Архив
792   793   794   795   796   797   798   799   800   801   802   803   804   805   806   807   808   809   810   811   812   813   814   815   816   817   818   819   820   821   822   823   824   825   826   827   828  
740   741   742   743   744   745   746   747   748   749   750   751   752   753   754   755   756   757   758   759   760   761   762   763   764   765   766   767   768   769   770   771   772   773   774   775   776   777   778   779   780   781   782   783   784   785   786   787   788   789   790   791  
687   688   689   690   691   692   693   694   695   696   697   698   699   700   701   702   703   704   705   706   707   708   709   710   711   712   713   714   715   716   717   718   719   720   721   722   723   724   725   726   727   728   729   730   731   732   733   734   735   736   737   738   739  
635   636   637   638   639   640   641   642   643   644   645   646   647   648   649   650   651   652   653   654   655   656   657   658   659   660   661   662   663   664   665   666   667   668   669   670   671   672   673   674   675   676   677   678   679   680   681   682   683   684   685   686  
583   584   585   586   587   588   589   590   591   592   593   594   595   596   597   598   599   600   601   602   603   604   605   606   607   608   609   610   611   612   613   614   615   616   617   618   619   620   621   622   623   624   625   626   627   628   629   630   631   632   633   634  
531   532   533   534   535   536   537   538   539   540   541   542   543   544   545   546   547   548   549   550   551   552   553   554   555   556   557   558   559   560   561   562   563   564   565   566   567   568   569   570   571   572   573   574   575   576   577   578   579   580   581   582  
479   480   481   482   483   484   485   486   487   488   489   490   491   492   493   494   495   496   497   498   499   500   501   502   503   504   505   506   507   508   509   510   511   512   513   514   515   516   517   518   519   520   521   522   523   524   525   526   527   528   529   530  
427   428   429   430   431   432   433   434   435   436   437   438   439   440   441   442   443   444   445   446   447   448   449   450   451   452   453   454   455   456   457   458   459   460   461   462   463   464   465   466   467   468   469   470   471   472   473   474   475   476   477   478  
374   375   376   377   378   379   380   381   382   383   384   385   386   387   388   389   390   391   392   393   394   395   396   397   398   399   400   401   402   403   404   405   406   407   408   409   410   411   412   413   414   415   416   417   418   419   420   421   422   423   424   425   426  
322   323   324   325   326   327   328   329   330   331   332   333   334   335   336   337   338   339   340   341   342   343   344   345   346   347   348   349   350   351   352   353   354   355   356   357   358   359   360   361   362   363   364   365   366   367   368   369   370   371   372   373  
264   265   266   267   268   269   270   271   272   273   274   275   276   277   278   279   280   281   282   283   284   285   286   287   288   289   290   291   292   293   294   295   296   297   298   299   300   301   302   303   304   305   306   307   308   309   310   311   312   313   314   315   316   317   318   319   320   321  
217   218   219   220   221   222   223   224   225   226   227   228   229   230   231   232   233   234   235   236   237   238   239   240   241   242   243   244   245   246   247   248   249   250   251   252   253   254   255   256   257   258   259   260   261   262   263  
176   180   181   182   183   184   185   186   187   188   189   190   191   192   193   194   195   196   197   198   199   200   201   202   203   204   205   206   207   208   209   210   211   212   213   214   215   216  
Популярдуу макалалар
Akbuura gazeta

МОДА ДҮЙНӨСҮНҮН ЖЫЛДЫЗДАРЫ

№234 27-апрель-3-май, 2007-ж.


Өз акылы, таланты, шыгы менен миллиондоп акча тапкан мыкты дизайнерлердин колунан жаралган кийимдерди кийсеңиз да, алардын жашоосу, жеке турмушу жөнүндө маалыматыңыз азбы? Рубрикабыздын бул сандагы коноктору – дүйнөлүк мода тарыхында таңкалыштуу жана унутулгус ачылыштарды жасаган эң атактуу модельерлер.

Габриель Коко Шанель
ХХ кылымдын биринчи жарымы – аялзатынын келбетин теңирден тескери өзгөрүүгө учураткан мезгил. Бардык айымдарды дем кыскан корсеттерден, этеги бутка чалынган узун юбкалардан, болоор-болбос оор зергер буюмдардан “куткарып калган” Коко Шанелдин атын укпаган адам жоктур. Анын мойнунда дайыма жипке өткөрүлгөн кайчы илинип жүрчү. Ал аялдардын көйнөгүнөн ашыкча бөлүктөрдүн баарын кесип таштаган. Бирок, өз жашоосундагы жагымсыз окуяларды эч качан кесип таштоого кудурети жеткен жок.
Улуу мода ханышасы Габриель Коко Шанель 1883-жылы 19-августта Франциянын Сомур шаарында төрө­л­гөн. Ата-энеси чогуу жашабагандыктан, кичинекей кыз жетимдер үйүндө тарбияланган. 12 жашка толгондо апасы каза болот да, атасы Габриелди католик мектебине киргизет. Жаштайынан эле Габриелдин мүнөзүндө өжөрлүк, көз карандысыздыкка, эркиндикке умтулуу сезимдери өрчүй баштайт. Интернатта дайыма бир форма кийип тажаган Габриель аялзатын өзү каалагандай кылып кийинтүүнү самачу. Өз алдынча жашоосун баштагандан кийин кездеме саткан дүкөнгө орношуп, кечкисин жергиликтүү кафеде ырдап жан бакчу. “СоСо” деген ырды көп ырдаганы үчүн аны Коко деп атап коюшкан. Ырчылыктан эч пайда көрбөсө да, көптөгөн бай, таасирдүү адамдар менен достошууга жетишкен. 1913-жылы Этьен Бальзан аттуу адам Габриелге Довиль шаарында баш кийим сатуучу дүкөн ачып берет. Шанелдин алгачкы кардарлары пайда боло баштайт. Иши оңунан чыгып, өзүнө ишене баштаган Габриель Бальзандан кол үзөт. Кичинекейиндеги тилеги орундалып, кийим чыгарууну ойлонот. Кээ бир кийимдерди Шанель түшүндө көрүп, анан тикчү дешет. Аялдар үчүн шым, костюм, юбкалардын жаңы моделдерин, спорт кийимдерин чыгара баштайт. Баш кийим, зергерден сырткары атыр чыгарууга да жетишет. Анын атактуу “Шанель №5” деп аталган атыры бүгүнкү күнгө чейин эч өзгө­рүл­бөгөн кайталангыс жытка ээ. 1914-жылы согушка катышкан аялдар үчүн Коко Шанель атайын тыкыс кийимдерди даярдаган. Мода дүй­нөсүн жаңыртып, биринчи жолу санын көрсөтүп юбка кийген, чачын кыска кылып кырктырган, сумканы ийинге асынып баштаган. Франциядагы бардык аялдар анын кылганын кайталап турушчу. 30-жылдардын аягында Габриель кокусунан бардык дүкөндөрүн жаап, Швейцарияга көчүп кеткен. Бирок, Кристиан Диор аттуу атаандашы пайда болгондо 70 жашар Шанель кайрадан мода чөйрөсүнө кайтат. Коко Шанель жылына 160 миллион доллар киреше алып келген “Шанель үйүн” түзүп, 88 жашында Парижде көз жумат. Анын кийим текчесинде 3 гана кийим табылган. Эркектер аны сулуу, акылдуу аял катары, айымдар улуу эжесиндей кеңешчи деп сезишкен. Коко Шанелдин айткан сөзү аны тааныгандардын эсинде көпкө чейин калган: “Эгер сиз канатсыз жаралсаңыз, анын өсүп чыгуусуна тоскоол болбоңуз”.

Кристиан диор
Жашоого болгон оптимисттик көз карашы, моданы ийне-жибине чейин сезе билгендиги жана жакынкы 20 жылда модада эмне оорчулук кылаарын алдын-ала айта алган көрөгөчтүгү менен “жогорку мода” өндүрүшүндө албан ийгиликтерге жетише алган Кристиан Диор дүйнөдөн кайтса да, анын аты жана кылган эмгеги бүгүнкү күнгө чейин сакталып келет. Так ушул улуу кишинин жардамы менен Париж согуш жылдарынан кийин кайрадан “мода борбору” деген атка конгон.
“Моданын атасы” деп сыймыктуу аталган сүрөтчү, дизайнер, модельер Кристиан Диор 1905-жылдын 21-январында Франциянын түндүк-батышында жайгашкан чакан Гранвиль шаарчасында туулган. Анын ата-энеси колунда бар адамдардан эле. 5 баланын экинчиси Кристиан каалаганын ичип, каалаганын кийип, бактылуу балалыкта чоңойгон. 6 жашка чыкканда үйбүлөсү менен Парижге көчүп келген соң үйдөгүлөрүнүн кеңеши боюнча дипломатикалык карьераны көздөп жүргөн. Бирок, эркин саясат мектебине тапшыргандан кийин эл аралык мамилелер жана саясат ал үчүн жаралган эмес экенин түшүнөт да, музыка, сүрөт дүйнөсүнө тартылып, дээрлик бардык убактысын музейлерде жана галереяларда өткөрүүнү адат кылып алат. Анын сүрөткө, айрыкча баш кийимдердин, көйнөктөрдүн сүрөтүн мыкты тартууга шыктуу экени билинет. Кристиан 1928-жылы жакын досу Жан Бонжак менен чогуу сүрөт галереясын ачкан. Бирок, 1931-жыл Диорлордун үйбүлө­сүнө жагымсыз окуяларды камдап койгон экен – апасы рак оорусуна чалдыгып, каза тапкан. Атасы болсо жок жерден уурулардын талап-тоноосуна кабылып, болгон байлыгынан ажырайт. Эптеп жан багуунун амалын издеп, Кристиан өз колу менен тартылган кийим эскиздерин белгилүү журналдарга сатууну чечкен. Бара-бара анын сүрөттөрүнө болгон суроо-талап өсүп, алгачкы киреше түшө баштаган. 1938-жылы башталган согуш Диордун жанданып келаткан карьерасына тоскоол болот: аны Франциянын түштүгүнө аскерге алып кетишкен. 1941-жылы аман-эсен кайткан Кристианды атактуу “Lucien Lelong” моделдик үйүндө жакшы кызмат күтүп турган эле. 1942-жылы Диор атыр чыгаруучу лаборатория ачып, аны “Christian Dior Perfume” деп атаган. Бул лабораториядан 10дон ашык түрдөгү экзотикалык атыр суулары жасалат. Арадан 4 жыл өткөндөн кийин эле Кристиан жеке мода үйүн иштетип баштаган да, 1947-жылы “Жаңы келбет” деген алгачкы коллекциясын тартуулаган. Согуш учурунда “оройлукка” учураган аял кийимдерин кайрадан назик, жеңил жана ачык түстүү кылып даярдаган. Биринчилерден болуп лицензиялык иш кагаздарды колдонуп, өзүнүн “Dior” белгисин бардык кийимдерине коюп чыккан. 1 эле жылдын ичинде анын коллекциясын бүткүл Европа менен Америка кийип жүргөн. Улуу дизайнер 1957-жылы октябрда 52 жаш курагында каза болгон. Диордун ишин улантуучу көптөгөн шакирттери болгон. Анын үйү бүгүнкү күндө эң чоң музейлердин бири. 1996-жылдан бери “Christian Dior” мода үйүнүн башкы модельери болуп Жон Галлиано дайындалат. Диорчулардын саны азыркы кезде 60 миң адамга жетет. Ал эми жылдык кирешеси 595 миллион еврону түзгөн мода үйүнүн өзүндө 3,5 миң киши эмгектенет.

Дольче жана Габбана
Чакан ательени 10 жылдын ичинде Италиядагы ири мода империясына айлантуу кимдин колунан келди? Алар ага-ини эмес. Атасы менен уулу да эмес. Ал эки адам – атактуу модельерлер Дольче менен Габбана. Таланттуу, келбеттүү эки жигит. Эки өнөктөш же жөн эле жакын адамдар. Жаштардын сүйүктүү “Dolce & Gabbana” кийим маркасынын ээлери. Дольче менен Габбана кийим тигүүнү, жаңы моделдерди жаратууну жана бири-бирин абдан сүйүшөт.
“Дольче & Габбана” деген сөз айкашы кулагыбызга катуу сиңип калса да, бул эки адам бири-бирине такыр окшошпойт. Доменико Дольче жалгыздыкты, тамак жасаганды, кара түстү жакшы көргөн, көп сүйлөй бербеген жоош адам. Ал 1958-жылы 13-августта Сицилияда туулган. Анын өтө бай эмес үйбүлөсүнүн кичинекей кийим тигүүчү жайы болгон. Ата-энесинин 6 жашар жардамчысы костюмдун бир жеңин көзүн жумуп туруп тигип койчу. Бош убактысын болсо кездемелердин ашып калган бөлүктөрүнөн кичинекей көйнөктөрдү, костюмдарды тигип өткөрчү. Доминиконун бир гана калың костюму бар эле, аны да жекшемби күн­дөрү гана чиркөөгө кийүүгө уруксат берилчү. Бой жеткен соң Доминико атасынын жолун улагандын ордуна көркөм мектепти окуп бүтүр­гөндөн кийин өз бактысын издеп Милан шаарына жөнөп кетет.
Стефано Габбана болсо жеткен тентек болуп өскөн. Шок, быдылдап тынбай сүйлөйт, дискотека, кечки жашоону жактырат. Ал Милан шаарында 1962-жылы 14-ноябрда төрөлгөн. Өспүрүм чагынан тартып эле кычырап кийинүүнү жактырчу. Дүкөндөр­дөгү эң модалуу, эң ачык түстөгү кийимди тандап, дароо сатып алчу экен. Көркөм колледждин графика жана дизайн бөлү­мүн аяктаган.
Ошентип, 1982-жылы эки таланттын жолдору кесилишип, алардын ортосунда алгач сүйүү, кийин чогуу иштешүү жөнүндө ой пайда болот. 1985-жылы айымдар, 1987-жылы эркектер үчүн даярдалган биринчи коллекцияларын тартуулашат. Чыныгы ийгиликке Дольче менен Габбана 90-жылдарда жетишишти. Дүйнөлүк мода тарыхында болуп көрбөгөн жаңы моделдерди жаратышты. Алардын ичинен эң атактуулары: тыш кийимдин да ролун аткара алган кооз ич кийимдер, жылаңач денеге кийилчү костюмдар, жана атайын жыртылып, баалуу зергер таштар менен кооздолгон жинсы шымдар. Эки гений Сицилиянын салттарын бузушуп, жесир аялдардын кара кийимдерин укмуштуу кече көйнөктөргө айландырышкан. Кийимдерден тышкары көз айнек, сумка, бут кийим жана башка аксессуарлардын жаңы түр­лөрүн жаратышты. Албетте, аларга гана таандык бир катар өзгөчө атыр жыттарын чыгарышкан. Белгилүү журналдардын бирине берген интервьюларынын биринде алар: “Биздин ийгилигибизди көрө албай жүргөндөр жок эмес. Себеби, биз 20 жылдан бери биргебиз! Азырынча үйүбүздө 2 күчүк жашайт. Жакында чыныгы бала багып алууну пландаштырып жатабыз!” дешкен.

Даярдаган Бегайым Мусакеева


"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.

Рейтинг: Рейтинг  0 
Комментарийлер(0)
Комментарий калтыруу үчүн өз ысымыңыз менен кириңиз же каттоодон өтүңүз.
 
Бөлүмдүн статистикасы
соңку 15 мүнөт ичинде 0 колдонуучу (Катталган: 0, коноктор: 0) бул макаланы окуду:

Макалалардын саны:
21193;
 
Маалымат-маанайшат порталы
2006-2018 © SUPER.KG
Кыргыз Республикасы, Бишкек шаары,
Күрөӊкеев көчөсү - 180
"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.
Рейтинг@Mail.ru
Биз социалдык тармактарда: