«Жылдын супер актёру»

Жыйынтык

Башка сурамжылоолор


Архив
844   845   846   847   848   849   850   851   852   853   854   855   856   857   858   859   860   861   862   863   864   865   866   867   868   869   870   871   872   873   874   875   876   877   878   879   880   881   882   883   884   885   886   887   888   889   890   891  
792   793   794   795   796   797   798   799   800   801   802   803   804   805   806   807   808   809   810   811   812   813   814   815   816   817   818   819   820   821   822   823   824   825   826   827   828   829   830   831   832   833   834   835   836   837   838   839   840   841   842   843  
740   741   742   743   744   745   746   747   748   749   750   751   752   753   754   755   756   757   758   759   760   761   762   763   764   765   766   767   768   769   770   771   772   773   774   775   776   777   778   779   780   781   782   783   784   785   786   787   788   789   790   791  
687   688   689   690   691   692   693   694   695   696   697   698   699   700   701   702   703   704   705   706   707   708   709   710   711   712   713   714   715   716   717   718   719   720   721   722   723   724   725   726   727   728   729   730   731   732   733   734   735   736   737   738   739  
635   636   637   638   639   640   641   642   643   644   645   646   647   648   649   650   651   652   653   654   655   656   657   658   659   660   661   662   663   664   665   666   667   668   669   670   671   672   673   674   675   676   677   678   679   680   681   682   683   684   685   686  
583   584   585   586   587   588   589   590   591   592   593   594   595   596   597   598   599   600   601   602   603   604   605   606   607   608   609   610   611   612   613   614   615   616   617   618   619   620   621   622   623   624   625   626   627   628   629   630   631   632   633   634  
531   532   533   534   535   536   537   538   539   540   541   542   543   544   545   546   547   548   549   550   551   552   553   554   555   556   557   558   559   560   561   562   563   564   565   566   567   568   569   570   571   572   573   574   575   576   577   578   579   580   581   582  
479   480   481   482   483   484   485   486   487   488   489   490   491   492   493   494   495   496   497   498   499   500   501   502   503   504   505   506   507   508   509   510   511   512   513   514   515   516   517   518   519   520   521   522   523   524   525   526   527   528   529   530  
427   428   429   430   431   432   433   434   435   436   437   438   439   440   441   442   443   444   445   446   447   448   449   450   451   452   453   454   455   456   457   458   459   460   461   462   463   464   465   466   467   468   469   470   471   472   473   474   475   476   477   478  
374   375   376   377   378   379   380   381   382   383   384   385   386   387   388   389   390   391   392   393   394   395   396   397   398   399   400   401   402   403   404   405   406   407   408   409   410   411   412   413   414   415   416   417   418   419   420   421   422   423   424   425   426  
322   323   324   325   326   327   328   329   330   331   332   333   334   335   336   337   338   339   340   341   342   343   344   345   346   347   348   349   350   351   352   353   354   355   356   357   358   359   360   361   362   363   364   365   366   367   368   369   370   371   372   373  
264   265   266   267   268   269   270   271   272   273   274   275   276   277   278   279   280   281   282   283   284   285   286   287   288   289   290   291   292   293   294   295   296   297   298   299   300   301   302   303   304   305   306   307   308   309   310   311   312   313   314   315   316   317   318   319   320   321  
217   218   219   220   221   222   223   224   225   226   227   228   229   230   231   232   233   234   235   236   237   238   239   240   241   242   243   244   245   246   247   248   249   250   251   252   253   254   255   256   257   258   259   260   261   262   263  
176   180   181   182   183   184   185   186   187   188   189   190   191   192   193   194   195   196   197   198   199   200   201   202   203   204   205   206   207   208   209   210   211   212   213   214   215   216  
Популярдуу макалалар

#RЕАКЦИЯ: БИЙЛИККЕ САРЫ КАГАЗ КӨРСӨТҮЛДҮ

№891 28-ноябрь - 4-декабрь, 2019-ж.


Коррупциянын бетин ачуубу? Кайсы бир саясий топтун кызыкчылыгында президентке импичмент жарыялоо аракетиби? Коомчулук бүгүн «Азаттык», "Клооп" жана ОССRP`нын «Бажыдагы миллиондор: Карактоо жана калкалоо» деген журналисттик иликтөөсү боюнча ушул суроого жооп издеп жатат.

БУЛАК – САЙМАИТИНИН ӨЗҮ

21-ноябрда «Азаттык» «Кыргызстандан чыгарылып кеткен миллиондордун изи» деген журналисттик иликтөөсүнүн уландысын жарыялады. Бул иликтөөдө «Азаттыкка» маалымат берген адам – алгачкы иликтөөдө аты аталган, жакында Түркияда киши колдуу каза тапкан Айэркен Саймаити өзү экени белгилүү болду. Ал убагында
Хабибулла Абдукадыр деген уйгур тектүү кытайлык ишкердин колунда акча ташыгыч, анын Кыргызстан, Өзбекстан, Орусиядагы каржы иштерин тескөөчүсү, күмөндүү акчаларын адалдоочусу болуп турганын айтып берген. Саймаитинин маегинин кыскача маңызын айтканда, ал «Абдукадыр бажыдан жүк өткөрүүдө Кыргыз бажысынын төрагасынын мурдагы орун басары Райымбек Матраимов менен иштешчү» дейт.

Иликтөөдө Хабибулла Абдукадырдын 2017-жылы, Сооронбай Жээнбековдун президенттик кызматка киришүү инаугурациясында өлкө башчынын бир тууган агасы менен бир тууган эжесинин ортосунда отурган сүрөтү да көрсөтүлүп, талкууга түштү.

АТАМБАЕВДИ АЙЛАНЫП ӨТКӨН ИЛИКТӨӨ

Жарандык коом иликтөөнү эмоционалдуу кабыл алды. Иликтөөнүн фигуранттарына карата «камалсын», «жазалансын» деген талаптар айтылып, 25-ноябрда Бишкекте Ак үйдүн алдында 500дөн ашуун адам катышкан #REакция деп аталган акция да болуп өттү. Тынчтык акциясына чогулгандар өлкө жетекчилигинен иликтөөдө ысымы аталган Райымбек Матраимовдун камалышын, реалдуу реформаларды жасоону талап кылып, бийликке футболдогудай сары айып кагазын көрсөтүү менен тарап кетишти.

Аталган иликтөөгө карата пикир айтып жаткандардын экинчи тарабы бул иликтөөнүн максаты – коррупциянын бетин ачууга эмес, көбүрөөк, бир фигураны каралоо, ошону шылтоолоо менен учурдагы президент Сооронбай Жээнбековго импичмент жарыялоо аракетине окшошуп турат дешүүдө. Белгилүү журналист, "5-каналдын" жетекчиси Эрнис Кыязов «Азаттыктын» иликтөөсүн бир тараптуу деп сындап «эмне үчүн иликтөөдө мүмкүн болгон фамилиялардын баары айтылып, ал эми мурдагы президент Алмазбек Атамбаев тууралуу бир ооз сөз жок?» деп суроо салды. Бул суроону Кыязовдон башка жарандык активисттер, эксперттер да узатып, дал ушул Атамбаевди айланып өтүп кеткен жагдай иликтөөнүн максатынан шек санатарын айтышты. Иликтөөдө кылмыштуу бизнес-мафиянын кожоюну делген Хабибулла Абдукадыр менен Атамбаевдин бизнес кызыкчылыктары бар экени буга чейин ЖМКларда айтылып жүргөн, бул жагдай «Азаттыктын» 2 иликтөөсүндө тең сөз болгон жок. «Саймаити Атамбаев менен Абдукадырдын байланышы жөнүндө да айткан болушу мүмкүн, айтпаган күндө да «Азаттык» калыстык үчүн ал тууралуу сурашы керек эле. Иликтөөнүн максаты конкреттүү бирөөлөрдү каралообу?» деген суроолордун айтылып жатышы ушундан улам.

АК ҮЙДҮН ЖООБУ КЫСКА БОЛДУ

Президенттин басма сөз кызматынын жетекчиси Толгонай Стамалиева Сооронбай Жээнбековдун Абдукадыр менен эч кандай жеке кызыкчылыгы жоктугун, Хабибулла Абдукадырдын инаугурация күнү президенттин бир туугандарынын жанында отуруп калышы ал кездеги президент Алмазбек Атамбаевдин аппаратынын чечими болгонун билдирүү менен чектелди. Буга жооп көпкө күттүргөн жок. Учурда Бишкектеги номур биринчи тергөө абагында отурган Фарид Ниязов КСДП аркылуу үн катты. КСДП жарыялаган кайрылууда Ниязов инаугурацияны Атамбаевдин аппараты эмес, атайын түзүлгөн топ уюштурганын, ал эми Хабибулла Абдукадыр президент Жээнбековдун тапшырмасы менен чакырылып, сыйлуу орунга отургузулганын билдирди. Бирок көп өтпөй социалдык тармактарга Фарид Ниязовдун каты деген сүрөт тарады. Анда "менин журналисттерге жолугуп, маалымат берүүгө мүмкүнчүлүгүм жок. Хабибулла Абдукадыр деген адам тууралуу эч кандай маалымат берген эмесмин",- деп жазылып, этегине Фарид Ниязов деп кол коюлган.

БАБАНОВ КЫЙМЫЛГА КЕЛДИ

Окуя боюнча Жогорку Кеңештин Дастан Бекешев, Мирлан Жээнчороев өңдүү айрым гана депутаттары коңгуроо кагып, көпчүлүгү унчукпады. Өмүрбек Бабановдун ишенимдүү адамы, депутат Мирлан Жээнчороев башкы прокурор Өткүрбек Жамшитовго кайрылып, иликтөөдө айтылгандарды текшерип, укуктук баа берүүнү өтүндү. Бул жагдай Бабанов экс-чиновник Райымбек Матраимовго тиш кайраган бир окуяны эске салат. 2017-жылы Кара-Суу шаардык кеңешине шайлоодо Бабановдун «Республика» партиясы утулуп калган. Ошондо Бабанов «шайлоо ишине кийлигишти» деп Райымбек Матраимовду күнөөлөп чыккан. Азыркы кырдаал Бабановго оңунан чыгып турганы түшүнүктүү. Бабановдун кыймылга келишинин мындан да олуттуу себеби – ал президенттик шайлоодо добуштар боюнча экинчи орунду алган адам. Демек, Сооронбай Жээнбеков отурган шаты кыймылдай баштаган абалды ал колдонбой өткөрүп ийбеси анык.

МАТРАИМОВ: «МАГА БАЙЛАНЫШКАН СУРООЛОРГО ЖООП БЕРҮҮГӨ ДАЯРМЫН»

Көп өтпөй Мамлекеттик бажы кызматынын төрагасынын мурдагы орун басары Райымбек Матраимов өлкөдөгү саясий кырдаал боюнча билдирүү таратты.

– Урматтуу замандаштар, өзүңүздөр көрүп тургандай, акыркы эки жылдан бери кайсы бир саясий топтор мени каралоо максатында түрдүү божомолдорду, ар кандай жалган маалыматтарды таратып келди. Мунун баарына качандыр бир чекит коюлат деп ойлоп жүргөм. Бирок акыркы жети ай ичинде бул каралоо акциясы башка деңгээлге чыкты. Айрым журналисттер ошол саясий топтордун куралына айланып, кечээ мени өлкөдөгү бардык экономикалык проблемалардын себеби катары сыпатташса, бүгүн ойго келбес, кечирилгис кылмыштарды мага шылтап, жалган жалаа жабууга өтүштү.

Мени кызмат ордума кайра коюу боюнча сот чечими чыккан соң өз каалоом менен Бажы кызматына кайра барбоону чечкем жана тынч жашоо максатында бизнес менен алектенейин деп чет өлкөгө кеткен элем. Ошентип сыртта жүргөн учурда мени каралоо акциясына бейөкмөт, коомдук уюмдарды да кошууга үлгүрүшүптүр. Ошол саясий топтор эми жаштарды жана өз өлкөсү үчүн күйгөн жарандарды азгыруу аркылуу аларды саясатта курал катары колдонуп жатышат.

А мен тууралуу «Азаттык» айтып жаткан маалыматтардын баары жалган жана иш-аракеттери туура эмес. Мен өзүмдүн ал иштерге тиешелүү эмес экенимди кайсы жерде болбосун далилдей алам.

Жалган жалаа, калп маалыматтарды таратуу аркылуу мени курулай жаман көрсөтүү аракетинен улам коомчулукта азыр мага байланыштуу ар кыл пикирлер, уу-дуу кептер тарап кетти. Ушундан улам мен өз өлкөмө кайтып келүүнү чечтим. Мага байланышкан кандай суроо болсо, ошонун ичинде укук коргоо органдарында, мен жооп берүүгө даярмын,- дейт Матраимов.

«ТЕКЕБАЕВДИН ОКУЯСЫНА ОКШОШ КЫРДААЛ»

Эл өкүлү Исхак Масалиев экс-депутат Текебаевдин окуясына окшош кырдаал түзүлдү дейт. «Камалсын» деген туура эмес. «Текшерсин, жоопко тартсын» деш керек. Убагында Текебаев Маевскийдин көрсөтмөсү менен камалганда азыр кыйкырып жаткандар «бир адамдын көрсөтмөсү менен камаган болбойт» деп чыгышкан. Бүгүн да бир адамдын айтымы менен бирөөнү күнөөлүү кылып жатабыз»,- деди Масалиев.

Депутаттар Дастан Бекешев менен Алмамбет Шыкмаматов президенттен чуулгандуу иликтөөгө реакция кылууну, УКМК, Мамлекеттик бажы кызматы өңдүү органдардын жетекчилерин кызматтан алууну өтүндү.

«БАЖЫДА КОНТРАБАНДА ЖОК»

Мамлекеттик бажы кызматынын жообу баарынан кызык болду. Мекеме окуяга карата «бажыда контрабанда жок, болгон да эмес» деген жооп узатты. Ал эми Коопсуздук кеңеши кийинки жыйынында президент Сооронбай Жээнбековдун катышуусунда бажыдагы коррупция маселесин кароону убадалады.

Интернет желесине Хабибулла Абдукадырдын Алмазбек Атамбаев менен кучакташа түшкөн сүрөтү да жарыяланып, бул инаугурациядагы сүрөткө жооп болду. Президент Жээнбеков өзүнүн аппараты, Атамбаев өзүнүн партиясы аркылуу Абдукадырды өздөрүнөн алыс түртүүгө аракет кылууда. Коомчулук болсо Хабибулла Абдукадырдын Жээнбековго да, Атамбаевге да тиешеси бар экенин түшүнүп турат.

Автандил Добулбеков
politika@super.kg



Бийликке элден сары айып кагазы берилди

Автор: Амирбек Исмаилов
Оператор: Батырбек Зарлыков

"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.

Рейтинг: Рейтинг  0 
Талкуу жабык.
Бөлүмдүн статистикасы
соңку 15 мүнөт ичинде 1 колдонуучу (Катталган: 0, коноктор: 1) бул макаланы окуду:

Макалалардын саны:
23288;
 
Маалымат-маанайшат порталы
2006-2019 © SUPER.KG
Кыргыз Республикасы, Бишкек шаары,
Жибек Жолу проспектиси 381
"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.
Рейтинг@Mail.ru
Биз социалдык тармактарда: