ДЕПУТАТ КАНАТ ИСАЕВДИН АГАСЫ ТАЛАНТ ИСАЕВГЕ КЫЛМЫШ ИШИ АЧЫЛДЫ

Улуттук коопсуздук мамлекеттик комитети МАИ кызматынын мурдагы жетекчиси Талантбек Исаевге кылмыш ишин ачты. Бул тууралуу аталган комитеттин басма сөз кызматынан билдиришти. Аталган факты Кылмыштардын жана жоруктардын бирдиктүү реестрине 320-берене («кызмат абалынан кыянаттык менен пайдалануу») менен катталды. Учурда сотко чейинки териштирүү иштери жүрүүдө. Атайын кызматтын маалыматына караганда, Исаев 2011-жылы «Манас Менеджмент» компаниясында иштеп тургандагы каржылык маселелер боюнча кылмышка шектелип жатат.

Талантбек Исаев 2011-жылдан 2014-жылга чейин Жол кыймылынын коопсуздугу башкы башкармалыгын жетектеген. 2018-жылдын 11-октябрында Ички иштер министрлигинин Мамлекеттик адистештирилген күзөт кызматынын башкы башкармалыгынын башчылык кызматына дайындалган. Чиновник «Кыргызстан» партиясынын лидери, учурда парламент депутаты Канат Исаевдин бир тууган агасы.

Кубан Жумамидинов
politika@super.kg

"Супер-Инфо" гезитинин материалдары жеке колдонууда гана уруксат. Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.

Талкуу жабык.

№ 891, 28-ноябрь - 4-декабрь, 2019-ж.