Архив
792   793   794   795   796   797   798   799   800   801   802   803   804   805   806   807   808   809   810   811   812   813   814   815   816   817   818   819   820   821   822   823   824   825   826   827   828   829   830   831   832   833   834   835   836  
740   741   742   743   744   745   746   747   748   749   750   751   752   753   754   755   756   757   758   759   760   761   762   763   764   765   766   767   768   769   770   771   772   773   774   775   776   777   778   779   780   781   782   783   784   785   786   787   788   789   790   791  
687   688   689   690   691   692   693   694   695   696   697   698   699   700   701   702   703   704   705   706   707   708   709   710   711   712   713   714   715   716   717   718   719   720   721   722   723   724   725   726   727   728   729   730   731   732   733   734   735   736   737   738   739  
635   636   637   638   639   640   641   642   643   644   645   646   647   648   649   650   651   652   653   654   655   656   657   658   659   660   661   662   663   664   665   666   667   668   669   670   671   672   673   674   675   676   677   678   679   680   681   682   683   684   685   686  
583   584   585   586   587   588   589   590   591   592   593   594   595   596   597   598   599   600   601   602   603   604   605   606   607   608   609   610   611   612   613   614   615   616   617   618   619   620   621   622   623   624   625   626   627   628   629   630   631   632   633   634  
531   532   533   534   535   536   537   538   539   540   541   542   543   544   545   546   547   548   549   550   551   552   553   554   555   556   557   558   559   560   561   562   563   564   565   566   567   568   569   570   571   572   573   574   575   576   577   578   579   580   581   582  
479   480   481   482   483   484   485   486   487   488   489   490   491   492   493   494   495   496   497   498   499   500   501   502   503   504   505   506   507   508   509   510   511   512   513   514   515   516   517   518   519   520   521   522   523   524   525   526   527   528   529   530  
427   428   429   430   431   432   433   434   435   436   437   438   439   440   441   442   443   444   445   446   447   448   449   450   451   452   453   454   455   456   457   458   459   460   461   462   463   464   465   466   467   468   469   470   471   472   473   474   475   476   477   478  
374   375   376   377   378   379   380   381   382   383   384   385   386   387   388   389   390   391   392   393   394   395   396   397   398   399   400   401   402   403   404   405   406   407   408   409   410   411   412   413   414   415   416   417   418   419   420   421   422   423   424   425   426  
322   323   324   325   326   327   328   329   330   331   332   333   334   335   336   337   338   339   340   341   342   343   344   345   346   347   348   349   350   351   352   353   354   355   356   357   358   359   360   361   362   363   364   365   366   367   368   369   370   371   372   373  
264   265   266   267   268   269   270   271   272   273   274   275   276   277   278   279   280   281   282   283   284   285   286   287   288   289   290   291   292   293   294   295   296   297   298   299   300   301   302   303   304   305   306   307   308   309   310   311   312   313   314   315   316   317   318   319   320   321  
217   218   219   220   221   222   223   224   225   226   227   228   229   230   231   232   233   234   235   236   237   238   239   240   241   242   243   244   245   246   247   248   249   250   251   252   253   254   255   256   257   258   259   260   261   262   263  
176   180   181   182   183   184   185   186   187   188   189   190   191   192   193   194   195   196   197   198   199   200   201   202   203   204   205   206   207   208   209   210   211   212   213   214   215   216  
Популярдуу макалалар
Akbuura gazeta

АГАЛАРДЫН БАКТЫСЫ ЖЕҢЕЛЕРДЕ

№406 13-19-август, 2010-ж.


“Ай, жеңелер, айдай жеңелер, Гүлдөй назик, суудай тунук биздин жеңелер...” деген Санжар Кошбай уулунун жеңелер жөнүндөгү ырын билбегендер чанда кездешсе керек. Жеңе – көпчүлүгүбүзгө жакын курдаш, сырдаш, санаалаш. Болгон сырыңды ата-энеңе, ага-эжеңе эмес, дал ушул адамга айтышың мүмкүн. Биз белгилүүлөрдөн сүйүктүү жеңелери тууралуу сураганыбызда төмөндөгүдөй жылуу кепке туш болдук.

Акбар Сүйүнбаев, ырчы:
“ЖЕҢЕМДИ ЖҮДӨТҮП, ТИЙИШКЕНДИ ЖАКШЫ КӨРӨМ”
– Менин эки жеңем бар. Экөө тең менин курагымда. Улуу агам Нурландын жубайы – Алина, Русландыкы – Кенжегүл. Экинчи байкем Руслан Нурландан биринчи үйлөнгөн. Кенжегүл алгачкы жеңем болгондуктанбы, Алина жеңеме караганда ага жакынмын. Ал биздин бүлөгө 2005-жылы кирген. Анда мен 2-курстун студенти элем. Бирөөнүн бүлөсүнө батуу оңой эмес го. Бирок жеңем тез эле аралашты. Атүгүл мага сырдаш да, курдаш да болуп кетти.
Жеңем дайыма менин бир жоругумду эстеп каткыра берет. Руслан байкем экөөбүз жатаканада жашачубуз. Ал кезде байкем менен жеңем кыз-жигит эле. Бир күнү агамды издеп таппай калдык. Жеңем аябай тынчсызданып алган. Анда телефон деген жок. Досунун үйүндө болуш керек деп ойлоп, экөөбүз издеп чыктык. Маршруткада бара жатсак, бир аз кызып калган киши жеңеме тийишип баштады. Мен кыжырым келип, өзүмдү араң кармап отургам. Анан тиги киши чегинен ашып кеткенде мен да тура калып айдоочуга маршрутканы токтоттуруп, аны сыртка сүйрөп чыгып, сабап салдым. Анда жеңемдин жүрөгү түшүп, бир аз эсине келгенде: “Агаң да мага мынчалык болушкан эмес”,- деп аябай таң калган.
Учурда Руслан байкемдер менен чогуу турам. Кийимим жуулбай, үтүктөлбөй калды деп кам санабайм. Алтындай болгон жеңем айттырбай баарын жасап коёт. Анан жеңемди чымчылап, жоолугунан тартып жүдөтүп, тийишкенди жакшы көрөм. Анда анын кыжыры келип, мени кубалап, экөөбүз күрөшүп кетебиз. Кээде алы келбей калса, суу чачат.
Кандай кыз менен сүйлөшпөйүн, жеңем ал тууралуу билет. Азыркы сүйлөшкөн кызымды жеңем жылдыздуу, бат тил табышып кетет экен деп бир көрүп жактырды. Болочок абысынын “менин сиңдим да, нарындык” деп калат. Мындай мамилелерин колдойм. Анан атаандашкан абысындардан эмес, сырдашкан, кеңешкен абысындардан болушса деп тилейм.


Нурзат Токтосунова, телеалпаруучу:
“ЖЕҢЕМ ЭКӨӨБҮЗ КӨП КЫЛМЫШ ЖАСАГАНБЫЗ”
– Оо, мен деген жеңеге баймын. Беш жеңем бар. Улуу жеңем менден 25 жаш улуу. Кичүү жеңем Ажар жаш болгондуктанбы, ага өзгөчө жакынмын. Ал жаңы келин болуп келгенде мен 5-класста окучумун. Кошуналар “каяктан келин алдыңар?” деп менден сурашса, мурчуюп “баягы эле Түптөн да” деп койгон экем. Себеби беш жеңем тең Түп районунан. Баягы “Келиндер козголоңу” спектаклиндеги кайненеге окшоп “келиндер” деп эле кыйкыра берчүмүн тыкылдап. Ошол мүнөзүмө чыдаган жеңелерим да азамат.
Мен жигит менен сүйлөшүү дегенди билген эмесмин. Агаларым аябай катуу болушчу. Үйдүн короосуна эч бир жигит жолочу эмес. Ажар жеңемдин бир окуясы эсимден кетпейт. Мага айылдагы билимдүү, чет жакта окуп келген жигит сүйүү катын жазып жүргөн, аны жеңем билчү. Бир күнү ал келип, үйдүн сыртындагы отургучта отурса, жеңем “кокуй, тиги отургучта отурат, байкең азыр өлтүрөт” деп менден ашып бушайман болуп жүрөт. Аягында ал жигит “балдарды күтүп отурам” деп агамды алдап коюптур.
Жеңем экөөбүз көп кылмыш жасаганбыз. Алардын көбүн үйдөгүлөр билишпейт. Ал оюнкарак болчу. Экөөбүз ойноп кетип, жеңем жумуштарын бүтүрбөй, ызы-чуу эле болуп калчубуз. Бир жолу апамдар “жаңы туулган кулунду жакшылап карагыла” деп конокко кетишти. Биз аларды “ооба, бара бергиле” деп жөнөтүп, анан оюнга берилип, кулунду унутуп коюптурбуз. Ал байкуш арыктан суу ичем деп тайып түшкөн окшойт, ордунан тура албай өлүп калыптыр. Апам “карабай эмне кылдыңар?” деп жаңжал салганда биз “жылан чагып өлүп калды, биз көрдүк” деп алдаганбыз. Мындай кылмыштардын саны көп.


Азамат Байматов, футболчу:
“ЖЕҢЕМДИ ЖАШЫРУУН ЖОЛУГУШУУГА ЧАКЫРЫП...”
– Үй-бүлөдө үч бир тууганбыз: Артур агам, мен жана иним. Бизде кыз бала болбогон соң агам үйлөнгөндө сүйүнүчүбүз көккө жеткен. Биз аны жеңе катары эмес, бир туугандай кабыл алдык. Шарипа жеңем 24 жашта. Экөөбүздүн жылдыз белгибиз Жаачы болгондуктанбы, айтор, мүнөзүбүз дал келип, оңой эле тил табышабыз.
Жеңем тамакты мыкты жасайт. Мага анын жасаган салаттары жагат. Биздин үй-бүлө “Оливье” салатын жакшы көрөбүз. Сыягы, агам ошол салатты мыкты жасай алсаң, анан алам деп койгон окшойт (күлүп). Анын колунан даярдалган бүт тамак-ашты тамшанып жейсиң.
Жеңемдин жароокер, акылдуу, агама татыктуу жубай болуп бере аларын алар үйлөнгөнгө чейин эле билгем. Кантип дебейсиңерби? Агам үйлөнөм деп толкунданып үйгө келди, апамдарга болочок жубайын мактап. Анан мен мактаган кызын текшерейин деп Артурдун телефонунан болочок жеңемдин телефон номерин алдым. Ага ашык болгон жигит болуп тийиштим. Кайра-кайра оюм түз экенин, көптөн бери сыртынан жактырып жүргөнүмдү айтып, жолугушууга келүүсүн абдан сурандым. Жок, эч макул болбой, “менин сүйгөнүм бар, ага жакында турмушка чыгам” деп туруп алгандан кийин агама туруктуу жубай болуп берерине көзүм жетти.
Жеңемдин мыктылыгын анын салт-санааны жакшы билгендигинен да көрүүгө болот. Мени азыркы келиндерче атымдан атабай, "бала" деп тергейт. Экөөнүн Адэлина аттуу татынакай наристеси бар. Жакында эле карындашымдын бакчасында чакан майрам болду. Агам бара албай, жеңем менен мен бардым. Бөбөгүмдүн талантына суктана карап, мен да балалуу болгум келип кетти.


Сапар Эркебаев, ырчы:
“ЖЕҢЕЛЕРИМ МЕНЕН АНЧА ЖАКШЫ ЭМЕСМИН”
– Негизи эле кайни менен жеңенин мамилеси жакшы болуп, көпчүлүк жигиттер жеңелери менен сырдаш, дос болушат го. Меники эмнегедир баары тескерисинче. Эки жеңем бар. Улуу агам Бакыттын жубайы – Айнагүл. Ал эми Талант байкем турмушта жолу болбой, үч жолу үйлөндү. Жеңелердин турмушка тыңдыгы жакшы. Бирок ашыкча тың болгонуна кубанбайт деле экенсиң. Тастаңдап, апаңа каяша айтып, сөз кайрып турса, анан кантип жеңең менен жакшы болосуң? Мындай кырдаалдарга учураганда “менин аялым апама каяша сүйлөсө, моюнун жулуп коём” деп өзүмө сөз бергем.
Жеңелерим менен анча жакшы эмесмин. Талант байкемдин экинчи жубайы Эльвира жеңем менен гана башкаларга салыштырмалуу жакшы болчумун. Ал сый-урмат дегенди билчү. Бишкектен үйгө түндө барып калсам да, ысык чайын берүүдөн баш тартчу эмес. Мына ошондой жеңеңдин жакшылыгын көргөндө ичиң жылыйт да. Экөө көпкө чейин наристелүү боло алышпай, кол үзүшүүгө туура келди окшойт. Учурда Талант байкем үчүнчү жубайы Ыкыбал менен өмүр сүрүүдө. Ал жеңемди мен жакшы тааныбайм. Ата-энеме кылган мамилеси берки жеңеме караганда түзүк экен. Ыкыбал жеңем медицина кызматкери болгон соң ата-энемдин ден соолугун карап, каректери менен тең айланып турат. Ошонусуна шүгүр.


Назира Жетигенова, куудул:
“ЖЕҢЕМДИ БИР ТУУГАНЫМДАН КЕМ КӨРБӨЙМ”
– Жеңем Дамира биздин үйгө келин болуп келгенде мен 6-класста окучумун. Агамдын келин алып келе жатат дегенин укканда мен тимеле жасанып алгам. Өмүрү көйнөк кийбеген жаным артист көйнөк кийип, чачымды жасап алып аябай күткөнүм такыр эстен кетпейт. Жеңем келгенде кол узарып, мен такыр жумуш кылбай, оңуп эле калдым.
Чоңоюп бой жеткенде жеңем мага жеңелик милдетин аткарып жүрдү. Жолдошум экөөбүз кыз-жигит болуп жүргөн кезде мени жолугушууга чакырып калды. Апамдан кантип суранарымды билбей турганда жеңем шылтоо таап, "таенемдин үйүнө барам деп айт" деп өзү ишендире айтып, айтор, акыры жолугушууга барып келгем. Үйдөгүлөр билбей калышкан.
Биз Бишкекке келгенибизде жеңемдер да Таластан көчүп келишти. Кандай тамак жегенди кааласак, жеңеме чалып заказ кылып койчубуз. Унчукпай жасап, бизди кучак жайып тосуп алчу.
Кээде байкем менен жеңем урушуп кетсе, баарыбыз жеңем тарапта болчубуз. Ошондо агам чычалап, “силер менин бир тууганымсыңарбы же Дамираныкыбы?” деп ызырынып алып, анан ачуусу тарап кетчү. Алмаз акем 1999-жылы каза болуп калды. Жеңем “эки баланы чоңойтом, башка турмушка чыкпайм” деген. Учурда Орусияда. Аны менен ар күнү болбосо да, күн алыс кабарлашып турабыз. Жагымдуу кабар болсо, мен ага, ал мага айтууга шашылабыз. Капа болгондо бири-бирибизди сооротуп, кеп-кеңешибизди айтуудан баш тартпайбыз. Экөөбүз эч качан кайын сиңди-жеңедей болгон жокпуз. Бири-бирибизге жакын курдаш, насаатчыбыз. Жеңекем акылдуу, сөздү орду менен сүйлөгөн, аткарган ишине так, аябай жакшы адам. Балдарын элден кем кылбай өзү тарбиялап жатканына баа берем. Биз да аларга жардам берип, балдарына төркүн болуп турабыз. Дамира жеңемди бир тууганымдан кем көрбөйм.

Бактыгүл Сокушова
star@super.kg



"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.

Рейтинг: Рейтинг  5 
Комментарийлер(6)
13.08.2010. 22:52 
Тайпасы:
Кыймылы жок
Комментарийлердин саны:
15
Катталган:
31-07-2010
Соӊку аракети:
09-01-2014 21:06
Жынысы:
Белгисиз
Калаасы:
Туулуп оскон шаарым
0
А Менин женелерим ыймандуу,боорукер!!!
14.08.2010. 04:47 
Тайпасы:
Тартип бузгандар
Комментарийлердин саны:
55
Катталган:
07-06-2010
Соӊку аракети:
20-05-2014 18:33
Жынысы:
Белгисиз
0
a men jenem kandai ekenin bilbeym, ozuncho jashap algam
14.08.2010. 17:23 
Тайпасы:
Жаран
Комментарийлердин саны:
265
Катталган:
25-03-2007
Соӊку аракети:
06-09-2017 17:06
Жынысы:
Белгисиз
Калаасы:
bishkek
0
jakshyken. Menda uluu jenem menen jakshymyn, kynks menen symn. Negz sy ele bolgon jakshgo chogu jashaba ele.
16.08.2010. 19:12 
Тайпасы:
Кыймылы жок
Комментарийлердин саны:
46
Катталган:
29-05-2010
Соӊку аракети:
24-10-2012 02:52
Жынысы:
Белгисиз
Калаасы:
avstria
0
Menin jenem tamakty ayabay jakshy jazayt, Kyrgyzstanga bargan sayin, kaalagan tamagymdy jasap beret. Eh, baykem menen aman bolushsun.
20.08.2010. 02:18 
Тайпасы:
Кыймылы жок
Комментарийлердин саны:
17
Катталган:
04-09-2008
Соӊку аракети:
12-03-2014 13:51
Жынысы:
Белгисиз
0
Менда кайниме жакшы жене болом ;-).
14.09.2010. 13:02 
Тайпасы:
Жаран
Комментарийлердин саны:
583
Катталган:
17-03-2008
Соӊку аракети:
29-05-2017 09:11
Жынысы:
Белгисиз
Калаасы:
Бишкек
0
Башынан эле мамилелери жакшы эмес окшойт, эми Сапар агаларынын үйүнө кирбей калбаса болду. Ортодо сый мамиле болгонуна не жетсин?
1
Комментарий калтыруу үчүн өз ысымыңыз менен кириңиз же каттоодон өтүңүз.
 
Бөлүмдүн статистикасы
соңку 15 мүнөт ичинде 0 колдонуучу (Катталган: 0, коноктор: 0) бул макаланы окуду:

Макалалардын саны:
21471;
 
Маалымат-маанайшат порталы
2006-2018 © SUPER.KG
Кыргыз Республикасы, Бишкек шаары,
Күрөӊкеев көчөсү - 180
"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.
Рейтинг@Mail.ru
Биз социалдык тармактарда: