Архив
792   793   794   795   796   797   798   799   800   801   802   803   804   805   806   807   808   809   810   811   812   813   814   815   816   817   818   819   820   821   822   823   824   825   826   827   828   829   830   831   832   833   834   835   836  
740   741   742   743   744   745   746   747   748   749   750   751   752   753   754   755   756   757   758   759   760   761   762   763   764   765   766   767   768   769   770   771   772   773   774   775   776   777   778   779   780   781   782   783   784   785   786   787   788   789   790   791  
687   688   689   690   691   692   693   694   695   696   697   698   699   700   701   702   703   704   705   706   707   708   709   710   711   712   713   714   715   716   717   718   719   720   721   722   723   724   725   726   727   728   729   730   731   732   733   734   735   736   737   738   739  
635   636   637   638   639   640   641   642   643   644   645   646   647   648   649   650   651   652   653   654   655   656   657   658   659   660   661   662   663   664   665   666   667   668   669   670   671   672   673   674   675   676   677   678   679   680   681   682   683   684   685   686  
583   584   585   586   587   588   589   590   591   592   593   594   595   596   597   598   599   600   601   602   603   604   605   606   607   608   609   610   611   612   613   614   615   616   617   618   619   620   621   622   623   624   625   626   627   628   629   630   631   632   633   634  
531   532   533   534   535   536   537   538   539   540   541   542   543   544   545   546   547   548   549   550   551   552   553   554   555   556   557   558   559   560   561   562   563   564   565   566   567   568   569   570   571   572   573   574   575   576   577   578   579   580   581   582  
479   480   481   482   483   484   485   486   487   488   489   490   491   492   493   494   495   496   497   498   499   500   501   502   503   504   505   506   507   508   509   510   511   512   513   514   515   516   517   518   519   520   521   522   523   524   525   526   527   528   529   530  
427   428   429   430   431   432   433   434   435   436   437   438   439   440   441   442   443   444   445   446   447   448   449   450   451   452   453   454   455   456   457   458   459   460   461   462   463   464   465   466   467   468   469   470   471   472   473   474   475   476   477   478  
374   375   376   377   378   379   380   381   382   383   384   385   386   387   388   389   390   391   392   393   394   395   396   397   398   399   400   401   402   403   404   405   406   407   408   409   410   411   412   413   414   415   416   417   418   419   420   421   422   423   424   425   426  
322   323   324   325   326   327   328   329   330   331   332   333   334   335   336   337   338   339   340   341   342   343   344   345   346   347   348   349   350   351   352   353   354   355   356   357   358   359   360   361   362   363   364   365   366   367   368   369   370   371   372   373  
264   265   266   267   268   269   270   271   272   273   274   275   276   277   278   279   280   281   282   283   284   285   286   287   288   289   290   291   292   293   294   295   296   297   298   299   300   301   302   303   304   305   306   307   308   309   310   311   312   313   314   315   316   317   318   319   320   321  
217   218   219   220   221   222   223   224   225   226   227   228   229   230   231   232   233   234   235   236   237   238   239   240   241   242   243   244   245   246   247   248   249   250   251   252   253   254   255   256   257   258   259   260   261   262   263  
176   180   181   182   183   184   185   186   187   188   189   190   191   192   193   194   195   196   197   198   199   200   201   202   203   204   205   206   207   208   209   210   211   212   213   214   215   216  
Популярдуу макалалар
Akbuura gazeta

ОРОЗО КАРМОО – ЧОҢ СООП

№407 20-26-август, 2010-ж.


Рамазан айыңыздар кут болсун!

Ыйык Рамазан айы учурда өкүм сүрүүдө. Бул айда адамдар сооп иштерди жасоого аракет кылышат. Билбестиктен айрымдары туура эмес иштерге да барып алышы мүмкүн. Ошол себептен орозо тууралуу төмөнкү маалыматтарды берүүнү чечтик.

РАМАЗАН ОРОЗОСУНУН ПАРЗ КЫЛЫНЫШЫ
Рамазан орозосу кыбыланын Каабаны көздөй өзгөртүлүшүнөн (буга чейин мусулмандар Аль-Акса мечитине жүздөнүп намаз окушчу) бир ай өткөн соң Пайгамбардын (САВ) Меккеден Мединага көчүп келгенден кийинки 18-айында парз кылынган. Бул тууралуу Куранда мындай деп жазылган:
«Эй, момундар, силерден мурунку өткөндөргө парз кылынганы сыяктуу, силерге да такыба болушуңар үчүн саналуу күндөрдө орозо кармоо парз кылынды. Кимдир бирөө ооруп калса же сапарда болсо, анда (орозо кармай албаган күндөрүнүн) санагын башка күндөрдө кармайт. Орозо кармоодон кыйнала турган кишилер (карылык же алсыздыгы себептүү) бей-бечаранын бир күндүк тамагынын өлчөмүндө кайыр-садага берүүлөрү зарыл. Анан ким өз ыктыяры менен артыкча жакшылык кылса (зарыл болгондон артыгыраак садага кылса) өзүнө жакшы» (Бакара сүрөөсү).

ОРОЗОНУН ПАРЗЫ ҮЧӨӨ
Орозонун парзы үчөө. Алар – орозо кармоого ниет кылуу, белгиленген убакыт ичинде тамактануудан баш тартуу, жыныстык катнаштан алыс болуу.
Ниет кылбай туруп бир күн бою тамак ичпей-жебей, жыныстык катнашка жакындабай жүрсө, орозо кармады деп эсептелбейт.
Орозону көңүлү менен ниет кылгандан мурун, тил менен дуба кылган туура болот. “Навайту ан-асуума-савма шахри рамазана минал фажри илал магриби халисан лиллахи таала”,- деп айтып ниет кылынат. Бул болсо “Алла Таала үчүн орозону таң аткандан күн батканча кармоого чын ыкласым менен ниет кылам” дегенди билдирет.

ОРОЗО КАРМОО УЧУРУНДА ООРУП КАЛСАҢЫЗ…
Орозону билип туруп бузган (каффарат) адам бир кулду эркиндикке чыгаруусу керек. Ага кудурети жетпесе, 60 күн үзбөстөн (бир күн бузабы же андан көп бузабы) орозо кармоого туура келет.
Эгер оорукчан адам болсо, орозо кармабастан 60 жарды, бей-бечарага тамак-аш бериши керек.
Эгер бир адам орозосун каза кылып алып, 60 күн орозону кармай баштаганда бир күн ачып алса, үзбөстөн кайра 60 күн орозо кармашы зарыл.
Оозго кар же жамгыр кирип жутуп алса дагы орозо бузулат. Анда ал киши ошол күнү үчүн кийин бир күн орозо тутуп берет.
Эгерде адам баланча ишим орундалса, баланча убактысында орозо кармаймын деп назир (сөз берсе) айтса, ал киши айткан назирин (сөзүн) аткаруусу кажет.
Рамазан айынан тышкары орозо кармоо – чоң сооп.
Мухаммед пайгамбар Рамазан айынан сырткары жылдын башка убакыттарында аптанын дүйшөмбү, бейшемби күндөрү орозо кармаган. Ошондуктан өз ыктыяры менен орозо туткусу келгендер дүйшөмбү, бейшемби күндөрү кармаса, чоң сооп болот.

КАНДАЙ КҮНДӨРДӨ ОРОЗО КАРМОО МАКҮРӨӨ?
Орозо кармоо – чоң сооп. Бирок Орозо айт жана Курман айт майрамдарында орозо тутуу макүрөө (арам менен адалдын ортосундагы нерсе). Анткени бул күндөрдү Алла Таала бизге мейман күтүп бири-бирин сыйлашсын, жеп-ичип кубанышсын деп берген. Курман айттан кийинки үч күндө жана бир гана жума күнү (Рамазандан сырткары) орозо кармоо макүрөө болот. Жума күнүнө эки-үч күн кошуп орозо тутса, макүрөө болуп эсептелбейт.
Ниет кылуу менен Напил (Рамазандан сырткары) орозого киришкенден кийин бузса дагы макүрөө. Напил орозо кармаган күндөрү конокко барганда же үйгө конок келсе, мейман капа болбошу үчүн бешимге чейин бузса болот. Шариятта Напил орозосун бузууга болгону менен, Рамазан орозосунда катуу оору жана сапарга чыгуу себептеринин негизинде гана бузууга уруксат. Меймандын келишинен улам ачылган орозону башка күнгө кармап беришке милдеттүү. Бешимден кийин Напил орозонун бузулбаганы дурус.

СААРЛЫКТА ООЗДУ БЕКИТҮҮ ДУБАСЫ:
“Навайту ан асуума савма шахри рамадана минал фажри илал магриби, халисан лиллахи тьала, Аллаху акбар”.
Кыргызча мааниси:
“Алла Тааланын ыраазычылыгы үчүн таң аткандан күн батканга чейин Рамазан айынын орозосун кармоого ниет кылдым, Аллаху акбар”.

ИФТАРДА ООЗДУ АЧУУ ДУБАСЫ:
“Аллахумма лака сумту, ва бика ааманту, ва алайка таваккалту, ва алаа ризкика афтарту, фагфирли ма коддамту ва маа аххарту, бирохматика йа архамар роохимиин”.
Кыргызча мааниси:
“Аллахым, өзүң үчүн орозо кармадым, өзүңө чындап ишендим, өзүңө таяндым, өзүң берген ырыскы менен ооз ачуудамын, баштан-аяк кетирген ката, күнөөлөрүмдү кечир”.
Рамазан айынын 26сынан 27сине караган түн – Кадыр түн.
Көрсөтүлгөн убакыттар Бишкек убактысы менен берилди. Ош аймагы 15 мүнөт кийин.

Сүйүн Кулматова
koom@super.kg



"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.

Рейтинг: Рейтинг  7 
Комментарийлер(1)
18.06.2015. 13:36 
Тайпасы:
Жаран
Комментарийлердин саны:
1
Катталган:
07-06-2015
Соӊку аракети:
27-04-2017 22:58
Жынысы:
Белгисиз
0
шилекейди жутса орозо бузулабы..(
1
Комментарий калтыруу үчүн өз ысымыңыз менен кириңиз же каттоодон өтүңүз.
 
Бөлүмдүн статистикасы
соңку 15 мүнөт ичинде 0 колдонуучу (Катталган: 0, коноктор: 0) бул макаланы окуду:

Макалалардын саны:
21471;
 
Маалымат-маанайшат порталы
2006-2018 © SUPER.KG
Кыргыз Республикасы, Бишкек шаары,
Күрөӊкеев көчөсү - 180
"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.
Рейтинг@Mail.ru
Биз социалдык тармактарда: