Архив
844   845   846   847   848   849   850   851   852   853   854   855   856   857   858   859   860   861   862   863   864   865   866   867   868   869   870   871   872   873   874   875   876   877   878   879   880   881   882   883   884  
792   793   794   795   796   797   798   799   800   801   802   803   804   805   806   807   808   809   810   811   812   813   814   815   816   817   818   819   820   821   822   823   824   825   826   827   828   829   830   831   832   833   834   835   836   837   838   839   840   841   842   843  
740   741   742   743   744   745   746   747   748   749   750   751   752   753   754   755   756   757   758   759   760   761   762   763   764   765   766   767   768   769   770   771   772   773   774   775   776   777   778   779   780   781   782   783   784   785   786   787   788   789   790   791  
687   688   689   690   691   692   693   694   695   696   697   698   699   700   701   702   703   704   705   706   707   708   709   710   711   712   713   714   715   716   717   718   719   720   721   722   723   724   725   726   727   728   729   730   731   732   733   734   735   736   737   738   739  
635   636   637   638   639   640   641   642   643   644   645   646   647   648   649   650   651   652   653   654   655   656   657   658   659   660   661   662   663   664   665   666   667   668   669   670   671   672   673   674   675   676   677   678   679   680   681   682   683   684   685   686  
583   584   585   586   587   588   589   590   591   592   593   594   595   596   597   598   599   600   601   602   603   604   605   606   607   608   609   610   611   612   613   614   615   616   617   618   619   620   621   622   623   624   625   626   627   628   629   630   631   632   633   634  
531   532   533   534   535   536   537   538   539   540   541   542   543   544   545   546   547   548   549   550   551   552   553   554   555   556   557   558   559   560   561   562   563   564   565   566   567   568   569   570   571   572   573   574   575   576   577   578   579   580   581   582  
479   480   481   482   483   484   485   486   487   488   489   490   491   492   493   494   495   496   497   498   499   500   501   502   503   504   505   506   507   508   509   510   511   512   513   514   515   516   517   518   519   520   521   522   523   524   525   526   527   528   529   530  
427   428   429   430   431   432   433   434   435   436   437   438   439   440   441   442   443   444   445   446   447   448   449   450   451   452   453   454   455   456   457   458   459   460   461   462   463   464   465   466   467   468   469   470   471   472   473   474   475   476   477   478  
374   375   376   377   378   379   380   381   382   383   384   385   386   387   388   389   390   391   392   393   394   395   396   397   398   399   400   401   402   403   404   405   406   407   408   409   410   411   412   413   414   415   416   417   418   419   420   421   422   423   424   425   426  
322   323   324   325   326   327   328   329   330   331   332   333   334   335   336   337   338   339   340   341   342   343   344   345   346   347   348   349   350   351   352   353   354   355   356   357   358   359   360   361   362   363   364   365   366   367   368   369   370   371   372   373  
264   265   266   267   268   269   270   271   272   273   274   275   276   277   278   279   280   281   282   283   284   285   286   287   288   289   290   291   292   293   294   295   296   297   298   299   300   301   302   303   304   305   306   307   308   309   310   311   312   313   314   315   316   317   318   319   320   321  
217   218   219   220   221   222   223   224   225   226   227   228   229   230   231   232   233   234   235   236   237   238   239   240   241   242   243   244   245   246   247   248   249   250   251   252   253   254   255   256   257   258   259   260   261   262   263  
176   180   181   182   183   184   185   186   187   188   189   190   191   192   193   194   195   196   197   198   199   200   201   202   203   204   205   206   207   208   209   210   211   212   213   214   215   216  
Популярдуу макалалар

КЫҢЫР ИШ КЫРК ЖЫЛДА... ОШТО 1 ЖЫЛ МУРУН КАЗА ТАПКАН АДАМДЫН ӨЛҮМҮНӨ ШЕКТЕЛИП ИНИСИ КАРМАЛДЫ

№883 3-9-октябрь, 2019-ж.


Ош шаарында бир тууган агасын өлтүрүп, ээн талаага алып барып өрттөп, көмүп салган деп шектелип, маркумдун 23 жаштагы иниси кармалды. Окуя 2018-жылдын сентябрь айында болгон. Бул окуяны көргөн күбө болгон эмес. Кыңыр иш жыл айланган соң билинип, шектүү кылмышты моюнуна алды.

“АГАСЫН ОРУСИЯГА КЕТТИ ДЕП КОЙЧУ ЭКЕН”

Ош ШИИББи бул окуя тууралуу төмөнкүчө маалымат таратты.

- Ош шаардык ички иштер башкармалыгына Төлөйкөн айылынын тургундары тарабынан аталган айылдын жашоочусу А.у.Ж. жакындары тарабынан өлтүрүлүп, үйүнүн батыш тарабындагы ээн талаага көмүлгөндүгү тууралуу маалымат келип түшкөн. Алынган маалыматты тактоо, иликтөө иштери жүргүзүлгөн соң Ош шаардык ички иштер башкармалыгынын кызматкерлери 23-сентябрда шектүүнү кармашкан. Ал Төлөйкөн айылынын 1996-жылы туулган А.у.А. аттуу тургуну экени маалым болду. Шектүү убактылуу кармоочу жайга киргизилип, алгачкы тергөөнүн жүрүшүндө жасаган кылмышын моюнуна алды.

Ал өз агасын 2018-жылдын сентябрь айында, ээн талаага алып барып, машинанын эски дөңгөлөктөрү менен кошо өрттөп, денесинин өрттөнгөндөн калган калдыктарын көмүп койгондугун айтып берди. «Агам кичинекей кезимден баштап мени көп урушчу, көпчүлүктүн көзүнчө шылдыңдай берчү, сабачу. Ал күнү да келип эле мага тийишип, ура баштады. Мен ачууланып, от жаккан жерде турган темир көсөө менен башка чаап жибердим. Байкем жерге жыгылып, дем албай калды. Мен анын жансыз денесин эч кимге билдирбей жок кылуу үчүн талаага алып барып өрттөп, ошол жерге көмүп койдум. Сурагандарга «Орусияга кеттим» деп үйдөн чыгып кетти» деп айтып жүрдүм» деп көрсөтмө берди шектүү. Бул факт боюнча Ош шаардык ички иштер башкармалыгынын тергөө кызматы тарабынан Жазык кодексинин адам өлтүрүү беренесинин негизинде кылмыш иши ачылып, кылмыштардын жана жоруктардын бирдиктүү реестрине катталып, тергөө иштери жүрүп жатат.

“БИРӨӨГӨ АЙТСАҢ ӨЛТҮРӨМ ДЕП КОРКУТКАН”

Ош ШИИББинин маалымат катчысы Замир Сыдыков шектүү бул окуя тууралуу жакындарынын бирине айтып, бирок аны “бирөөгө айтсаң өлтүрөм” деп коркутканын кошумчалады.

-Апасы, карындаштары ошол күнү үйдө болгон эмес. Шектүүнүн айтымында, агасы мас болуп келип алып, дайыма чыр чыгарчу экен. Алардын атасы 2004-жылы каза болуп калыптыр. Аракечтиктин айынан үйүндөгүлөргө тынчтык бербегендиктен ал мас болуп келгенде баары ар кай жакка качып кетишчү экен. Кылмыш болгон күнү мас болуп келгенин билген апасы кыздарын алып үйдөн качып кеткен. Үйдө маркумдун иниси жалгыз калган. Агасын өлтүрүүгө анын мас болуп алып ачуусуна тийгени себеп болгонун айтууда. Төлөйкөн айылынын баш жагы эгин талаасы менен башталат. Андан кийин эч ким жашабаган адыр жана Ноокатка кеткен жол бар. Ошол жакка алып барып унаанын эски дөңгөлөктөрү менен чогуу агасын өрттөп, калган сөөктөрүн көмүп салган. Агасын өлтүрүп алганы тууралуу жакындарынын бирине айтып, бирок “бирөөгө айтсаң өлтүрөм” деп коркуткан.

“КОКУСТАН ӨЛТҮРҮП АЛДЫМ”

Шектүү А.у.А. тергөө абагына 2 айга камалды. Ал кылган кылмышын моюнга алып, тергөөдө төмөнкүчө көрсөтмө берген.

- Ошол күнү кечки саат тогуздарда үйгө барсам үйдө эч ким жок экен. Апам карындаштарымды алып үйдөн чыгып кетишиптир. Кеч болуп калгандыктан үйдө жатып, уктап калгам. Бир убакта байкем 2 шише арак, пиво алып келди. Мени тургузуп мээмди жеп, эзип, болбогон нерселерди айтып ура баштады. Желкеме отвёртка менен аёосуз сайгылады. Мен чыдабай каршылык көрсөткөндө экөөбүз урушуп кеттик. Аны кокустан өлтүрүп алдым. Үйдө жаткан темир көсөө менен чаап жибердим. Ал цементке кулап түштү, ошондо каракуш мээси менен тийген окшойт. Бетине суу чачып өзүнө келтиргенге аракет кылдым. Бирок көзүн ачкан жок. Коркуп кеткенимден агамдын сөөгүн адырга алып барып, ээн жерге көмүп койдум. Ал күнү үйдө эч ким жок болгондуктан кылмышым тууралуу билбей калышты. Агамды сурагандарга “Орусияга иштегени кетти” деп коюп жүрдүм.

“ОРУСИЯГА КЕТТИ ДЕГЕНИНЕ ИШЕНИП ЖҮРГӨНБҮЗ”

Бул үй-бүлө тууралуу Төлөйкөн айылынын тургундарынан сурап көрдүк. Атын атагысы келбеген тургун маркумду дагы, шектүүнү дагы жакшы тааныйт. Каза болуп калган адам ичкиликтин айынан ажал тапканын айтат. Ичпесе кишиге зыяны жок жакшы адам эле дейт.

- Маркум А.у.Ж. чындыгында аракеч болуп кеткен. Бир ичкенде 10-15 күн арактан башы чыкпай жүрүп алчу. Соо кезинде жакшы эле жайдары киши болчу. 8-9 жылдан бери экскаватор айдап иштеп келген. Үй-бүлө кура элек, 28 жашка эми чыккан. Иниси мектепти бүткөндөн кийин жогорку окуу жайда окуган жок. Ош шаарында соода менен алектенип, үй-бүлөнү ошол жигит багып жүргөн. Апасы жана 2 карындашы айылда эле жашашат. Маркумдун Орусияга кетем дегенин укпаптырбыз. Бирок "Бишкекке барып иштеп келсем" дегенин кулагым чалган. Көптөн бери көрүнбөй калганынан Орусияга кетти дегенге ишенип эле жүргөм, анткени азыр кимдер гана ал жакка барып иштеп келген жок? Көрсө, андай эмес тура.

Кокустук дейбизби, башка түшкөн кырсык дейбизби, кандай болгон күндө да 30га чыкпай 1 адам каза болуп, анын артынан үй-бүлөнү баккан жаш жигит темир тор артына камалды. Ушундай окуялардын көбүнө ичкилик күнөөлүү экенин баарыбыз түшүнүп турабыз. Бирок кейиштүү окуялар тыйылчудай эмес.Арак адамдардын тагдырына балта чаап, дагы канчанын өмүрүн алат?

Айпери Хожаева
koom@super.kg



"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.

Рейтинг: Рейтинг  0 
Комментарийлер(5)
07.10.2019. 12:29 
Тайпасы:
Жаран
Комментарийлердин саны:
40
Катталган:
06-02-2017
Соӊку аракети:
16-10-2019 02:27
Жынысы:
Белгисиз
Калаасы:
убактылуу жашоодо!!!
+2
Чырактай бала омуру темир тордо отот туура кудайым ыйман берсин
07.10.2019. 16:08 
Тайпасы:
Конок
Комментарийлердин саны:
0
Катталган:
18-07-2019
Соӊку аракети:
16-10-2019 17:01
Жынысы:
Белгисиз
+9
Ичкиликтин артынан.
Балага женил эле жаза берилсе экен.
07.10.2019. 16:57 
Тайпасы:
Жаран
Комментарийлердин саны:
383
Катталган:
28-09-2011
Соӊку аракети:
17-10-2019 12:46
Жынысы:
Белгисиз
+1
Апасы тосмо арыз жазып жалгыз бизди бакан бала деп чыгарып алса болбойт бекен? Бирок антейин десен чекеден бир туугандар олтуруп башташат. Женилиреек жаза алсын эми. Баары арактанда.
11.10.2019. 12:39 
Тайпасы:
Конок
Комментарийлердин саны:
1
Катталган:
12-08-2019
Соӊку аракети:
17-10-2019 18:05
Жынысы:
Белгисиз
+1
Аракты жок кылса болбойт бекен э. Ошончо митинг кылабыз. Аракты жок кылууга Ким каршы чыгат. Аракты пайдасын Ким корду. Жок кылабыз деген ойго Ким кошулат экен э?
12.10.2019. 15:39 
Тайпасы:
Конок
Комментарийлердин саны:
1
Катталган:
15-07-2019
Соӊку аракети:
17-10-2019 09:55
Жынысы:
Белгисиз
0
Окунучтуу
1
Комментарий калтыруу үчүн өз ысымыңыз менен кириңиз же каттоодон өтүңүз.
 
Бөлүмдүн статистикасы
соңку 15 мүнөт ичинде 0 колдонуучу (Катталган: 0, коноктор: 0) бул макаланы окуду:

Макалалардын саны:
23044;
 
Маалымат-маанайшат порталы
2006-2019 © SUPER.KG
Кыргыз Республикасы, Бишкек шаары,
Жибек Жолу проспектиси 381
"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.
Рейтинг@Mail.ru
Биз социалдык тармактарда: