«Жылдын супер дуэти»

Жыйынтык

Башка сурамжылоолор


Архив
844   845   846   847   848   849   850   851   852   853   854   855   856   857   858   859   860   861   862   863   864   865   866   867   868   869   870   871   872   873   874   875   876   877   878   879   880   881   882   883   884   885   886   887   888  
792   793   794   795   796   797   798   799   800   801   802   803   804   805   806   807   808   809   810   811   812   813   814   815   816   817   818   819   820   821   822   823   824   825   826   827   828   829   830   831   832   833   834   835   836   837   838   839   840   841   842   843  
740   741   742   743   744   745   746   747   748   749   750   751   752   753   754   755   756   757   758   759   760   761   762   763   764   765   766   767   768   769   770   771   772   773   774   775   776   777   778   779   780   781   782   783   784   785   786   787   788   789   790   791  
687   688   689   690   691   692   693   694   695   696   697   698   699   700   701   702   703   704   705   706   707   708   709   710   711   712   713   714   715   716   717   718   719   720   721   722   723   724   725   726   727   728   729   730   731   732   733   734   735   736   737   738   739  
635   636   637   638   639   640   641   642   643   644   645   646   647   648   649   650   651   652   653   654   655   656   657   658   659   660   661   662   663   664   665   666   667   668   669   670   671   672   673   674   675   676   677   678   679   680   681   682   683   684   685   686  
583   584   585   586   587   588   589   590   591   592   593   594   595   596   597   598   599   600   601   602   603   604   605   606   607   608   609   610   611   612   613   614   615   616   617   618   619   620   621   622   623   624   625   626   627   628   629   630   631   632   633   634  
531   532   533   534   535   536   537   538   539   540   541   542   543   544   545   546   547   548   549   550   551   552   553   554   555   556   557   558   559   560   561   562   563   564   565   566   567   568   569   570   571   572   573   574   575   576   577   578   579   580   581   582  
479   480   481   482   483   484   485   486   487   488   489   490   491   492   493   494   495   496   497   498   499   500   501   502   503   504   505   506   507   508   509   510   511   512   513   514   515   516   517   518   519   520   521   522   523   524   525   526   527   528   529   530  
427   428   429   430   431   432   433   434   435   436   437   438   439   440   441   442   443   444   445   446   447   448   449   450   451   452   453   454   455   456   457   458   459   460   461   462   463   464   465   466   467   468   469   470   471   472   473   474   475   476   477   478  
374   375   376   377   378   379   380   381   382   383   384   385   386   387   388   389   390   391   392   393   394   395   396   397   398   399   400   401   402   403   404   405   406   407   408   409   410   411   412   413   414   415   416   417   418   419   420   421   422   423   424   425   426  
322   323   324   325   326   327   328   329   330   331   332   333   334   335   336   337   338   339   340   341   342   343   344   345   346   347   348   349   350   351   352   353   354   355   356   357   358   359   360   361   362   363   364   365   366   367   368   369   370   371   372   373  
264   265   266   267   268   269   270   271   272   273   274   275   276   277   278   279   280   281   282   283   284   285   286   287   288   289   290   291   292   293   294   295   296   297   298   299   300   301   302   303   304   305   306   307   308   309   310   311   312   313   314   315   316   317   318   319   320   321  
217   218   219   220   221   222   223   224   225   226   227   228   229   230   231   232   233   234   235   236   237   238   239   240   241   242   243   244   245   246   247   248   249   250   251   252   253   254   255   256   257   258   259   260   261   262   263  
176   180   181   182   183   184   185   186   187   188   189   190   191   192   193   194   195   196   197   198   199   200   201   202   203   204   205   206   207   208   209   210   211   212   213   214   215   216  
Популярдуу макалалар

АКСЫДА ЭКИ ОКУУЧУ АСЫНЫП КАЗА ТАПТЫ

№887 31-октябрь-6-ноябрь, 2019-ж


“16 жаштагы окуучу жигит менен кыз асынып каза болушту” деген маалымат өспүрүмдөр арасындагы суицид темасынын кайра көтөрүлүшүнө себеп болду. 9-октябрь күнү Аксы районунда 16 жаштагы Азимбек аттуу окуучу жипке муунуп жанын кыйса, анын артынан сүйлөшүп жүргөн кызы 11-октябрда суицидге барган. Маркум Азимбектин апасы “уулум тартиптүү болчу. Мугалимдер аны өз жанын кыйганга чейин жеткире турган сөз айтышыптыр” дейт. Мугалимдер бул маалыматты четке кагууда.

“ӨСПҮРҮМДӨРДҮН АТА-ЭНЕЛЕРИ ЭЧ КИМГЕ ДОО АРЫЗЫ ЖОК ЭКЕНИН АЙТКАН”

Аксы райондук ички иштер бөлүмүнөн бул окуя тууралуу эч ким арыз жазбагандыгын билдирди.

– 9-октябрь күнү Аксы РИИБинин нөөмөт бөлүмүнө Аксы районунун Кашка-Суу айылында 9-класста окуган бала асынып каза болгону тууралуу маалымат келип түшкөн. Окуя болгон жерге барган ыкчам топ өспүрүм өз үйүнүн мал сарайында асынганын аныкташкан. Денеге алгачкы кароо жүргүзүшкөндө күч колдонуу белгилери болгон эмес. Териштирүү иштеринде окуядан 2-3 күн мурун мектептин мугалими окуучунун уюлдук телефонун сабак убагында колдонгондуктан алып койгону, “ата-энеңди чакырып кел, эмне себептен телефонду колдонуп жатасың?” деп, ага түшүндүрүү иштерин жүргүзгөнү маалым болду. Кийин окуучу мектептен чыгып баратып досуна “көйгөйлөр көбөйүп кетти” деп айтыптыр. Окуучу болжол менен саат 14:00дө асынган. Ата-энеси бул окуя боюнча эч кимге доосу жок экенин айтып, арыз жазуудан жана баланын сөөгүн медициналык экспертизага берүүдөн баш тартышкан. Бул факт Кылмыштардын жана жоруктардын бирдиктүү реестрине “өзүн-өзү өлтүрүү” беренеси менен катталган.

11-октябрь күнү Таш-Көмүр ШИИБинин нөөмөт бөлүмүнө дагы бир өлүм тууралуу маалымат келип түшкөн. Анда 16 жаштагы кыз үйүндөгү мал сарайда асынып алган. Кыздын жанынан кат табылып, анда кыз апасынан кечирим сурап, каза болгон баланын артынан асынганын жазган. Кийинчерээк кыз менен бала сүйлөшүп жүргөнү аныкталды. Окуучу кыздын ата-энеси дагы эч кимге доосу жок экенин билдирди.

“МИЛИЦИЯ МААНИЛҮҮ МААЛЫМАТТЫ ЖАШЫРУУДА”

Каза болгон окуучу баланын жакындары "милиция маанилүү нерсени жашырып койду" деп редакциябызга кайрылышты. Өзүн маркум жигиттин чоң апасымын деп тааныштырган Төрайым Сагынбаева буларга токтолду:

– Азимбек 16 жашта болчу. Ата-энеси арыз жазбай, дообуз жок деп коюшкан. Милиция маанилүү нерсени жашырып, толук эмес маалымат таратып жатат. Маалымат каражаттары туура эмес нерселерди жазып чыгышты. Мектептин тартибин көзөмөлдөөчү, өспүрүмдөр менен иштеген инспектор Азимбекти жаакка чаап, 15 миң сом алып кел деп талап кылганы тууралуу такыр сөз айтылбай жатат. Ал буга чейин балдарды экскурсияга алып чыктык деп 10000, 5000 сомдон акча чогултчу экен. Биз минтип айтып чыкпай, унчукпай койсок деле болмок. Бирок милиция туура эмес маалымат берип, күнөөлүүнү жашырып жатат.

“ФЛЕШ” ИЧКЕНИ ҮЧҮН 15 МИҢ СОМ ТӨЛӨЙСҮҢӨР ДЕПТИР”

Маркум баланын апасы Жазгүл Шадыбекова окуя болгон күнү уулун түнкү саат 11ге чейин күткөнүн, анын классташтары келип мектепте болгон окуяны айтып бергенин мындайча баяндады:

–Уулум окуган мектепте 2 жылдан бери тарбия иштери боюнча Динара деген инспектор аял иштейт экен. Окуучулар бир күн ак көйнөк кийип келбесе 100 сомдон айып пул салат экен. Унаасына балдардан акча жыйнап бензин куйдуруп жүрүптүр. Ал балдарга ушунчалык катуу мамиле кылгандыктан, окуучулар коркуп ата-энелерине айта албай жүрө беришиптир. Качан гана менин уулум каза болуп калганда классташ балдары келип, ал инспектордун жоруктарын айтып беришти.

Балам өз жанын кыйгандан бир нече күн мурун достору менен мектептен келе жатып үйгө жакын калганда дүкөндөн “флеш” (энергетикалык суусундук) деген суусундук алып ичишиптир. Ал алкоголсуз, сергитүүчү суусундук экен го? Ошондо инспектор келип калып, аны сүрөткө тартып алып коркутуптур. Ал сүрөттү WhatsApp’тан мугалимдерге таратыптыр. Анан алар атасына ошол сүрөттү жиберип, “инспекторго жолуккула” деп айтышты.

Атасы Кербен шаарына барып инспектор менен сүйлөшүптүр. Негизи күйөөм жетекчиге кирейин деп, бирок жетекчисине киргизбей коюшуптур. Ал "жетекчибизге кирсеңиз балаңыз каттоого алынат. Кирбей эле өзүбүзчө сүйлөшөлү. Уулуңуз "флеш" ичкен, ошол үчүн 15 миң сом айып салып жатабыз. "Флеш" деген тыюу салынган ичимдик” дептир. Күйөөмдүн чөнтөгүндө болгону 500 сому бар экен, ошону алып чыгып, "баламдын да, өзүмдүн да атымдан кечирим сурайм, ушуну менен эле бүтүрөлү" десе болбой коюшуптур.

“МУГАЛИМДЕРИ ЖАМАН СӨЗДӨР МЕНЕН БАСЫНТЫШЫПТЫР”

– Ошол окуядан 2-3 күн өткөндөн кийин мектептен баламдын телефонун мугалими алып коюптур. Улуу балам ооруп Бишкекте болчу. Азимбек ошол байкесине чалып акыбалын сурайын деген экен. Балам эжесине “операциядан чыккан байкем менен сүйлөшөйүн деп алып келгем, кечирип коюңуз” деп телефонун сурап барса, түшүнүк кат жаздырып, колундагы кагазын жулуп алып ыргытып, окуучулардын көзүнчө айтпаганды айтып тилдептир. Анын телефонун алып койгон мугалимдердин бири социалдык педагог, бири болсо окуу бөлүмүнүн башчысы экен. Балам окуядан кийин түз эле сарайга барып өзүн асып алыптыр. Ошол күнү түнгө чейин кечикти. Саат 11ге жакын баламдын классташтары келип, “мугалимдер аны телефон колдонгону үчүн урушуп, түшүнүк кат жаздырып, милицияга каттоого алдырабыз деп коркутканда кетип калган” дешти. Ошондон кийин Азимбекти ызы-чуу түшүп издеп жүрүп, сарайдан асынып алган абалда таптык.

Мектеп мугалимдеринин мындай мамилесинен улам тиешелүү жактарга арыз жазалы дедик. Бирок күйөөм "кечиримдүү бололу, Кудайга койдук" деп токтотуп койду. Ошентип милицияга да арыз жазылбай, иш ачылбай калды. Мугалимдери Азимбектин телефонун жеткизип келип уулумду тилдегенин бири-бирине шылтап, актанып кетишти. Өздөрүн суудан кургак чыгаруу максатында “Азимбек телефонун мектепке алып барып мугалимдерине алдырып ийсе, телефондун айынан атасы апасын сабап, бала ошон үчүн асынып алыптыр” деген сөздөрдү чыгарышыптыр. Классташ балдары инспектордун кылган мамилесин да, мугалимдердин айткан сөздөрүн да өздөрү келип айтып беришти. Мен алардан талап кылып айттырган жокмун. Мугалимдери болсо танып жатышат.

“СҮЙЛӨШКӨН КЫЗЫНЫН ТАЕНЕСИ УШУЛ АЙЫЛДА ЖАШАЙТ ЭКЕН”

– Балам мектепте жакшы окучу. Быйыл 9-классты бүтүрүп, архитектордун окуусун окуйм деп жаткан. Прокурор болом деп да калчу. Мектепте бейбаштык кылып, мугалимдер менен айтышкан, начар окуган балдар деле окуп бүтүрүп жатышат го. Балам тартипсиз же жаман окуган бала эмес эле. 4 уул 1 кызым бар, Азимбек үчүнчүсү болчу. Азимбектин артынан өзүн асып алган кызды тааныбайм. Биздин айылда анын таенеси жашайт экен. Каникулда ошол жакка келип-кетип жүргөндө таанышыптыр. Ал катына “Азимбек жок болсо мен да жашай албайм” деп жазган экен. Биз баламдын күйүтү менен жүрүп андай окуяны кеч уктук. Экөөнүн сүйлөшүп жүргөнүн деле билчү эмеспиз.

“АТА-ЭНЕЛЕР БАЛДАР МЕКТЕПКЕ ТЕЛЕФОН АЛЫП БАРЫШПАСЫН ДЕП ТАЛАП КЫЛЫШАТ”

Ал эми Азимбектин класс жетекчиси (атын атабоону суранды) айтылып жаткан маалыматтар жалган деп, буларга токолду:

– Азимбек окуган классты жетекчиликке алганыма 15 күн эле болгон. Азимбек тартип бузбаган, кулк-мүнөзү жакшы бала болчу. Мугалимдер кол көтөрүп, тилдей турган бала эмес эле. Ал күнү мектеп парламенти жалпы эле окуучуларды текшерип, телефондорун жыйнап жүрүшкөн. Бир эле Азимбектин телефонун алган эмес. Себеби ата-энелер комитетинин чогулушунда өздөрү балдарга телефон колдонгонго уруксат берилбесин деп чечишкен. Окуу бөлүмүнүн башчысы менен социалдык педагог Азимбекке түшүнүк кат жаздырышканын эртеси күнү окуучулардан уктум. Ага чейинки энергетикалык суусундук боюнча Азим суусундукту үйүнүн жанында, сабактан кийин ичкени үчүн мен аралашкан эмесмин. Канча сом айып пул салынганын билбейм.

Мектептин директору жетекчилик кызматтан кетүү тууралуу арыз жазды. Бирок ал өз предмети боюнча сабак берип иштеп жатат. Себеби ал тажрыйбалуу кадр, райондо төбөсү көрүнгөн тарыхчы. Азимбекке былтыр алгебрадан сабак бергем, "4кө" окучу. Бул жылы башка сабактарынан бирин-серин "3" аралашып баштаган. Бирок тартиби начар болчу дей албайм. Бир нерсе айтсаң макул деп дароо жасаган элпек бала эле. Менден мурдагы класс жетекчиси аны балдар кеңешинин жетекчиси кылып дайындаган экен. Мектепке маселе жарата турган окуучу эмес эле. Анын асынып алышына мугалимдердин тилдеп койгону себеп деп ойлобойм.

Инспектор кызматкери окуучунун энергетикалык суусундук ичкени үчүн айып пул салуусу боюнча ОИИБге кайрылдык. Алар бул окуя боюнча кызматтык иликтөө учурунда эч ким мындай көрсөтмө берген эмес деп, аты аталган инспекторго өзү тейлеген аймакта суициддин алдын ала албагандыгы үчүн кызматтык жаза берилгенин айтышты. Башкача айтканда, ал жетекчилик тарабынан сөгүш алып гана чектелген. Кыргыз Республикасынын Жазык кодексинин “Өзгөчө бөлүгүндө” 136-берене (өзүн-өзү өлтүрүүгө жеткирүү) каралган. Бир эмес, эки өспүрүм каза болгон бул окуяда укук коргоо органдары "арыз келип түшкөн жок" деген жүйө менен гана чектелди.

Айпери Хожаева
koom@super.kg



"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.

Рейтинг: Рейтинг  0 
Комментарийлер(9)
04.11.2019. 09:56 
Тайпасы:
Жаран
Комментарийлердин саны:
59
Катталган:
14-01-2015
Соӊку аракети:
11-11-2019 09:49
Жынысы:
Белгисиз
+2
Энергетика монтаж эмеспи. Колу чондой го
04.11.2019. 11:48 
Тайпасы:
Жаран
Комментарийлердин саны:
7
Катталган:
13-07-2013
Соӊку аракети:
12-11-2019 14:35
Жынысы:
Белгисиз
Калаасы:
Бакыт калаасы!
+9
Класстын ичинде энергетика ичип бутту асып коюп отурган болсо күнөөлөмөкмүн....
04.11.2019. 19:56 
Тайпасы:
Жаран
Комментарийлердин саны:
897
Катталган:
26-01-2017
Соӊку аракети:
12-11-2019 18:13
Жынысы:
Белгисиз
+4
Бала өтө өтө жаштык кылып өз өмүрүн кыйыптыр да ата энесин сыздатып.Шаардын балдары энергетика ичип чегип эле жүрүшпөйбү ? Ватсапка таратпай эле апасын чакырып түшүндүрүп коюшса болмок да .
04.11.2019. 22:26 
Тайпасы:
Жаран
Комментарийлердин саны:
45
Катталган:
29-10-2013
Соӊку аракети:
11-11-2019 19:23
Жынысы:
Белгисиз
+5
Байкуштардын бейиши болсун! Айылдыктар өз укуктарын анча билишпейт да. Эгер мунун ордунда шаардык бала болгондо, ата-энеси эмдигиче эки-үчөөңөрдү кошуп түрмөнүн түбүнө тыкмак! Бирөөнүн баласына кол көтөрүүгө, ага айтпаган нерсени айтууга, балдардын көзүнчө басынтууга ким укук берди?!
arimaz89 түзөттү 2019-11-04 22:28:02
04.11.2019. 22:55 
Тайпасы:
Жаран
Комментарийлердин саны:
51
Катталган:
27-11-2015
Соӊку аракети:
12-11-2019 17:45
Жынысы:
Белгисиз
-1
Вацапка таратып отурган кызматкерди бошотпойбу иштен жок дегенде
05.11.2019. 01:41 
Тайпасы:
Жаран
Комментарийлердин саны:
212
Катталган:
31-03-2009
Соӊку аракети:
07-11-2019 13:34
Жынысы:
Белгисиз
Калаасы:
Бактылуулар калаасы.
+4
Мугалимдер бизди да кемсинтип, каргап шилеп, маскара кылышчу. Контроль кылуу керек. Акча жыйнап анан кээ биринде шарт жок апкеле албаса, же кийими начар болсо тебелеп салышчу соз менен.
05.11.2019. 09:10 
Тайпасы:
Конок
Комментарийлердин саны:
3
Катталган:
31-10-2019
Соӊку аракети:
12-11-2019 00:17
Жынысы:
Белгисиз
+1
Окунучтуу
06.11.2019. 21:45 
Тайпасы:
Жаран
Комментарийлердин саны:
26
Катталган:
08-01-2019
Соӊку аракети:
11-11-2019 18:44
Жынысы:
Белгисиз
+3
Бул жерде бир эле мугалимдерде,участковый да эмес ата энелердагы куноолу,анан эле ой мугалим антиптир тиги бунтиптир деп чыга калабыз,балдар мн дайым кенешип суйлошуп туруш кк,проблема ларды биргеликте чечкенди кичинесинен уйротуш ккда ,
06.11.2019. 23:44 
Тайпасы:
Жаран
Комментарийлердин саны:
2
Катталган:
20-06-2017
Соӊку аракети:
06-11-2019 23:44
Жынысы:
Белгисиз
0
Ото кайгылуу! Байкуш бала оз ата-энесине да кайрылбай, асынып алганына караганда алардан да уруш угуп жургон. Ошон учун баланы кичинесинен катуу урушпай тарбиялап, ишенимин арттыруу зарыл. Кыйын абалга тушкондо адам кимге ишенип, жардам сураарын билген адамы болбосо ушундай жагдай жаралат. Ал эми мугалимдердин жана милициялардын шалаакылыгы айкын эле турат. Флэш саткан адамды эмнеге жазалабады анда? Байкуш билимсиз ата-энени коркутуп, акча иштейбиз дешкен да. Намысынар жок экен!
1
Комментарий калтыруу үчүн өз ысымыңыз менен кириңиз же каттоодон өтүңүз.
 
Бөлүмдүн статистикасы
соңку 15 мүнөт ичинде 5 колдонуучу (Катталган: 0, коноктор: 5) бул макаланы окуду:

Макалалардын саны:
23199;
 
Маалымат-маанайшат порталы
2006-2019 © SUPER.KG
Кыргыз Республикасы, Бишкек шаары,
Жибек Жолу проспектиси 381
"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.
Рейтинг@Mail.ru
Биз социалдык тармактарда: