«СЕН ШҮМШҮКТӨН ӨЧ АЛЫП ТЫНАМ»

Бир күнү атамдан чалуу келди. Ал киши жөн эле учурашканы телефон чалбайт. Олуттуу кеп болгондо гана өзү байланышат. Мындай учурда апам аркылуу эле ал-жай сурашып койгонубуз болбосо, ашыкча сүйлөшпөйбүз деле. Телефонду колго алдым:

– Алло, ассалом алейкум, ата, жакшы турасыздарбы?

– Кудайга шүгүр. Кандай, балам? Деги сен үйлөнөсүңбү? Айылда мадыра баш балдар үйлөнүп, балалуу болуп жатышат. Апаң экөөбүздүн деле небере жытын жыттоого акыбыз бардыр.

– Буюрса, ата, тиги сүйлөшкөн кызым окуусун...

– Ошо сенин сүйлөшкөн кызың экөөңдү... Канча жыл болду, сүйлөшкөн кызым эле дейсиң. Же аныңдын сага тие турган ою болсочу! Болду, токтот аныңды, кызды биз деле таап беребиз. Ушул күздө үйлөнөсүң!

Биз 3 бир тууганбыз, менден кийин 2 карындашым бар. Үйдө атамдын сөзү мыйзам. Болгондо да аткарыла турган. Айтканы сөз бойдон калды деген нерсе кичинекейибизден тартып эч бир болгон эмес.

Жумушуңа тоскоолдук жаратпайын деген ой менен билдирүү жаздым. “Жолугушуп сүйлөшпөйлүбү, үйдөгүлөр үйлөн деп жатышат”. Окудуң, жооп берген жоксуң. Түн жарымында сенден кат келди. “Медер, кечир, жөн эле колуңду кармагым келбейт. Сен менден эбак эле кетишиң керек эле, эми да кеч эмес, мени айланчыктабай кет, менин жүрөгүмдө башка адам бар. Сен жакшы адамсың. Бирок мен башканы сүйөм”. Башымдан ылдый муздак суу куюп жибергендей эле болдум. Жинденип телефон чалдым, бардык жактан блоктоп койдуң. Үйүңө, жумушуңа бардым, менден бекингендей эле эч жактан таба албадым. Досторуңа, эжеңе телефон чалып “ал жакында турмушка чыгат, балким, тынчын албайттырсың” деген окшош жооп алдым.

Ушунчалык ызырынып ичим кайнап турду. Сенсиз да сонун жашоо бар экенин далилдегим келди. Сенин тоюңа чейин үйлөнөм дедим да, үйлөндүм. Билесиңерби кимге үйлөндүм? Эч качан сүйлөшпөгөн, сүйбөгөн, бири-бирибизди жакшы тааныбаган эле бирөөгө. Аны менен 2 жолу көрүшүп, үчүнчүсүндө сөйкө салып алып кеттик. Ата-энемдин кубанычында чек жок. Күтүрөтүп той өткөрүштү.

Өзүн мага ишенип тапшырып жаткан бир назик жан жанымда жандап жүргөнү менен, сен шүмшүктү жүрөгүмдөн чыгарып сала алган жокмун. Сырткы жасалма маанайым менен жан дүйнөм дал келбей дендароо абалдамын. Той күнү да сага жазгым келди. Жаздым. Азыр да жазып жатам. Убакыт мени сага көндүрүп коюптур. Телефон колума тийсе эле сенин досторуңдун баракчаларын барактап, сенин эмне кылып жүргөнүңдү карай баштайм. Бул көнүмүш адаттардан кутулармын. Жашоодо сенсиз бактылуу болормун. Балким, тагдыр мени өз адамыма кошкондур. Алган жарым менин көрөр көзүм болор.

Дегеним менен жети жылым сени менен кетти. Сүйдүм, жинди болуп сүйдүм, көздөрүм тумандап, акылымдан айнып сүйдүм. Сүйүүң менен жерге кир. Сүйүүдө сендей шүмшүктөр үчүн ишенимдүү болуунун деле кереги жок экен. Туруктуулугумду кантейин? Сени менен катар он кыз менен сүйлөшүүгө мүмкүн эле. Артымды карасам эле сен, сен, дагы сен.

Мага даба жок. Жети жыл сага көңүлүмдү түзөп, келечек пландарымды сенин ыңгайыңа карап түзүп, жашоомду сени менен элестетип жинди болуптурмун. А сен эбак башка адамды жүрөгүңө киргизип алганың менен ишим жок. Окуусун бүтсүн, карьерасын тургузуп алсын. Үйлөнүп жетишебиз деп түшүнүктүү болуп коём. Акыры кандай жооп алдым? Башканы сүйүп калган имиш, менин колумду кармабайт имиш. Кайран убакыт. Сага кеткен жылдар. Бааланбаган аракет, баркталбаган сүйүү. Сүйүүңө татыксыз белем? Ызама муунуп турам... Жөн эле кетип калды деп жаткандырсың. Жаңылышасың, телефондогу “кара тизмең”, социалдык тармактардан блоктоп салганың мага тоскоол боло албайт. Менден баш тарттың, сен шүмшүктөн өч алып тынам. Көксөөмдү суутуп, көңүлүмдү жай кылып тынам...

Медер

"Супер-Инфо" гезитинин материалдары жеке колдонууда гана уруксат. Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.
Комментарийлер (18)
Eliza83
2019-11-11 10:19:03
Бактылуу уй-було куруу менен оч алуу керек....
+11
Mintip-menu-suybo
2019-11-11 10:29:25
Журогум ооруду
0
Syimyk.isaev
2019-11-11 10:45:18
Менин да өч алчуу адамым бар... Ал күндөр алдыда,Ин Ша Аллах ал күндөр да алыс эмес.
+3
KaGaH
2019-11-11 16:17:10
Syimyk.isaev,Алла таала кечиримдүү адамдарды сүйөт, кечиримдүү болуңуз баары жакшы болот
+6
Aimani
2019-11-11 13:08:56
Аялынды ошол шумшукту суйгондой суйсон, бактылуу кылсан эле өч алганың болот
+18
Nevestkaa
2019-11-11 13:19:09
Эмне кылып өч алмак элең андан көрө алганың мн жашоонун балын тат.
+6
ainura220888
2019-11-11 13:39:55
"Для меня- мой успех это лучшая месть" Конор Макгрегор. Ушул создо эле канча философия жатат. Медер сен алган жарын менен бактылуу жашап ошол адамга журогунду ачып ар тараптуу ийгиликтуу боло алсан ошол оч алганын. 7жыл омурунду барктабаган билбеген адамга мындан ары 7минута эмес 7 секундуда коротбо.
+8
_PeriWa_
2019-11-11 15:15:48
Окуп отуруп кулкум келди. Менден дагы канча адамдын очу бар экен э
-4
aydinnur
2019-11-11 16:06:45
_PeriWa_,кулкундон сенин)) жашоо далай ыйлатып далай кулдурот..
+4
_PeriWa_
2019-11-15 19:01:30
aydinnur,баарыбызга тиешелуу экен созун)
0
aydinnur
2019-11-11 16:05:43
ээ иним оч алганын эле азыркыдан балалуу болгонун...баары унутулуп, оч алгын келбей калат.Бвштан откон так эле сеникиндей окуя.Андан коро бак тилеп кой ага да.
+4
KaGaH
2019-11-11 16:22:55
Сеникинен хуже окуяны уккам бир тааныш байкеден, Москвада бузулган кызды алып,үйүнө кыз деп алып барган никеде колун кесип,бир кыздуу болгондон кийин,үйүмө барып келем деп барып өзүнүн районунан бирөөгө тийип кетиптир,ХХХХ районунан болот менминче,ал байке азыр дин жолуна түшүп кетти баарына кол шилтеп,ага караганда сеники жакшы,унутуп кой да жаша бактылуу бол ошол сенин өч алганың
+2
janym_balam
2019-11-11 17:47:54
KaGaH,бироонун окуясы ото каттуу таасир берген го э? Кайталап эле жазып калыпсынар.
0
KaGaH
2019-11-11 21:32:56
janym_balam,абдан
0
tular
2019-11-11 21:47:04
KaGaH,Ошол аял кылып алган эркектин көзү жокпу
0
guldoijan94
2019-11-11 18:58:55
Жашоондун эн сонун мезгилдерин "оч алам"деген ой менен алаксып откоруп жибербе. Алган жарынды суй, суйул, суйуунордон жаралган наристелерди тарбиялап остур. Бактылуу бол. Сенин алган очун ошол болот
+6
eliza_eliza
2019-11-12 01:17:58
Башындан бакыт кушун учуруп алба !?
+1
alisha00
2019-11-13 09:56:24
Өч алгандан кийин кана көксөөң сууса керек....
0
№ 888, 7-13-ноябарь, 2019-жыл
БАШКЫ БЕТ
СОҢКУ КАБАР
СУПЕР-ИНФО
SUPER.KG ВИДЕО
МЕДИА-ПОРТАЛ
Кинозал
ЖЫЛНААМА
Суперстан