ПАРЛАМЕНТТИК ШАЙЛООДО КАЙСЫ ПАРТИЯЛАР УТУП ЧЫГАТ ДЕП ОЙЛОЙСУЗ?
«Супердин» сурак бурчу
Каныкей,
17 жашта, студент:
– Азыр партиялардын саны абдан көбөйүп кетти. Баары эле "элдин жашоосун оңдойбуз" деп жатышат. Ошол себептен кимиси утуп чыгарын айта албайм. Көп жылдан бери иш жүргүзүп келе жаткан “Ата Мекен” партиясы элдин ишенимине кирип калды деп эсептейм. Ушул партия жеңишке жетиши мүмкүн.
Азамат,
27 жашта, юрист:
– Азырынча бул же тигил партия алдыга озуп чыгат деп айта албайм. Учурда партиялардын жасап жаткан иш-аракеттерине карасак, эгерде таза шайлоо болсо, "Ата Мекен", "Ата Журт" жеңишке ээ болушу мүмкүн. КСДПнын да колдоочулары көп.
Айгүл,
41 жашта, мугалим:
– Азырынча бул партия жеңишке жетишет деп айтуунун өзү кооптуу. Себеби кырдаал курчуп кетип, баары
өзгөрүлүп кетиши да мүмкүн. Азыр Кыргызстандын саясаты өзү туруктуу болбой жатпайбы. Кайсы партия жеңишке жетишпесин, эл үчүн иштесе эле болду.
Максат,
45 жашта, эсепчи:
– Менин оюмча, КСДП, “Ата Мекен”, “Ак шумкар” партияларынын жеңишке жетишүүгө толук мүмкүнчүлүктөрү бар. Айыгышкан салгылашуу да ушул партиялардын ортосунда болот. Шайлоо жакындаган сайын булардын ичинен добушумду кимге береримди ойлонуп жатам.
Гүлжамал,
55 жашта, врач:
– Менин оюмча, көп орунга “Ата Мекен” менен КСДП ээ болот. Ал эми кээ бир партиялар жаңы уюша калып эле шайлоого катышканы турушат. Бул туура эмес нерсе. Мен бир топ шайлоолордо иштеп жүрүп, анын быкы-чыкыларын көрүп-билип калгам. Ошол кейпибизди кийбесек эле болду.
Бакыт,
39 жашта, жеке ишкер:
– Азыр лидерлик кылып жаткан партиялардын бирине да ишенбейм. Карап турсаң баягы эле бийликте жүргөн адамдар. Кыргызда жакшы кеп бар, “көнгөн адат калабы” деген. Шайлоонун деле таза өтүшүнө ишенбейм. Кайсы партиянын акчасы же бийлиги болсо, жеңиш ошол тарапта болот.
Фарида,
23 жашта, мээрман айым:
– "Ата Мекен", "Бүтүн Кыргызстан" жана "Республика"... Бул партияларда жаш саясатчылар да көп. Ал эми бийликке жаштар келсе, өлкөбүздү жаңы жол менен азыркы абалдан чыгарып кетишет.
Бахияна Сатылганова
"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.
Комментарийлер (4)
Ата-Мекендин басып откон жолу бул улуу тарых так что Ата-Мекен всегда в переди, Я за партию "Ата-Мекен" аты дагы журокко дем берет
Мен Бутун Кыргызстан,Ата Мекен жана КДСП келет деп ойлойм. Бирок шайлоо баары бир таза отпойт!
шайлоо таза отсо эле болду, калганын жыйынтыгында коробуз ,
Tilekke karshy akyrky mezgilde Kyrgyzstanybyzda shailoo lotoreya syiaktuu ele bolup kaldy tez tez otulup,kalktyn ubara4ylygy ele ketet shailoogo baryp,nerv ketirgen emnege degende e4 ka4an eldin kaaloosu boiun4a bolboit aldyn ala ele planda tuzulgondoi bayagy bai kojonun tayagy jenishke jetti dep oturup kalyshat..eldi jon ele kural katary paidalanyshat ottubu shailoo ottu,el shailadyby el shailady bolup.ishteym degenin el ozu tarazalap,tandash kerek..janagy ugut(agitasiya)degeni takyr oidu buzat
