БИР БҮРКҮМ. ҮЙ-БҮЛӨЛҮК ЗОРДУКТАН 62 АЯЛ КАЗА ТАПТЫ...

Кыргызстанда мектеп окуучулары 4-ноябрдан 11-ноябрга чейин күзгү каникулга тарашат.
Өкмөттүн аппарат жетекчисинин орун басары Бакыт Калмуратов кызматтан бошотулду.
2018-жылы үй-бүлөлүк зордук-зомбулуктан 62 аял каза таап, 288 аял жаракат алган. Бул 2017-жылга салыштырмалуу эки эсеге көп.
“Электр станциялары” ишканасынын директорунун орун басары Азамат Жөөтуманов каза болду.
Казакстанда Кыргызга таандык мамлекеттик номуру бар автоунаалар жол эрежесин бузса, айдоочуларга айып пул төлөтүү каты Бишкекке жөнөтүлөт.
2020-жылдагы шайлоолорду уюштуруу жана өткөрүүгө 928 миллион сом сарпталат. Мунун 560 миллион сому парламенттик шайлоого жумшалат.
Билим берүү жана илим министрлиги: Октябрь айынан тартып Кыргыз өлкөсүндөгү бардык мугалимдердин айлыгы 30 пайызга жогорулайт.
Бишкек шаарындагы эски аянт мамлекеттик ишмер Турдакун Усубалиевдин ысымынан аталат. Мындай чечимди депутаттар кабыл алышты.
Бишкектин четиндеги Алтын-Ордо конушундагы (Полиция шаарчасы) көчөгө мурдагы ички иштер министри Молдомуса Конгантиевдин ысымы ыйгарылды.

Кубан Жумамидинов
politika@super.kg

"Супер-Инфо" гезитинин материалдары жеке колдонууда гана уруксат. Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.

Талкуу жабык.

№ 886, 24-30-октябрь, 2019-жыл