Архив
792   793   794   795   796   797   798   799   800   801   802   803   804   805   806   807   808   809   810   811   812   813   814   815   816   817   818   819   820   821   822   823   824   825   826   827   828   829   830   831   832   833   834   835   836  
740   741   742   743   744   745   746   747   748   749   750   751   752   753   754   755   756   757   758   759   760   761   762   763   764   765   766   767   768   769   770   771   772   773   774   775   776   777   778   779   780   781   782   783   784   785   786   787   788   789   790   791  
687   688   689   690   691   692   693   694   695   696   697   698   699   700   701   702   703   704   705   706   707   708   709   710   711   712   713   714   715   716   717   718   719   720   721   722   723   724   725   726   727   728   729   730   731   732   733   734   735   736   737   738   739  
635   636   637   638   639   640   641   642   643   644   645   646   647   648   649   650   651   652   653   654   655   656   657   658   659   660   661   662   663   664   665   666   667   668   669   670   671   672   673   674   675   676   677   678   679   680   681   682   683   684   685   686  
583   584   585   586   587   588   589   590   591   592   593   594   595   596   597   598   599   600   601   602   603   604   605   606   607   608   609   610   611   612   613   614   615   616   617   618   619   620   621   622   623   624   625   626   627   628   629   630   631   632   633   634  
531   532   533   534   535   536   537   538   539   540   541   542   543   544   545   546   547   548   549   550   551   552   553   554   555   556   557   558   559   560   561   562   563   564   565   566   567   568   569   570   571   572   573   574   575   576   577   578   579   580   581   582  
479   480   481   482   483   484   485   486   487   488   489   490   491   492   493   494   495   496   497   498   499   500   501   502   503   504   505   506   507   508   509   510   511   512   513   514   515   516   517   518   519   520   521   522   523   524   525   526   527   528   529   530  
427   428   429   430   431   432   433   434   435   436   437   438   439   440   441   442   443   444   445   446   447   448   449   450   451   452   453   454   455   456   457   458   459   460   461   462   463   464   465   466   467   468   469   470   471   472   473   474   475   476   477   478  
374   375   376   377   378   379   380   381   382   383   384   385   386   387   388   389   390   391   392   393   394   395   396   397   398   399   400   401   402   403   404   405   406   407   408   409   410   411   412   413   414   415   416   417   418   419   420   421   422   423   424   425   426  
322   323   324   325   326   327   328   329   330   331   332   333   334   335   336   337   338   339   340   341   342   343   344   345   346   347   348   349   350   351   352   353   354   355   356   357   358   359   360   361   362   363   364   365   366   367   368   369   370   371   372   373  
264   265   266   267   268   269   270   271   272   273   274   275   276   277   278   279   280   281   282   283   284   285   286   287   288   289   290   291   292   293   294   295   296   297   298   299   300   301   302   303   304   305   306   307   308   309   310   311   312   313   314   315   316   317   318   319   320   321  
217   218   219   220   221   222   223   224   225   226   227   228   229   230   231   232   233   234   235   236   237   238   239   240   241   242   243   244   245   246   247   248   249   250   251   252   253   254   255   256   257   258   259   260   261   262   263  
176   180   181   182   183   184   185   186   187   188   189   190   191   192   193   194   195   196   197   198   199   200   201   202   203   204   205   206   207   208   209   210   211   212   213   214   215   216  
Популярдуу макалалар
Akbuura gazeta

ЖЫЛДЫЗДАРДЫН ҮЛПӨТ ТОЮНДА

№233 27-апрель-3-май, 2007-ж.


Өз көзүбүз менен эч качан көрбөсөк да, жакын тааныштарыбыздай болуп калган атактуу ырчы, актёр, режиссёрлордун жеке турмушу бизди кызыктырбай койбойт. Алардын жашоосундагы ар бир окуяны, айткан сөздөрүн, басып-турганын дайыма байкап турабыз. Өзгөчө кызыкчылык жараткан нерсе – бул жылдыздардын үйлөнүү тойлору. Кымбат «Лимузиндер» жана баалуу үлпөт көйнөктөр, бриллианттуу шакектер жана таңкалтырган үйлөнүү сунуштары, миллиондогон доллар жана папарацци менен коштолгон атактуу үйлөнүү тойлордун эң кызыктуулары менен сиздерди тааныштырабыз.

ТОМ КРУЗ жана КЭТИ ХОЛМС

Белгилүү актёр Том Круз менен андан кем калбаган таланттуу актриса Кэти Холмстун ортосунда жылуу сезимдер бар экени билингенде күйөрмандардын сүйүнүчүндө чек жок эле. Жылдыздар 2 жыл сүйлөшүп жүрүшкөн соң акыры баш кошууну чечишкен. 2005-жылы Париждеги эс алуу убагында Том Кэтиге Эйфель мунарасынын чокусунда туруп үйлөнүү сунушун киргизди. Кэти албетте, макул болду. Бирок, анын кош бойлуу экени билинип, жаштар үйлөнүү тоюн бир жыл алдыга жылдырууга мажбур болушту. 2006-жылдын апрель айында алар татынакай Сури аттуу кыздуу болушту. Ушундан соң кош жылдыз тоюн Италиядагы Браччано шаарында жайгашкан XV кылымда салынган “Кастелло Одескальчи” деп аталган эски сарайда өткөрүүнү чечишти. Ал сарайдын ижарасына 1,5 миллион евро төлөнгөн. “CNN” каналы билдиргендей, бир күн мурун Браччанодо Том менен Кэтинин сүрөттөрү тартылган сувенирлер, торттор сатыкка чыккан. 18-ноябрь күнү чоң сарайда жубайлардын достору жана жакын туугандары биригип 150 мейман болду, аларды 100 кишиден турган кызмат тобу тейледи. Кэти менен 7 айлык Суринин үлпөт кийимдерин белгилүү америкалык модельер Жоржио Армани тигип берди. Тойго конок катары чакырылгандардын арасында атактуу Голливуд артисттери Жон Траволта, Уилл Смит, Женнифер Лопес, Виктория жана Дэвид Бекхем, режиссёрлор Мартин Скорсезе менен Стивен Спилберг болду. Капыстан жааган катуу жамгырга карабай бактылуу жубайларды бир көрүп калуу үмүтү менен көптөгөн адамдар, журналисттер сарайды тегеректеп турушту. 44 жашар Том буга чейин эки жолу үйлөнгөн. 27 жаштагы Кэтинин бул биринчи жолку турмуш куруусу. Тойго сарпталган каражаттын жалпы көлөмү болжол менен 2,5 миллион еврого барабар болду.


НИКОЛЬ КИДМАН жана КЕЙТ УРБАН

39 жаштагы таланттуу актриса жана ырчы Николь Кидман жогоруда сөз болгон актёр Том Круздун мурунку аялы. Экөө бирге 10 жыл бою өмүр сүрүшүп, 2001-жылы ажырашуу документине кол коюшкан эле. Эми Николь чын сүйүүсү кантри-ырчы Кейт Урбан менен баш кошуп, кубанычы койнуна батпай турган кези. Эки жылдыз тең австралиялык болушкандыктан, үйлөнүү тоюн да өз мекенинде өткөрүүнү туура көрүштү. Үйлөнүү аземи өткөн жылы 25-июлда Австралиянын борбору болгон Сиднейдеги бийик жардын чокусуна курулган католик чиркөөсүндө болуп өттү. “Баленсиаго” фирмасы Николь үчүн баалуу кристалл таштар сайылган ак көйнөк тигип берген. Анын баасы орто эсеп менен 150 миң долларды түзөт. Актрисанын колунда болсо ак розалардан гүлдесте бар эле. Католиктердин бардык мыйзамдарын аткарып, жубайлар шакек алмашып, бири-бирине түбөлүк сүйүү жөнүндө кепилдик сөздөрүн айтышты. Алтарь алдына Никольду атасы Энтони Кидман жетелеп барды. Той Тынч океанынын жээгинде жайгашкан жеке территорияда жашыруун түрдө уланды. Жылдыздарды шаардын жашоочулары көчөлөргө тизилип туруп алып, кол булгалап тосуп алышты. Тойго катышкан 230 адамдын ичинде Хью Жекман, Рассел Кроу, Наоми Уоттс сыяктуу белгилүү актёрлор болду. Той учурунда элдин эсине кала турган окуя болгон. Күнөөкөрлөрдүн айтуусунда, Кейт Урбан жубайына арнап жазган серенада ырын аткарып жатканда сезимтал Никольдун көзүнөн жаш тамып турганы өтө романтикалуу жана унутулгус учур болгон. Айта кетчү нерсе, Никольдун Изабелла жана Коннор аттуу бакма балдары бар. Кейт: “Мен аларга татыктуу ата болоорума ишенем” деп билдирди.


НИКОЛАС КЕЙДЖ жана ЭЛЛИС КИМ

Голливуддун эң атактуу актёрлорунун бири болгон Николас Кейдж өмүрүндө 5 жолу үйлөнгөн, анын үчөө расмий түрдө катталган. Актёр биринчи аялы актриса Патрисия Аркетт менен 1987-жылы таанышып, бир сааттан кийин ага үйлөнүү сунушун киргизген. Актриса дүйнөдө болбогон кара орхидея гүлүн таап келгенде гана макулдугун берээрин айткан. Кейдж боёлгон орхидеяны издеп тапса да, Патрисия аны теңине алган эмес. Бирок, 8 жыл өткөн соң атак-даңкка, байлыкка жетишкен Кейдж максатын орундатып, Патрисияга үйлөнгөн. 9 ай бирге турмуш курган эки жылдыз бири-биринен тажашканын сезишип, ажырашууну туура көрүшкөн. Көп өтпөй Николас өзүнө төп келген, чыр-чатак менен аралашып жүргөндү сүйгөн Лиза Мария Пресли менен таанышкан. Лиза Мария атактуу Майкл Жексондун мурунку аялы, легендарлуу Элвис Преслинин кызы болгон. Экөөнүн 20 адам катышкан жашыруун тойдо баш кошкондору шоу-бизнестеги чоң жаңылык болгон. Ал эми 109 күндөн кийин ажырашып кетиши андан өткөн таңкалаарлык окуя болду. Эки жолу ийгиликсиз үйлөнгөн Ник үчүнчү жубайын карапайым калктын арасынан издемей болот. Ошентип, актёр 14-февраль Сүйүшкөндөр күнүндө Лос-Анжелестеги кафелердин биринде сүйүүсүн жолуктурган. Ал 20 жаштагы корей улутундагы жөнөкөй официант болуп иштеген кыз Эллис Ким эле. Бир айлык кездешүүлөрдөн кийин актёр официант кызга изумруд жана бриллиант менен жасалгаланган шакек белек кылды да, алар 2004-жылдын июль айында Калифорнияда баш кошушту. Кымбат баалуу “Кристалл” шампаны суудай аккан үйлөнүү тоюна актёр чөнтөгүнөн 2 миллион доллар коротту. Николас аялына штаттагы эң кымбат ресторандардын бирин белек кылганы менен буга чейинки Голливуддун эң сараң адамы атын өчүрүп, эң жоомарт актёрго айланды. Андан сырткары, актёр дээрлик 3 миллион долларга жеке арал сатып алды. 2005-жылы бактылуу жуп балалуу болушту. Уулунун аты Кал-Эл. Бул кызыктуу ат Николас жактырган комикстердин башкы каарманы болгону журналисттер менен күйөрмандарды абдан таңкалтырды.


MАДОННА жана ГАЙ РИЧЧИ

Жылдыздардын жылдызы америкалык ырчы Мадонна менен атактуу режиссёр, актёр Гай Ричинин баш кошкондоруна 7 жылдын жүзү болсо да, алардын үй­лөнүү тою күйөрмандардын эсинде көпкө чейин калат. Мадонна өзүнөн туура 10 жашка кичүү болгон Гай менен белгилүү ырчы Стинг жана анын жубайы Труди Стайлер уюштурган жаңы жылдык кечеде таанышкан. Бир нече убакыт бирге жашашкан соң Рокки аттуу уулдуу болушат да, 4 айдан кийин расмий түрдө баш кошууну чечишет. Алардын тою Гай Ричинин бабаларынын жери болуп эсептелген Шотландиядагы Дорно шаарында өткөн. Массалык маалымат каражаттарынын өкүлдөрү жана жөн эле кызыкдар болгондор той өтүп жаткан “Скибо” деген сарайдан 12 чакырымдан жакындай алышкан эмес. Жадакалса эң шок журналисстер тойго ким келип, ким кеткенин билүүгө эч мүмкүнчүлүк табышкан жок. Анын себебин “Мадонна мурунку күйөөсү Шонн Пеннге турмушка чыгып жатканда аларга папарацци менен вертолёттун катуу үндөрү абдан тоскоол болгон” деп аныкташат кабарчылар. Бирок, Дорно шаарынын тургундары Мадонна менен Гайдын тоюн шампан ичип, торт жеп өздөрү майрамдап коюшкан. Кийин белгилүү болгондой, тойго чакырылган меймандардын тизмесинде модельер Донателла Версаче, актёрлор Жорж Клуни, Бред Питт, музыканттар Жон Бон Жови, Брайан Адамс жана албетте, уулу Роккинин өкүл атасы Стинг бар экен. Атактуу композитор, ырчы Элтон Жон бул тойдо Мадоннанын суранычы боюнча Гайга арналып жазылган “Гай үчүн ыр” аттуу жаңы композициясын аткарып берген. Ал эми келген коноктор сейрек кездешкен кит түрүндөгү ири балыктын икрасын бөтөлкөсү 200 доллар турган шампан менен бастырып коюп отурушкан. Мадоннанын көйнөгү, чач жасалгасы жана башына кийген алмаз таштар менен жасалгаланган таажысы биригип 2,7 миллион доллар болгон. Ал эми Гай костюм-шымына акча үнөмдөдүбү же ата-бабаларынын салтын уланттыбы, тойдо кадимки шотланд юбкасын кийип чыккан.


ПИНК жана КЕРИ ХАРТ

Алиссия Мур, элге көбүрөөк Пинк деген ат менен таанымал болгон рок-поп ырчы кыз журналисттерге берген интервьюларында эч качан турмушка чыкпасын айтып келген. Бирок, 2006-жылы ал сөзүнөн жаңылып, белгилүү мотокроссчу, дүйнөнүн чемпиону Кери Харт менен баш кошту. Экөө мындан 6 жыл мурун мотожарышуу учурунда кезигишет. Кол алышып таанышкандан 5 мүнөттөн кийин Кери 40 метрлик бийиктиктен кулап түшүп, 15 сөөгүн сындырып алган. “Баарысы аны өлдү деп ойлошкон, а мен эч качан каскадёрго күйөөгө тийбейм деп өзүмө убада берген элем. Кери 3 айдан кийин сакайып, менин жашоомо кайтып келгенде аны сүйөөрүмдү түшүнгөм” дейт Пинк. 2005-жылы эки жылдыздын ортосунда абдан кызык жана жагымдуу окуя болду. Кери дагы бир жарышта ат салганы жаткан эле. Пинк көрүүчүлөрдүн арасында отурган. Жарыш башталаарда ал “Мага үйлөнөсүңбү?” деп жазылган чоң плакатты көтөрүп, Кериге көрсөткөн. Плакаттын арткы бетинде болсо “Мен тамашалаган жокмун” деген жазуу бар эле. Жарышта биринчи болуп келген Керинин сүйгөн кызына макулдук берүүдөн башка чечими жок эле. Кубанган чемпион келечек жубайына чоң бриллианты менен шакек белек кылган. Бир жылдан кийин эки жаш баш кошушту. Булар башка жылдыздардан айырмаланып, үйлөнүү тоюн көл жээгинде өткөрүшкөн. 100дөн ашык адам чакырылган бул той жөнөкөй эле кечеге окшогон. Жубайлар тунук сүйүүнүн кепили катары билектерине “чын сүйүү” деген жазууларды чектирип алышкан.

Даярдаган Бегайым Мусакеева



"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.

Рейтинг: Рейтинг  0 
Комментарийлер(0)
Комментарий калтыруу үчүн өз ысымыңыз менен кириңиз же каттоодон өтүңүз.
 
Бөлүмдүн статистикасы
соңку 15 мүнөт ичинде 0 колдонуучу (Катталган: 0, коноктор: 0) бул макаланы окуду:

Макалалардын саны:
21471;
 
Маалымат-маанайшат порталы
2006-2018 © SUPER.KG
Кыргыз Республикасы, Бишкек шаары,
Күрөӊкеев көчөсү - 180
"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.
Рейтинг@Mail.ru
Биз социалдык тармактарда: