«Жылдын супер көк бөрүчүсү»

Жыйынтык

Башка сурамжылоолор


Архив
844   845   846   847   848   849   850   851   852   853   854   855   856   857   858   859   860   861   862   863   864   865   866   867   868   869   870   871   872   873   874   875   876   877   878   879   880   881   882   883   884   885   886   887   888   889   890   891  
792   793   794   795   796   797   798   799   800   801   802   803   804   805   806   807   808   809   810   811   812   813   814   815   816   817   818   819   820   821   822   823   824   825   826   827   828   829   830   831   832   833   834   835   836   837   838   839   840   841   842   843  
740   741   742   743   744   745   746   747   748   749   750   751   752   753   754   755   756   757   758   759   760   761   762   763   764   765   766   767   768   769   770   771   772   773   774   775   776   777   778   779   780   781   782   783   784   785   786   787   788   789   790   791  
687   688   689   690   691   692   693   694   695   696   697   698   699   700   701   702   703   704   705   706   707   708   709   710   711   712   713   714   715   716   717   718   719   720   721   722   723   724   725   726   727   728   729   730   731   732   733   734   735   736   737   738   739  
635   636   637   638   639   640   641   642   643   644   645   646   647   648   649   650   651   652   653   654   655   656   657   658   659   660   661   662   663   664   665   666   667   668   669   670   671   672   673   674   675   676   677   678   679   680   681   682   683   684   685   686  
583   584   585   586   587   588   589   590   591   592   593   594   595   596   597   598   599   600   601   602   603   604   605   606   607   608   609   610   611   612   613   614   615   616   617   618   619   620   621   622   623   624   625   626   627   628   629   630   631   632   633   634  
531   532   533   534   535   536   537   538   539   540   541   542   543   544   545   546   547   548   549   550   551   552   553   554   555   556   557   558   559   560   561   562   563   564   565   566   567   568   569   570   571   572   573   574   575   576   577   578   579   580   581   582  
479   480   481   482   483   484   485   486   487   488   489   490   491   492   493   494   495   496   497   498   499   500   501   502   503   504   505   506   507   508   509   510   511   512   513   514   515   516   517   518   519   520   521   522   523   524   525   526   527   528   529   530  
427   428   429   430   431   432   433   434   435   436   437   438   439   440   441   442   443   444   445   446   447   448   449   450   451   452   453   454   455   456   457   458   459   460   461   462   463   464   465   466   467   468   469   470   471   472   473   474   475   476   477   478  
374   375   376   377   378   379   380   381   382   383   384   385   386   387   388   389   390   391   392   393   394   395   396   397   398   399   400   401   402   403   404   405   406   407   408   409   410   411   412   413   414   415   416   417   418   419   420   421   422   423   424   425   426  
322   323   324   325   326   327   328   329   330   331   332   333   334   335   336   337   338   339   340   341   342   343   344   345   346   347   348   349   350   351   352   353   354   355   356   357   358   359   360   361   362   363   364   365   366   367   368   369   370   371   372   373  
264   265   266   267   268   269   270   271   272   273   274   275   276   277   278   279   280   281   282   283   284   285   286   287   288   289   290   291   292   293   294   295   296   297   298   299   300   301   302   303   304   305   306   307   308   309   310   311   312   313   314   315   316   317   318   319   320   321  
217   218   219   220   221   222   223   224   225   226   227   228   229   230   231   232   233   234   235   236   237   238   239   240   241   242   243   244   245   246   247   248   249   250   251   252   253   254   255   256   257   258   259   260   261   262   263  
176   180   181   182   183   184   185   186   187   188   189   190   191   192   193   194   195   196   197   198   199   200   201   202   203   204   205   206   207   208   209   210   211   212   213   214   215   216  
Популярдуу макалалар

ЧИКАГОДО БИЗНЕС ТҮПТӨГӨН КЫРГЫЗ ЖИГИТИ ЭСЕН НИЯЗОВ

№891 28-ноябрь - 4-декабрь, 2019-ж.


Бул жолку каарманыбыз Эсен Ниязовду ийгиликти багындырган кыргыз жаштарынын катарына кошууга болот. Ал Америкадагы ири IT компаниялардын биринде эмгектенип, Чикаго шаарында анын филиалын ачкан. 2 жарым жылдын ичинде жүздөгөн кыргызга жол көрсөткөн мекендешибиз менен маектештик.

“АДАМ ДЕҢГЭЭЛИНЕ ЖАРАША КЫЯЛДАНАТ”

– Мен 1992-жылы Баткен районуна караштуу Кара-Бак айылында туулгам. Ата-энем кадимки эле айылдын жөнөкөй кишилери. 8 бир туугандын алтынчысымын. Балалыгым айылда өттү, 6-класска чейин айылдык мектепте окуп, 7-класстан тарта Кадамжай шаарчасындагы түрк лицейинде окуумду уланттым.

Адам канчалык деңгээлде маалымат билсе, ошончолук деңгээлде кыялдана алат. Мисалы, мен кичинекейимде Америкага барам, ошол жакта иштейм,
IТ адиси болом деген оюма да келген эмес. Өзүңүздөр билесиздер, анан калса айыл жергесинде маалымат аз болот. Кичинекейибизде "ким болосуң?" десе "врач, экономист же юрист болом" дечүбүз. Башка вариант жок болчу, анткени билбейсиң да. Бала кезде эң зор жетишкендик мектептеги бардык сабактарды "5ке" окуу болчу.

Кадамжай шаарчасындагы түрк лицейине келгенде бир аз маалымат алып, бизден мурдагы бүтүрүүчүлөр чет өлкөлөргө чыгып, ошол жактарда окуп, иштеп жаткандарын көрүп көз карашым, дүйнө таанымым өзгөрө баштады. 2010-жылы Кыргыз-Түрк "Манас университетине тапшырып туризм багытында окудум. Бир эле жыл окуп, 2011-жылы студенттердин тажрыйба алмашуу программасына катышып өтүп кеттим. Америкадан колледжге тапшырып, кийин университетти да окуп бүтүрдүм.

“АМЕРИКАДАГЫ ИРИ КОМПАНИЯЛАРДА БИЗДИН БАЛДАР ИШТЕЙТ”

– Ошентип 8 жылдан бери Америкада окуп, иштеп жүрөм. Бул жакка студенттик тажрыйба алмашуу программасы аркылуу келип, компьютердик инженерияны окудум. Ушул жактан IТ тармагынын канчалык деңгээлде өнүккөнүн, дүйнөнүн ушул багытка ыктап өсүп жатканын түшүндүм. Биз бул нерседен качып кутула албасыбызды, бул тармактын чоң потенциалы бар экенин баамдаган соң ушул индустрияга аралаша баштадым. Окуумду бүтүп "Cybertek" деген ири IT компанияга жумушка орноштум. Компаниянын башкы кеңсеси Вашингтон шаарында.

Чикаго Америкадагы эң чоң шаарлардын бири. Ал жерде 4-5 миңдей кыргыз бар деп айтышат. Ошончо кыргыз мекендешибиздин потенциалын көрүп, анан досторума да IT тармагында билим бергим келди. Боордошторубуз тейлөө кызматтарында, кара жумуштарда иштеп жүрө бербей, офистерде иштеп, карьера түзүшсүн деген максат болду.

Ушул тармакты алып кетүүгө көзүм жетти. Вашингтондогу жетекчиликти көндүрүп, Чикаго шаарына ошол эле компаниянын филиалын ачууну сунуштап, аны өзүм жетектеп иштеп калдым. Акыркы 3 жылдан бери IT тармагында бизнес кылып келе жатабыз. Биздин компания 2 тармакта иш алып барат. Биринчиси – IT адистигин үйрөтүүчү тренинг-окутуу борбору. Ачылганына 2 жарым жыл болду. Бул аралыкта 300дөн ашуун кыргыз мекендешибиз IT тармагын окуп чыгышты. “Кыргыздар иштеп жатыптыр го” деп уккандар келе башташты. Окуу борборунда 60-70 пайыз кыргыздар окуйт. Учурда Америкадагы бир топ ири IТ компанияларда бизден окуп чыккан балдар иштеп жатышат. Мисалы, "Аpple" компаниясынан сунуштар түшүүдө. “Amazon”, “Google” сыяктуу компанияларда, эң ири банктардын бири “Америка банкында” иштеп жаткан кыргыздар бар.

Экинчиси – сатуу кызматы. Америкалык фирмалардын долбоорлорун алып Кыргызстанга чыгарабыз. Ал долбоорлорду кыргыз балдар жасашат. Бишкектеги филиалыбызда 15 чакты киши иштейт.


“ОКУГАНЫБЫЗДЫ БӨЛҮШӨЛҮ ДЕП КЛУБ ТҮЗДҮК”

– Америкага барганда алгач тил үйрөнүүдө кыйынчылык болуп, убактым кетти. Кыргызстандагы тил үйрөнүү менен Америкадагы тил үйрөнүү эки башка экен. Азыр Кыргызстанда тил үйрөнүүгө шарттар жакшырып калыптыр. Курстардын эшигин аттап киргенде эле интерьери, дизайны англисче жасалып, Америкага түшүп калгандай болот экенсиң. Айрым окутуу борборлорунда орусча же кыргызча сөз кошуп сүйлөп алса, ар бир адашканы үчүн 10 сомдон төлөшөт дешти. Ошол ыкма кызыктуу да натыйжалуу да деп ойлойм. Өзүбүз да окутуу борборун иштеткендиктен адамга айлана-чөйрөсү кандай таасир этерин жакшы түшүнөм. Адам аурадан көп таасир алат. Кыскасы, азыр жаштарда мүмкүнчүлүк бар. Мага көп жаштар "кантип Америкага бара алам?" деп кайрылышат. Эң биринчи кезекте тил билүү керек деп айтам.

Ар бир окуучу, студент өзүнүн үйрөнүү усулун, багытын аныктап алса эффективдүү болот. Кээ бирөө отуруп алып китеп окуганды жактырса, кээ бирөө жаман көрөт. Мисалы, мен китепти көпкө окуп отура албайм, ага убактым да жок, чыдамым да жетпейт. Андан көрө мага видеосабактарды көрүп, аудиокитеп укканым жакшыраак жыйынтык берет, көбүрөөк түшүнөм. Ошондой эле ар түрдүү тармакта ийгиликтерге жеткен адамдар менен чогуу жүргөндү, баарлашканды жакшы көрөм. Ар бир инсандан өзүмө ылайыктуу сабак, мотивация алам.

Америкада IТ тармагында иштеген мекендештер менен “Мурас” деген клуб түзгөнбүз. Өзүбүз кайсы бир деңгээлде топтогон тажрыйбаны бөлүшсөк дейбиз. Кыргызстанга IТ тармагын жайылтууну каалагандар көп. Бишкектеги активист достор менен баарлашып, талкуулап отуруп, айыл жерлерине IТ тууралуу түшүнүктү жайылтууга багытталган “Айылдан IТ’ге” деген кыймыл баштадык. "Маалыматтык технология деген эмне? Кандай артыкчылыктары бар?" деген суроолорго жоопторду камтыган видеосабактарды, мотивациялык роликтерди тартып, айыл аралап барып окуучуларга ушул түшүнүктү жайылтуу иши алдыда турат. Ини-карындаштар мектепти бүтүп, кесип тандаарда 2-3 эле кесипти ойлонот. Ошол варианттардын арасына IТ тармагын кошуп, бул керектүү кесип экенин түшүндүрүп, жеткирсек деп жатабыз.

“АЙЫЛДА ОТУРУП ЭЛЕ ӨЗҮН ӨНҮКТҮРСӨ БОЛОТ”

– Айылдан бир семинарга барып калдым. Ошол жерден "телефонуңарды эмнеге колдоносуңар?" десем, “WhatsApp, Инстаграмга киребиз” дешти. Андан башка эч нерсени айтышкан жок. Айрымдары гана Фейсбукту айтышты. Алаканыбызда бүткүл дүйнөдөгү маалыматтар турат, бирок ошону туура эмес пайдаланып жатабыз. Мейли, коомдо эмне жаңылыктар болуп жатканынан артта калбай билип туруу керек. Бирок аны да чеги менен колдонуп, пайдалуу нерселерди үйрөнсөк жакшы болмок. Ошол телефон менен өзүнүн дүйнө таанымын кеңейте турган видеосабактарды көрүп, белгилүү таасирдүү кишилердин жазгандарын окуп, өзүн өнүктүргөнгө жумшаса. Азыркы жаштарда мага караганда мүмкүнчүлүк жогору. Алар мага караганда ийгиликке бат жетип, меникинен да бийик чокуларды багындыруусу керек. Бизге ар кандай жаштагы кишилер окуганы келет, 35-40 жашка чейинкилер да бар. 18-19 жашта окуп, бир нерсени үйрөнүү 40 жаштагыга караганда оңой да. Адамдар негизи 2 нерсени ээрчийт экен. Биринчиси идеологияны. Алар өз принциптерине, баалуулуктарына төп келген нерсени тандашат. Экинчи топтогулар болсо адамды ээрчийт. Ошон үчүн ар бир айылдан бирден көзгө көрүнгөн лидер чыгарып койсок эле, жаштар “биздин байкебиз же эжебиз” деп ээрчип, үлгү алышат. Мисалы, аябай ийгиликтүү бирөөнү көрсөтүп дем берсең көңүл бурбайт. Качан гана “мына өз жериңерден чыккан бала” дегенде ишенишет, таасирленишет. Өзүнүн чөйрөсүнөн мыкты чыкмайынча ишенбейт.

“АР БИР ҮЙДӨН БИРДЕН IТ АДИСИ ЧЫГЫШЫ КЕРЕК”

– Адамга азыр акча мотивация берет. Мага суроо берип кайрылгандардын көбү Америкада акча көп деп ойлошот. IТ’нин кызык жери, артыкчылыгы да ушунда – кирешелүү тармак. Биздин компанияда Кыргызстанда эле туруп иштеген балдар-кыздар 2500 долларга чейин акча табышат. Сомго которгондо 200 миң сом болот экен, андай айлыкты Кыргызстандын шартында эч ким төлөп бербейт. Ошол эле акчаны үйдөн чыкпай тапса да болот. Мурда ата-энелер “ар бир үй-бүлөдөн бирден врач чыгыш керек” деп айтышчу эле, азыр ар бир үй-бүлөдөн бирден IТ адис чыкса дейм. Себеби бир чоң үй-бүлөнү каржылап кете ала турган жумуш. Жалкоо адам кайсы жерде болсо да жалкоо болот деңизчи, бирок Америкада бир апта иштебесең карызга батып каласың. Кыргызстанда болсо бир жума эмес, бир ай иштебей жатсаң деле тууганыңдын үйүндө же эл арасында жүрүп күн өткөрсөң болот, ачка калбайсың. Америкада чыгашалар, төлөмдөр толтура, ошол нерсе адамды дайыма кыймылдаганга түртүп турат.

Айпери Хожаева
koom@super.kg



АКШда IT тармагында иштеген кыргыз жигити: "Көп акчаны өзүбүздүн өлкөдөн деле тапса болот"

Автор: Гүлшат Ысамамат кызы
Оператор: Элчибек Кыштообаев

"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.

Рейтинг: Рейтинг  4 
Комментарийлер(12)
02.12.2019. 09:56 
Тайпасы:
Жаран
Комментарийлердин саны:
165
Катталган:
13-07-2013
Соӊку аракети:
04-12-2019 19:31
Жынысы:
Белгисиз
Калаасы:
Бакыт калаасы!
+5
Азаматсың!!!!
02.12.2019. 13:38 
Тайпасы:
Жаран
Комментарийлердин саны:
1
Катталган:
05-04-2017
Соӊку аракети:
07-12-2019 12:01
Жынысы:
Белгисиз
+4
Азамат экенсин.
02.12.2019. 14:33 
Тайпасы:
Жаран
Комментарийлердин саны:
86
Катталган:
26-01-2016
Соӊку аракети:
08-12-2019 11:29
Жынысы:
Белгисиз
Калаасы:
♡♡♡ОШ♡♡♡
+2
Ийгилик.Кантип байланышса болот?
02.12.2019. 14:47 
Тайпасы:
Жаран
Комментарийлердин саны:
3
Катталган:
19-09-2017
Соӊку аракети:
08-12-2019 09:58
Жынысы:
Белгисиз
+4
Эсенаалы ийгилик.Аябай эмгекчил баласын.Туризм факультетинде чогуу окуганбыз сени менен.
02.12.2019. 20:52 
Тайпасы:
Жаран
Комментарийлердин саны:
20
Катталган:
05-12-2018
Соӊку аракети:
04-12-2019 18:32
Жынысы:
Белгисиз
+1
Админ кантип байланышсак болот? Мага аябай кк эле, озум тил билем, уйдо отуруп иштейт деген жери жакты кантип деп сурамакчы элем? Сураныч, байланыштырып коюнуздарчы
03.12.2019. 10:56 
Тайпасы:
Жаран
Комментарийлердин саны:
371
Катталган:
06-08-2015
Соӊку аракети:
08-12-2019 00:51
Жынысы:
Белгисиз
+1
Оа да, Кыргызстанда, айылда эле журуп кантип анча акча тапса болот, кыскача маалымат билип берсенер жакшы болмок. Канча жаш балдар компьютерди жакшы билишет. Ошолорго жакшы маалымат болот эле.
03.12.2019. 19:50 
Тайпасы:
Жаран
Комментарийлердин саны:
135
Катталган:
04-02-2014
Соӊку аракети:
07-12-2019 11:22
Жынысы:
Белгисиз
0
Ой жугуртуун мощный экен красавчик
03.12.2019. 22:59 
Тайпасы:
Конок
Комментарийлердин саны:
5
Катталган:
30-10-2019
Соӊку аракети:
07-12-2019 18:49
Жынысы:
Белгисиз
+1
Азамат экен го
06.12.2019. 00:39 
Тайпасы:
Жаран
Комментарийлердин саны:
95
Катталган:
12-01-2018
Соӊку аракети:
06-12-2019 17:44
Жынысы:
Белгисиз
+1
Молодец аяшава, ийгилик.
06.12.2019. 20:10 
Тайпасы:
Жаран
Комментарийлердин саны:
108
Катталган:
21-07-2011
Соӊку аракети:
07-12-2019 22:12
Жынысы:
Белгисиз
+1
Айылдашым азаматысың үка. Кара-Бакчыларды көтөр энди, бекер жүргөн жаштарди окутуп ишке сал.
07.12.2019. 20:14 
Тайпасы:
Конок
Комментарийлердин саны:
15
Катталган:
12-11-2019
Соӊку аракети:
08-12-2019 04:16
Жынысы:
Белгисиз
0
orun, таксыр кайсы карабак? Байкарабак, суубашы карабак, раут-каут карабак дегендер бару, шолордун кимиси? Шундайда энди)).
07.12.2019. 20:12 
Тайпасы:
Конок
Комментарийлердин саны:
15
Катталган:
12-11-2019
Соӊку аракети:
08-12-2019 04:16
Жынысы:
Белгисиз
0
Америкага бир айлык турвиза менен кеткенге варианттар болсо жазып койгулачы, кайсыл фирма же компания жибере алышын. Акчасын канча болсода төлөп бермекмин, болгону кетип калсам болмок акшга)))
1
Комментарий калтыруу үчүн өз ысымыңыз менен кириңиз же каттоодон өтүңүз.
 
Бөлүмдүн статистикасы
соңку 15 мүнөт ичинде 4 колдонуучу (Катталган: 0, коноктор: 4) бул макаланы окуду:

Макалалардын саны:
23288;
 
Маалымат-маанайшат порталы
2006-2019 © SUPER.KG
Кыргыз Республикасы, Бишкек шаары,
Жибек Жолу проспектиси 381
"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.
Рейтинг@Mail.ru
Биз социалдык тармактарда: