
Оо Кудай качан кыргыз карысын таштады эле кандай болгон күндө да алар төрдүн көркү го,жогоруда айтылгандай сын айта албайм тообо кылдым
09.10.2019. 20:23 
Тайпасы:
Жаран
Комментарийлердин саны:
7
Катталган:
17-05-2017
Соӊку аракети:
16-10-2019 20:55
Жынысы:
Белгисиз
-6
Evropada karilar uiuno ocheredke turushat antkeni karilar aitishat baldaribiz ozunun jashoosu bar dep ,balkim bizde da normalduu korunush bolot dep esepteim kelechekte
12.10.2019. 09:48 
Тайпасы:
Жаран
Комментарийлердин саны:
203
Катталган:
20-11-2010
Соӊку аракети:
16-10-2019 18:09
Жынысы:
Белгисиз
Калаасы:
Жалал-Абад
0
aimai,sen kiyin normalduu dep jasha
10.10.2019. 11:06 
Тайпасы:
Жаран
Комментарийлердин саны:
193
Катталган:
19-05-2014
Соӊку аракети:
17-10-2019 15:00
Жынысы:
Белгисиз
+3
Аким эжейдин баласы бизнеси болсо, акимчиликте иштесе эмнеге бир уйуно кызмат кылганы бироого акча толосо жардамдашып журотго. Же инилери бар экен озундо да бала бардыр ошону берип койсо кол арага жарап калгандыр эле.
10.10.2019. 14:35 
Тайпасы:
Жаран
Комментарийлердин саны:
313
Катталган:
13-05-2017
Соӊку аракети:
17-10-2019 17:21
Жынысы:
Белгисиз
+1
Кудай сактасын тообо кылдым ,жашоого сын жок туура айтасынар
1
Комментарий калтыруу үчүн өз ысымыңыз менен кириңиз же каттоодон өтүңүз.
 
Бөлүмдүн статистикасы
соңку 15 мүнөт ичинде 0 колдонуучу (Катталган: 0, коноктор: 0) бул макаланы окуду:

Макалалардын саны:
23044;
 
Маалымат-маанайшат порталы
2006-2019 © SUPER.KG
Кыргыз Республикасы, Бишкек шаары,
Жибек Жолу проспектиси 381
"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.
Рейтинг@Mail.ru
Биз социалдык тармактарда: