МАНАС НИЯЗОВ УУЛДУУ, УРМАТ БОРЧЕНОВ КЫЗДУУ БОЛДУ

Белгилүү улакчы Манас Ниязов уулдуу болду. Ниязовдун жубайы 9-октябрь күнү Өзгөндө көз жарды. Ата болуп кубанып турган улакчы жагымдуу жаңылыгы тууралуу буларды айтып берди: “Наристелүү болуп кубанып турам. Уулум 3 килограмм 200 грамм салмакта төрөлдү. Эне-баланын ден соолугу жакшы, аларды төрөтканадан үйгө чыгарып келдим. Балалуу болгон сонун экен, кубанат экенсиң. Балама чоң ата-чоң энеси Акмат деген ат коюшту”.

Ушул эле күнү алпаруучу, шоумен Урмат Борченов да наристе жытын жыттады. Борченовдун жубайы Асел айым Бишкектеги төрөтканалардын биринде кыз төрөдү. “Кызым 3 килограмм 470 грамм салмакта, бою 51 сантиметр болуп төрөлдү. Кызымдын атын Наз деп койдук. Кубандым, албетте. Менде мурунтан эле аталык сезим бар болчу, инилеримди өзүм эле чоңойтком” дейт шоумен.

star@super.kg

"Супер-Инфо" гезитинин материалдары жеке колдонууда гана уруксат. Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.

Комментарийлер (0)

Комментарий калтыруу үчүн өз ысымыңыз менен кириңиз же каттоодон өтүңүз.

№ 885, 17-23-октябрь, 2019-жыл