БИР БҮРКҮМ. ЖАЗЫНДА КАЛКТЫ КАТТОО ЖҮРӨТ...

Октябрь айынын аягына карата Кыргызстандын алтын валюта резервинин көлөмү 2 миллиард 294,9 миллион долларды түздү.
Жогорку Кеңештин депутаттары 4-5-6-ноябрда өлкө аймагын кыдырып шайлоочулар менен жолугушту.
Улуттук статистика комитети: Өлкөдө маданият кызматкерлеринин саны 9 миңден ашык, алардын 41 пайызы аялдар.
Ош мамлекеттик университетинин ректору болуп Кудайберди Кожобеков шайланды.
2020-жылдын 23-мартынан 1-апрелине чейин калкты каттоо жүрөт.
Кыргыз өлкөсүндө 5-ноябрдан тарта “Кыргыз каганатынын доору” аталышындагы жаңы коллекциялык тыйындар жүгүртүүгө чыгарылды.
Бишкекте “Хизбут-Тахрир” уюмунун “амири” кармалды. Бул тууралуу УКМКнын басма сөз кызматы билдирди.
Бишкекте үй, батирлердин дээрлик 31 пайызына номур коюла элек. Мындай маалымат өкмөттө эл каттоого даярдык талкууланган жыйында айтылды.
Тажик бийлиги: "Тажик-өзбек чек арасында 15 кылмышкер жок кылынып, калган бешөө колго түшүрүлдү".

Кубан Жумамидинов
politika@super.kg

"Супер-Инфо" гезитинин материалдары жеке колдонууда гана уруксат. Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.

Талкуу жабык.

№ 888, 7-13-ноябарь, 2019-жыл