Архив
844   845   846   847   848   849   850   851   852   853   854   855   856   857   858   859   860   861   862   863   864   865   866   867   868   869   870   871   872   873   874   875   876   877   878   879   880   881   882   883   884  
792   793   794   795   796   797   798   799   800   801   802   803   804   805   806   807   808   809   810   811   812   813   814   815   816   817   818   819   820   821   822   823   824   825   826   827   828   829   830   831   832   833   834   835   836   837   838   839   840   841   842   843  
740   741   742   743   744   745   746   747   748   749   750   751   752   753   754   755   756   757   758   759   760   761   762   763   764   765   766   767   768   769   770   771   772   773   774   775   776   777   778   779   780   781   782   783   784   785   786   787   788   789   790   791  
687   688   689   690   691   692   693   694   695   696   697   698   699   700   701   702   703   704   705   706   707   708   709   710   711   712   713   714   715   716   717   718   719   720   721   722   723   724   725   726   727   728   729   730   731   732   733   734   735   736   737   738   739  
635   636   637   638   639   640   641   642   643   644   645   646   647   648   649   650   651   652   653   654   655   656   657   658   659   660   661   662   663   664   665   666   667   668   669   670   671   672   673   674   675   676   677   678   679   680   681   682   683   684   685   686  
583   584   585   586   587   588   589   590   591   592   593   594   595   596   597   598   599   600   601   602   603   604   605   606   607   608   609   610   611   612   613   614   615   616   617   618   619   620   621   622   623   624   625   626   627   628   629   630   631   632   633   634  
531   532   533   534   535   536   537   538   539   540   541   542   543   544   545   546   547   548   549   550   551   552   553   554   555   556   557   558   559   560   561   562   563   564   565   566   567   568   569   570   571   572   573   574   575   576   577   578   579   580   581   582  
479   480   481   482   483   484   485   486   487   488   489   490   491   492   493   494   495   496   497   498   499   500   501   502   503   504   505   506   507   508   509   510   511   512   513   514   515   516   517   518   519   520   521   522   523   524   525   526   527   528   529   530  
427   428   429   430   431   432   433   434   435   436   437   438   439   440   441   442   443   444   445   446   447   448   449   450   451   452   453   454   455   456   457   458   459   460   461   462   463   464   465   466   467   468   469   470   471   472   473   474   475   476   477   478  
374   375   376   377   378   379   380   381   382   383   384   385   386   387   388   389   390   391   392   393   394   395   396   397   398   399   400   401   402   403   404   405   406   407   408   409   410   411   412   413   414   415   416   417   418   419   420   421   422   423   424   425   426  
322   323   324   325   326   327   328   329   330   331   332   333   334   335   336   337   338   339   340   341   342   343   344   345   346   347   348   349   350   351   352   353   354   355   356   357   358   359   360   361   362   363   364   365   366   367   368   369   370   371   372   373  
264   265   266   267   268   269   270   271   272   273   274   275   276   277   278   279   280   281   282   283   284   285   286   287   288   289   290   291   292   293   294   295   296   297   298   299   300   301   302   303   304   305   306   307   308   309   310   311   312   313   314   315   316   317   318   319   320   321  
217   218   219   220   221   222   223   224   225   226   227   228   229   230   231   232   233   234   235   236   237   238   239   240   241   242   243   244   245   246   247   248   249   250   251   252   253   254   255   256   257   258   259   260   261   262   263  
176   180   181   182   183   184   185   186   187   188   189   190   191   192   193   194   195   196   197   198   199   200   201   202   203   204   205   206   207   208   209   210   211   212   213   214   215   216  
Популярдуу макалалар

КОРЕЙ ШОУ-БИЗНЕСИНИН "КАРАҢГЫ" ТАРАБЫ ЖЕ СЕКСУАЛДЫК ЗОМБУЛУККА КАБЫЛГАН ЖЫЛДЫЗДАР

№883 3-9-октябрь, 2019-ж.


Учурда К-рор музыкасы, дорамалары дүйнөнү каптап баратканы талашсыз. Миллиондогон күйөрман күтүп, сахнада жаркырап жүргөн жылдыздардын көшөгө артындагы түйшүгү канчалык экенин көпчүлүк биле бербейт. #MeeToo (#МенДагыАйтсамБолобу #МенАйтканданКоркпойм) 2017-жылы бул хештег Голливудду титиреткен. Голливуд жылдыздары: ырчы Мадонна, актрисалар Анжелина Жоли, Гвинет Пэлтроу, Кара Делевинь, модель Жейн Доу жана башка 70тен ашык аял белгилүү кинопродюсер Харви Вайнштейнди «роль берем, атактуу актриса, ырчы кылам, жумуш менен камсыздайм» деген шылтоо менен сексуалдык зомбулук кылганын айтып чыгышкан. Зомбулукка кабылганын айткан аялдардын чынжыры уланып отуруп, «Forbes» басылмасынын эсеби менен 700гө жакын аял коомчулукка сексуалдык зомбулукка туш болгонун жарыялашкан.

Дал ушундай эле маселе Түштүк Кореяда да абдан өнүккөн. Маданият тармагына келсек, өзгөчө жаңыдан актрисалыкка же ырчылыкка кадам таштаган кыздар чыгармачылыгынын өнүгүүсүнө салым кошом дегендердин курмандыгына айланышат. Бири бул кордукка чыдап жашап келсе, экинчиси өз өмүрүн кыйып, анын себеби «депрессия, стресс» деп аталып кала берет. Албетте, бардыгы дегенден алыспыз, бирок мындай мисалдар аз эмес. Төмөндө сексуалдук зомбулукка кабылгандыгын ачык айтып чыккан корей шоу-бизнес өкүлдөрүнө токтолобуз.

Ali, ырчы: «ЖААГЫМ СЫНГЫЧА БЕТИМЕ МУШТАЙ БЕРИПТИР...»

2008-жылы Түштүк Корея элин титиреткен окуя катталып, анда 8 жаштагы кыз мыкаачылык менен зордукталган. 2011-жылы ырчы, обончу Ali ошол зордукталган кыз тууралуу ыр жазып, угармандарга тартуулайт. Бирок көпчүлүк ырчыны «кыздын унута албай жүргөн коркунучтуу күндөрүн эске салган» деп катуу сынга алышкан. Ырчынын агенттиги ырды бардык музыкалык платформалардан алып салууга аргасыз болгон. Ал эми Ali өз чындыгы менен бөлүшкөн: «Ыр аркылуу жамандык жасайм деп ойлогон эмесмин. Кетирген кемчилигим үчүн ал кыздын жакындарынан кечирим сурайм. Сынга кабылган чыгармада бир гана кичине кыздын эмес, менин да башымдан өткөн окуя камтылган.

Мен чыгармачылыгымды топтун курамында баштагам. 2008-жылдын июнь айы эле, ошол топтогу музыканттардын бири мени катуу сабап салды. Башка, бетке муштап жатканын билем, анан эс-учумду жоготтум. Жаак сөөгүм сынып, мээм чайкалгыча бетиме муштай бериптир... Ошол абалымда ал адам мени зордуктады. Көп убактым дарыланууга кетти. Бирок ошол коркунучту башынан өткөргөн адамдын акыл-эси өмүр бою кыйналарын, дарыдан айыкпай турганын ырымда айткым келген.

Ал адам кармалды. Биринчи соттук отурумда 2 жыл абакта отуруу жана 200 саат коомдук иштерди жасоо жазасы чыккан. Күлкүлүү жаза. Бирок кийинки соттук отурумда күбөлөр жана далил жок деп, 2 жыл абакка отуруу чечими жокко чыкты. Канча апелляциялык арыз менен кайрылдым, бирок соттун чечими өзгөргөн жок».

Чан Жа Ён, актриса: «БУЛ ШАЙТАНДАРДАН МЕНИ ӨЛҮМ ГАНА КУТКАРАТ ОКШОЙТ...»

2009-жылы 7-мартта 26 жаштагы түштүк кореялык актриса, модель Чан Жа Ён өз үйүндө асынган абалда табылган. Анын өлүмүнүн себеби алгач «оор депрессиядан улам өз өмүрүнө кол салган» деп аталса, иликтөөнүн жыйынтыгы менен сексуалдык зомбулуктан улам өмүрү менен коштошкону белгилүү болгон.

Актриса 2005-2009-жылдар аралыгында кайсы убакта, кайсы жерде, кандай зомбулукка кабылганын, агенттигинде иштеген менеджери сабап, режиссёрлордун, шоу-бизнес тууралуу жазган журналисттердин, саясатчылардын алдына салып бергенин жазып жүргөн. Карьерасы үчүн барып жаткан бул кордук түгөнбөгөнүн айткан ал «Мен бардык оорудан кутулгум келет... Суранам, мен үчүн өч алгылачы! Мындан ары чыдай албайм, башка жол таппай калдым. Бул шайтандардан мени өлүм гана куткарат окшойт. Тирүүмдө өч ала албасам да, өлгөндөн кийин өч алам. Мага жардам бергилечи... Мен алардын тизмесин жаздым. Эң жогорку жаза өтөшүн каалайм...» деп акыркы катын жазган да, тааныштарына чогулган каттарды жөнөтүп жиберген.

Бул окуяда 30дан ашык адамдын аты аталып, 80ден ашык адам суракка чакырылган. Бирок тергөөнүн жыйынтыгы менен 9 адамга гана иш козголгон. Алардын үчөө актриса иштеген агенттиктин кызматкерлери болсо, 2 кинорежиссёр, 3 банкир жана 1 жеке ишкер болгон. Арадан 10 жыл өтсө да, бул иш боюнча тергөө дагы деле уланууда.

Бэк Жи Ён, ырчы: «БУЛ ОКУЯ МАГА КҮЧТҮҮ БОЛУУГА САБАК БОЛДУ»

2000-жылы интернетке ырчы Бэк Жи Ёндун интимдик видеосу тарап кеткен. Ал видеону уруксатсыз тартып, тараткан ырчынын менеджери болгон. Жи Ён менеджерин алмаштырам деген каалоосун билдиргенде ал видеону интернетке жайып жиберген. Атактуу болуп уктап, элдин болуп көрбөгөндөй сыны менен ойгонгон ырчыны агенттиги тыныгуу алганга мажбурлаган. Ал эми жоопкерчиликтен корккон менеджери АКШга качып кеткени менен, көп өтпөй жашы жете элек кыздарга сексуалдык зомбулук көрсөткөнү үчүн камалган.

Бул окуя Бэк Жи Ёндун карьерасына чоң сокку эле. Ал 5 жыл бою аракет кылып, бирок коомчулуктун колдоосун тапкан эмес. «Бир даана угарманым болсо да ал үчүн ырдай берем» деген ырчы көп кыйынчылыктан өткөн. 2006-жылы гана кайрадан аны кабыл алып, ишенген күйөрмандары Жи Ёндун талантын, чыгармачылыгын колдоого алышкан.

Журналисттин «Эгер өткөнгө барып, жагымсыз окуяны өчүрүүгө мүмкүнчүлүк болсо, өчүрөт белеңиз?» деген суроосуна ырчы «Эч нерсени өзгөртпөйт болчумун. Бул окуя мага күчтүү болууга сабак болду. Кыйын мезгилде адамдын жүрөгүнө чейин жете турган, жан дүйнөсүн дарылай турган ырчы болуума түрткү болду» деп жооп берген.

Бул ирет сексуалдык зомбулуктун курмандыгы болгондорго токтолдук. Ал эми кийинки сандарда зордукчу аталган корей жылдыздары тууралуу маалымат беребиз.

Асыл Орозбекова
star@super.kg



"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.

Рейтинг: Рейтинг  0 
Комментарийлер(3)
07.10.2019. 13:06 
Тайпасы:
Жаран
Комментарийлердин саны:
182
Катталган:
16-02-2018
Соӊку аракети:
15-10-2019 01:25
Жынысы:
Белгисиз
Калаасы:
Бишкек
0
Байкуш тиги олуп Аднан актрисага жаман болуптур.
07.10.2019. 19:16 
Тайпасы:
Жаран
Комментарийлердин саны:
21
Катталган:
14-05-2017
Соӊку аракети:
15-10-2019 21:09
Жынысы:
Белгисиз
0
Кийинки санда big bang Сынри чыгат экен да анда
08.10.2019. 02:21 
Тайпасы:
Жаран
Комментарийлердин саны:
16
Катталган:
04-06-2019
Соӊку аракети:
17-10-2019 02:20
Жынысы:
Белгисиз
+1
Экинчи кыз аябай жакшынакай болгон экен. Байкуш сулуулугунун курмандыгы болуптур да.
1
Комментарий калтыруу үчүн өз ысымыңыз менен кириңиз же каттоодон өтүңүз.
 
Бөлүмдүн статистикасы
соңку 15 мүнөт ичинде 0 колдонуучу (Катталган: 0, коноктор: 0) бул макаланы окуду:

Макалалардын саны:
23044;
 
Маалымат-маанайшат порталы
2006-2019 © SUPER.KG
Кыргыз Республикасы, Бишкек шаары,
Жибек Жолу проспектиси 381
"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.
Рейтинг@Mail.ru
Биз социалдык тармактарда: