Архив
792   793   794   795   796   797   798   799   800   801   802   803   804   805   806   807   808   809   810   811   812   813   814   815   816   817   818   819   820   821   822   823   824   825   826   827   828  
740   741   742   743   744   745   746   747   748   749   750   751   752   753   754   755   756   757   758   759   760   761   762   763   764   765   766   767   768   769   770   771   772   773   774   775   776   777   778   779   780   781   782   783   784   785   786   787   788   789   790   791  
687   688   689   690   691   692   693   694   695   696   697   698   699   700   701   702   703   704   705   706   707   708   709   710   711   712   713   714   715   716   717   718   719   720   721   722   723   724   725   726   727   728   729   730   731   732   733   734   735   736   737   738   739  
635   636   637   638   639   640   641   642   643   644   645   646   647   648   649   650   651   652   653   654   655   656   657   658   659   660   661   662   663   664   665   666   667   668   669   670   671   672   673   674   675   676   677   678   679   680   681   682   683   684   685   686  
583   584   585   586   587   588   589   590   591   592   593   594   595   596   597   598   599   600   601   602   603   604   605   606   607   608   609   610   611   612   613   614   615   616   617   618   619   620   621   622   623   624   625   626   627   628   629   630   631   632   633   634  
531   532   533   534   535   536   537   538   539   540   541   542   543   544   545   546   547   548   549   550   551   552   553   554   555   556   557   558   559   560   561   562   563   564   565   566   567   568   569   570   571   572   573   574   575   576   577   578   579   580   581   582  
479   480   481   482   483   484   485   486   487   488   489   490   491   492   493   494   495   496   497   498   499   500   501   502   503   504   505   506   507   508   509   510   511   512   513   514   515   516   517   518   519   520   521   522   523   524   525   526   527   528   529   530  
427   428   429   430   431   432   433   434   435   436   437   438   439   440   441   442   443   444   445   446   447   448   449   450   451   452   453   454   455   456   457   458   459   460   461   462   463   464   465   466   467   468   469   470   471   472   473   474   475   476   477   478  
374   375   376   377   378   379   380   381   382   383   384   385   386   387   388   389   390   391   392   393   394   395   396   397   398   399   400   401   402   403   404   405   406   407   408   409   410   411   412   413   414   415   416   417   418   419   420   421   422   423   424   425   426  
322   323   324   325   326   327   328   329   330   331   332   333   334   335   336   337   338   339   340   341   342   343   344   345   346   347   348   349   350   351   352   353   354   355   356   357   358   359   360   361   362   363   364   365   366   367   368   369   370   371   372   373  
264   265   266   267   268   269   270   271   272   273   274   275   276   277   278   279   280   281   282   283   284   285   286   287   288   289   290   291   292   293   294   295   296   297   298   299   300   301   302   303   304   305   306   307   308   309   310   311   312   313   314   315   316   317   318   319   320   321  
217   218   219   220   221   222   223   224   225   226   227   228   229   230   231   232   233   234   235   236   237   238   239   240   241   242   243   244   245   246   247   248   249   250   251   252   253   254   255   256   257   258   259   260   261   262   263  
176   180   181   182   183   184   185   186   187   188   189   190   191   192   193   194   195   196   197   198   199   200   201   202   203   204   205   206   207   208   209   210   211   212   213   214   215   216  
Популярдуу макалалар
Akbuura gazeta

ТОКМОКТУН АЯЗДУУ ТАҢЫ ЖАШ КЕЛИНСИЗ АТТЫ

№407 20-26-август, 2010-ж.


Сөздөн сөз чыгып отуруп, айрымдар кантип бири-биринин мурдун канжалата койгонун да билбей калышат. Ошонун сыңары жаңы эле түрмөдөн чыккан бул кылмышкер кумарын кандырууга каршы болгон келинди мыкаачылык менен өлтүрүп койду. Ошентип, абактан кайра абакка сапар алды.

12 КАБЫРГАСЫ СЫНЫП, БАШ СӨӨГҮНӨ ДОО КЕТКЕН
Уккан адамдын төбө чачын тик тургузган бул окуя мындан бир нече жыл мурун болгон. Жаңы эле абактан чыгып келген кылмышкер бир күнүн да жөн өткөрбөй, ошол эле түнү кайрадан абакка өзү жол ачты. Жол ачканда да уурулук сыяктуу майда кылмыш менен эмес, жаш келиндин өмүрүн алып кетти.
Токмок шаары. Декабрь айынын кычыраган аяздуу түнү өтүп, таң супа салып келе жатты. Таң атканын кабарлагансып короздор да биринен сала бири кыйкырып киришти. Элдин алды кызуу уйкудан ойгоно баштады. Мына ушул маалда ШИИБдин нөөмөт бөлүмүнө жергиликтүү тургундардан коңгуроо келип түштү. Алар шаардын Шамшы көчөсүндө жайгашкан гараждын жанында аялдын өлүгү жаткандыгын кабарлашты.
Кабар келип түшөрү менен оперативдүү топ окуя болгон жерге дароо жетип келишти. Жерде 30-35тер чамасындагы азиат улутундагы аял сунала жаткан эле. Анын жылаңачталган денесинде эч бир тамтык жок. Адамдын көзү токтолуп карап тура алгыс көк ала тактар киши колдуу болуп өлгөнүн айгинелеп турду.
Мындай окуя шамалдай тез тарайт көрүнөт. Окуя болгон жерге милиция кызматкерлери менен катар шаар тургундары да топтоло түштү. Алардын бири келинди таанып: "Кечээ эле муну менен тиги жактан жолуккам, минтип айтты эле. Өлүм оюнда жок болчу",- десе, кээ бирөөлөр: “Дегеле жакшылык көрбөй жүрүп өттү. Көрөр күнүң ушул беле?! Эми жалгыз кызыңды ким карайт? Убалың кылмышкерге жетсин!”- деп шыпшынып жатышты.
Ошол замат атайын топ түзүлүп, иликтөө иштери башталды. Денени соттук-медициналык экспертизадан өткөрүү үчүн алып кетишти. Текшерүүдө аялдын 12 кабыргасы сынып, боору жарылып, баш сөөгүнө доо кеткендиги аныкталды. Муну уккан-көргөндөр бул иш коркунучтуу кылмышкердин колунан келгендигин айттырбай түшүнүштү.

ЖАБЫРЛАНУУЧУ – КҮЙӨӨСҮ МЕНЕН АЖЫРАШКАН КЕЛИН
Көк ала койдой союлуп, өлтүрүлгөн келиндин ким экени тез эле билинди. Жабырлануучу күйөөсү менен оту күйүшпөй ажырашып кеткен жаш келин болуп чыкты. Ал 5-6 жашар чамасындагы кызы менен жалгыз бой жашаган Токмок шаарынын 36 жаштагы тургуну Акбермет экен. Акбермет турмушунан жолу болбой жашоонун кыйын кезеңине кабылып, акыркы күндөрү "жинди сууга" азгырылып жүргөн эле. Аны кой-ай дечү бир туугандары да, ата-энеси да алыста болчу.
Иликтөөнүн негизинде жаш келиндин өлөрдөн бир күн мурун жаш жигиттер менен арак ичип жүргөнү билинди. Чогуу арак ичкен жигиттер шектүү катары кармалып, ШИИБге алынып келинди. Алар бирге арак ичкендерин жашырышкан жок. Ал гана эмес, келин менен интимдик катнашта болгулары келгендерин да айтып салышты. Жигиттердин айтымында, 2-3 саатча арак ичип, көңүл ачып отурушкандан кийин тарап кетишкен. Ошентип, булар ак болуп чыга келишти. Кылмыш өз учурунда ачылбай, создуктурула берди.

ШЕКТҮҮ АДАМ КАРМАЛЫП, КЫЛМЫШТЫ МОЮНУНА АЛДЫ
Иш ачылбай убакыт созулганы менен, иликтөө иштери токтотулган жок. Укук коргоо кызматкерлери шек санаган адамдарды, кылмыш чөйрөнү, бул чөйрө менен байланышы барлардын баарын катуу көзөмөлгө алышты. Акыры бул аракет жарым жылдан кийин жемишин берди.
Арадан жети ай өткөндө ШИИБге мурун уурулук менен бир нече жолу соттолгон, европа улутундагы 31 жаштагы мырза кармалып алып келинди. Бул адамдан Токмок шаарынын тургундары да, опертоп да көп нерсени шектенип, астейдил карап жүрүшчү. Ал буга чейин жасаган оор кылмыштарын бурмалоо үчүн ортодо майда уурулуктарды жасай коюп кармалып, түрмөдө отуруп жүргөн жигит эле. Алгач бул эргул кылмышты өзүнө жуутпай, суудан кургак чыгып жатты.
Мындай кылмыштардын далайынын бетин ачкан тажрыйбалуулар акыры колу менен жасаган ишин моюну менен тартууга аргасыз кылышты. Бир нече күнгө созулган аңгемелешүүдөн кийин кылмышкер болгон окуяны толугу менен баяндоодон башка айласы жок экенин түшүндү.

ТҮРТҮП ЖИБЕРГЕНИНЕ НАМЫСТАНЫП...
– 18-декабрда түн ичинде дүкөндүн жанынан Акберметке жолугуп калдым. Аны менен көп жылдан бери жакшы тааныштардан элем. Ортодо жакшы мамиле да бар болчу. Мен бир аз кызуу элем, анын деле таза эмес экенин байкадым. Абактан жаңы чыкканымды айтып, белгилеп коёлу дегениме каршы болгон жок. Чөнтөгүмдө болор-болбос эле акчам калыптыр. Ички чөнтөк, сырткы чөнтөктөгү акчаларымды чогултуп, бир бөтөлкө арак алдым. "Бул аздык кылат го. Сен да бирди албайсыңбы?"- десем: "Акчам жок",- деди.
Анан гараждын артына өттүк. Эмнегедир элден оолак болууну самадык. Экөөбүздүн тең ичибизде ичимдик бар болгондуктан, улам-улам бири-бирибизге каалоо айтып жатып тез эле кызып калдык. Ошентип канча убакыт өткөнүн деле билбей калдым. Ортодо өткөн-кеткен көп окуялар айтылды. Турмуштан жолу болбой күйөөсү менен ажырашып кеткенин да саймедиреп берди. Мен дагы абактагы күндөрүмдүн кандай өткөнүн айтып отурдум.
Абакта жатып аялды эңсеп калган жаным кумарга баткым келди. Ачыгын айтсам каршы болуп койду.
Мен ал күнү эркиндикке чыкканымабы, айтор, өзүмдү башкача сезип, асманда учуп жүргөндөй болуп жаткам. Ошонун күүсү менен анын каалабаганына карабай кучактап өпкүлөй баштадым. Ал мени түртүп жиберди. Ушундан кийин намысыма келе түштүм. Анын үстүнө мурун менин айтканыма каршылык кылбаган келин азыр макул болбой турганына ыза болдум. Мени теңине албай жаткандай сезилди. Ушундай ойлор менен каным кызып чыкты. Анан эмне кылып жатканымды өзүм да билбей калыптырмын. Эсиме келсем, денеси эчак муздап калган экен. Эмне кылсам экен деп көпкө ойлонуп отуруп, кийимдерин чогултуп гараждын үстүнө ыргыттым да, кетип калдым.

Сөз соңунда бул жигит мындан башка да кылмыштарга себепчи экенин айтып, көз жашын көлдөтүп отурду.
Мына, окурман, ичимдиктин эч качан жакшылыкка алып келбесинин дагы бир далили. Жаш келин эски таанышына жолугуп, бирок "жүздөшпөй" кетип калса, мындай өлүмгө туш келбес беле? Аттиң дүйнө...

Сүйүн Кулматова
koom@super.kg


"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.

Рейтинг: Рейтинг  0 
Комментарийлер(2)
20.08.2010. 20:11 
Тайпасы:
Кыймылы жок
Комментарийлердин саны:
28
Катталган:
16-06-2010
Соӊку аракети:
24-06-2011 14:02
Жынысы:
Белгисиз
0
Акыркы жылдары мындай окуялар жанылык деле болбой калды.Ким куноолу деген суроо эч кимибизди деле кызыктырбайт.Анткени турмуштан ажыраган келиндер сайдын ташындай эле шыгыраса, аракка кырчындай кезинде берилген жигиттер учун мода болуп калгандай
24.08.2010. 20:47 
Тайпасы:
Кыймылы жок
Комментарийлердин саны:
5
Катталган:
21-08-2010
Соӊку аракети:
16-09-2010 19:19
Жынысы:
Белгисиз
0
бул ишке бир эле арак эмес жумушсуздук да себепкер деп ойлойм
1
Комментарий калтыруу үчүн өз ысымыңыз менен кириңиз же каттоодон өтүңүз.
 
Бөлүмдүн статистикасы
соңку 15 мүнөт ичинде 0 колдонуучу (Катталган: 0, коноктор: 0) бул макаланы окуду:

Макалалардын саны:
21193;
 
Маалымат-маанайшат порталы
2006-2018 © SUPER.KG
Кыргыз Республикасы, Бишкек шаары,
Күрөӊкеев көчөсү - 180
"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.
Рейтинг@Mail.ru
Биз социалдык тармактарда: